مهم جدا ( فئة كام كربيتر نيسان )... !!!

[RB25]

السلام عليكم اخواني ..

بغيت آخذ رايكم في فئة كام كربيتر اللي يسوونها في سباقات الدراج ..

لأن تنزل من حدة المنافسة يوم تشوف سباق الدراج ريس والكام كربيتر ( نيسان ) وتوقيت الفارق بينهم من 9 ثواني وإلى 17 ثانية .. يعني فارق كبير بينهم ..

وأرجوا منكم إعطاء آرائكم ..
:confused:

[Speed4ever]

من ناحيتي انا الصراحة بكل اختصار ان مالها مزة
يعني في فرق يوم اتشوف نيسان عليه توربو و نيسان كام كاربيتر
يعني فرق شاسع

[UaeRace]

(( Speed4ever ))

أحترم رايك يالمدير الحلو

بس انا عندي راي ثاني يالغالي

أنا أشجع دخول هالفئه من المواتر .. تعرفون ليش

لانه لها جمهورها الخاص .. مثل الجياتي لها جمهور

وبعدين فيه متسابقين عندهم مواتر 6 سلندر وتبغي تشارك بعد

فأنا معا دخول هالفئه :p

تحياتي لكم

UaeRace

[top-secret]

انا اشوف لازم يفصلون فئه الثمانيه سلندر عن فئه السته سلندر لان فرق كبير من بين هي الفئتين

[R.B.G]

انا مع راي الاخ توب سكرت بانهم يفصلون بين فئة ال6 سلندر وال8 سلندر
وبالنسبه للكام كربيتر انا اشوف انه تزويد حلو وله جمهوره واكثر الشباب الي توهم داخلين عالم التزويد<< هو واحد منهم :rolleyes: يبدون بتزويد نيسان كام كربيتر فلازم نعطيهم فرصه عشان كل واحد يشوف مستواه في هالفئه وعقب يتطور مع الوقت
<< قام يتفلسف الاخ :D

طبعا الراي الاول والاخير للمنظمين :D :D
والسمووووووحه


اخوكم R.B.G

[UaeRace]

( top-secret ) مرحبا بك أخوي
(R.B.G ) هلا بك أخوي الثاني

طبعاً فئة ال 6 سلندر مفصوله نهائياً عن فئة ال 8 سلندر

هذا للعلم يا اخوي


تحياتي


UaeRace

[إبن الصحــــراء]

وانا عندي راي
نحن نيلس ونتكلم ونقول ونخربط على كيفنا نحن الحلبه عنا يديده والمفروض نشجع الشي هذا عشان يتطور
نحن لو نشوف الدول الثانيه مثل الامريكان هناك فرق عنا بوايد والسبب واضح في رعايه المقصود هو
ان الشركات تكون راعيه للسيارات بس مع الاسف عنا نحن لا الشباب تزود سياراتها بفلوسها ومحد يرعاهم
هذا اهم شي لو نشوف السيارت الامريكيه بتشوفون كل سياره عليها شعار الشركه مثل الملبورو وشركات الاايل وشركات التزويد الخ
اما عنا نحن لا هذا الشي غير موجود ابد اذا استمرت السالفه جي عنا فبنقول للحلبه مع السلامه اليوم الشباب تزود سيارتها باجر اخويه بيفلسون ومحد فيهم بيزود
لو تلاحظون وين السيارات الي تشارك قبل الاربع سلندر وين الحين يادوب سيارتين بس الي يشاركون مسكين راعي الانكس هو الوحيد الي مستمر في هاي الفئه والباقي اختفوا وين اصحاب الافيليوشن وين الباقي

هذا نحن ومصيرنا الاهم شي الشركات الي بترعى اصحاب السيارات ولا عمرنا ماراح نتقدم خطوه جدام

واما بخصوص الكام والكربيتر انا اشجعهم وان شاء الله راح يطورون والى الامام وبالتوفيق

[R.B.G]

اليوم الشباب تزود سيارتها باجر اخويه بيفلسون ومحد فيهم بيزود
كــلامــك 100%
مساكين شباب الامارات :( :(

[Speed4ever]

كلامك صحيح وعجيب اخوي الياقوت
وفعلا المشكلة ان مافي لا دعم ولا هم يحزنون والكل قاعد يزود من نفسه
هذا طبعا اكبر دليل ان مافي تشجيع اصلا للشباب ولهذه الرياضة

[Bin karam]

انا مع دخول الكام كاربيتر
صح مزته مب 400 متر لكن دام السياره جاهزه ولريس ليش ما يشارك وينافس
صحيح ان 8 سلندر غير بس 6 مكينه الوكاله ومزوده يعني فرق كبير مب مكاين 8 سلندر 5000 سي سي وفوق
المهم 6 او 8
الكبير كبير والكل يشهد

سلملم

[khalil_turbo]

انا صراحه مع الاخ speed4ever


ومشكور على هذا الموضوع

[NOS]

انا مب مع دخولهم و اصلا اعارض فكرة دخول اي موتر عليه تواير 900 فالفور وييل او تواير وكاله فال8 سلندر
لانه خلاص تعبنا من كثر مايخربون القار و يوصخونه بالربل اللي ينفد عيال خلق الله اللي مواترهم اتشوح بسبتهم :[

لو قار ثاني زين اما هذا فلا و الف لا :mad: