تجمع قريب جداً .. تفضلوا شباب .. [الأرشيف]

SaLoo7

22-02-2007, 06:27 PM

-- بسم الله الرحمن الرحيم --

.. الحمد لله رب العالمين ، والصلاة والسلام على نبينا محمد وعلى آله وصحبه أجمعين وبعد ..

.. السلام عليكم ورحمة الله وبركاته ..

اخواني اعضاء و مشرفين منتدانا منتدى السرعة للأبد

طبعا بعد طلب كثير من الاعضاء بتجمع لأعضاء المنتدى

قررنا ان نقيم تجمع ولكن تجمع ذو اهداف لكي لا يكون التجمع تضييعاً للوقت

منه نلتقي بكم اخواني والتعرف عليكم ومنه نناقش مواضيع تخص تطوير المنتدى

وسيكون المدير العام موجود شخصيا لتقبل جميع آرائكم بكل سعة صدر

ولكن بقي الآن الزمان .. والمكان سيكون على شاطئ بحر الممزر

وانا برأيي ان يكون يوم الجمعة الموافق 9 / 3 / 2007 ( بعد اسبوع بالضبط من اليوم ) ..

في انتظار ارائكم ومقترحاتكم ..

راعي الالتيما

22-02-2007, 07:36 PM

وعليكم السلام ورحمة الله وبركاته اخوي .. صلووح ..

اول شي انا اتشرف باني اكون اول من يرد على موضوعك .. وان شاء الله بكون من الحاظرين ..

بس انا غالبا ما اكون مشغول يوم الخميس ..

لذلك بتريا راي الاغلبيه بالنسبه للزمان واتمنى ما اتكون فيه معارضات كثيره عشان ما اطول السالفه ..

المهم اذا الجماعه اعضاء المنتدى الكرام اموافقين على هذا الموعد فانا ماعندي اي مانع ..

بالعكس بحاول افضي عمري .. وان شاء الله بكون موجود وياكم ..

راعي الالتيما

22-02-2007, 07:38 PM

نقطه وحده بعد قبل لا انسى ..

اتمنى انكم اطرشون رابط هذا الموضوع لجميع الاعضاء .. عشان يتعمم ع الكل وماتكون هناك اي حجه لاي عضو ..

واتمنى الكل يتفاعل ويا الموضوع .. والكل يحظر التجمع ...

تحياتي .. راعي الالتيما

VENOM

22-02-2007, 09:29 PM

والله خاطري أحضر
لا ونتشرف بهالشي
لكن شو بنسوي يالسين ببريطانيا <<<<< أونه يتعذر
فالسموحه ولا حد يحط بخاطره ووجودكم يكفي وزود

دم الغزال SS

23-02-2007, 12:03 AM

راح اتواجد ان شاء الله

Nissan_Netics

23-02-2007, 01:44 AM

مرحبااااا اخويه صلووووح

اول شي الموضوع وااايد حلو -- وثاني شي نتمنى الكل يرد على موضوعك
عسب انعرف اذا الجماعه بيون ولا لا

اخوويه صلووح ليش ما تخلي الموضوع شرات التصويت وتشوفون النسبه بين الي موافقين والي مش اموافقين اترا واااااايد احسن ..!؟؟!

وانا عن نفسي اشوف ان يوم الخميس مناسب جداً لكن بشرط انعرف الوقت من الساعة كم ومتى بتخلصوون حبووب والموقع بالتحديد والتفصيل الممل .

يعني انتا تطري ممزر الشارجه ولا دبي ..؟
في اي موقع بالظبط وياريت تعطي وصف كافي لأي شخص مامر في المنطقه الي بيكون فيها التجمع.

السموحه على الإطاله لكن حبيت ان الكل يكون موجود لغرض واحد مهم و هو تطوير الموقع والتعارف.

والحضووور لكل الشباب مش يس الي عندهم سبووورت ^__^ انا بيي بالبيكب ^__^
وفي حال لم يتم الإتفاق على يوم الخميس اتمنى انكم اتخبرونا ان الموضوع اتكنسل .

تحياتي لكم ^_^

SaLoo7

23-02-2007, 02:47 AM

++ بسم الله الرحمن الرحيم ++

اوكي يا جماعة بما انكم تبون الزمان و المكان بالتفصيل الممل ..

انا اقول خلاص نتوكل على الله ونخلي التجمع بتاريخ 9 / 3 / 2007

يوم الخميس ومن بعد صلاة العشاء لين ما نخلص من السوالف والمناقشات

والمكان مثل ما قلت بحر الممزر ( دبي ) باركنات الحديقة الي على الشارع العام ( خلف الفلل ) ..

اخوي راعي الالتيما بالفعل اقتراحك في محله ولازم اللنك ينرسل لكل الاعضاء ..

اخوي Nissan_Netics اخوي مافينا انسوي تصويت وكل واحد يختار يوم هو فاضي فيه
ولم التجمع يكون في يوم محدد وتوقيت محدد خلاص هذا الشي يعم على الكل ومن
اي مشكلة في الترتيبات .. وانا حددت الزمان والمكان وما على الشباب غير انهم يحضرون

اخوي VENOM عذرك معاك حبوب .. وبالتوفيق ان شاء الله ..

اخوي دم الغزال SS اكيد واهم شي الكيمرا هههه ..

ومشكورين حبايبي عالتفاعل .. وننتظر الباقيين ..

اخوكم صلووح

vxr_4700

23-02-2007, 03:23 AM

اول شي حمدالله علي السلامة اخوي صلوووح

ثانيا تعرف انته ظروووووفي ما اروم احضر ها التجمع لاني امسافر حاليا

و انشاءالله نقدر انشوف الشباب اذا كان ف مجال ف الصيف

اخوك vxr_4700

SE7EN

23-02-2007, 03:42 AM

السلام عليكم ورحمه الله
-------------------------------
ان شاء الله اكون موجود :)

ECHO_TRD

23-02-2007, 02:19 PM

السلام عليكم ورحمة الله وبركاته ...........
أول شيء أشكر الأداره على ها التنظيم الحلووو وبالذات أخوي صلوووح ........

