خريطة حلبة دبي لسباق السيارات, ليس بها مكان للدراج ريس

[UaeRace]

السلام عليكم

حبيت أحط لكم خريطة لحلبة سباق السيارات في دبي
وهاي الحلبة خاصة بسباق الفورمولا وليس بها مكان للدراج ريس
وشوفوا الخريطة وأحكموا علشان تتأكدون ,,
وبعدين فيها مكان للرالي وسباق الدراجات النارية moto cross وسباق السيارات
indoor and outdoor karting .. وايضا بها فندق ومدرسة تعليم السواقة ، وعيادة .. والعديد من الخدمات ..

بخليكم مع الخريطة ..

http://www.uaerace.com/upload/uploading/dubai.jpg

تحياتي لكم

UaeRace

[Zero]

هيه والله وانا شفت امسات فى الاخبار الرياضيه عنها ولاكن خلنى على حلبت ام القيوين

بس انا سمعت بسوون حلبه فى بوظبى لو حد عنده معلومات مايقصر فينا

[UaeRace]

الموقع الرسمي للحلبة على الإنترنت http://www.dubaiautodrome.com

[Mazinger]

بعض الشوارع الطويله في الحلبه راح تنفع حق الدراج ريس

تعديل: الشارع رقم 7 من فوق طوله 1300 متر تقريبا و الدراج ريس 400 متر, لا اتخافو في فرصه للدراج ريس في دبي لا تنسون ان الاهتمام بها من الشباب كبير الحينه

[Bin karam]

مشكور اخوي على الموضوع وتوضيح

بعض الشوارع الطويله في الحلبه راح تنفع حق الدراج ريس

إسمحلي اخوي ما اظن يصير
الحلبه للفورميلا تختلف عن لدراج ريس بوايد حتى القار غير
يعني موضوع صعب

المهم اتمنى يكون في مكان لدراج ريس

سلاااااااام :o

[UaeRace]

أنا سألت المقاول الرئيسي للمشروع والإستشاري إنه إذا فيه مكان خاص للدراج ريس
قال حالياً ماشيء ومب موجود في المخطط ..

وإذا شيء بعلمكم أول بأول ,, لا تخافون بييب لكم الأخبار

وبعدين حلبة الفورمولا تختلف عن الدراج ريس لأنه لها معايير ونظم تختلف بوايد


تحياتي لكم

UaeRace

[نيسان]

شي اكييد بيسوون حلبه في دبي واذا مافكرو قبل احيين بيفكروون ...

واذا استوت الحلبه في دبي توقعاتي ان حلبت ام القيوين بتنلبس لأن حلبة دبي بتكوون اكييد امنظمه اكثر والشارع بيكون نفس شارع حلبات الي برع وبيكون شي رعاة للمتسابقين لأنها بتكون عالميه وبتنشهر اكثر عن حلبة ام القيوين.

[HKS]

صرااااااااااحه اتفاجأت بها الخبر
لأني كنت اتوقع حلبة دبي تكون شامله لمختلف السباقات
بما فيهاا الدراج ريس:(
ومن ناحيتي افضل الدراج ريس على الفورمولا وهالخرابيط:]
يالله خيرهااا بغيرهااا
نترياا حلبة بوظبي ;) ;)
وتسلم اخوي UaeRace عالموضوع الحلو;) ;) ;)

[Mazinger]

أفهم من كلامكم انه القار مال أم قيوين الي مسونه واحد مصري أحسن من الي راح يكون في حلبه دبي للفورميلا 1 ؟

كلام غير منطقي شوي... اخاف حد يقولي ان القار مال دوار الثقه في الشارقه أحسن من قار شارع الامارات :]

بعدين انتم اذا بتشوفون أفلام ال Best Motoring في اليابان راح اتلاحضون ان أغلبيه سباقات الدراج مالهم علي حلبات مخصصه لقياس السرعه النهايه وليست للدراج. و السبب بسيط و هو ان مستوي القار عندهم ما يسوي ذاك الفرق بين النوعين.
وعندي مقطع أحب أراويكم اذا الاخ speed4ever مستعد يحطه علي الموقع , و فيه سوبارو يقوم علي الحلبه مال السرعه النهاءيه , الملف حجمه 20 MB تقريبا.
والسلام

[خالد]

السلام عليكم

خل سباقات الكارت والفورملا تنفعهم ...

و يا ليت فورملا واحد بعد ...

وهذي الحلبة حق الأنجليز ....مب حق المواطنين ....

[UaeRace]

مشكورين حبايبي على هالتفاعل الجميل والردود الحلوة

إن شاء الله بييب لكم الأخبار وبحاول أوفر صور عن الحلبة قبل إفتتاحها

تحياتي لكم

UaeRace

[Bin karam]

هلا شباب
اخوي HKS
حراااام عليك تبغي توصلنا بوظبي نحن في آخر لبلاد ساكنين حلبه ام القيوين انشوفها شغلانه وين بوظبي وين تبا:( :(

اخوي
Mazinger
بعدين انتم اذا بتشوفون أفلام ال Best Motoring في اليابان راح اتلاحضون ان أغلبيه سباقات الدراج مالهم علي حلبات مخصصه لقياس السرعه النهايه وليست للدراج. و السبب بسيط و هو ان مستوي القار عندهم ما يسوي ذاك الفرق بين النوعين
لقياس السرعه تقول مب للفورميلا شفت الفرق اخوي
انا شفت افلام عن لدراج ريس وايد ولا مره شفت ريس لدراج في حلبه فورميلا مستحيل اخوي
وعلى فكره اليابانين مب مهتمين في لدراج وايد اكثر اهتمامهم لسباقات 10 لفات وفوق واذا انت شفت فلم دراج ريس الحلبه ولا شي عادي لانهم عندهم بدل الوحده 10 حلبات وعلى مستوى عالي

