شو رايكم في دراجات China ؟

[zonda]

السلام عليكم
حبيت أسأل الشباب ((المجربين))
شو رايكم في الدراجات اللي تنباع في سوق التنين اللي في دبي
بصراحة أسعارهم مغرية جداً لدرجة إني أنا الشيبه فكرت آخذ لي دراجة :36_7_6:
بالنسبة لقطع الغيار فأصحاب المحلات يقولون إنها متوفرة والضمان لمدة 6 شهور

حد من الشباب مجرب ؟
أشتري ولا ؟؟

[برهوم]

انصحك لا تقرب منهن

[SUPRA 37777]

السلام عليكم
اخوي نحنا مجربي 3 دراجات وماكملن شهر ووحده ما كملت اسبوع وطاح الصنقل مالها

ومكاينهم ما تنفع حق البر مكاينهم نفس دراجات مال الكفتيريا :smoking:

زيد كم من الف وخذلك شي ياباني احسنلك

[zonda]

مشكورين يا شباب
لكن كيف أصحاب المحلات يعطون ضمان 6 شهور على دراجة ما تكمل شهر !!

[احمد الحمادي]

هلا اخوي انا خذيت 250 سي سي من عندهم قالوا لي قويه و مسوايه حق البر بس اللي طلع العكس .....
و بعدين وديتها عند المصلح اللي دوم الربع يسيرون عنده عسب اجيك عليها الله لا يراويك شو الخرابات الللي كانت فالدراجة ....

[SaLoo7]

هههههه

احنا خذنا 3 دراجات من الـ 50 سي سي اعتقد وكل وحده فيهم حق يوم بس هههه ..

اتقول شاري سفرة مب دراجة ..

[1000hp]

مصخرررررررررررررررررررررررررررره

[susuki gam]

لا لا لا لا لا لا تقرب

[عادل]

كله ولا الصيني
في مثل يقووول
(لا يغرك رخصه ترمي نصه )
هذا بترميه كامل مب نصه

[jaasem88]

المثل الاعلى أنا وصاحبي خذنا ثمان دراجات وباجي و
والصراحه راحه اسأل المجرب ولا تسأل الطبيب صحيح احنا اغترينا بالسعر بس ندمنا ندم أعوذ بالله
وأحسن لك لاتروح مركز التنين واذا رحت غض البصر على الدراجات نصيحه نصيحه نصيحه
والله يحفظك

[استيشن]

لاتقرب للصيني

خلك عالياباني ولو مستعمل *______*

[الدبلوماسي 111]

خلك أبعيييييييييييييييييييد نصيحه!

[t88h]

هههههههههههه ايه والله خلك بعيد لين اليوم عمري ماجفت شي صيني ماشي هههه دوم خرابات وعله

[الاحمر]

انا اخذت 2 للعيال ومافي طلعة الا واختربت اخذتا 1250 وخسرت دبل

[عيناوي 24]

انا بعد شليت ثلاث صيني كل اشوي شي يخترب فيهم يوم تسير واتقوله ضمان ايقولق لالا هذا مب شامل الضمان انصحك لاتشل مووول لانهم شكل وايد حلوة واتقول خلاص بشله يوم تستخدمها اتقول ياليت ماشليتها

[omar 999]

لا أخوي لا تشتري و تفكر ترى نحن إشترينا

و ماتمت عندنا إلى إسبوعين و بدت تخترب علينا يعني الفلوس إلي خسرناها على الدراجه الصينيه كان عادي أن نحن نشتري فيها 80cc

إسأل مجرب ولا تسأل طبيب