كيف يتم معرفة السياره مسروقه

[سفن]

اخواني السلام عليكم انا سمعت ان هناك سيارات سكاي لاين مسروقه موجوده في الامارات والسؤال اذا الواحد بيشتري كيف يعرف لكن ابوضحلكم بعض وجهات النظر لكثير من الناس في هذا الموضوع .
1. في ناس يقولون لازم يكون مع الموتر شهاده حمرا تصدر من الحكومه اليابانيه تفيد بان السياره مافيها شي ووجهة نظري كيف اساسا نعرف ان هذي الشهاده ميب مزوره .
2 . وناس يقولون تاخذ ورقه اظن من المرور او شهاده اسمها ابراء ذمه وهي تفيد بان السياره ميب مسروقه وطبعا وجهه النظر هو اذا اواحد اخذ السياره وشحنها مثلا الى المانيا او بريطانيا ووقفوه الانتر بول فهل ستفيد شهادة ابراء الذمه ما اعتقد .
3 . ومجموعه تقول ممكن تشيك على رقم الشاسي اذا كان مسجل في الانتر بول على ان السياره مسرقه ولا لا ووجهة نظري تقول ان العصابات اللي سرقت السياره مهم اغبياء حيث يقومون بتغيير رقم الشاصيه بسياره اخرى نفس اللون ولكن غير مسروقه فبالتالي يصعب كشف الموضوع .
4 . في اخوان يقولون اذا كان سعر السياره رخيص معناه انها مسروقه وانا اقول مو شرط لان اذا حطينا سيارتين واحده مسروقه ووحده لا والاثنين نفس الاوراق بس وحده مزوره ووحده لا كيف نفرقهم اجل .


واخيرا اريد راي الخبراء منكم يعطونا كيف نعرف ان السياره مسروقه ولا لا وايضا كيف يتم التفرقه بين المسرو ق والغير مسروق .

[top-secret]

تعرف السياره المسروقه من
*مفاتيح السياره يعني لو مفتاح الدبه غير عن مفتاح اشتغال السياره

*وعندك الجيتي ار من قفل الدبه ليش اول ما يسرقون الجيتي ار يكسرون قفل الدبه ويشلون واير البطاريه
علشان الانذار مايشتغل

* واكثر السيارات المسروقه تجي من اليابان مفككه يعني تقدر تشوف البدي السياره وايد في شموخ وبراغي البيبان
مبطله يعين
وهذا الي انا اعرفه وبس والسموحه

[سفن]

ما قصرت اخوي لكن برضه ما هوب حل جذري لان اقفال السياره ممكن تتغير بالكامل عادي وبالنسبه ان السياره مفككه ومركبه برضه صعب تنعرف 100 بال 100 طيب بعدين اذا جت في كونتنر مفككه من اليابان ودخلت الامارات على اساس انها قطع غيار وبعدين اتركبت القطع وسارة سياره اشلون يطلعلها اوراق يعني من وين يجيبون اوراق دخول السياره

[skyline-33]

بصراحه انا اشتريت gtr33 موديل 1998 قبل 3 سنوات وكانت السياره ماشيه 2000 وشويه.وانا اشتريت السياره سنه 2001.يعني السياره قطعة 2000 كم خلال سنتين... اكيد مو صحيح... قلت في نفسي اكيد العداد منزل وبعدين تفاجات بوجود اوراق الوكاله مختومه مع تاريخ الشراء....وبعد فيها صدا خفيف من الاسفل.... والمفتاح من صوب واحد يشغل ومن الصوب الثاني يفتح الباب.... وعللت هذا كله على ان السياره مسروقه بعد فتره بسيطه من شراءها من الوكاله وحطوها في مخزن سري لمده لا تقل عن سنتين وبعدها زوروا اوراق التصدير وجابوها الامارات.......

[skyline-33]

وعلى علمي ان في سيارات تجي الامارات على اساس انها سكراب وبعدين تنباع كاي سياره عاديه:confused: اقول لكم كيف. السياره تنسرق من اليابان مثلا وعشان الجمرك وعشان محد يشك يقصون السياره نصين ويصدروها على سفينتين يعني نص هنا ونص هناك وبعد ما يخلصوا.... يجيك صاحب الجراج المتعاملين معه يشتري النصين ويلحمهم ويعدل و يصبغ وتصير السياره ولا عليها اي غبار نظيفه ولا يبان عليها شي وبعدين يبيعها

[سفن]

صحيح كلامكم اخواني بصراحه انا تاكدت ان اغلب اذا مو كل الجي تي ار اللي موجوده في الامارات مسروقه لكن تعلموا اليابانيين من الايطاليين سرقة السيارات لان هالسيارات غالبا ما تنسرق عن طريق رضا صاحبها يعني تجي العصابه لصاحب السياره تعطيه 15000 مقابل انه يغمض عيونه عن السياره وما يبلغ عن سرقتها الا بعد ما يقولوله يعني تكون طلعت السياره من اليابان بعدين يروح صاحب السياره يشتكي للشرطه ثم التامين ويقول طبعا اني جيت من السفر ما لقيت السياره المهم كلها شهر وفلوس السياره في جيبه من التامين والدليل انه ما في سياره في الامارات لها اوراق رسميه من الحكومه اليابانيه وحتى شوفوا فرق السعر سياره في اليابان ب 180000 او 220000 تنشرى ب 80000 او 100000 اكيد في شي مو طبيعي لكن من اهم الاشياء اذا بتشتري سياره مسروقه ان رقم الشاسيه ما يصير مغير او مدقوق علشان اذا صارلك مشكله بيقولون انت اللي مغيره وبكذا مالك حجه لكن اذا كان صحيح ممكن تقول ان عندي اوراق رسميه من المرور والحكومه يعني ممكن تطالب بارجاع المبلغ لكن طبعا اللي اعرفه ان النيسان سكاي لاين للسوق الياباني يعني نادر ما يتبلغ الانتر بول لكن البروش والفيراري اذا شريته مسروووق الله يعينك يصيده الانتر بول في دقيقه