إسمحلي اخوي على تعليقي يمكن كلامي غلط الله يعلم
سلامي لكم
بن كرم

[khalil_turbo]

مشكور

بس لتمنى انه يفتحون حلبة خاصة للدراق رايس

[Mazinger]

أخوي بن كرم
سباق الفورميلا واحد في أمريكا جزء من الحلبه هو مضمار للسباق ال NASCAR و في الايام العاديه عندهم الحلبه تكون لل ناسكار فقط . نفس الشي في حلبه twin ring motegi في اليابان , نفس الحلبه تكون لها عده استعمالات

تعديل: بس بغيت أقول ان هذا الكلام الي أقوله بس عسب ما تفقدون الامل في حلبه دبي, مو لاثاره المشاكل بأي طريقه, و أشكر كل من قام بالرد. ;)

[HKS]

<p dir="rtl" align="right"><span dir="rtl">كاتب الرسالة الأصلية : Bin karam
هلا شباب
اخوي HKS
حراااام عليك تبغي توصلنا بوظبي نحن في آخر لبلاد ساكنين حلبه ام القيوين انشوفها شغلانه وين بوظبي وين تبا:( :(


بن كرم </span></p>
<p align="right">&nbsp;</p>

هههههههه:D والله الغالي لا اني مقاول المشروع ولا غيره
بس سمعت انهم بيسوون حلبه في بوظبي وقلت الله يوفجهم ، ما باليد حيله
ولو اني مقاول:] جاااان سويت لك حلبه حذاال بيتك:D شو تباا اكثر:D :D ;) ;)

[خطاف]

اترييوا حلبة عيمان بس المشكله الشارع مكسر :rolleyes:

[الظبط_المروري]

كل شي جايز ومافي شي مستحيل هاي الصورة يمكن يعدلون فيها ويسون حلبة انا سمعت ريال كان في ميلس الشيخ حمدان بن محمد وقال انه يفكر بالحلبة يسويها وعلى مستوى حتى لو انتهى عمل البنا في الفورملا عادي يسون شارع فرعي للدراج ريس ومواصفات عالمية في خلال 4 شهور الغالي الشوارع في دبي والجسور تنتهي في سنة ولو تقيس الجسور والشوارع تكون مسافتها 40 كيلو ويخلصن في سنة لان الشغل يكون 24 ساعة ومب اي شركة تنزل المناقصة عليها لازم تكون كبيرة ومعروفة وعندها المعدات اللازمة لو يبون بيسون حلبة في 5 شهور عادي وانشالله دبي وبوظبي يسون حلبة ترفع الراس ويكون التنظيم حلو

[Blue-Supra]

موضوع شيق لكن انا اوافق الراي انه حلبة الفورمولا 1 تنفع للفورمولا وللدراج لانه حلبة البحرين فيها مكان للدراق

وانا اشهد انه هذي الحلبه الصراحه عالميه ومسكته وصدق انها مدينة عالم السيارات

[الظبط_المروري]

حلبة بعيمان هههههههههههه وين تبانا نيلس على دجة البواليع ههههههههههه والشارع مكسر عيمان فيها شارعين بس وين بتسوي دراج ريس الله يهداك قول بسوي حلبة تقفيز ههههههههه لان الشارع كله مطبات وتكسير ونص الشارع زلق

[ريس وبس]

السلام عليكم

الي سمعته من تصريح محمد بن سليم ان الحلبة مب للفورمولا وانما لسباقات ثانية مثل الاوتو كروس والدراجات والكارت وغيرها وعلشان ما يغطون على البحرين ويصير هناك مشاكل معاها ولا تنسوون انه هو رئيس حلبة دبي ومشارك في البحرين في نفس الوقت بسبب خبرته :)

وثاني شيء اظن ان دبي ما تهتم بالشباب ومشاكلم وحشرة الشباب اذا اتجمعوا مكان واحد :) الي يهمهم هالاجانب الي يايين من برع والي مستعدين يسوون لهم اي شيء من تسهيلات وغيرها :) وكل هالمشارييع والبطولات الي تصير في دبي حق منو :) وين نصيب الشباب من كل هالمشاريع وهل البطولات :) الجواب ولا شيء الا القليل والنادر :) واقول لكم لا تترييون شيء من دبي وخلكم على حلبة ام القيوين :)

وعلى سالفة عيمان اتمنى الكل يحترم نفسه لأنه الي محلى الحلبة هم شباب عيمان وام القيوين والكثير من المشاركين من عيمان وسياييرهم من كراجات عيمان علشان انعرف حدودنا وما نغلط على بعض :)

واذا غلطت منكم السموحة :)

[Mohnissan]

شباب امسامحة
بس حلبتنة بارزه وتري افتحون المجال (احتمال في الشتاء القادم)

وتمنا مشاركتكم

وهذه صور للحلبة ( وانا محدد على حلبة الدراج )

http://members.lycos.co.uk/mohnissan/images/f1%20track%201.jpg

http://members.lycos.co.uk/mohnissan/images/f1%20track%202.jpg

وهذي صوره قبل 3شهور تقريبا

http://www.gulfgt.com/forum/attachment.php?attachmentid=6004

:D