عندي مجموعة أسئلة أرجوكم جاوبوني...

[Aljasmi]

السلام عليكم... هاي أول مشاركة لي...وأنا توني داش في الريس :) يعني السموحة...
1- ممكن اتقولون لي شو القطع اللي اركبها على Z موديل 86 الأمريكي عسب يطير :) ؟
2- شو أقوى نوع من ال GTR34 وأي موديل أحسن ؟
3- هذا يتعب شوي :o ( ممكن تكتبونلي كل القطع تقريباً واستخدامها : مثلاً التربو يزيد السرعة .....الخ) لو سمحتوا...

تحياتي: القيواني...

[Mazinger]

مرحبا في المنتدي
بالنسبه للزد ركب عليه مكينه شفر 350...صدقني ما راح تندم
أقوي موديل جي تي وكاله هو ال NISMO z tune
في مواضوع وايد عن التزيد في هذا القسم, جرب تستعمل خاصيه البحث, و اذا عندك سوال غير مطروح من قبل فاتفضل

[Aljasmi]

مشكور اخوي على الرد ... بس حبيت اقولك اني اترايس في الخط مب قومه ... فشو احسن مكينة حق هالشي (Z)

[Mazinger]

الصراحه ال RB26DETT و ال 2J-GTE مسكتين في الخط و القومه

[الظبط_المروري]

مع احترامي لك اخوي بس الحين محد يبا خط السباقات الحين 400 متر وان كثرت كيلو واحد اما اذا مصمم مالك غير التوجي مكينة السوبرا توين توربو

[supra656]

الله يسلمك انه بجواب لك عن السؤال الثالث مو كل الاجابه بعض من الي اعرفه
3- هذا يتعب شوي ( ممكن تكتبونلي كل القطع تقريباً واستخدامها : مثلاً التربو يزيد السرعة .....الخ) لو سمحتوا...

1- اول شي التوربو : وضيفته انه يضغط الهوا داخل المحرك عن طريق Throttle Body وهذا الضغط يخلي عمليه الاحتراق تزيد وتزيد معاها قوه المحرك يعني في انواع تيربوات لين تفتح يعطي 20 psi وتقريبا 300 حصان <<<<<<< على حسب علمي

2- ثاني شي ال msd اهو نظام كهربا يقوي الكهربا وخليها تمشي على طريق صحيح و يشجع الاحتراق السريع بل محرك

3- ثالث شي القزوز : الله يسلمك حبيبي القزوز اهو عباره عن دبه و بيب وكل مايكون اكبر يعني مايزيد عن 3 انج يكون احسن خاصه للتوربو و القزوز له وضيفتين صوت حلوو ويعدل ضغط الهوا الي يطلع نتيجه لاحتراق الوقود داخل الماكينه

4- الهيدرز : اهو مايركب على المواتر التوربو و اهو اذا تغيره يعطيك فرق كبير لانه يكون اوسع من الاصلي وخلي برشر الماكينه يطلع بطريقه وايد فعاله وفي منه اربع انواع شورت تيوب زين حق فوق الكيلو ونصف و الميديم تيوب هاذا زين حق الخط يعني 700 متر وفوق لين الكيلوين واخرهم لونق تيوب وهو زين حق الدراج وال 500 متر

5- الاير فلتر : اهو طبعا مهم للسياره لانه ينظف الهوا ويدخله بطريقه سريعه غير عن الاصلي الاصلي ينظف بس مايدخل بسرعه واياخر سرعه الاحتراق

اذا لاحظت اني كله اتكلم عن سرعه الاحتراق تدري لهيه لانه سرعه الاحتراق اهم من كل شي لانها اذا كانت سريعه بتخلي ال RPM خفيف واذا كان ال RPM خفيف يعني الموتر بكون صااااروووووووووووووخ :]

[الأسرار]

إشتري هوندا ههههههههههه

أمزح حبيبي

والله الشباب ماقصروا , ترى خذها مني إسمع منهم ومابتندم
ماشاء الله كلامهم مايعيبه شي

والله يوفقك حبيبي :)

[heshmesh]

والله الشباب ما قصرووووووو
بس انت سوهااااااااااااااااا حيطــــــــــــلع موترك+++++>>>> صارووووووووووو
ووووووووووووووووووووووووخ:D

[DiGa]

تسلم أخوي supra656 على المعلومات الثمينة !! :D

[Aljasmi]

مشكورين شباب:D
بس اتصدقون ... ماعرفت للحين شو اختار من مكاين... كل واحد يقولي شي:)

[supra656]

الله يسلمك اخوي DIGA

[الظبط_المروري]

قلنالك تو جي حبيبي مكينة السوبرا توين توربو نصحناك بطلع 300 كيلو على الراحات والموتر بيطير وهل المكينة مافيها عيوب واحسن عن مكينة الجي تي من ناحية الخراب والخط اذا انته تبا خط

[Aljasmi]

مشكور اخوي الضبط المروري:D