المساعد الشخصي الرقمي

مشاهدة النسخة كاملة : راديتر ...؟؟؟؟؟؟؟؟



allawi_2003
14-08-2007, 01:01 AM
وين ممكن اقدر اغسل الراديتر موتري في الشارقة .. والسموحه ..

King of power
14-08-2007, 01:03 AM
الراديتر الى عندك المنيوم ولا نحاس ؟؟؟

لانه الغسيل ما يفييد عدل احسن شي تشيشه بالصيخ وطبعا لو نحاس اي مكان بيسوولك ايااه بس لو كااان المنيوم عندك شركة سيرك شغلها فنان مجابل قرقاااش ...

speed_line
14-08-2007, 02:40 AM
الراديتر الى عندك المنيوم ولا نحاس ؟؟؟

لانه الغسيل ما يفييد عدل احسن شي تشيشه بالصيخ وطبعا لو نحاس اي مكان بيسوولك ايااه بس لو كااان المنيوم عندك شركة سيرك شغلها فنان مجابل قرقاااش ...



مثل ماقال اخوي اتشيشه بالصييخ احسن اذا كان الوصخ وايد

او اتسويله غساله اذا وصخه اشوي

ومااكثرهم بالصناعية الشارقه بتحصل برع المحل مال اللحام

حاطلك غساله صفرى على طول وقف عنده واسأله
سعرهم من 30 و40 و50 درهم

هذا على ايام بترول رخيص الحينه يمكن عادي يقولك ب 100 درهم

ليش!! بترول غالي ^_*


بالتوفيق يالشيخ

allawi_2003
14-08-2007, 06:01 PM
مرحبا مشكورين عالردود .. بس راديتر موتري وكاله مال نيسان .. كيف الحين اغسله بالغساله ولا بالصيخ ..

Supra_Veilside
15-08-2007, 12:29 AM
يصيخونه الشيخ راديتر النيسان

allawi_2003
15-08-2007, 03:56 AM
أهااا .. مشكورين شباب ..

SUPRA-00
15-08-2007, 05:45 PM
مرحبااااااا الشيخ , اخوى اى راديتر ممكن يتصيخ عادى بس عادة راديترات الوكالة وخاصة فى السيارات الحديثة تييك الاغطية مالها بلاستيك مقوى وفى جازكيت بين الغطاء والراديتر وعشان تصيخ او تشيش الراديتر لازم يفك واحد من الاغطية وعادة يفكون الى فوق بس هنى حط بالك لانه احيانا عند عملية الفتح احتمال ينكسر او يصير فيه شرخ او ماشابه ولما يعاد تركيبه يكون عندك تسريب وانصحك الافضل انك تغيره بغطاء يديد مع الجازكيت ولازم الى يركبه يكون فنان , اغلب الناس عند التصييخ يغيرون الغطاء البلاستيكى بواحد مصنوع من النحاس وهذا مايحتاج جازكيت لانه ينلحم مباشرة ويا الراديتر ويكون اقوى طبعا بس المشكلة انه فى بعضهم مايظبطون الشكل الخارجى يعنى لما تفتح البونيت تعرف على طول ان غطاء الراديتر مغير من شكله بس فى محلات بصراحة يظبطونه 100% مستحيل تعرف انه مغير من بلاستيك الى نحاس وهذا طبعا يعتمد على المحل بس انته اسالهم وخذ منهم ظمان انه شكله يكون طبق الاصل لغطاء الوكالة , وعندى لك نصيحة اخوى لما تصيخ الراديتر قبل لاتركبه على السيارة خبرهم يشيلون الثرموستات وبعد مايشيلونها يحطون هوز ماى فى الهوز الى يرجع الماى من المكينة الى الراديتر ويخلونه يدور فترة بكذى يتنظف الهيد من الشوائب والاوصاخ وبالمرة خبرهم يشيكون على الثرموستات اذا فيها خلل واذا كان فيها صدأ كثير يفضل انك تغيرها , بعد الانتهاء من غسيل الهيد يعاد تركيب الثرموستات ولاتنسى فحص هوزات الماء بالضغط عليهم اذا سمعت صوت كانه شى يتكسر بالداخل فهذا يعنى ان الهوزات بها صدأ يحتاج تنظفهم او تغيرهم , اخوى انا انصحك بهذى الاشياء لانك حرام تركب الراديتر وهو نظيف بدون ماتنظف الهيد والهوزات لانه كل الاوصاخ الى بالهيد راح ترجع للراديتر وكلها شهور بسيطة ويتسكر عندك الراديتر وكانك ماسويت شى لانه اصلا الاوصاخ والترسبات ماتكون فى الراديتر بروحه بل فى جميع اجزاء نظام التبريد , بعد ماتخلص كل شى انصحك انك تحط فى الراديتر ماء مقطر الى يستخدم للبطاريات وتخلط معاه مادة تبريد من نوع جيد وانصحك بالنوع الى ينباع حق التويوتا الاحمر هذا ممتاز جدا , الماء المقطر لعلمك مايسبب صدأ ولا ترسبات ابدا , تحياتى لك وبالتوفيق .