أما عن الموعد ... ودي أحضر التجمع بس ما أقدر ........ انا عندي دوام الصبح ودراسه في التقنيه العصر ....... فلو يكون يوم غير يوم الخميس بكون ان شاء الله أول الحاضرين .......

وبعض الشباب بيكونون نازلين من الدوام والي راد من أبوظبي والعين يعني لو يكون التجمع يوم السبت ..... يحضرون وبعد التجمع يكملون دربهم للدواماتهم ........ هذا رأيي .... ونشوف رأي الأغلبيه ..........

تتوفقون ان شاء الله في التنظيم ......... والسموحه منكم جميع .".".".".".".".".".".

طيطار مواطن

23-02-2007, 04:42 PM

الخميس وايد جين ... سجل اسمي

lan_evo_vii

23-02-2007, 07:35 PM

أخخخخخ
صراحة ودي أحضر و بقوه بس المشكله اني من عمان.
بحاول إن شاء الله أحضر

بن دبي

23-02-2007, 08:04 PM

ان شاءالله بكون متواجد

SaLoo7

23-02-2007, 10:13 PM

++ بسم الله الرحمن الرحيم ++

لا شباب .. والله اول شي احب اشكركم على تفاعلكم مع الموضوع ..

والصراحه اليوم انا و اخوي محمد بن عوقد المدير العام تناقشنا الموضوع ..

وشفنا ان تاريخ 1 / 3 / 2007 ما ينفع ابداً وبالذات ليوم التجمع لأن يوم الخميس

اكثر الناي يرجعون من دواماتهم ويحبون يرتاحون من السواقة والزحمه وقلنا نأجل

التجمع لإسبوع واحد بس ونخليه يوم الجمعة الموافق 9 / 3 / 2007 والمكان ( ممزر دبي )

وطبعاً هذا التأجيل الأخير ان شاء الله .. وان شاء الله ما من اي مشكلة ويصير التجمع

انتظر ارائكم ومقترحاتكم في الموضوع

سلامي .. صلووح ..

XA77

23-02-2007, 10:15 PM

السلام عليكم

ودي أنا أحضر بس رايح الفجيره لقضاء أجازه نهاية الاسبوع مع بعض الشباب...

:smoking: :smoking:

khalid156

24-02-2007, 12:54 AM

SaLoo7

24-02-2007, 07:32 AM

السلام عليكم

والله يا اخوان كنت اتمنى اني اكون موجود و لكن بتاريخ 1/3/2007 في سباق بحلبة البحرين و راح اشارك ان شاءالله بالسباق

و ان شاءالله بشارك بأسم المنتدى :)

ان شاءالله التجمع الجاي اكون متواجد :)

السموووحة و بالتوفيق للكل :)

اخوي خالد اولا بالتوفيق لك ان شاء الله في السباق ..

وثانيا ترى اجلنا التجمع لتاريخ 9 / 3 / 2007 يعني تقدر تتواجد ان شاء الله ..

بن دبي

24-02-2007, 08:09 PM

للأسف تاريخ 9 ما اقدر اي لاني بكون مشغول

والسموحه
اخوكم
بوذياب

poca_moca

24-02-2007, 10:15 PM

إن شالله بتواجــد إذا ما طرا طارئ ..
والسموحه

DiGa

24-02-2007, 10:28 PM

بكون متواجد بإذن الله... *_*
لأني حاليا بطالي تخرجنا ويالسين في البيت الحين هههههههههههههههههههههه

شكرا صلوووح على التنظيم والاهتمام... *_*

kayed

24-02-2007, 11:33 PM

اواااااااااااااه

اول شي الحمدلله على سلامتك ياخوي صلوووح

وثاني شي اشكرك

والله انا انطر ها التجمع عسبت نتعرف على اعضاء المنتدى

وانشالله راح اكون من اول المتواجدين انشالله

بو عسكور

25-02-2007, 12:32 AM

الجواب عندك يا بو الصلح

اذا في اي شي نحن حاضرين

SaLoo7

25-02-2007, 01:19 AM

تسلمولي والله عالتفاعل هذا ..

وما أبي منكم اي شي غير تواجدكم معاي وبس ..

وكل غايب عذره معاه يا شباب ..

حلم فقير UAE

25-02-2007, 09:19 AM

اجلو التجمع لين الاسبوع الياي او خلوه ابتاريخ 10/3/2007 لانه موتري فالقراج امس امودنه بدزله مكينة 1j تكدرون اتاجلون ولا لا

HKSTEAM

25-02-2007, 11:34 AM

انشاء الله بكون موجود
و مشكور اخوي صلوووح على هذا الترتيب للتجمع

Repairman-GT-R

25-02-2007, 01:11 PM

انا عن نفسي ماعندي أي مشـــــــــــــــــــاكل بس ياليـــــــــــــــت يكون في تأكيــــــــــــــــد عالموضوع عن طريق الخاص
وشكرا
صلوح
حمد لله على السلامه

Speed4ever

25-02-2007, 02:56 PM

ان شاء الله قبل التجمع بيومين راح ارسل رسالة خاصة للجميع للتاكيد

SaLoo7

25-02-2007, 03:24 PM

++ بسم الله الرحمن الرحيم ++

اشكركم اخواني عالردوود .. ولا تنسون دور اخوي المدير العام محمد بن عوقد ..

وهذي المره هو الي حب يجمعكم ويتناقش معاكم مواضيع التطوير في المنتدى ..

اجلو التجمع لين الاسبوع الياي او خلوه ابتاريخ 10/3/2007 لانه موتري فالقراج امس امودنه بدزله مكينة 1j تكدرون اتاجلون ولا لا

والله يا اخوي وبكل صراحه اقولك اسف واسمحلي ..

وهذا الشي الوحيد الي ما بيصير ابداً حتى لو انا تصيرلي مشاكل وتمنعني عن الحضور
بس أأجل التجمع لأ ومستحيل .. تأجيل على تأجيل التجمع يتكنسل ( الله لا يقول ) طبعا من تجربه سابقة ..

ومب شرط تييب موترك المزود ولا الاسبورت , تعال باي موتر اهم شي نشوفك ونتعرف عليك ..

Dr.psycho

25-02-2007, 08:27 PM

ان شاء الله بحاول اتواجد هناك
بس أنا احذركم تراني بصوور فضايحكم كلها وماحد يزعل مني
لووووووووووووووووووووووووووووووووووووول

حلم فقير UAE

25-02-2007, 11:35 PM

تسلم الغالي وانشالله بيي فتيدا مال الاجار بلجلع الفلتر وابيي انفل لوووووووووول التمصخر وياكوم انشالله بكون حاضر علشان نتعرف على الاعضاء

MINES

26-02-2007, 12:25 AM

انا ما بيي

اسمحولي

SHJ 88077

26-02-2007, 12:44 AM

زين ^_^

عيل لازم اي عشان اشوفكم ..

بس بعد موتري في الكراج انشاءالله راح احن علية اختر يخلص السيارة ..

السموحة منكم :)

بو عسكور

26-02-2007, 02:11 AM

وماشي فعاليات خخخخ

اسولف

Speed4ever

26-02-2007, 08:10 AM

وماشي فعاليات خخخخ

اسولف

فديتك انت بكبرك فعاليات

SaLoo7

26-02-2007, 10:43 AM

وماشي فعاليات خخخخ

اسولف

هههههه يابها صح والله ..

وعطاك الجواب الشافي والمريح ..:dddww4:

الراية 7511

26-02-2007, 01:38 PM

إنشاء الله بنكون موجودين

راعي الالتيما

26-02-2007, 06:19 PM

ماشاء الله الاعضاء كلهم يايين

ان شاء الله بحااول ايي التجمع ..

عدووول .. وكيووود اهم شي ايوون عندي سالفه وياهم لووول ..

نتمنى التفاعل من الجميع ..

kayed

26-02-2007, 08:04 PM

انا لا تاخذ هم انا انشالله ياي ياي

وعدووول بعد اشنالله ياي

روح الإمارات

26-02-2007, 09:41 PM

اسمحولي انا ما اقدر ايي..

تاير عريض

26-02-2007, 10:30 PM

انا بيي بس المشكله كيف بتعرفوني انا

و انا كيف بعرف ان ها العضو مثلا صلوح

بنعرف المدير بس الباقين كيف نعرفهم انا بكتب ع كندوتي تاير عريض

بس عندي استفسار شو نسوي بالتجمع بس نتعارف ع بعض مافي شي زياده بعد حلو

احم احم بس لو يكون شي بوفيه ب بلاش محد ما بي هههههههههههههههههههههههه سوالف

kayed

26-02-2007, 10:55 PM

ههههههههههههههههههههه

هي والله

كل واحد يوقف عند موتره ويقول النك ماله

هع

لا ماعليك كل واحد بيتعرف على الثاني

منظم

26-02-2007, 11:07 PM

الله .. شو هالاخبار الحلوه .....

أقول انا ان شاء الله ياي .... ولكل عضو في المنتدي من عندي (( حلاوة مصاص )) ....
شو رايكم ..
ولا تبون فوانيل مال النادي .. ؟؟

خبروني

تاير عريض

26-02-2007, 11:11 PM

حلاوة مصا ب نكهة التوت وايد حلوة الهديه و فنايل بعد ولا فوانيل ع قولتك للذكرى

راعي الالتيما

26-02-2007, 11:13 PM

والله بتسوي خير اخويه منظم .. بس في ناس ما اضن ايحصلون فنايل ع اقياسهم

فاناا اشوف انه فكرت المصاص احلى بوايد ^_^

Supra 1jz

26-02-2007, 11:26 PM

يا الله ..

منتجمع ..

وسوالف ..

وضحك ..

وربشة ..

وفي النهاية ..

نتفرفش ونتعرف على بعضنا البعض ..

ونؤدي غرض التجمع الا وهو تطوير منتدى السرعة للأبد ..

والله فكرة فنانة وجميلة في نفس الوقت ..

والوقت حلو والمكان أحلى ..

بس في شروط لحضور التجمع ؟

والشي الثاني ابا رقم منسق التجمع ..

عسب اتصل به يوم الجمعه .. واتأكد من المكان وقت التجمع ..

وسوري طولت عليكم واااااااايد ..

هيه ادري ادري ما في داعي اتقول .. اعرف ياك شد في الحلج ..

واتمنى لكم أحلى واسعد لحظات تقضونها ف حياتكم ..

ولا تنسون تردون علي بأسرع وقت ممكن عسب افضي عمري لهاليوم ..

وإلى الملتقى ..

أخوكم ..
supra 1Jz

حلم فقير UAE

27-02-2007, 12:14 AM

لا نبا فنايل يب فنايل مونظم

kayed

27-02-2007, 01:22 AM

ههههههههههههههههه

راعي الالتيما اعترف ان ماشي على اقياسه

يبى مصاصه

Dr.psycho

27-02-2007, 06:27 AM

بعد إعادة التفكير بالموضووع لاحظت انه 99% ومليار بالعشرة التجمعات كلها تصير يا بدبي او الشارجه
بس و أغلبية الشباب من مناطق قريبة واحنا اللي بالمناطق البعيدة لازم نضرب خط رايحيين وراجعين فقررت اني ما احضر لأنه ما اقدر الصراحه كل مرة أضرب خطووط...
والله يوفجكم وتتستانسون بالتجمع.............

Dr.psycho

27-02-2007, 09:31 AM

بنسوي تصويت بالقسم العام على اساس مكان التجمع

الكرولا السماوي

27-02-2007, 02:22 PM

بنسوي تصويت بالقسم العام على اساس مكان التجمع

انا راي من رايك...وفعلا التجمعات كلها تصير بعيد عنا..كله خطوط

وانا ابعد عن دبي تقريبا 160 كم

آسف مااقدر اجي التجمع.....والله يوفجكم ولاتنسوا التصوير

kayed

27-02-2007, 02:43 PM

صح كلام اخوي عدووووووووووول

ولازم انراعي الباقين

SaLoo7

28-02-2007, 01:35 AM

++ السلام عليكم ورحمه الله وبركاته ++

بصراحه ما اعرف اقولكم .. يعني يا الي تبونه أو خلاص لأ يعني لأ ؟؟

يا جماعة لا تنسون انكم كنتوا تتريون التجمع من زمان وكل فتره واحد
يرسلي رساله ولا الي متصلبي ولا في المواضيع تقولون تجمع وتجمع

والحين قمتوا تتحججون عالمكام والدرب وما اعرف غيره ؟؟

ولا الحين يت السالفة على المسافة ..

