اقـــوى مـكـيـنـه....!! [الأرشيف] - منتديات السرعه للأبد

Hyper7

11-03-2006, 02:56 AM

Mo2 الله يخليك قولي انت شفت Rb28 تخترب ؟ وبعدين انت تقصد نفروسي مب نبروسي !
وعلى فكره RB28 ننطلع من شركة نفروسي ولكن بمواصفات اقوى وافضل وتنباع بسعر ارخص عن النفروس 28

ولمعلومانك Rb اخذت بطولة العالم ل 2001 2002 2003 2004

النفروسي وال OS عمرهم مأخذو اي بطولة عالم

ممكن اتقولي من نصب عليك ؟ لا تظلم الناس, كلمة نصاب كبيرة !

وبنسبه للخرابات هذى الانواع من السيارات مسوينها للحلبات مب للحصى والشوراع والارصفة والنقيان

تحياتي

DR_WOLF

11-03-2006, 08:52 AM

الاخ hayper الجماعه مجربين بين نافروسي مع الار بي والنافاروسي راحت

الار بي على هايبر والنافاروسي على الانفيرنو

والسيارتين 2 speed انا ما اتكلم عن بطولة وغيرها انا شايف بعيني

نافاروسي 21 مع ار بي 28 وعلى فكرة الار بي فيها تورك عالي بس ار بي ام خله للنافاروسي

واسمحلي على السؤال انت وايد تمدح محل بيت الهوايات شكلك راعي المحل او ربيعه اسولف وياك

الراية 7511

11-03-2006, 01:08 PM

السلام عليكم
بصراح أناجربت النفروسي 21 والــrb21 بصراحه النفروسي كانت على سيارة شوارع يعني مافي غبار وايد ول رمل يعني مافي مجال تخترب وايد بس أربع شهور ما كملت بصراحه الــrb 21كفو عليه من سنه و3 شهور طارنه طر على هايبر يعني ترد البيت تطلع من السياره تريبين رمل وضغط المكينه لين الحين بعده نفس الشي والحين بعد حاط الــRb28 والمكينه الجديمه بركبه على الماموث حق الإسبوع الياي .
ننتضركم في أم درع الأسبوع المقبل
والسموحة

Hyper7

11-03-2006, 03:13 PM

السلام عليكم

21VS 28 ? اسمحلي الطيب اذا انت امجرب 21 مع 28 تراء الغلط منك !

حط 21 RB مع 21 نفروسي بعدين قارن !!

21 اكيد فيه RPM اكثر ولو انه RB28 ماكانت قويه لا ماجربوها اب 21 !!!

حط 28 Nova Rossi VS RB

بعدين بيت الهوايات مب محتاج انا اسويله دعاية

Hyper7

11-03-2006, 03:30 PM

بعدين الأنفيرنو مالها غيارين الا اذا بتقص وبنلحم يعني شغل خراطة

اما الهايبر 2 سبيد من المصنع عجيييييييب

MO2

11-03-2006, 05:17 PM

السلام عليكم
اخوي hyper
انا ماحط من قيمة rb قوية ولكن مو مثل النفروسي وبعدين شو النفروسي ماخذة بطولات منو ماقال لك ما عندهم بطولات وحدة منهم عام 2004 كانت افضل محركات السباقات
وبعدين انت تقول انهم من مصنع ومادري من وين جايب حاكلام واحد ليش وحدة اغلى من الثانية ؟؟؟؟؟؟؟
وانا مجرد الثنتين والنفروسي اقوى حتى o.s 30اقوى من rb28 على البج فوت وماتحربسرعة
انا عندي بغي عليه نفروسي 28 تبا تجرب حياك

الراية 7511

11-03-2006, 11:24 PM

السلام عليكم أخوي
أنا حاضر بجرب وياك بالــهايبر rb28
بس شورايك في المكان أم درع يوم الجمعه الساعه 4:30
شو رايك ‘شان نشوف شو الأقوى النفروسي ول الــrb28
والسموحة.
وهذا رقمي 8445000

Hyper7

11-03-2006, 11:37 PM

ايوا OS 30 اقووى من RB 28 ??

