فرصه من ذهب .. وما تتفوت يا شباب ..(التجمع)

[SaLoo7]

السلام عليكم ورحمه الله وبركاته ..

اخواني الخميس هذا شي معرض سيارات في نادي الامارات موتر بليكس ..
ولا يفوتكم من ناحيه المشاهده والاشتراك ..
وكل من يملك سياره معدله ويحب يعرضها هذي فرصته ..
ويوم الاربعاء شي تجمع على ممزر دبي عشان الترتيبات والتنسيق ..
انشاء الله من بعد صلاة العشاء بنكون متواجدين والي يحب يشرفنا حياه الله ..
وبنوزع استيكرات القروب عليكم ومب شرط تحظرون بسيارات اسبورت لأنه تجمع عادي ..
http://uae4up.com/uploads/4a7f68f7c5.jpg (http://uae4up.com)

وننتظركم يا اعضاء سفيد فور ايفر ونبيكم ترفعون الراس ..

وهذا رقمي لأي استفسار .. 7505750-050 صلووح

والله ولي التوفيق ..

[STo0oP]

يلا شدو حيلكم شباب نبا مشاركات ولو متواضعه ..

انا ماعندي شي جاهز .. البارحه كنت ويا راعي الجيتي الذهبي اللي ماخذ المركز الاول والثاني قبل في الشو كار بعطيه خبر :)

وخير ان شاءالله..

[M5 Turbo]

إنشاء الله ياخوي

لو قدرت أي من السفر الأربعاء بكون أول القادمين إنشاء الله

مشكور أخوي صلوووح على الموضوع

[لا تحزن]

اشكرك اخوي صلوح عالموضوع العجيب

انشالله يكونون الشباب متواجدين وانا اولهم

[دم الغزال SS]

راح نتواجد ان شاء الله ^^

[سلوقي]

باذن الله نكون متواجدين

ومشكوور اخوي صلوح عالتذكير

[روح الإمارات]

السلام عليكم
انشاء الله بحاول اتواجد..
بس ياخوي صلوح وين التجمع بالضبط؟؟ باركنات الحديقة ولا وين؟؟
والسمووووحة..

[SaLoo7]

التجمع الي بيصير باذن الله يوم الاربعاء طبعا في باركنات الحديقة الي برع ..
وان شاء الله من بعد صلاة العشاء انا بكون هناك على طول ..
ورقمي موجود فوق لأي استفسار ..

[LAND CRUISER]

ان شا الله اذا الله قدرنا بنحضر

[راعي الرنج]

.. انشاء الله يابوووووووووووووو صلوح..راح انكون متواجدين..

حاضرييييييييييييييييين..........

[Repairman-GT-R]

بــــــــــــاذن الله بس ااااااااااااه حسافه اذا قدرت بعدني ماشريت الموتر عشان اييبه ههههههههههههههه

خيرها في غيرها انشــــــــــاله

وراح انكون متواجدين اذا الله راااااااااد

[منظم]

انا بعد وياهم ..

[بو جسيم]

ما فيا اظرب خط وارجع

عندي زام ليل( رجعوني الدوام الله يغربل الدكتور )

بس يوم الخميس الساعه كم بيكون التجمع

[NOS]

جماعه انا يوم الاربعاء بكون فالدوام من الساعه 5 العصر لين 11 بليل

ولكن يوم الخميس بكون انشالله اول المتواجدين

[Awad]

والله حسافة....

كل ماشوف موضوع تجمع يعورني قلبي...

شكلي باعيش في الامارات احسن لي... :36_1_4: :36_1_4: :36_1_4:

[NOS]

حيااك.....

[Game_V8_Over]

انزن بتخبركم الربع
انا بحاول ايه مادري اذا الموتر يوصلني او لا
تعرف مشاكل الجيتي
بس ابا اعرف شي
يبون في النادي مثلا ملكيه الموتر و اي الشي
تراه الموتر منتهي من مليون سنه
والملكيه محجوزه عادي اني اشارك فيه
يعني ما بيسولي سالفه
وزمبريطه ولا كيف
حتى الليسن محجوز
الله يسامح الشرطه
عندي بس ورقه بيع
شو الترتيب

[SaLoo7]

السلام عليكم ورحمه الله وبركاته ..

شباب اليوم الساعه 8 ان شاء الله بكون علي ممزر دبي ..
وبكون اول المتواجدين ان شاء الله عشان محد فيكم يظيع ..
واتمنى كل حاظر يبلغ الغايب .. وما ابغي اي تهاون ياجماعة ..

وبنتكلم بخصوص يوم الخميس عالممزر ان شاء الله ..

تحياتي صلووح
7505750

[UAE_MAXIMA]

خلاص الساعه 8 فوقه واخوي صلوح ترى البعض ما يدرون لان الموضوع مب مثبت واولهم انا بالصدفه جفت الموضوع
وانا على بالي في قسم التجمع طلع في القسم العام

ونتلاقى اليوم انشاء الله

[vxr_4700]

اسمحلي اخوي صلوووح لاني ما سرت التجمع .... لاني برع البلاد و اليوم شغلت خط البلاد و بالصدفة

حصلت المسج والله ودي اني اتجمع وياكم و ارد البلاد بس عندي دراسة و امتحانات و انشاء الله نقدر

انشوفكم في الصيف......... المهم كيف كان التجمع يرفع الراس و لا؟؟

[SaLoo7]

.. بسم الله الرحمن الرحيم ..

السلام عليكم ورحمه الله وبركاته ..

اولا انا عن نفسي احب اشكر كل من تواجد معاي يوم الاربعاء عالممزر من اعضاء ولا شباب برع المنتدى,والصراحه ما قصرتوا وان شاء الله دوم اشوفكم عالحماس هذا ..

والحمد لله التجمع كان حلو مع اني نقعت وانا اترياكم واخوي منظم مسكين كان واصل قبلي بـ5 دقايق ..

وهذي صورة عن الخاطر صورتها لكم وانا يالس فوق على قبة الاستيشن ههههه ..


http://uae4up.com/uploads/b821f70048.jpg (http://uae4up.com)

تحياتـــــــــــــــــــــي

صلووح

[العنكبووت]

3333211؟؟؟

[SaLoo7]

اخوي العنكبوت تو الناس !!!

التجمع كان قبل 4 شهور بالضبط ..

يالله ان شاء الله لك حظ في تجمع ثاني ..

[Rav Turbo]

الله يادنيا

فاتني التجمع

يالله مرره ثانيه انشاء الله

تسلم يالطيب على الاداء العالي

[SaLoo7]

يالله خيرها بغيرها ياخوي ..

[khalil_turbo]

هلا


شباب اتمنى المرة الجاية اتصورون كل السياير وتحطزن صورهم علشان لبقية يتحمسو ويحظرون



؛)

[SaLoo7]

الصور موجوده اخوي خليل راجع الصور في الوصله هذي ..

http://www.speed4ever.com/vb/showthread.php?t=14174

[الــوحــــــــش]

مشكووووووووووووووور

[SaLoo7]

العفو اخوي الوحش ..

[راعي البولو]

اذا في تجمع ثاني انشالله اتخبرونا او اطرشون رسايل خاصه على الاقل عسب انعرف... ومشكورين وماقصرت اخوي صلووح

[SaLoo7]

راعي البولو

العفو اخوي ..
وان شاء الله المره اليايه بنحاول نبلغكم بالرسايل الخاصة ..