حادث أحمد الغص بالبونتياك الأحمر جديد X جديد

[UaeRace]

بعد طلب الكثير من محبي سباقات الدراج ريس لتصوير فيديو حادث المتسابق ( أحمد الغص)
حبيت انزل لكم الفيديو وأتمنى انه ينال على اعجابكم .. والسموحه على التأخير

http://www.uaerace.com/super/2007/alghasacc.wmv
تحياتي

UaeRace

[التاجر]

سلامات سلامات .. ما خبرتنا ان شاء الله ما صاده شي

ان شاء الله كل العافية كل العافية يواليه ان شاء الله


نرجو منك اخوي ان تطمنا

[دم الغزال SS]

الحاااادث كان شي فظيع صراحة

واهم شي ان أحمد طلع بالسلامة

تسلم عالفيديو

[uae_bomb]

الحمدلله الحمدلله





الحمدلله على سلامت احمد الغص


مايشوف شر

[UaeRace]

شكرا على الرد جميعاً
والحمد الله .. على سلامة المتسابق احمد الغص
ما صار له شيء وربي يحفظه ..

بس سؤال يا أخوي (( دم الغزال ))

ليش عدلت على الموضوع ؟؟؟؟؟
آخر تعديل دم الغزال SS يوم اليوم في 06:59 AM.

علشان ما تبغي الناس تدخل موقعي ويشوفون الموضوع هناك ؟

اذا ما عليك أمر احذف الموضوع .. لأني ما اقدر احذفه

وهذا يزاي بعد ..

على العموم .. شكرا على المعامله الحلوة ...

بس نصيحة يا أخوي .. لا تستخدم صلاحياتك في شيء يضر المنتدى مره ثانيه

واتمنى تحذف الموضوع .. وهذا طلب مني انا صاحب الموضوع

UaeRace

[UaeRace]

ارجوا حذف الموضوع

شوف القوانين .. وشوف البند الثاني الخاص ( بتعديل او نقل او حذف المواضيع )
http://www.speed4ever.com/vb/announcement.php?f=16&a=15

ما أشوف موضوعي يستاهل التعديل . وأنا ادري انك عدلت على الوصله عشان محد يدخل المنتدى عندي، وعلى بالك أسوي دعاية عن موقعي، بالعكس Speed4ever يعرف موقعي
وبعض الأعضاء هنيه مسجلين هناك، وماشيء بينا تحدي او شيء ، Speed4ever.com مشهور من سنين قبل UaeRace.com ، وحتى يوم فتحت انا موقعي، كان Speed4ever عنده علم وانا بنفسي خبرته بالموقع وقلت له بنتعاون وبالعكس انا كملت 3 سنوات في هذا الموقع، وماشفت من راعي الموقع أي قصور، ويعامل الناس باحترام وتقدير، وانا استأذنته من قبل بخصوص توقيع حطيت فيه اسم موقعي، وقال ماعنده مانع، فمادري ليش هالمعامله منكم يا مشرفين، يمكن انتوا لكم نظره ثانيه.

على العموم حصل خير وانا ما بكبر الموضوع زياده لأنه ما يستاهل
مع انه نحنا نحاول ننشر رياضة الدراج ريس بالصوت والصورة ولكن انتوا ما تشجعون الواحد
بتعاملكم الغير لائق ..

أشوفكم على خير

UaeRace

[Speed4ever]

خلاص اخوي Uae Race ما حصل الا الخير واذا في شيء غلط امسحه في ويهي وانت اخو وعزيز وغالي

وبخصوص اسم الموقع ترى الين الحين موجود في الرابط وفي الفيديو بعد وما اعتقد ان في فرق بين موقعي وموقعك بالعكس لان كلنا اخوة وتحت شعار واحد بس عاد انت تدري ان الاوامر طالعة من عندي وانا الي حاط هاي البنود والشروط والمراقبين ما شاء الله عليهم قايمين بالواجب بموجب الشروط الي موجودة

واتمنى انك ما تشيل شيء بخاطرك والي تامربه انا حاضر

واشكرك الغالي على الفيديو لان الشباب من زمان ويتريون هذا المقطع وانت جزاك الله خير ماقصرت وقمت بالواجب

والسموحة

[spe!!ee!!ed]

يا جماعة الخير فديتكم واحد ينزل الفيديو لان الوصله مب شغاله ..