اسمحلي اخويه اقولك معلوماتك على قدك

و حاول اجرب مالتك OS 30 مع 21 Rb c5BB

ولك علي يمين ان فيها تورك اكثر من 30 مالتك

مافي داعي اتجرب مع 28 RB

وبعدين هاتلي لو سمحت الموقع الي فيه Novarossi طالعه الاول !!! ابا سباق بطولة العالم مب سباق وطني مال فرجان !

اذا انت امجرب 15 مكينه ترا نحن امجربين الى جربته انت وزود

كلام زايد مانيا هات البق فوت مالتك وسياره اب سيارة !!

بس لاتزعل راح تنقصك بعد الخسارة سيارة ومكينة راح العدد يكون 14 مكينة لول

وووووووووووه نسيت الراية بعد بيرب وياك يعني العدد راح يكون 12 محرك لووووووووووووول

Hyper7

11-03-2006, 11:44 PM

وهات البقي مالتك بمحرك 28 وسيارة اب سيارة !

ونا جاد !

راسلني على الخاص دزلي رقمك

السباق راح يكون 100 ‏Meter للبقي

و 150 Meter للبق فوت !!!

سيارة اب سيارة !!!

لول راح العدد يكون 13 مكينة لووووووووووووووووووووووووووووووووووووووووووول

Hyper7

11-03-2006, 11:53 PM

World Champion 98

13501

Hyper7

11-03-2006, 11:56 PM

World Champion 2000

13502

Hyper7

12-03-2006, 12:02 AM

World Champion 2004 (Buggy)

13503

MO2

12-03-2006, 12:11 AM

هلاهلا هايبر
اسمحلي انا لو ابي اسابق معك عندي بل السيارة الف وانا اجرب هالسيارات في اماكن انت ماشفتها برع الدولة وداخلها ولايهمني الفوز ولا الخسارة بس لاتستهون بالناس لان لو ابي اسابق معك صح عندي سيارة ماشفتها في حياتك واعطيك معلومة الار بي ام لها يوصل 80000دورة وجاية من امريكا التي كنت اشارك بالسباقات هناك لاني درست فيها مو الحارات والحواري (( الي على راسة بطحه يحسس عليها))
بس اخليك تحلم انك رحت عني ولاتكن مغرور تشوف الناس من تحت والناس يشوفنك من فوق صغير
ويا أخي من تواضع للناس رفعه ....
والسموحة واتمنى ماتزعل مني لا هنا نحن اخونا ونستفيد من بعض بالخبرات مو بالتحدي والعناد العمي
وبعدين ادخل مواقع السيارات العالمية وشوف إلا ماتعرف انجليزي مو مشكلة اترجملك
وانا شاك انك واحد من جماعة بيت الهوايات وتسوي داعية لهم في ها المنتدى المحترم لان سيارات الهايبر ومحركات rb تباع بكثرة هناك
ارجوا واتمنى انت تكون استوعبت كلامي من دون زعل واعتذر مرة ثانية والسموحة......

Hyper7

12-03-2006, 12:16 AM

3 بطولات في العالم استوت و RB الاول فيهن كلهن !

ودليل جدام عينك

الحين انت اثبتلي انه النفروسي ولا ال OS فازت في اي بطولة عالم World Champion !!

وبسنبه لفئة الشارع On Road محرك السيريو الاول في عام 2003 2004 2005

Hyper7

12-03-2006, 12:20 AM

ياريال ههههههه والله انت سالفه لوووووووووووول

الحين اتقولنا 15 مكينة عندك و انت اتعرف انجليزي احسن عنا وفى الاخر نحن المغرورين ؟ لووووووووووووول

Hyper7

12-03-2006, 12:23 AM

80000 Rpm لوووووووووووووووووووووووووووووووووووووووول

Hyper7

12-03-2006, 12:32 AM

On Road World Champion For Year 2003 2004 2005

13504

Hyper7

12-03-2006, 12:42 AM

ونعم انا واحد من شلت الوحوش :)

وفي النهاية اقولك نفروسي فنانة وقوية لكن العين ماتعلا على الحاجب ... والحاجب Rb :)

