كمبيوتر MOTEC

[نيسان]

السلام عليكم ورحمه الله و بركات .... اما بعد


بغيت اسألكم يا أعضاء كم حصان يزيد كمبيوتر موتك ؟

وشكراا:)

[Mazinger]

يعتمد حسب السياره
بس أكيد ما راح يزيدلك ولا حصان اذا مركب غلط :]

[نيسان]

على نيسان 4800 ..

وال كمبيوتر طبعا بيكون امبرمج .. و سمعت ان بن دلموج يضبط الموتك M4 على ال 4800 .. ؟

وشكرراا على التواصل :)

[Mazinger]

الصراحه أنا ما أعرف كراج بن دلموك , بس سمعت انه تزيده أوكي
كمبيوتر ال M4 هو أنزل مرتبه من بين كمبيوترات موتيك كلها

بس بغيت أسالك شي قبل ما أرد عليك

1) ناوي اتزود الموترفي المستقبل؟ يعني من تيربو و خلافه؟

2) بن دلموك هل عنده Dyno أو يقدر يحصل واحد يقدر يستعمله؟

3) هذا السوال موجه الي الكراج في الحقيقه . بس كيف راح يضبط بن دلموك ال variable valve timming و ال variable intake port مال المكينه ...الا اذا كان يبغي يلغيهم؟

و السموحه

[بو_MoTeC_عوف]

السلام عليكم ....
الموتك ألي عند بن دلموك مش بس m4 في أنوااع متعدده
وعن الداينو موجود في الكراج اليديد
وعن التربو الي ناوي تركبه حياك الكراج وبيعطونك بتفصيل الممل

[heshmesh]

معليش شباب بن دلموك وين كراجه في البحرين ولا الايمارت:o

[نيسان]

الأمارات .. دبي

[Supra_Veilside]

150 حصان تقريبا وسعره 13 الف درهم اماراتي

[Mazinger]

أعتقد ان 150 حصان رقم مبالغ فيه

[Supra_Veilside]

لا حبيبي مب مبالغ انا شايف هل الشي بعيني في كراج بن دلموج انته بالموتيك تزيد ضخ البترول بالضعف في المحرك لا تستغرب الموتك قوي وعلى فكرة مرة في جميرا كان في سباق بين نيسان 4.8 فتك توربو من بن سليم ستيج 2 ونيسان فتك 4.8 عليه كمبيوتر موتك االاول ما راح الا فرق عامود من القومة لين ما بندن ويا بعض الفرق بس عامود

[Mazinger]

أنا قصدي لو ان الموتر بدون تيربو و كان الفرق الموتيك فقط فما فتفرق وايد.

[Supra_Veilside]

قصدك نيسان فتك ستاندر vs نيسان فتك بموتك
فرق السما والارض والله يطره طر اذا جي تقصد والسموحة منك الغالي

[Mazinger]

ما أضني لان الموتك ما يظبط ال variable intake length مال فتك
و السموحه منك ;)

[Supra_Veilside]

:[ عصبتبي تراك لووووووووووووول ههههههههههههه ياخي انا مالي خبرة في سوالف الكمبيوتر وايد وما اعرف الموتك شو يسوي بالظبط بس انا اقولك عن اللي اشوفه بعيني واذا مب مصدق انا بيبلك شريط فيديو لريال عنده نيسان فتك عليه موتيك ستانرد والله والريال اسمه سهيل بن دري من ند الشبا وتسابق بعد ويا ربيعنا موتره نيسان فتك ستاندرد ما عليه الا هدرز ومنزل ومشيه طيارة بس الموتك ما سواله سالفة وكم سباق في جميرا والعوير شفناهن بعيونا اخوي ...

يمكن ما يظبط variable intake length اللي طريته بس بيظبط اشياء ثانية وتعوضها عن هل الشي اللي تقصده

[Mazinger]

أكون سعيد لو حطيت الفديو الاول الي قلت عنه

[الظبط_المروري]

ما اعتقد ان في حد صور وهل الريسات الخفيفة تكون في اي وقت يعني تلفون الو هلا يالله شي سباق بين فلان وفلان وانته تسير وتشوف وانا ما بحط كيمرا في السيارة :eek:

[Mazinger]

للاسف...يعني ما في فديو...من زمان ما شفت أفلام ريسات في الامارات.
speed4ever ما وصلتك الكيمرا بعد؟

[الظبط_المروري]

جماعه شو رايكم لو يفتحون قسم السباق الاعضاء يتحدون بعض بالسباقات؟؟ والله شي اوكي لو يكون جي وحماس

[LAND CRUISER]

أعتقد ان 150 حصان رقم مبالغ فيه
9dgny lo tshoof mshy al4800 blMOTEC ma bt9dg anh almotr 3leh computer bs ana shft 4800 mal rbee3na walla etkhblt bs m3 alasaf ba3 al4800 w tqreebn y36eek 100 hp w s3rh 13000 3nd bn dlmootch

