منتدى بريطاني يرمس عن حلبتنا و مواترنا

[راعي_دبي]

السلام عليكم ورحمه الله وبركاته

يا هلا و غلا فيكم شباب

هاي وصله المنتدى
http://www.gtr.co.uk/forum/upload/showthread.php?t=46266

ورايكم في اللي مكتوب
واتمنا اداره الحلبه تدخل و اتشوف

ما اقول الله وين اياااام الجياتي

[UaeRace]

شكرا يا أخوي على هالمشاركة

الظاهر مجمموعه من المتسابقين يبون يحضرون للحلبة
بس لازم يكون ترتيب على مستوى ...
مب حيالله

تحياتي

[Amity_Ville]

اخاف ييون ويضحكون علينا ههههههه علي هذا اللي مستوي في حلبه ام القيوين

[skyline_34]

السلام عليكم بغيت بس اقول من قبل ما في شي اسمه حلبه وريس كانوا الشباب مثل الحراميه يتسابقون والحين بعد ما شبعوا قاموا يقولون كلام والله بعده اعلى مستواهم وانتو يا شباب قمتو تعيبون على الحلبه الوحيده الي يابت الشي الي كنا نتمناه .......انتو او حد فيكم سار حلباتهم وشاف ........ترى حلباتهم والله مصخره في مصخره ولا يغركم التايم الي ييبونه ,,وبالعكس لمل بيون عدنا صدقوني بينبهرون طبعا بينهم وبين بعض

[vxr_4700]

والله بيحطون علينا لو شافو الحلبة علي ها الحال

[gtr5555]

لو حد يكتبلهم الميدان يا حميدان بالانجليزي ...هههههههههههه

[SaLoo7]

ههههههه ..

اخاف يوصلون لين باب الحلبة وينزلون سياراتهم ويصيحون علينا ويلات ويرجعون لبلادهم ..

ولا من زين الحلبه يعني عشان ييونها هههههههههههههههه ..

[بوشابي]

والله ياخوان يوم هم لخياس هان عليهم واستهزئو بالنبي مالناعليه الصلاه والسلام ليش مابيتمصخرون على الحلبه لي عندنا في منتداهم...

لكن آاااااااافــا علييييييك ياخوي SaLoo7 ,,هم يرومون يصيحون علينا ويلات !!!! لا وفي بلادنا بعد !!!!!!!!!!
واللللللله جان مايتحرونهم ربعنا زلمات ويرقدون عليهم رقاااااااااااد

[ZZR]

السلام عليكم
الموضوع الي كاتبنه البريطاني يتكلم فعلا عن حلبه ام القوين ويتكلم عن حالتها شكليا
لكن ما عليكم منهم خلهم يقولو الي يقولونه لو فيهم خير خلهم يجربون مواترهم عند مواترنا وبيعرفون الفرق وبعدين البريطانين انواع وهذا البريطاني من لندن وانا عشت في لندن وطريقه معاملتهم كريهه مع الكل مش مع العرب بس.

[منظم]

الأخ Zzr

بيض الله ويهك ..

أنا كنت في حلبتهم الشهيره .. (( بس بدون تعليق ))