اما Os روح العب بها فسكة او عند الدكان

يمكن ماتعرف شو الدكان امريكي الاخ .... تعرف سوبرماكت 7 1 1 ؟

لوووووووووووووووووووووووول اهناك

DR_WOLF

12-03-2006, 08:56 AM

Hyper7 عفوا اخوي بقولك شي انت تبا تجرب مع الريال على التل بمكينتك اكيد بتروح لان التورك عالي عندك بس اذا سباق بالشارع النافاروسي جدام جدام اقولك انا شايف بعيني وانت شكلك تعرف هشوم
واسأله عن السباق وهو بيقولك

شكلي انا اعرفك بس لو تكتب اسمك لو سمحت

البطولات العالمية ما تعتمد على المكينة او السيارة فقط ولكنها تعتمد اساسا على السايق وهذا شي معروف

انا ملاحظ من خلال نتائج البطولات اللي حطيتها انت ان ولا سيارة هايبر موجودة في المراكز الاولى واذا

كانت موجودة ارجو انك تنورنا

والسموحة

DR_WOLF

12-03-2006, 09:19 AM

hayper اخوي شو رايك بهالبطولة انا شفت الجدول بموقع نافاروسي
تفضل

06.03.2006
NOVAROSSI WINNER TO PRE WORLD CHAMPIONSHIP OFF-ROAD TO JAKARTA.

Under torrential rains, to the pre world championship to Jakarta, Novarossi dominated with the firt position in the final.

Classification:

Pilota--- Macchina ---Motore --Giri Tempi
1 RAUL PERIS--- Kyosho ---Novarossi--- 61 60'32
2 Miguel Matias--- Kyosho--- Sirio--- 60 59'34
3 Ricardo Gomez Sidorf ---Novarossi--- 60 60'11
4 Robert Gustafsson --- XRay--- OS--- 59 60'37
5 Joseph Quagraine--- Hobao ---Novarossi ---58 59'43
6 Atsushi Kawamoto --- Kyosho--- Sirio ---57 59'32
7 Yannick Aigoin--- XRay ---RB ---56 56'35
8 Martin Wolhunter
Hong Nor--- OS--- 55 57'44
9 Chen Wu Chung--- GS SH ---46 46'53
10 Guillaume Vray--- Mugen ---RB ---29 36'08

الراية 7511

12-03-2006, 01:02 PM

شباب شباب
عشان هذا الموضوع أشوف السالفه طولة و بصراحة الكلام ماينفع هذا يقول هذي أقوىوالثاني يقول أقوى جذه ماشي فايده نبغي نسوي تست ونشوف ترا الكلام الوايد يسوي مشاكل بين الشباب تجمعو جربو عقب شوفو النتيجة والنتيجه ماتعتمد إعتماد كلي على السياره لاكن بعد على الدريول و المكان إلي بتتسابقون فيه
وهذا رايي ولي أنا أشوفه أنسب راي حق هذي المشكله .
و السموحة

DR_WOLF

12-03-2006, 02:22 PM

اخوي الراية7511 هذا افضل حل والسباق اللي انا شفته كان عند مصلى البديع بالشارجة

اعتقد انك تعرف المكان والسيارتين كانوا على الشارع وجربوا مرتين مع بعض

والسموحة

MO2

12-03-2006, 07:53 PM

هلا هلا الهايبر
انا مادري ليش ما تكون موضوعي في ردك بعيد عن العصبية الزائدة والحماس الزايد ولاتنكر هذا مبين من طريق ردك.......
النفروسي قوية وايد وجرب لان التجربة خير برهان
rb قوية ولكن مو مثل النفروسي
وبعدين انا مجرب حلابات سباق مو في الدولة بس وخارجها مو في الفرجان
واذا كنت ناوي تحداني مو مشكلة عندي سيارة ماسمعت عنها اسمها ماسمعته blak shadow
وعليها محركة الار بي ام 80000 وجايبنة من امريكا يوم الدراسة تعال ويب سياراتك المصنوعه في تايلاند عشان اخذها منك وانا اضحك
بااااااااااااي

Hyper7

12-03-2006, 10:28 PM

اول شي هذي البقعه خايسه والسيارة الى فيها تورك اتم اتحرق مكانها

ثاني شي كيف تحكم على سباق واحد استوى ؟ هل هاشم امزود فول ؟ هل هاشم امزود لسباق القار او

الرمل كان ؟

على العموم السباق الى انت حاط نتايجه بري فاينل يعني تصفيات ماقبل النهائى روح جيك فى النهائى من

فاز !!