لا تنسون ان التجمع هذا كله ساعات وخلاص والله يعلم متى يصير تجمع غيره ..

كيف تبون تفرشون حصيركم وتتيلسون في باركنات الحلبة !! بالعقل والله شو بيقولون الناس ؟؟

والممزر هو اخر كلام لي واتمنى ان محد يزعل مني ..

وهذا رقمي 0507505750 او 0507075703 لأي استفسار ..

اخوكم صلووح ..

Dr.psycho

28-02-2007, 06:20 AM

أول شي بدون زعل انت رد على مكالماتي بالأول وبعدين حط رقمك
والله يهدييك كيف هذا آخر كلام لك؟؟؟؟
أظني في أعضاء غيرك لهم راي.....
والصراحة ما ينزعل منها.....
والسمووحه..

SHADOOOW

28-02-2007, 07:35 AM

الصراحه التجمع في ( ممزر دبي ) هذا يخوووووف يعني عادي حد يبلغ وتصير كبسة عاد شو بتفهم فيهم بتقول وياكم شباب موقع سبيد فور ايفر وهذا تجمع بيقولك الشرطي ليسن والملكية وخبرنا بعدين عن التجمع الي عندك وبعد مايسوا عليك قلبك يدق كل ماخطفت دورية .الحلبة افضل حتى لو كان في الباركن على الأقل تدري انه محد بيحجز موترك ولا بتترجا حد ومافيها شي لو صارت يلسة في الباركن لا عيب ولا شي .. عاد مايا العيب الا على الباركنات . طبعا اغلب الشباب بيوون بمواتر سبورت وأكيد الاصوات ماشاء الله عليها حدث ولا حررررج . الصراحه تبوون يكون التجمع وكل واحد قلبة مرتاح مافي غير موتور بلكس ( الباركنات ) وأذا اووكي عندي قروب سيارات امريكي بيبهمممم وياي والسموحه منكم ..... وكلكم وراي تعيش الباركنات

حلم فقير UAE

28-02-2007, 01:40 PM

شو الحين نبى انعرف اخر قرار لتجمع

Dr.psycho

28-02-2007, 03:04 PM

اللي ايده بالماي مب شرات اللي ايده بالنار
ابووي دام هذا آخر كلام لك وكل شي على كييفك سووو تجمع حتى تحت الأرض
انت المسؤوول وباقي الأعضاء مالهم راي بوي....

kayed

28-02-2007, 03:29 PM

SaLoo7

28-02-2007, 03:39 PM

أول شي بدون زعل انت رد على مكالماتي بالأول وبعدين حط رقمك
والله يهدييك كيف هذا آخر كلام لك؟؟؟؟
أظني في أعضاء غيرك لهم راي.....
والصراحة ما ينزعل منها.....
والسمووحه..

موضوع برع المنتدى ما يخصه واظن مب شرط انك تدخله المنتدى ..
وانت بنفسك قلت الي ايده بالماي مب شرات الي ايده بالنار ..
وانا احترم اراءكم كلها ولكن كل شي بعقل شو تتيلسون في الباركنا نص السيح ؟؟!!
وبعدين لا انا ولا اي واحد من المنتدى مسؤول عن الي بيصير اثناء التجمع ..
هذا تجمع والي بيتواجد حياه الله والي ما بيتواجد هم حياه الله ..
واحنا ما نستحمل مسؤولية اي واحد ليش مب رحلة طلاب الروضه هي ..

الصراحه التجمع في ( ممزر دبي ) هذا يخوووووف يعني عادي حد يبلغ وتصير كبسة عاد شو بتفهم فيهم بتقول وياكم شباب موقع سبيد فور ايفر وهذا تجمع بيقولك الشرطي ليسن والملكية وخبرنا بعدين عن التجمع الي عندك وبعد مايسوا عليك قلبك يدق كل ماخطفت دورية .الحلبة افضل حتى لو كان في الباركن على الأقل تدري انه محد بيحجز موترك ولا بتترجا حد ومافيها شي لو صارت يلسة في الباركن لا عيب ولا شي .. عاد مايا العيب الا على الباركنات . طبعا اغلب الشباب بيوون بمواتر سبورت وأكيد الاصوات ماشاء الله عليها حدث ولا حررررج . الصراحه تبوون يكون التجمع وكل واحد قلبة مرتاح مافي غير موتور بلكس ( الباركنات ) وأذا اووكي عندي قروب سيارات امريكي بيبهمممم وياي والسموحه منكم ..... وكلكم وراي تعيش الباركنات

رايك على عيني وراسي يا اخوي ..
ولكن المكان المرتت اظن احسن من وسط السيح ..
والتجمع في الممزر وهذا الي بيصير ان شاء الله ..

شو الحين نبى انعرف اخر قرار لتجمع

الممزر وانا اخوك ..

صح كلامك اخوي
وبعد لاتنسى هاي الايام شادين في دبي
على سستم و الخ
انا اقول بركنات الحلبه احسن

كيود انت لا على موترك قزووز ولا شياته ليش زعلان ؟؟
لو على التنزيل ترى نص سيارات دبي مسدوحه بالارض ..
وانت تعرف الشي هذا ..

Dr.psycho

28-02-2007, 03:55 PM

كيف بره المنتدى بعد تراني اتصل فيك عسب اتطمن عليك واسأل عن التجمع وانت الحمدالله طااااف
يعني خلاص الحين ماشي أمل
خلاص الممزر

kayed

28-02-2007, 06:55 PM

كيود انت لا على موترك قزووز ولا شياته ليش زعلان ؟؟
لو على التنزيل ترى نص سيارات دبي مسدوحه بالارض ..
وانت تعرف الشي هذا ..