[TRD]

انا ويا الضبط المروري فكرته والله وايد حلوه اشكرك والله



نطاااااااااااااااالب بفتح قسممم جديددددددددددددددددددددددددددددددددددددد


Rise Ur Hands

[المزروعي]

Supra_Veilside انت قلت انه


الموتك بتحسبه عدل وبتفرق معاك اذا موترك عليه تزويد مثل توربو او سوبر تشارجر لانك بتحتاج لهوا وبترول ومعادلة بينا لاثنين والموتك بيسد هل الشي اما موترك هدرز فلتر ما بيروح مكان وما بيزيدك الا شي بسيط وعزيزي اللي يقولك الموتك يعطيك 50 حصان حط الماوس في حلجه لان 4 من ربعي ركبوه على فتكات وما فرقت الا ان الموتر ما يبند والموتر يحكر على جير 4 لين ار بي ام 6 ويوم يبدل جير 5 الموتر ما يضرب كت اوف يبا يروح بس مافي شي يدزه زيادة يعني ماشي فايدة الموتر اصلا بزور وقوة ايب 5 كت اوف كيف انته بالعقل تفتح ار بي ام زيادة؟؟؟ ما سويت شي .


يعني باختصار بدون توربو او كامات او سوبر لا تفكر في هل الكمبيوتر .

وانا ما اذمه بالعكس تراه في مميزات احسن من بعض الكمبيوترات بس لاحظ ان سعره غالي واهم شي انه ما يعطيك مشي على موتر تزويد خفيف بلكات هدرز فلتر حرام تعق هل المبلغ على الفاضي.
http://www.speed4ever.com/vb/showthread.php?t=4599

وفي هالموضوع اتقول انه يعطي 150 حصان

فأبصراحه ما عرفنا هل انه يعطيك هل قوه والى الموتك مايودي؟

وشكراا

[Snake]

ماشاءالله على المراقب
ذكي........

[Speed]

السلام عليكم ... :)
على حسب خبرتي بالموتك .. في كذا اوبشن ممكن تفتحه من الكمبيوتر منهم الثروتل الالكتروني لمكاين VTTi و عندك اوبشن لمكاين VTC و غيرها و بالنسبة للام 4 يا جماعه صدقوني ما يودي وايد ..
اذا بتقولي ام48 ويا الاكسباندر و كويلات كبار يمكن بقولك موترك بيفرق اما ام4 ترا الفرق بسيط ..

[Mazinger]

المزروعي: الناس تغير رايها. شي عادي. مثلا انته يمكن اتكون فاهم شي غلط و بعدين عرفت كيف الصح و غيرت رايك. ما فيها شي.

وسين: ما أدري من قصدك بالمراقب (أنا الوحيد الي تكلمت في هذا الموضوع) و ما أعرف شو قصدك ب "ماشاءالله على المراقب
ذكي........" هل هو مدح أم استهزاء؟..........بس بقولك لا تسوي مشاكل........
و علي فكره أنا بعدني ثابت علي الكلام الي قلته في أول الموضوع.
قبل 11 شهر تقريبا.

[بن عجيل]

:dddvvv:
والله حاله
منوه ياب كمبيوتر فى الامارات محد جلب عليه .... هذى نقطه ماشى كمبيوتر ظبط عند الشباب غير الموتك وما فى كمبيوتر غيره مشى اكثر من الموتك وهذا الشى ملموس
اول كمبيوتر اسدى اس قالوا كشره وتعباااان والف نفس الكلام هالتك نفس الكلام موتك يالله اكجر كمبيوتر انتوا شوه عرفكم فى الكمبيوترااات عيل
انا اعرف كمبيوتر يتبرمجبالقمر الصناعى اذا حد يباااه
من ناحيتى انا اسهل كمبيوتر وادقه الموتك وماشى له منافس والموتك من ام4 الى اكبر نوعه فيهن نفس الشى بس الاوبشن يكون اكثر ونفس القوه ومافيه فرق

[المزروعي]

السلام عليكم

نحنا نبا انعرف هل هو صدق اب هل مميزات ولا لا؟

عشان ما يسير واحد يدفع 12000 في مهب الريح و عقب انتندم. (ياما استوت)

وشكراا

[Speed]