رقم الثلاثه هات النفروسي مالتك و والله لطرها طر لك بــ 28 مابا انزل مستوى 21 .

وسيارة اب سيارة

واقولك 99% من شباب المصلى عندهم 28 رب . لو المكينة مافيها قوى لماخذوها .

وانت يا دكتور والف هات سيارتك وحلفتني بالله لطر موترك طر !!! وانا عند وعدي .

والشارع بيكون مب وصخ فيه رمل مثل شارع المصلى مالك السيارة تفتر يمين ويسار .

انا ياي السابق او العب لعبة سنيك لوووووووووووووووووووووووووول

Hyper7

12-03-2006, 10:48 PM

وانت ‏mo2 اقوللك انت تسئل واتجاوب عمرك

انت و 80000 مالتك هاي

اصدق انت وايد قوي ووايد عندك بيزات لا بعد تعرف انجليزي اكثر عنا

نحن مانعرف شي مساكين

الله كريم

لبش تتهرب من السباق هات النفروسي مالتك 21 وانا بطلع ب 28 وبعدين براويك مشي 21

بعيدن لو 21 نفروسي فيها ار ب م عالي ليش من 2003 2004 2005 مايابت اي نتيجه

Sirio مخليه النفروسي مالنك مصخره مع العلم مصنع سيريو موجود من 2003 ومن هاي السنه ام

خليه النفروسي مصخره لين يومك هذا ب الفئة 21 و 12

ياعمي 21 الي اتشوفها انت فيها ارب م هذا 21 مالت القار اما 28 هذى مالت رمل وبعد بطرك ابها

على القار والله وعد مني

Dubai RC

12-03-2006, 11:30 PM

شو ها الحماس ياشباب السالفة فيها تحدي كبير.
اقول لكل الاخوان الفيصل الوحيد في هذا الموضوع السباق ثم السباق ثم السباق.
وانا مع الدكتور ووووووووووووووووولف حددوا يوم حق السباق والموقع يستاهل وكلنا بنحضر وبنشوف منو الافضل
يلا نبا الريس

MO2

12-03-2006, 11:56 PM

هابير انت عقلك صغير و ما برد عليك بعد اتحداك واتحداك ترجع بيتكم تصيح
وسلام

الراية 7511

13-03-2006, 12:15 AM

السلام عليكم
أنا أشوف نحدد موعد السباق أحسن بل هذا الكلام الزايد إلي مامنه فايده
وبصراحه أن أقولكم النفروسي قويه وايد ولي ماجربه مايقدر يحكم عليه والrbبعد قويه بس لين الحين ما صار تحدي عشان نحكم .

DR_WOLF

13-03-2006, 10:01 AM

الاخ hayper شوف انا بقولك شي بعيد عن العصبية والكلام اللي لا يودي ولا يجيب

انت مسوي موتر هشوم اوكي وانا اعرفك انت منو اصلا ، ويوم عيسى روح عنه كلمك هشوم وقتها

وانت طلبت تكلم عيسى اللي سبق هشوم واحتشرت كعادتك وقلت القار وصخ وفيه رمل ياخي نفس القار

داسو عليه السيارتين وعلى فكرة شباب المصلى خذوا rb عشان انها رخيصه ومشها حلو وبستنها ارخص

من النافاروسي وانت كنت تبيعها قبل 1200 مب 1490 هذا للعلم فقط واسأل سعيد اللي يشتغل عندك

بالمحل.
وثاني مره يالطيب اتمنى انك تبعد عن العصبية لانها من صفة الضعفاء والواحد يوم موقفه يتأزم يبدأ

يضارب وحالته حالة

في النهاية احنا اخوان وهذي هواية لا اكثر والاختلاف بالرأي لا يفسد للود قضية

Hyper7

13-03-2006, 01:37 PM

صدقني انت ماتعرفني ولا انا اعرفك لانه انا مب هو الشخص الى تتكلم عنه

وبعدين ياخي هات السيارة التي تتكلم عنها وسيارة اب سيارة

وفلان روحوا عنه ب 28 RB و 30 السيريو

وانت عارف هذا الشي وشفته اب عينك ولهذا السبب غير مكينتة . كان امركب JP ,وغيرها !!!!!

ليش التنافق ياخي !!!! اذا روح فلان عن 28 RB ليش ركب مكينة ثانية لووووووول

قسمن بالله طرو فلان مالك بالماموث فورويل وبالهايبر ،,والتوستر وانت عارف زين كلامي

ياريال ماتمت buggy من بيت الهوايات ماراحت عنه حلفتني بالله !!

حتى الماموث وستاندر راحت عنه وهوه امخسر فوق 6500 على سيارته ....والماموث 1950 لول

واذا حاب هات فلان مالك والسيارة اب سيارة والمكان والمسافة بنتفاهم عليها والوقت

ماعندي اي خلاف اصلخ اشكالك

ومافي داعي تكتب اسامي الناس خلك راعي ذوق شويه

Hyper7

13-03-2006, 02:11 PM

بعدين فلان مالك يقص السليف مال مكاينة والكنكتك رود يحفه والواشر يشله عشان يزيد الضغط حق كم ريس وعقب تنفد مكينته

اذا اهوا واثق ان مكينته قويه من نفسها ليش يلعب فيها ؟؟؟؟؟ خله يركب مكينة جاهزه نفروسي ويسابق
حتى بيت الهوايات يروم يسوي نفس الحركه بس اخويه هم مب اميانين ولا زباينه .... كل كم ريس فلان غير بستنه

مكاين بيت الهوايت يايت من المصنع يمشن لا مشاكل ولا شي.....
والله عجيب امركم اتقارنون ريال هاوي مستعد يغير بستن كل كم ريس مع محل امحافظ على سمعته وجودته
لا وبعد ماتم حد ماصلخه حتى الماموث الستاندر

واقولك بيت الهوايات يزود على طلب الشاري ادفع بتحصل مشي زيادة
اتقولي طفنا فلان ماشي فايده ...دش المحل وقول نبا انسابق وبعدين بيطرشولك حد

4 سباقات استوت فى ام قيوين 3 تل و واحد درق

في التل بيت الهوايت فى جميع سباقات التل الاول

وفي الدرق المركز الاول هايبر وعليعا Rb28
والمركز الثاني الدرق هايبر وعليها بعد Rb28

وين ر بعك وين كانو هاك اليوم لووول انا بقولك فلان ربيعك شارك وطافته سفج استاندر عليها ثلاث غيار
وفي التل ماصعدت سيارت ربع العرقوب وفي تصوير يشهد على كلامي لووووووووووووووووووول

تدري ليش لانه بيت الهوايات بنفسه كان امشارك مافي مجال للفوز لناس ينافقون

السباق الاول تل سيارتين فقط صعدو ومن بيت الهوايات
السباق الثاني تل فقط 5 سيارات صعدن التل وكانو من بيت الهوايات

انا بقولك معلومه بيت الهوايات مابتغلبه نفروسي لو يبي يبيعها بتلاقيها عنده
وبزيدك من الشعر بيت ومتأكد من الى سمعته 100% المحل الى يتعامل معا ربيعك قاعد يسوى المستحيل عسب يتعامل مع وكالة ارب والساريو ولكن رفضو طلبهم
وبعطيك الدليل مكينة الجيبي كان بيت الهوايات وكيلها ولازال ولكن المحل الي يتعامل معاه صديقك راح وخاطبهم وجابها
وقام يوعد زباينه انها اقوي مكينة وفشلت اماله والمكينة لو فيها خير ماوقف عنها بيت الهوايات
تدرى المكينة كم كان يبعها بيت الهوايات .؟ 1850 تدري محل ربيعك كم يبيعها ؟ 3200 !!!!!!!!
لاتقولى النفروسي اغلى وارب ارخص !! هذا النت وجيك النفروسي اغلا ولا ارب
ولكن لكل محل سياسته

صدقني ارب اغلى وبوايد !