صح كلامك اخوي صلوح

بس انا مارمست عن موتري

انا ارمس عن مواتر غيري

لاتنسى بعد اسبوع المرور الحينه يعني مشددين

انا ماعندي اي اشكال انا بي لو بدبي زلا بشارجه ولا في ابو ظبي انا ياي ياي

بس انا اقول المكان عسبت الكل ايي

وسمو حه

SHADOOOW

28-02-2007, 08:00 PM

كيفكم .. انا عن نفسي مب يااي ممزر دبي ..مايسوا علي يحجزووون موتري بضرب خط واخر شي موتري في الحجز واترجا فلان وعلان لابووووي مايسوا علينا ..وثانيا شو مشكلة السيح يعني بالعكس باركنات النادي افضل لاتحاتي دورية ولاغيرة .. مب الممزر كل ماتخطف دورية القلب في البطن . على العموم الله يحفظكم واتمنى لكم التوفيق .. والسمووووووووحه

MUSTANGHP

28-02-2007, 08:09 PM

أنا ويااك في المكان ..باركنات حلبة موتور بلكس أفضل ..مثل ماقلت اخووي القلب مكانه مب في البطن .. حلاتة كل واحد يسير بموتر سبورت انا من راي شوووف راي الأعضاء سوو استفتاء عسب محد يزعل .. والسموحه

Dr.psycho

28-02-2007, 08:10 PM

طال عمرك الأستفتاء بالقسم العام

MINES

28-02-2007, 09:49 PM

منو منكم بيي بموتر سبورت؟؟؟؟

كم مره حظرنا تجمعات ومحد ياب شي مثل ما قال اخوي بو عسكور يعني مواتر وكاله وبعدين هذا التجمع المقصد منه تجمع اعضاء ومب سيارات سبورت

يعني شوفتكم الاهم

MUSTANGHP

28-02-2007, 10:00 PM

حصلت لكم حل ..سمعت انه هذا الأسبووع يوم الجمعة شي بطولة في حلبة موتوربلكس ..يعني اليوم المفتووح وهاي فرصة . والراي عندكم ..

Dr.psycho

28-02-2007, 10:04 PM

فكرة حلوووة
منه نشووف الريس ومنه نتجمع

kayed

28-02-2007, 11:09 PM

صرااحه

لو شباب قوم راعي الالتيما وعدوول وكذى واحد

اسمحولي انا بعد مب ياي

Dr.psycho

01-03-2007, 01:41 AM

أقول دام الراي الأول والأخير لك برووحك فما يحتاي نرمس زيادة ونعور راسنا
ابوي سيرو الممزر واستانسوا

Supra_Veilside

01-03-2007, 12:14 PM

انا شكلي بحضر واول مرة احضر تجمع ويا الشباب

اما بخصوص اللي خايفين من الشرطة عادي انا باجر باص وخلهم كلهم يتيمعون شارع الوحدة ومن هناك بنتحرك التسعيرة

10 دراهم شاملة كرواصون جبن وعصير موز

سوال عادي ايب الصديقات وياي ولا ؟؟

lan_evo_vii

01-03-2007, 02:05 PM

.................................................

راعي الالتيما

01-03-2007, 10:03 PM

نحن في انتظاركم لين ما ترسون لكم على راي ^_^

Speed4ever

01-03-2007, 10:25 PM

شباب انا عندي اقتراح
شو رايكم عند حديقة مطار الشارجة؟
واذا في مكان احسن خبرونا ونحن حاضرين

(أخوي Supra_Veilside انت حسابك بعدين) :)

Dr.psycho

01-03-2007, 10:28 PM

والله احلى اقتراح
انا كنت بقوووله بس قلت مافيني ياكلووووني
الصراحه انت وحش

راعي الالتيما

01-03-2007, 10:31 PM

اقتراح حلوو .. بنشوف راي الاعضاء .. وان شاء الله يتفقون ها المره .. (( وينك عدوول ^_^ ))

Dr.psycho

01-03-2007, 10:33 PM

ها فديتك موجوووود

راعي الالتيما

01-03-2007, 10:35 PM

لا ماشي .. ما انتبهت لردك خخخ

SaLoo7

01-03-2007, 11:30 PM

ماشاء الله قهوه مب موضوع ..

عدوول لو سمحت خف اشوي ..

بن عوقد حديقة المطار بعد وايد اوكي ..

ولكن انتظر الردوود الي تسد نفسك الحين ..

وهذا طبعكم يا شباب سبيد 4 ايفر نبي تجمع و حشره و آخر تدمرون الموضوع وتخبصونه ..

Dr.psycho

01-03-2007, 11:58 PM

لاحد دمر الموضوع وولا شي كان عندنا راي وحطينا بس

SHADOOOW

02-03-2007, 01:02 AM

الحديقة اوووكي ..الشارجة ولا شيكاغوو ( دبي ) .

kayed

02-03-2007, 01:52 AM

اوكيه والله

يالله شباب نبى تفااعل يالله

lan_evo_vii

02-03-2007, 09:00 AM

ياخي أنا باغي أحضر التجمع لأني يكون فدبي يوم الخميس إن شاء الله بس ما اعرف مكان حدبقة الشارجه
كان حد من الشباب يتطوع (ما يجي مطوع ترا خخخ) بيدلني وين جزاه الله خير
و أي موقع انا عندي ما مشكله

lan_evo_vii

02-03-2007, 09:02 AM

و هذي مشاركه عشان يوصلن عدد المشاركات 300
لووول رقم سبيشل ما أبيع ترا
و بهذه المناسبه يشرفنا أن نهنيء العالم العربي و الإسلامي متمنين للجميع الصحه و السعاده
و عاشت أمتنا العربيه و عاش العراق

SaLoo7

02-03-2007, 02:06 PM

lan_evo_vii

02-03-2007, 02:44 PM

صلوح هدي اللعب ترا الدنيا ما ساويه
لوووول
المفروض انتوا ياللي في الإداره تكونوا أوسع صدور و أكثر تقبل للنقد من غيركم يعني صراحه أشوف من ردودك انك واجد متنرفز
وسع صدرك

Dr.psycho

02-03-2007, 03:13 PM

SHADOOOW

02-03-2007, 05:50 PM

الموضوووع وصل 6 صفحات وأنتو بعدكم .مثل ماقال المثل((أجتمع العرب وأتفقوا على أن لا يتفقو ))
كل واحد فيكم شال بخاطره الله لا يقووول واحد يسير وياااكم الحرب العدو بيكون ارحم منكممم . سواااالف

kayed

02-03-2007, 09:22 PM

حبوب الحبايب اتفقو

كيف حالك

لو ماخب ضني

انشالله التجمع بيكون

في بركنات حديقة المطار الي في الشارجه

احسن مكان اصرااحه

hicham

02-03-2007, 09:42 PM

ممزر دبي ) la a3rifo ikhwani hada almakan fahal howa fi almaw9i3 am fi alhawae attal9 chokran lakom....

