إقتراح ثاني لحلبة الإمارات موتر بلكس ( للأهمية )

[UaeRace]

السلام عليكم ورحمة الله وبركاته

عندي إقتراح ومن زمان كنت ابغي اطرحه حق إدارة الحلبة بس ما أحصل فرصة
بس إن شاء الله يوصل لهم الإقتراح وينفذونه لأنه من مصلحة النادي

طبعاً الكثير من جماهير الحلبة ما يعرفون عن أخبار الحلبة إلا عن طريق الإنترنت
فلماذا لا ينشرون إسم الموقع في جميع أنحاء الحلبة .. يعني أنا أقترح بأن :-

1- يكتبون إسم موقع الإمارات موتر بلكس ( www.motorplex.ae ) أعلى منصة كبار الشخصيات ليكون ظاهر لجميع الجماهير ..

2- يوزعون مثلاً بطاقات على الجمهور اللي عنده إيميل يحطه عشان يطرشون له الأخبار عن طريق الإيميل .. ومثلاً قولوا حق الجمهور اللي بيكتب إيميله بيخوله انه يفوز بجائزة مثلاً تلفزيون ولا فيديو .
200 او 400 درهم تقدر تشتري بهن أشياء كهربائية حلوة . المهم بس إغراء للجمهور ..

3- المذيع يقول إسم الموقع ويقول فيه جوائز قيمة إذا زرتوا موقع الحلبة.. ومثلاً حطوا لهم كم سؤال عن الحلبة وعليهن جوائز .. شوفوا كيف الجمهور بيبحث وبيجاوب .. إسئلوا مجرب ..

4- مثلاً تقدرون توزعون أشياء رمزيه مثلاً ميداليات أو كابات أو فانيلات وعليهن مواتر ريس ومكتوب ورى الفانيلة مثلا اسم الموقع .. هاي الأشياء يحبها الجمهور ولو هيه بسيطة .

إنتوا تبون جمهور ... والجمهور لازم يبغي شيء يرضيه
واللي يرضي الجمهور أشياء بسيطه لو تتوفر بس بتكون هناك جماهير كبيرة

لا تعتقدون إن الجمهور بيي علشان الأغاني اللي تحطونها لا .. ترى في فئة من الجمهور ما تحب تسمع أغاني ..

عندي إقتراحات كثيرة .. بس نخلص من إقتراح نسير للثاني

علشان ما نسوي ضغط على إدارة الحلبة وما يتشتت تفكيرهم
المهم يشتغلون بشيء ... يوم بيخلصون منه ونشوف بادره منهم .. نعطيهم إقتراح آخر .. وهكذا

أهم شيء يكون هناك تسويق ( marketing ) صح بتنجح الحلبة 100%

نتمنى أن ترى هاي الإقتراحات النور

طبعاً ماننسى الإقتراح كان عن ( إشهارإسم الموقع في النادي ، ووضع جوائز رمزيه للجمهور وجمع إيميلات الجماهيربأي طريقة كانت )

تقبلوا تحياتي

UaeRace

[SaLoo7]

بسم الله الرحمن الرحيم ..

الصراحه ما اقول غير عيني عليك بارده يا اخوي (( UaeRace )) ماشاء الله عليك الصراحه ..
والله ان كلامك 100 على 100 .. واتمنى ان اخوي (( منظم )) يوصل الكلام هذا للإدارة مره ثانيه..
والصراحه تستاهل لقب العقل المدبر يا اخوي (( UaeRace )) ..

واشكرك من كل قلبي يا اخوي واتمنالك التوفيق ان شاء الله على طول اخوي ..

[منظم]

حاضر .. وعلى أمرك ..

مثل ماوصل الإقتراح الأول نوصللك الثاني ..

بس حبيت أقوللك شي أخوي UaeRace وانت SaLoo7 ....

ترى هذي الاقتراحات تدرس وبعدين يؤخذ فيها قرار .. يعني مب كل اقتراح يقدر يتنفذ في نفس الوقت .. وانت اخوي UaeRace الصراحة اقتراحاتك في محلها .. وفي محلها بعد .. أكررها للتأكيد ..

بنقرا الرد ان شاء الله عن قريب على موضوع سيدي الفاضل ..

احترامي .

[Dr.psycho]

ماشاء الله على هالأفكار الأكثر من رائعه.....
الله يوفجكم انشاء الله بكل خطوه تخطونها وبكل فكرة تعرضونها.........

تحياتي لكم

:efsf7::hhhrr5::efsf7:

[high_racer]

ما شاء الله عليك أخوي.....فكرتك حلوة..شكرا على الاهتمام....

[UaeRace]

SaLoo7
شكرا حبيبي على الرد وإن شاء الله أحط مقترحاتي وتفيد حلبتنا عشان ترقى للأفضل

-----------------------------------------------------

منظم

شكرا أخوي على الإهتمام .. وأنا أعرف أكيد لازم الإقتراحات تدرس من قبل الإدارة وهم اللي
يقررون لأنه فيها ميزانيه ولازم يرتبون أمورهم أعرف يالغالي .. بس مثل ما قلت لك ترى كل
شيء ينكتب من إقتراح أو إنتقاد تراه من صالح الحلبة علشان محد ايي في المستقبل ويقول مثلاً
حلبة الإمارات موتور بلكس مقصره من هالناحيه .. طبعا الكامل الله . ومافي شيء كامل وإرضاء الناس
غاية لا تدرك . يعني الحلبة لازم ترضي الجمهور ولازم ترضي المتسابقين ..
وكل شيء بيكون بالإحترام المتبادل من الطرفين ..
وشكراً جزيلاً على الإهتمام ..