و خلك عادل شويه ولا تنافق عشان ربعك،

وشوف انا مابرد عليك زيادة جهز سيارتك واكتب رقم تيلفونك ولك وعد مني تنصلخ صلاخ انت وغيرك

Hyper7

13-03-2006, 02:50 PM

DR Wolf اوتحب اقولك راعي السافج 28 Nova ?

بخصوص السيريو والكيوشو فى عقد من بينهم انه السيريو ماتركب الا على الكيوشو بسباقات

و بالمقابل يتم دفع مبلغ من شركة الكيوشو لساريو

مادري ليش NovaRossi مالها سبونسر ليش لوووووووووووووووووووووووووووووووووول

Dubai RC

13-03-2006, 09:59 PM

اخوي هايبر والله الظاهر انك موب سهل، عندك معلومات عجيبة ماشاءالله عليك.
بس ليش ماتخلصون الموضوع وتحددون يوم حق السباق ، صدقني الميدان هو الفيصل وأنا بنفسي عندي سيارة مجهزنها خصوصي حق الدرق ........... بس ما بقول لكم شو نوع الانجن خلوها مفاجئة.

وفي طلب حق اخونا المراقب حدد لنا المكان في دبي في الشارقة او عند 7/11 المهم نلتقي وعلى الأقل نتعارف على بعض.

ولا شو رأيكم...........

الراية 7511

13-03-2006, 11:08 PM

السلام عليكم
شو رايكم نتجمع يوم الخميس 16/3/2006 عند المصلى بس يكون التجمع من بعد صلات العشاء هذا إذا مافي حد عنده إعتراض .
والسموحة

يبيله

14-03-2006, 02:15 AM

السلام عليكم ورحمة الله وبركاته........

الموضوع شكله مولع ...... واشوف ان حل اخونا ( الرايه 7511 ) جميل ومناسب .....

والتوفيق للجميع ......

مع السلامه..........

Hyper7

14-03-2006, 02:16 AM

اسمحلي اخويه الراية الشارع هك وصخ انا عن نفسي افضل شارع ثاني

شارع فيه القرب افضل هذا الشارع في وسط سيح مليان رمل ماينفع

DR_WOLF

14-03-2006, 09:16 AM

السلام عليكم

عفوا اخوي hayper هل هذا الاسلوب والذوق اللي تتكلم عنه ((ماعندي اي خلاف اصلخ اشكالك

ومافي داعي تكتب اسامي الناس خلك راعي ذوق شويه))
صدقني انت فلان اللي انا اقصده وانت عارف عدل منو اقصد لان الاسلوب واحد او يمكن استنساخ!!!!

بالنسبة لفلان اللي تقصدة هذا جدامي سبق rb كيف تقول ماموث تروح عنه حدث العاقل بما يعقل !!!

اما انك تقول ان عندي سافاج لا والله ماعندي سافاج وانت تقول ما تعرفني !!!،وبالنسبة للسباق انا اتكلم

عن سباق القار اللي

يكون مثل الدراج مب على صعده وشيء فرق ولا شو رايك؟؟!

وسؤالي لك هو انت ليش معصب وطر فلان وراس براس وسيارة بسيارة وبصلخك شكلك وايد مشتاق

حق سوالف المدارس والفريج!!!!؟؟

وكلمة بقولها لك ياخي لا انا صاحب شركة نافاروسي ولا انت صاحب شركة rb ليش كل هالعصبية

والانتماء لمحل كأنك تدافع عن دين ولا دولة ((هذي هواية ))

بالنسبة لصاحبي اللي تكلمت عنه وانه لاعب بالمكينة عادي ياخوي اذا انت تقدر سوي الريال عنده فلوس

ويبا سيارتة تمشي

وانت قلت ان صاحبي هاوي وبيت الهوايات محترفين اوكي انا وياك بس خذ المعلومة هذي تعرف ان

صاحبي راح عن صاحب محل بيت الهوايات اكثر من مرة واسأل شباب المصلى كلهم اذا مب مصدق!!!

اذا هاوي راح عن محترف ومحله فالهواية افضل ولا شو رايك!!!