اخوي بن عجيل محد اختلف على الموتيك و على ميزاته ..
بس المبالغه يلي تستوي مب معقوله ..
يعني كمبيوتر بروحه بيطير موتر؟؟؟؟؟؟؟
و عن الميزات في كمبيوترات ثانيه فيها ميزات مب موجوده في الموتك ..
نعطيك مثال عى الافكون في برو ... هذا في اكثر من صفحه للبرمجه و من خلاله ممكن تبرمج الموتر من 0,5 لين 1 بار و من 1 بار لين 1،5 و من !ن5 لين 2 بار ... و الافكون بروحه يختار البرمجه على حسب وضع السياره و مدى سحبية التيربو و كم ضغط المكينة .. و فيه قطعه تركب وياه تحدد ضغط الفيول و توازن معادلة الهوا و البترول ..
و عندك الاي مانج فيه خاصيه الميموري و تخزين البرمجه على كرت صغير ..
طبعا و فوق كل هذا يمكن الموتك يكون احسن لكن في كمبيوترات ثانيه فيها خصايص و امور مب موجوده في الموتيك حاليا .. و كل واحد و احتياجاته ...
و انا شفت كذا موتر عليه M4 برمجه بوعوف مشيه حلو لكن مب ذاك الزود حرام 12 الف عليه ..

[بن عجيل]

اخوي بن عجيل محد اختلف على الموتيك و على ميزاته ..
بس المبالغه يلي تستوي مب معقوله ..
يعني كمبيوتر بروحه بيطير موتر؟؟؟؟؟؟؟
و عن الميزات في كمبيوترات ثانيه فيها ميزات مب موجوده في الموتك ..
نعطيك مثال عى الافكون في برو ... هذا في اكثر من صفحه للبرمجه و من خلاله ممكن تبرمج الموتر من 0,5 لين 1 بار و من 1 بار لين 1،5 و من !ن5 لين 2 بار ... و الافكون بروحه يختار البرمجه على حسب وضع السياره و مدى سحبية التيربو و كم ضغط المكينة .. و فيه قطعه تركب وياه تحدد ضغط الفيول و توازن معادلة الهوا و البترول ..
و عندك الاي مانج فيه خاصيه الميموري و تخزين البرمجه على كرت صغير ..
طبعا و فوق كل هذا يمكن الموتك يكون احسن لكن في كمبيوترات ثانيه فيها خصايص و امور مب موجوده في الموتيك حاليا .. و كل واحد و احتياجاته ...
و انا شفت كذا موتر عليه M4 برمجه بوعوف مشيه حلو لكن مب ذاك الزود حرام 12 الف عليه ..
الحبيب اشحاللك
اول شى انا بسأللك اذا انته مشتغل على كمبيوتر من قبل ولا لا هذى نقطه والنقطه الثااانيه تدرى انه الموتك فيه كل الى اتنه تطريه بس بمشكله يعنى مووجوده فيه كل هذا بوجود مشكله وهيه الاب جريت يعنى اذ عندك كمبيوتر صافى ما فيه اوبشن ين ما تفتحه كامل يباللك 20000الف درهم وهذا قدر الاستطاعه لانه هذا الكمبيوتر يستخدم حق الهاردكور ريس مثل مال يقولون يعنى رالى فورمولاااا وهكذا .
وانا ما اقول انته احسن كمبيوتر بس كمبيوتر من الدرجه لاولى فى الاداء وشى طبعا اغالى عنه بوايد واخر شى اقوله الموتك كمبيوتر ممتاز وحتى اذا انته ما تعرف تبرمج فيه نظااام تعديل ذاتى وهذا اذا كان عندك الباسورد مال الشركه او الاوبشن ( ادفانس تيونق)
وعن كلامك ببرمجه بوعوف الريااال يشتغل وماعليه اى كلام و12 الف حق كل انسان يشتغل اذا انته راضى بالسعره كان بها واذا انته مش راضى بعد حلاللك صح ولا ..؟؟
المهم كمبيوتر الموتك ما تقدر تحكم كيف حصان يعطيك .... اول شى على البرمجه وثانى شى على سمان السيارات كامات وتوربو وغيره ( والبرمجه تختاف من سياره لسياره )
والسموحه

[Golden_Max]

السلام عليكم شباب

إسمحولي على المداخله

الموتك كمبيوتر ممتاز معروف ومايحتاج كلام بس فيه كمبيوترات غيره تقدر تسوي نفس مستواه إذا كانت بنفس مميزاته وصدقوني اللي يبرمج لك الكمبيوتر هو اللي بيقرر إذا هالكمبيوتر راح يعطيك الشغل عدل وإلا خسارة فلوس وبالنسبة للموتك هو غالي لأنه قوي ومشهور بالمره محليا وعالميا هذا شي
والشي الثاني الموتك زي ماتفضلوا بعض الشباب وشرحوا ماراح ينفعك ولا يزيدك شي بالموتر بدون تربوا قوي أو سوبر شارجر جامد وطبعا الشغلات اللي تجي وياها من تغيير لقطع كثيره بالسيارة عشان تستفيد الإستفاده الكامله من مميزاته

وكراج بن دلموج بدبي أشهر من نار على علم بس سمعت أنه يبالغ شوي في أسعاره

واسمحولي على القصور

وسلامتكم

[Supra_Veilside]

جنه الموضوع جديم وايد؟؟