SaLoo7

02-03-2007, 10:28 PM

صلوح هدي اللعب ترا الدنيا ما ساويه
لوووول
المفروض انتوا ياللي في الإداره تكونوا أوسع صدور و أكثر تقبل للنقد من غيركم يعني صراحه أشوف من ردودك انك واجد متنرفز
وسع صدرك

على شو تبيني اوسع صدري ؟؟

انك يالس تستهبل علينا وتهني العراق والعالم العربي والاسلامي ؟؟

والحمد لله موسعين صدورنا ولكن كل شي وله حدوود ..

.................................................. .............................

ملاحظة :

اعتقد حديقة المطار تقع على الشارع الرئيسي الي يأدي لقصر الحاكم
واذا مر عليكم واحد من القصر وشاف مواتركم واقفه اعتقد اول شي بيبلغ عليكم

راعي الالتيما

02-03-2007, 11:50 PM

عادي ما بيقصرون الانجاد بييبون لنا كيك ولبن ...

ونتريا راي بقية الاعضاء

kayed

03-03-2007, 01:44 AM

قصدك لبن اب

ههههههههههههههههههه

هههههههههههههه

عادي عادي

مايسون شي

لان الي بيخطف مابيلاحظ او بيشوف مواتر

شي طبيعي بيكون شي مواتر امبركنه

يعني مابيستوي شي انشالله

راعي الالتيما

03-03-2007, 02:02 AM

لا انا ارمس عن الانجاد عندنا مادري ابها عندكم نحن يعطونا كيك ولبن اذا خالفنا ^^

انزين متى التجمع يعني الساعه لازم نحظر ؟؟؟

راعي الالتيما

03-03-2007, 02:04 AM

الساعه كم لازم

حلم فقير UAE

03-03-2007, 02:34 AM

متى التجمع وسعكم او وين

استيشن

03-03-2007, 03:05 AM

بصراحه حديقة المطار حللوه
الباركنات مرتبه ومكان حلوو ومنو قال بيبلغون علينا كلها مواتر عاديه والي مزوده عالخفيف
اتكلو على الله وحددوا الوقت نبا نشووف الكل
ما أوصي الي عندده مارك بصراحه ما نبا حد يختررش هدوا اللعب
صلووح ودكتور ما يسوى عليكم..
السموحه

الكرولا السماوي

03-03-2007, 07:24 AM

انا اقول يكون التجمع عند مطعم النخيل

lan_evo_vii

03-03-2007, 07:28 AM

على شو تبيني اوسع صدري ؟؟

انك يالس تستهبل علينا وتهني العراق والعالم العربي والاسلامي ؟؟

والحمد لله موسعين صدورنا ولكن كل شي وله حدوود ..

.................................................. .............................

ملاحظة :

اعتقد حديقة المطار تقع على الشارع الرئيسي الي يأدي لقصر الحاكم
واذا مر عليكم واحد من القصر وشاف مواتركم واقفه اعتقد اول شي بيبلغ عليكم

أنا ما كنت أستهبل
بس ما مشكله حصل خير
دكتورنا تسلم من قدك

التيما50

03-03-2007, 01:38 PM

بحر عيمان صوب بيتنا احسن شي
تبوني اسير حديقة المطار وانا ما عندي ليسن
اسمحولي ما اقدر ايي

KKK

03-03-2007, 02:16 PM

الصراحة ودي احضر معاكم ولكن اخوي صلوح تدري وراي (دوام)
ارجو منكم السموحة وتحياتي kkk

Supra 1jz

03-03-2007, 11:28 PM

اولا السلام عليكم ورحمة الله وبركاته
وثانيا أشوف الشباب مب متعاونين
انزين ليش جذا ؟ شو بيستوي إذا الواحد بيحضر التجمع كلها ساعة بالكثير ولا خلنا انقول ساعتين أو اربع ساعات تراكم بتفضون أشغالكم وبتحضرون التجمع , والصراحة فكرة التجمع حلوة , وإذا عن المكان (حديقة المطار) الصراحة المكان اوووووووووووووووكيه , لا دوريات ولا شرطة إذ يت الدورية تراك انته مبركن موترك ما بسوي فوضة وإذا خايف تعال بموتر عادي ما فيها شي ولا عوار راس أنا حاليا ساكن في بوظبي ما فيها شي اروح الشارجة ولا ام القيوين عسب التجمع .. ما ادري ليش الشباب مب متفاهمين ؟
واللي يقوووووول ما عندي موتر والثاني بعيد عن بيتنا والثالث يقول المسافة بعيدة وبضرب خط
ما فيها شي كلنا حبايب واخوان ليش كل هذا ؟ والله لو وحدة بس اتقول ابا بعدها ما كملت الكلمة قمت وقلت وين ؟ متى؟ وفالج طيب .. بدبر الموتر لو في كلباء وهو في بوظبي بيروح .. كبروو عقولكم اشوي انتو مب يهال وكلنا رياييل ما فيها شي لو بتعب عمرك شوي .. وانتو برايكم بس انا بحضر التجمع انتو تحددون المكان وانا علي الحضور .. إن شاء الله صوب فجيرة بحضر يعني بحضر وأذا لغيتو التجمع بذبحك يا صلوح <<<<( زايغ الحينة خخخخخخ)
سامحوني إذا غلطت ولا ما عيبتكم الرمسة ولا قلت شي ما عيب الشباب فالأخير كلكم اخواني
وأكرر أسفي

استيشن

04-03-2007, 12:26 AM

صدقه والله كلها ساعتين وخير لو 4 ساعات كله يوم كل شهرين او نص سنه
بس عاد حددوا المكان والكل يحضر عن المصاخه
حديقة المطار اووكي

Dr.psycho

04-03-2007, 12:47 AM

والله لو وحدة بس اتقول ابا بعدها ما كملت الكلمة قمت وقلت وين ؟ متى؟ وفالج طيب .. بدبر الموتر لو في كلباء وهو في بوظبي بيروح ..