وانت تقول مكاين بيت الهوايات ياية قوية من المصنع اوكي عيل قول حق صاحب المحل شو كنت اسوي

في مكينة sirio27 وكم كانت تكلف (انا ما اطلع سوالف)

وعن سياسة المحل مثل ما ذكرت انا مالي دخل فيها لاني مش مختص بهالسوالف.

وعلى فكرة من وين يبت ان بيت الهوايات كان يبيع jp 1800 اسأل سعيد بكم كانت تنباع 2800

ومكينه jp off road تنباع في مركز الهوايات 1800 بعد الخصم ومالت الشارع 2400 بعد

الخصم ، شو رايك؟؟؟؟!!!

واسمحلي اقولك كلمه منافق مب حلوه في حقك وفي حق شباب المنتدى وفي حقي بعد فارجو منك انك

ما تذكرها مرة ثانية لو سمحت؟؟!!

انا ما اجامل او انافق ربعي مثل ما قلت انا شفت هالشي بعيني وحبيت اذكرة لك فقط واذا شفت rb جدام

بقول rb جدام

في النهاية احنا اخوان وانشاءالله يطلع هالكلام من ضمن النقاش الايجابي اللي فيه كل احترام للطرفين

والسموحة لشباب المنتدى اذا بدر مني اي غلط

الراية 7511

14-03-2006, 01:26 PM

يزاك الله خير يا Dr_wolf و نشاء الله ياخذون بهذا الكلام لـنه أصلا" مافي داعي من هذي العصبيه الزايده وهذي هواية يعني لازم تستانس فيه ويا باقي الشباب مب تسويلك مشاكل وعوار راس .
وعشان مكان براحة معرجان عجمان بجانب الستي سنتر مكان نضيف بسلازم يكون السباق العصر لأنه مافي إضائة
والسموحة

Hyper7

14-03-2006, 01:41 PM

انا شاري المكينة ونرود 1850 والوف رود كانت 1650 ومستعد ايبلك فاتورتي

وياحبيبي صار درق على الرمل

صفو الرمله وخلوها سيده مب التل . روح اسئل عدل والتصوير موجود . الاول هايبر 28 ارب

الثاني هايبر 28 ارب

شفت سباق واحد حكمت انه ارب مب قويه وتقول انك فاهم ؟؟؟ كيف حكمت على سباق واحد ؟؟؟

ماحكمة على الشارع الوسخ او على السايق او على لعبه فى المعاير حكمك كان فقط على سباق واحد

وباقي السباقات ماعيبتك لنه صاحبك طافوه ؟

اقولك انت انسان وايد اتبالغ والله واذا انت شفت

ارب طافوها مره انا شايف النفروسي يطوفونها بمكينة اس ج تايونيه واذا ماتصدق هاتلى اوف رود

نفروسي وحطها على انفيرنو وانا راح اثبتلك ان مكينة اسج التايونيه امشى عن النفروسي وف رود .

لا تتكلم فى امور انت ماعندك خلفيه عنها

وارد اقولك النفروسي لين يومك ماثبتو بسباقات العالميه جدارتهم في اي فئه كانت بقي او اون رود او بيق فوت او 1/10 . ولا سباق وانت تتكلم عن 100 متسابق في كل سباق وكلهم حريفه.

وشرات ماقتلك الجيبي بدلها ربيعك ليش اذا اهيه قويه ؟؟ بعيني والله شايف كلهم طافوه حت الماموث .

نتايج السباقات العالميه ماعيبتك لنه الساريو ماخذه المركزالاول فيهن كلهن فى فئة 1/10 و 8/1
وارب ماخذه بطولات العالم كلهن من 1997 لين يومك
والسباقات الى صارت فى البلاد في بوظبي 4 سباقات وام القوين اربع سباقات منها درق منها حلبه ومنها تل بعد ماعيبك
سباق واحد عيبك سبحان الله العظيم سبحان الله وبحمده شفت ناس حاقده لكن لهذي الدرجة والله ماشفت

لكن تدرى انت انسان غير حقاني والله :) ودافع عن ربعك ولو سمحت اذا شال على بيت الهوايات هل

كثر مادري على شوه هل غشوك ؟ نصبو عليك ؟ ماقدروك ؟

الناس محترمين وعمرهم ماقصو على حد . ولكن سبحن الله كلمة الحق ماتعيبكم

وفي النهايه انا هب امعصب بس الواحد يكون فيه ضمير ويتكلم بالحق ويأخذ قرار صائب مب ينزل من قد المحل عشان سباق واحد وهذا ظلم والله سبحانه مايرضى بظلم !

