نبغي اخر اخبار جوله اليوم يا شباب 19-2-2004

[speed demon]

لو سمحتوا اي جديد عن الحلبه نبا نعرف شو استوى خصوصا الجي تي مال سيف سيف

[UaeRace]

السلام عليكم الغالي ...

تأجل السباق قبل نهاية الجولة الأولى وبالتحديد في فئة الفورويل .. بسبب الآيل اللي على القار لين آخر الشارع ..

واللي رايس انحسبت نتيجنه ويقدر يشارك الإسبوع الياي في التجربه الثانيه .. واللي ما شارك هاليوم بيشارك الإسبوع الياي مرتين ..

وللجمهور .. الدخول مجاناً ..

طبعاً هالشيء اللي استوى ما نقدر نلوم اللجنة المنظمة .. لأنهم وفروا كل شيء .. بس هالشيء اللي استوى من المواتر اللي مب مجهزه عدل وتليك آيل وأصحابها ما يشيكون عليها أول بأول ..

أحلى ما في الحلبة.. النيسان اللي علج ... ماشاء الله عليه عيني عليه بارده .. الصراحه موتر رهيب .. واللي يسوقه صدق انه دريول ماشاء الله عليه .. ربي يوفقه في السباقات اليايه ..

وعارف ياب 9.6 ثواني .. بالجيتي الرصاصي

جيتي سيف سيف انطلاقته كانت روعه .. بس ما كمل لين نهاية الحلبة .. خفف السرعه ,, مادري شوه بلاه هالموتر .. حد ضاربنه بعين يمكن ..

وهاي الأخبار

تحياتي لكم

UaeRace

[HKS]

الاخبااار من صوبك الغالي:D :D
لوووووووووول
اسولف

بالنسبه للتنظيم
الصراحه التنظيم مب لهنااااااك
بس بعده احسن عن قبل (( احسن عن الاغاااااني اللي مسوينهاا قبل ووجع الراس))

وعن السباق : واااااااااايد مواتر اتعطلت واكييييييييد ابرزهاا النيسان الاصفر (( وخلود البلوشي فاااااتح كراج في الميدان
:D ))

وفي نيساااان شب ((احترق)) بس الله يخلي مطافي ام القيوين:D كااانو له بالمرصااااد;)

واكييييييييد اي واااحد تسأله عن الحلبه ،، بيقولك عن النيسان الفضي(( فـــــورملا فدييييييييييييت فورملا)):o
وكيف اشتل ،، واقلع شراااااات F- 16 ;)

والسمووووحه منك اخوي speed demon

[خالد الحمادي]

كم ياب نيسان الفورمولا


تحياتي

[Speed4ever]

فعلا اليوم الصراحة النادي ما عليه اي غبار وهذا من رأيي
ولكن كان فيه تاخير اشوية في البداية

ولكن الصراحة لاحظة ان هاي المرة ان التقصير من المشتركين
لان الي موتره مب ضابط عدل والي مكينته في نص السباق نصها على القار والي انجب منه الايل من اول القار الى اخر القار ....الخ
والله يعين
انا مب قصدي اني احط على الشباب لا بالعكس المقصد من كلامي ان الواحد يدري انه بيشارك في بطولة تتكون من 6 جولات فلازم يدير باله في كل نقطة يعني مب تعال وحط اي شيء وركب اي شيء واخر شيء ييخسر مكينته وسمعته وياخر الي بعده وهم ياخر الجمهور

وفي نقطة بعد حبيت اقولها للنادي
مثلا اذا واحد موتر تعطل عن الاشارة او قبل
ياخي اكبر غلط انهم يوقفون السيارة خلف الاشاير وعلى ما اعتقد ان لهم ساحة خاصة للتعديل والوقوف
مثل النيسان الاصفر
الحين فرضا الله لا قال واحد راد ريويس ودعمه بالغلط شو استفاد؟بل بتكون الخسائر اكثر وهذا غلط

والصارحة انا اليوم عجبني سباقين
اول سباق الجيتي الرصاصي ويا الاصفر فعلا كان في حماس قوي
والثاني ما شاء الله عليه وعيني عليه باردة النيسان الرمادي
ياويلي كيف اشتل من خاطره

وطبعا في الاخير ما اقول غير مبروك للفايزين في هذي الجولة وهاردلك يلي ما حلفهم الحظ والي تعطلت سيارته

ونتريا الجولات القادمة واتمنى التوفيق من كل قلبي لجميع المشاركين
وشكرا

[royal]

الحمد لله ها المرة احسن عن المرة اللي طافت وانشالله للامام دايما بس اتمنى من ادارة الحلبه انه يكون عندهم حل سريع لمشكلة الايل اللي ينجب لانه ها المشكله يمكن تتكرر في اي وقت وفي اي جوله فاكيد يا جماعه انتوا ما تقدرون تاجلون السباق في كل اسبوع وكل جوله عشان مشكلة الايل لازم يكون عندكم حل سريع او سيارة لتنظيف القار تكون حديثه ومتطورة وسريعه عشان ما تاخر الجمهور والمتسابقين والجوله باكملها

موتر سيف سيف كانت انطلاقته اوكيه بس في النص كان يلعب ويا الجيتي الثاني هذا اللي انا لاحظته والله اعلم يمكن استوى عنده شي ثاني

وبالنسبه للنيسان الرمادي ما عليه كلام الصراحه والحمد لله على سلامته واحب اوجه له تحيه على شجاعته بس عندي له ملاحظه وحده احب اقول له لازم يركب سيفتي بار المرة اليايه طبعا هذا لسلامتة قبل اي شي وبالتوفيق انشالله للجميع

[بيرفورمانس]

حرام والله انا كنت بيي الحلبة بس الله ياخذ الزحمة ما خلتنا انكمل الدرب والصراحة انا باب اطلب منكم طلب ويا ريت محد يردني فيه وهو ابا اشوف النيسان الرمادي يوم اشتل والله من كلامكم امبين ان هانيسان كان احلى شي في الجوله هاي
واقولك ياspeed4ever الموقع مالك ناقصنه شي غير المنتدى وهو الفيديو يا خي حفظنا الريسات الي في الموقع و صارت الصراحة وااااااااااااااااااااااااااااااااااااااااايد قديمة وان شاء الله تحط ريسات يديدة أول بأول

[reddevil]

في تطويييييير و الحمداللله
بس المعلق هههههههههههههه كل ساعة " اليوم بنشاهد مبلرة حلوءة" وصوتة
:[

[RB25]

أول شئ أبارك لراعي الجي تي الرصاصي بإنطلاقته الصحيحة .. وما شاء الله عليه .. عشان محد يحسده ..

وثاني شئ أوجه كلماتي لراعي النيسان اللي شله ما شاء الله تبارك الرحمن ... انا أعتبره البطل في الحلبة ليوم الخميس وهذا راي الجميع طبعاً ..

بالتوفيق لشباب لبلاد ..

[Speed4ever]

أخوي بيرفورمانس كلامك صحيح 100 ف 100
وانا فعلا مقصر بخصوص الفيديو كليبات
وطبعا سبب التقصير هو ان الجهاز الي كان موجود عندي تعطل والحين طالب جهاز ثاني بس المشكلة مادري ليش تاخر
وانا ما ودي اركب حيالله اي جهاز ومن هناك يكون التسجيل غير واضح

والسموحة من الجميع