------------------------------------------------------------

BuRnOuT MaSTeR

الله يوفق الجميع أخوي وبإقتراحتنا إن شاء الله الحلبة ترقى للأفضل

-----------------------------------------------------------

high_racer

شكرا أخوي على الإهتمام .. وشكرا على الرد

تقبلوا تحياتي

UaeRace

[لا تحزن]

اشكرك اخوي UaeRace عالفكره الجميله الغالي

الله لا يحرمنى من افكارك العجيبه

[STo0oP]

فعلا اقتراح راائع اخوي وان شاءالله ياخذ بعين الاعتبار واخونا منظم مابيقصر وان شاءالله الارتقاء للأفضل

وكل الشكر لك اخوي على هالمقترحات الحلوة..

دمت بود اخوي ..

[UaeRace]

لا تحزن
العفو الغالي لا شكر على واجب ..
وهذا واجبنا تجاه الحلبة وإن شاء الله تتطور للأفضل..

-----------------------------

STo0oP
تسلم حبيبي على الرد .. وهاي الإقتراحات لأننا نحب حلبتنا ولازم نطورها نحنا كجماهير بإقتراحاتنا

ساعات تكون الإقتراحات مفيده حتى الإنتقادات لأن لو ما كان هناك إقتراح أو إنتقاد ما كان هناك تطور

تقبوا تحياتي

UaeRace

[النوري]

وانا رايي من راي الاستاذ الكبير كذا بيكون افضل

[بو عسكور]

منظمكو خخخخخ شد حيلك ويانا تراك انت الواسطتنا في الحلبه

و تسلم يا UaeRace على هذا الاقتراح

[UaeRace]

شكرا حبيبي النوري

---------------------

بوسكور

وين واسطه يا ريال ؟؟ أنا بروحي يبالي واسطه
يوم ايي عند الباب يروغوني ههههههههه
المشكله اللي ما يعرفك ما يثمنك

تقبلوا تحياتي
UaeRace

[uaerap]

والله صراحة اقتراحات صح صح صح
يعني هذي اهم النقاط تعجبني والله
لو يطبقو هذي الاقتراحات بيستوي حضور اكثر وتنظيم
شوف انا من بوظبي وايد بطولات تفوتني
انا كل الاخبار اسمع عنها في هذا الموقع وتوني عرفت عن الموقع موتر كومبلكس
المشكلة ما شى دعاية
شكرااا

[UaE_Nightmare]

ياريت بعد لو يبيعون استكرات عليها اسم الحلبه عشان نحطها على مواترنا

[منظم]

سلام أخواني ..

سامحوني غطيت عنكم شوية .. زخوني في الدوام .. حطوني زام .. بسيطة

أخوي UaeRace .. يوم بتي النادي وقبل لاتوصل .. أتصل بي على الرقم اللي طرشته لك على الخاص وفالك طيب ..

أنشوفكم يوم الاربعاء في النادي ان شاء الله ..

احترامي

[UaeRace]

منظم

إسمح لي أخوي ما شفت الرسالة الخاصه

اليوم ييت لين الحلبة وصلت لين الباركنات وشفت الوضع ما عيبني
وخاصة يوم قالوا لي إدفع 50 درهم .علشان تدخل الحلبة
صح الحمد الله أنا الفلوس ما تهمني ومستعد أدفع 1000 بس يوم شفت الوضع جيه ما عيبني
على العموم شكراً أخوي وما قصرت على مجهودك ..
وبتواصل وياك إن شاء الله عن قريب

تقبل تحياتي
UaeRace

[منظم]

مشكور أخوي uaq_2007 وماقصرت .. بس اسمحلي انا برد عليك بكلمتين (( الله يسامحك ))..

وم أعتقد اني قصرت وياكم بشي .. بحدود صلاحياتي أوصل لكم الكلام اللي انتوا تناقشونه في هذا المنتدى الغالي .. بس شو اقول غير (( الله يسامحك ))..

أخوي UaeRace .... تراني ترييتك وكل ساعة أسأل .. في حد وصلكم وسأل عن المدير أو وضح انه من منتدى معين .. طبعا لا ..

على العموم خلنا نتواصل .. ولاتنسى الموضوع ..خلني اسوي مشاكل شوي ويا اللي طلبوا مقاطع من يوم الاستعراض .. ياشباب تراني انا جاهز بس UaeRace مب طايع يتصل بي عشان أعطيه ياه وينشره لكم .. سوالف .. أنا بحاول اني اسوي شي وأحطة في المنتدى .. بس محاوله لأني بالفعل ما أعرف كيف ..

احترامي أخواني ..وبيض الله ويوهكم ..