DR_WOLF

14-03-2006, 02:27 PM

مرحبا اخوي الراية اشكرك على كلامكك وانت فعلا مشرف محترم وتستاهل التقدير

اخوي Hyper7 انا مب شايل على بيت الهوايات وبالعكس الجماعه ربعي بعد بس انا قلت لك اللي شفته

فقط وانت طبعا ما يرظيك ابالغ واقول العكس

انا ما ادري اذا كان بدلها ولا لا بس صدقني هو جرب مع صديقي هشوم وراح عنه وجرب مع واحد ثاني

بعد راح عنه وعلى فكرة انا قلت حق هشوم ان RB اقوى بس يوم السباق تغير كلامي وهذا اللي صار

وصدقني انا يالس اقولك اللي شفته مش اللي قالولي عنه واتمنى منك انك ما تزعل لان في النهاية احنا

عيال البلاد واخوان وما بينا الا كل خير :)

بس انا الصراحة ما احب التعصب لمحل معين اوكي بيت الهوايات محترمين ما قلت لا وعلى فكرة انا

سيارتي هايبر عشان ما تزعل وكان عليها SIRIO27 والحينه JP 21 اللي كانوا يبيعها بيت

الهوايات وسيارتي اللي قبلها بعد هايبر .

وبعد في واحد من الشباب قالي شو اخذ من المكاين من فترة قلت له RB لان مشيها حلو وهي ارخص من

النافاروسي وبستنها ارخص (هل هذا تسميه كره للمحل)!!!

وانشاءالله تشفني قريب ببيت الهوايات لان سيارتي متكسرة شوية وبوديها للتصليح

ومرة ثانية لا تزعل وابتعد عن التعصب (نصيحة اخ)

وشكرا

Dubai RC

15-03-2006, 02:46 PM

يلا ياجماعة صافية لبن وكلنا مواتنين ونحب بعض.
وانته ياهيبر خفف البوست شوية.

لكن قولو لي متى السباق انا جاهز وحاب اني اطلع معاك انته ياهيبر وترقبوا المفاجئة.

dos

05-05-2007, 01:10 PM

عن موضوع التحدي الميدان يا حميدان
بلا شارع وسخ بلا اعذار و كنكم
كنكم طلعتو عن الموضوع الحين ايش اقوى محرك نيترو
للشارع او الرمله بالتفصيل بدون تشتيت معلومات

واحنا اخوان
والله يوفق الجميع

راعي *الدراجة*

05-05-2007, 04:13 PM

اخوي دورلك مو ضوع احسن لك وينك وين توك اترد على الموضوع

DUBAIRC

05-05-2007, 10:57 PM

عندك النافروسي 28 والـ Rb28 وكيلهم بيت الهوايت بدبي

DR_WOLF

24-05-2007, 09:45 AM

Dubairc مرحبا الشيخ

انا معاك ان الوكيل بيت الهوايات ومركز الهوايات موزع (هذا على حد علمي)

وشكرا

DUBAIRC

28-05-2007, 07:05 AM

اخويه كان موزع وخلاص الحين وقفو عنه التوزيع

Gracie-Barra

29-05-2007, 03:12 AM

هدوء ياشباب اعصابكم

انا شي مره سالت راعي المحل عندنا ببوظبي قال اقدر اييبلك مكينه من خارج الدوله اطير طيران اسمها البرتو كلاري لاكن ماسالت تمشي برمل عدل لكن بالشارع قالي طيااااره بس غاليه

ويوم سالته قالي 3500 ومع الشحن بيزيد المبلغ ويي معها جزوز خاص لها

مادري اذا حد جربها فيكم لكن انا جربت الار بي لانه سيارتي فيها ار بي صراحه ماعليها كلام

لكن ماقدر احكم على النفروسي لاني ولا بحياتي جربتها

وتحياتي