كمن سؤال بس بخصوص البانشي

[خيال الإمارات]

عندي بانشي أوكيه مشايه كانت تقطع قبل بعدين سرت أسويلها تنضيف كامل و بدلت التواير و خليتها حفاره اليوم الاول مشت مافيها شي وكانت قويه اما اليوم الثاني قامت تقطع مادري ليش

حد يعرف ليش ؟


و أبيكم ادلوني مكان في الشارجه يبيع أستكرات أو يفصل استكرات حق البانشي ؟

[BloweR]

دراجتك مزودة او وكالة ؟؟

بدل البلكات و اذا بعدها تقطع خبرني شو من تزويد على دراجتك

[سعيد خلفان]

التقطيع له عده اسباب:
1- بلاكات
2- فلاتر
3- كربيترات
4- كهرباء

أكثر شيء من زيادة الآيل
:36_7_7:

[Modified Driver]

أخوي شوف اذا كانت اول ما تشغلها تطلع دخان ابيض وايد من الاجزوز يعني الايل زيادة وايد وايد
والبلكات مثل ما تعرف اما تقدر تحرق الايل

اما اذا كان كل شي اوكي
يمكن في شي يمنع الهوا من الكربيتر او انه الفلتر وصخ ويباله تنظيف....او انه يمكن في عندك بيبات مال البترول الي يوصلن الى الكربيتر منسده او شي وما يوصل بترول الى الكربيتر
وجيك على البلكات...ونظف الكربيتر


واخوي تشوف غطا تانكي البترول فيه مثل البيب اخوي هذا البيب لو انسد الدراجة بتقطع لانه الضغط بيزيد داخل التانكي فدائما تاكد انه مب مسدود ولا انه يكون داير على نفسه ومسدود

[khalil_turbo]

مشكورين شباب على المعلومات وما تقصرون