والسموحه

[دم الغزال SS]

اخوي uaerace ( عبيد )

أنا ما سويت شي الا لان في شي مخالف

ومن قوانين المنتدى : عدم وضع وصلات لمنتدى آخر .. سواء كان منتداي او اي منتدى ثاني

وهاي الشي مو من عندي ... قوانين تمشي عالكل ... الاعضاء عليهم الالتزام والمشرفين التطبيق

السموحة ..بس ها القوانين

[Smokey Nagata]

الوصله مب شغاله

[UaeRace]

Speed4ever
والله يالغالي ( محمد ) تعرف نحنا ربع من زمان .. وحتى يوم فتحت موقعي قلت لك وخبرتك
والموقعين يخدمون سباق السيارات، وانته تدري اني في عمري ما سويت دعاية حق موقعي ولا نشرته في منتداك الغالي، منتدى Speed4ever غالي عندي وما أقدر استغني عنه.. وهالموقع هوه اللي شجعني أفتح موقع مكمل، وليس منافس، انا موقعي تكميلي لموقعك وليس منافس، لأن العين ما تعلى عن الحاجب، وما نقدر نستغني عن Speed4ever .

ومن الحين اقولك يا اخوي محمد ( Speed4ever ) موقعي مب منافس لموقعك، كلهن واحد.

المهم حصل خير ،، وانا مب زعلان ، ورجعت الوصله والحين تشتغل
واللي يبا شيء لا يتردد يطلبه ،،

شكرا أخوي محمد على الرد ..

أخوي ( دم الغزال )
حصل خير وانا مب زعلان .. مع اني قريت القوانين وما شفت هذا البند
وقريتها أكثر من مره.. راجع وصلة القوانين..
المهم لا تحط في بالك .. ساعات العصبية تخرب مزاج الواحد

تقبلوا تحياتي

UaeRace

[Speed4ever]

Speed4ever
والله يالغالي ( محمد ) تعرف نحنا ربع من زمان .. وحتى يوم فتحت موقعي قلت لك وخبرتك
والموقعين يخدمون سباق السيارات، وانته تدري اني في عمري ما سويت دعاية حق موقعي ولا نشرته في منتداك الغالي، منتدى Speed4ever غالي عندي وما أقدر استغني عنه.. وهالموقع هوه اللي شجعني أفتح موقع مكمل، وليس منافس، انا موقعي تكميلي لموقعك وليس منافس، لأن العين ما تعلى عن الحاجب، وما نقدر نستغني عن Speed4ever .

ومن الحين اقولك يا اخوي محمد ( Speed4ever ) موقعي مب منافس لموقعك، كلهن واحد.

المهم حصل خير ،، وانا مب زعلان ، ورجعت الوصله والحين تشتغل
واللي يبا شيء لا يتردد يطلبه ،،

شكرا أخوي محمد على الرد ..

أخوي ( دم الغزال )
حصل خير وانا مب زعلان .. مع اني قريت القوانين وما شفت هذا البند
وقريتها أكثر من مره.. راجع وصلة القوانين..
المهم لا تحط في بالك .. ساعات العصبية تخرب مزاج الواحد

تقبلوا تحياتي

UaeRace

والله حبيبي واخو عزيز وغالي

[بوعبيد]

الحمدالله على سلامة احمد الغص ريال طيب ومايستاهل اللي صابه اللي يعوضه شي خير انشالله

[مجرم_راك]

تسلم يالغالي على الفيديو
وحصل خير
والى الامام للموقعين

[full speed]

مشكوور يا اخي ما قصرت

[500]

^________^

[توسونامى]

يسلمو على المقطع؟؟؟؟