طال عمرك لا تتكلم بصيغة الجمع
يعني بالهندي الفصيح ما كل واحد يرمس سيلانيات
والسموحه

التدخل السريع

04-03-2007, 02:20 AM

امووووت و اعرف الاخ shdoooww شو من المواتر عنده لانه وايد خايف على موتره

BU_JABIR

04-03-2007, 02:38 AM

السلام عليكم جميعا

شحالكم وشخباركم

انتو ما تسوون تجمعاتكم ألأ وانا محد !!!؟؟؟؟

صلووح يا خي اجل التمع لين ما اوصل البلاد

انا برجع في تاريخ 31\3\2007

حتى 20\4\2007

وحرااام عليكم تضيعون عليه هالتجمع

ترا بدعي عليكم هههههههههه

اخوووكم بو جابر

Supra 1jz

04-03-2007, 04:33 AM

طال عمرك لا تتكلم بصيغة الجمع
يعني بالهندي الفصيح ما كل واحد يرمس سيلانيات
والسموحه

والله يا خوي
ما اعرف شو اقول لك
مادامك ما ترمس بنات ليش معصب
خلك كووووووووووووووووووووووووووووووووووووووول
واسمح لي

Dr.psycho

04-03-2007, 06:19 AM

دام انك محطي صورة السوبرا الجديمة ف مسموووح
لووووووووووووووووووول

corvette_drag

04-03-2007, 08:33 AM

الصراحه احنا كلنا من زمان نتريا التجمع يصير ...

بس مب شي لما الكل مايتفق على شي واحد ..

عدوول تعال .. انا ريلي بريلك انت بتسير انا وياك

اذا مابتسير انا بتم راقد بالبيت .... بس لازم اتوصلني ^_* لوووول

بوالصلح .. حدد الوقت والمكان وان شاء الكل بيحظر انتو بس

وسعو صدوركم ولا اتضيقون باعماركم .... والسمووحة ^_^

Dr.psycho

04-03-2007, 03:39 PM

عدوول تعال .. انا ريلي بريلك انت بتسير انا وياك

اذا مابتسير انا بتم راقد بالبيت .... بس لازم اتوصلني ^_* لوووول

هي ان شاء الله
الله كريم
خخخخخخخخخخخخخ

SHADOOOW

04-03-2007, 07:19 PM

امووووت و اعرف الاخ shdoooww شو من المواتر عنده لانه وايد خايف على موتره

التدخل السريع ... مايحتاي تموووت اخوووي افا عليك .. وكيف ماتبااني اخااف والشرطة مب مخليين الواحد بحالة تمشي بحالك ورراك ورااك .. حتى التلوين مب حااط عسب اني ما اعور راسي ويا الشرطة ... وانشاء الله أذا صار التجمع تعال وبخبرك شو من مواتر عندي وبتعذرني.

صلووووووووووووووووح الترتيييب عندك حدد اليوم والووووقت وانشاء الله الشباب ماراح يقصروووووون والسمووحه منكم ..

kayed

04-03-2007, 07:28 PM

صح كلام الشباب

بس الحينه نطر الوقت وليوم ولمكان معرووف

Dr.psycho

04-03-2007, 08:21 PM

خلاص تراه قالها المدير
فباركان حديقة المطار ويفضل بعد صلاة العشا على طوووووووووووووووووووووووول
بس كل واحد اييب عشاه وياه
خخخخخخخخخخخخخخخخخخخخخخ

kayed

04-03-2007, 08:50 PM

عدوول سمعت على احسابك العشى

لووووووووووووووول

Dr.psycho

04-03-2007, 08:57 PM

ع كيفك انت شو
ابوي صاحب العزيمة هو اللي بيأكلنا
خخخخخخخخخخخخخخخخخخخخخخخخخخ

kayed

04-03-2007, 09:00 PM

هع
هع

لالالالالا

انا سمعت انت وراعي الالتيما بتعزمونا

Dr.psycho

04-03-2007, 09:03 PM

ههههههههههههههههه
هذا بروووحه يباله حد يأكله هناك
اقوول بييب وياي شييول عسب أأكله
اقوول قم اظهر ورووح تفلسف بالموضووع مال الشات عن ياكلنا بو الصلح بعد
تعرف انت ما نقدر على زعلة
خخخخخخخخخخخخخخخخخخخ

kayed

04-03-2007, 09:08 PM

ههههههههههه

كل شي ولا زعل بوصلووووح

حلم فقير UAE

05-03-2007, 12:46 AM

يالله نبى انعرف اليوم الي بيصير فيه التجمع المكان اوعرفناه

LAND CRUISER

05-03-2007, 08:38 AM

رضيت بالهم يا صلوح و الهم ما رضا بك

Speed4ever

05-03-2007, 03:03 PM

ان شاء الله اذا الله راد راح نتجمع يوم الجمعة بعد صلاة العشاء
وبخصوص المكان انا اليوم راح القي نظرة على المكان وبخبركم

راعي الالتيما

05-03-2007, 05:08 PM

في انتظار الخبر السار ان شاء الله

ملاحظه للي يقولون انه العزيمه عليه : انا مب خالد حريه فديتكم

kayed

05-03-2007, 06:28 PM

في الانتظار اخوي

........

ههههههههههههه

خلاص ماحد مايبى عزيمتك

هع

HKSTEAM

06-03-2007, 12:47 PM

شو محد يبغي انا ابغي العزيمة

Dr.psycho

06-03-2007, 08:43 PM

ههههههههههههههههههه
خلاص اخوي تعال التجمع وفالك طيب

GT ST@RLET

06-03-2007, 09:06 PM

شحالكم شباب ؟؟؟
أنا أشوف المكان واااايد حلوووو
و إنشاا الله بنكون هناك
و السموحة

بو عسكور

07-03-2007, 03:11 AM

و على شو اتفقتو ...؟؟؟

ECHO_TRD

07-03-2007, 01:14 PM

السلام عليكم ورحمة الله وبركاته .......

