البلاكات

[MAGNA VR-X]

اذا حبيت ابدل البلكات للسياره واحط لها بلكات شرارها اقوي :-

راح يترتب عليها كل من؟


هل راح يكون حرق البانزين اكبر بحيث اني الاحظ الفرق بين قبل الاستعمال وبعد الاستعمال؟


وشنو يسوون لسياره هل يزيدون سرعتها؟
وهل لها تاثير ضار للمكينه؟
ولي عنده معلومات ثانيه في اي شي يتعلق بالبلكااات يفيدنه واكون شاكر له



والسلام ختام
http://members.lycos.co.uk/alwakir5555/up/uploading/0005[1].jpg

[الظبط_المروري]

هلا والله الغالي

البلك شغله يعطيك شرار اكثر واقوى عن البلك العادي تبع الوكالة ..

اما عن الانواع في مليون نوع بس خلك بعيد عن البوريشتين وهل الشغلات القديمة جرب البلاتينيوم ان جي كي والفرق راح يكون بسيط مب ذاك الدرجة تحسبه هاذي بلكات مب توربو يمكن تحس شوي بفرق

[الظبط_المروري]

ولا تجرب بلك بو ليزر او اللي فيه عدة روس لانهم يحترقن بسرعه وغاليات على الفاضي في عندك البلاتينيوم من شركة ان جي كي جربه حلو وايد وفنان وفي وايد انواع بس احسلك الان جي كي ركبهن

[hhh]

السلام عليكم .....

الصراحه يا الغالي انا وايدين نصحوني اركب بلكات ngk البلاتينيوم والصراحع انا كمت اركب هاي البلكات من فتره والصراحه انا وايد مستانس منهن .... وبعد بفيدك اذا تبغي انا اعرف واحد اييبهن بأسعار رخيصه ..

[MAGNA VR-X]

مشكورين وما قصرتوو والله

بالنسبه لخوي hhh انا شراي بس انا من لكويت ماكو فايده


انا راح ادورهم في ديرتي شاكرلك
http://members.lycos.co.uk/alwakir5555/up/uploading/Magna005[1].jpg

[Mazinger]

بلكات البلاتينيوم تطول معاك أكثر من اليربديوم
بس تاكد من حراره البلك و حجم فتحه الشرر

[فوكسر الامارات]

البلكات ما تضيف شيء الا الخفيف وما بتحس فيهن :(

ركب ngk البلاتينيوم فهي ممتازة

:)

[الأسرار]

طيب يا جماعة الخير

البلكات اللي برووس كثيرة مثلا ثلاثة رؤوس أو أربعة أو ستة

ما تأثر على الماكينة وماتضرها ؟؟

ومشكورين على الفايدة :)

[Supra_Veilside]

هل البلكات موضة قديمة وما تضر بس شو الفايدة هل البلك ما يتحمل ينكسر بسرعه ويحترق بسرعه ما يكمل شهر او نص شهر الا وبلك محترق ولا بلكين يعني ما ينفع للاستخدام وانا بصراحة ما احبذ هل البلك لانه غير مرغوب عند الكل ومحد يفكر يتجه الهن الا اللي يبا يجرب وسعره غالي على الفاضي ولو تلاحظ الوكالات والسيارات السبورت من الوكالة ما تيها هل الانواع لانها مضرة وغير مضمونه خلك على الراس واحد بس شرارته اقوى ويكون الراس قريب من الابرة عشان الشارة توصل اسرع عن سرعة البلك التابع للوكالة

بلاتينيوم ان جي كي مرغوب جدا والكل يشهد

[MAGNA VR-X]

شاكر لكم على الردوود العسل اللي تدل على اصحابها

http://members.lycos.co.uk/alwakir5555/up/uploading/0005[1].jpg

وابشركم ركبت لبلاكات وشي عجيب حسيت بفرق قليل بس حلوو واجد
وشاكرلكم مره ثانيه

[supra656]

اخوي الاسرار البلاكات بو ثلاث او اربع رئوس زينه بس الخوف انه الراس ينكسر وروح لك البستن ويا الهد والله مايسوي عشان بلك تغير البستن والهد

احسن بلاكات لحد الحين نزلو بلاكات جيدده من شركه TNT الخاصه بالنايتروس بلاكات زينه حق الاستعمال وحق ( ضغط الغاز ) ههههههههههه

[راعي الرنج]

عندي سؤال الى اخونا ( فوكسر الامارات)
اخوي شاري سيفيك موديل 2002 فيتك لكن جير اوتوماتيك والسيارة حلوة بس مشيها عادي
ونبا رايك ونصحيتك عشان المشي تكون مالها احسن الشويه يعني تزويد خفيف .
واسمحلي اني طولت وياك في واحد قال لي بان MSDما يركب على السفيك
ونبا شورك ..............والسموحه

[MAGNA VR-X]

اذا تبي مشيها يصير حلو على الخفيف

ركبلها شوته سستم <فلتر رياضي>
MSDموجود اخوي انا بلكويت ومحصل للياباني
وحط بلكات شرار قوي البلاتينيوم
وذا تبي صوت حلو وعلشان تريح المكينه ركب سستم اجزووز

والله اعلم والشباب ادري مني

والسموحه من الجميع اذا في شي غلط
http://members.lycos.co.uk/alwakir5555/up/uploading/0005[1].jpg

[راعي الرنج]

مشكوووووووووور يالغالييييييييييي
وما يسونها إلا راعي الماجنات