ما شاء الله ..... بو الصلح .... لو كاتب قصه رومنسيه ما بتوصل 9 صفحات ....... الله يعينك ... والله يقويك .........

يلا ان شاء الله تتفقون على المكان والزمان ..... وما علينا نحن الا الحضور ......

أتفقوا فأي مكان يعيبكم ........ في دبي .. الشارجه .. الفجيره .. السلع .... أي مكان ترى ما أدل خخخخخخ

ما عليكم بخلي أخوي عدوووول يدليني .......

في انتظار رد المدير ...... والسموحه منكم جميع .".".".".".".".".".".".

Dr.psycho

08-03-2007, 11:46 AM

ها بووي كيف الحين
الساعه كم ووين
تراني مشغوول واذا ما رد علينا صلوووح للعصر او المدير اسمحوولي ما اقدر ايي لأني مشغوووول

kayed

08-03-2007, 01:59 PM

هع هع هع

افااا ياعدوووول

تعااال بنسوي جوو

لووووووووووووووول

يالله نتظر المدير او صلوح

عسبت يعطونا خبر

راعي الالتيما

08-03-2007, 04:19 PM

في انتظار الرسااله الخاصه اللي فيها الخبر اليقين بخصوص مكان التجمع وساعته ...

Supra 1jz

08-03-2007, 05:07 PM

دام انك محطي صورة السوبرا الجديمة ف مسموووح
لووووووووووووووووووول

السوبرا اللي ترمس عنها
افتخر بها واللي ما يعيبه ترا
هذا رايه ورايه ما يهمني

وين وصلتو ...؟ نفس المكان ونفس الوقت ..؟
اتريا الرد لاني في بوظبي اذا باجر .. اليوم ياي الشارجة
والسموحة

NOS

08-03-2007, 07:14 PM

حديقة المطار -الشارقه
بعد صلاه العشاء

kayed

08-03-2007, 09:08 PM

زين زين

انشالله من اول الموجودين انا انشالله

Supra 1jz

08-03-2007, 09:44 PM

انا الحينة بطلع من بوظبي
ساير الشارجة
باااااااااااااااااااااااااااااااااااااي

Dr.psycho

08-03-2007, 09:46 PM

الله يحفظك وعن السرعه فديتك

corvette_drag

08-03-2007, 10:19 PM

شو اللي صار اللحين

راعي الالتيما

08-03-2007, 10:38 PM

انه التجمع باجر عند حديقة مطار الشارجه عقب صلاة العشى

دم الغزال SS

09-03-2007, 12:24 AM

بنتواجد ان شاء الله

Speed4ever

09-03-2007, 01:21 AM

شباب ان شاء الله باجر راح نتجمع عند حديقة المطار بعد صلاة العشاء
ورجاءا من غير فوضى

Dr.psycho

09-03-2007, 01:52 AM

بأذن الله رايح اصلى المغرب واطلع

Supra 1jz

09-03-2007, 10:26 AM

اهم شي شباب مثل ما قال
اخونا سبيد فور ايفر عن الفوضى عسب
دوريات الشرطة , اكيد نص الشباب يايين التجمع بمواتر ريس
والاهم نجاح التجمع , وتسلم
اخوي Dr.psychoوفالك طيب
بس 240 مب وااااااااااااايد <<<<خخخخخ
والسموحة

TATO

09-03-2007, 12:03 PM

السلام عليكم

السموحه منكم داش عرض بالموضوع ............ انا شفت موضوع عن التجمع وهو ....... شو رايكم ......؟

بس هذا الموضوع انا اول مره اشووفه وقريته من البدايه وما ركزة الا على هذا الرد

ان شاء الله قبل التجمع بيومين راح ارسل رسالة خاصة للجميع للتاكيد

انا فهمت من الموضوووع التجمع اليووم بتاريخ 9/3/2007 بالشارقه عند المطار ومن كلام المدير بيطرش مسج للكل علشان ما يكون عد اي حد عزر بس اسمحلي اخوي انا ما شفة اي مسج وانته تعرف الناس الي يداومون اذا ما خبرتهم قبلها بيومين مثل ما قلة ينشغل وانا مواعد ريال من اسبوع وياريت لو شفت المسج مالك من يومين كنت ييت بس اني اتفاجئ بالموضووع اليوم ما اروم اقووول للريال لا والسموحه منكم ما اروم الا اذا غيرتو الموعد ان شاااء الله بنيي بس قبل الموعد ياريت لو اطرشو لي مسج مثل ما قلت

والسموحه منكم

Speed4ever

09-03-2007, 01:18 PM

السلام عليكم

السموحه منكم داش عرض بالموضوع ............ انا شفت موضوع عن التجمع وهو ....... شو رايكم ......؟

بس هذا الموضوع انا اول مره اشووفه وقريته من البدايه وما ركزة الا على هذا الرد

انا فهمت من الموضوووع التجمع اليووم بتاريخ 9/3/2007 بالشارقه عند المطار ومن كلام المدير بيطرش مسج للكل علشان ما يكون عد اي حد عزر بس اسمحلي اخوي انا ما شفة اي مسج وانته تعرف الناس الي يداومون اذا ما خبرتهم قبلها بيومين مثل ما قلة ينشغل وانا مواعد ريال من اسبوع وياريت لو شفت المسج مالك من يومين كنت ييت بس اني اتفاجئ بالموضووع اليوم ما اروم اقووول للريال لا والسموحه منكم ما اروم الا اذا غيرتو الموعد ان شاااء الله بنيي بس قبل الموعد ياريت لو اطرشو لي مسج مثل ما قلت

والسموحه منكم

انا الصراحة حاولت اطرش رسالة خاصة لجميع اعضاء المنتدى ولكن للأسف في مشكلة في قواعد البيانات وماقدرت اطرش

السموحة