craz33y
15-08-2007, 07:50 PM
مرحبااااااا الشيخ , اخوى اى راديتر ممكن يتصيخ عادى بس عادة

راديترات الوكالة وخاصة فى السيارات الحديثة تييك الاغطية مالها بلاستيك مقوى وفى جازكيت بين

الغطاء والراديتر وعشان تصيخ او تشيش الراديتر لازم يفك واحد من الاغطية وعادة يفكون الى فوق

بس هنى حط بالك لانه احيانا عند عملية الفتح احتمال ينكسر او يصير فيه شرخ او ماشابه ولما

يعاد تركيبه يكون عندك تسريب وانصحك الافضل انك تغيره بغطاء يديد مع الجازكيت ولازم الى يركبه

يكون فنان , اغلب الناس عند التصييخ يغيرون الغطاء البلاستيكى بواحد مصنوع من النحاس وهذا

مايحتاج جازكيت لانه ينلحم مباشرة ويا الراديتر ويكون اقوى طبعا بس المشكلة انه فى بعضهم

مايظبطون الشكل الخارجى يعنى لما تفتح البونيت تعرف على طول ان غطاء الراديتر مغير من

شكله بس فى محلات بصراحة يظبطونه 100% مستحيل تعرف انه مغير من بلاستيك الى نحاس

وهذا طبعا يعتمد على المحل بس انته اسالهم وخذ منهم ظمان انه شكله يكون طبق الاصل لغطاء

الوكالة , وعندى لك نصيحة اخوى لما تصيخ الراديتر قبل لاتركبه على السيارة خبرهم يشيلون

الثرموستات وبعد مايشيلونها يحطون هوز ماى فى الهوز الى يرجع الماى من المكينة الى الراديتر

ويخلونه يدور فترة بكذى يتنظف الهيد من الشوائب والاوصاخ وبالمرة خبرهم يشيكون على

الثرموستات اذا فيها خلل واذا كان فيها صدأ كثير يفضل انك تغيرها , بعد الانتهاء من غسيل الهيد

يعاد تركيب الثرموستات ولاتنسى فحص هوزات الماء بالضغط عليهم اذا سمعت صوت كانه شى

يتكسر بالداخل فهذا يعنى ان الهوزات بها صدأ يحتاج تنظفهم او تغيرهم , اخوى انا انصحك بهذى

الاشياء لانك حرام تركب الراديتر وهو نظيف بدون ماتنظف الهيد والهوزات لانه كل الاوصاخ الى بالهيد

راح ترجع للراديتر وكلها شهور بسيطة ويتسكر عندك الراديتر وكانك ماسويت شى لانه اصلا الاوصاخ

والترسبات ماتكون فى الراديتر بروحه بل فى جميع اجزاء نظام التبريد , بعد ماتخلص كل شى

انصحك انك تحط فى الراديتر ماء مقطر الى يستخدم للبطاريات وتخلط معاه مادة تبريد من نوع جيد

وانصحك بالنوع الى ينباع حق التويوتا الاحمر هذا ممتاز جدا , الماء المقطر لعلمك مايسبب صدأ ولا

ترسبات ابدا , تحياتى لك وبالتوفيق .

صــح الصــح..!!

رئيس قسم التزويد فرع الراديتر ما ييب هالكلام الي قلته ..

تسلم الشيخ على النصائح الي فادتني وااايد وأكيد فادت الشباب بعد..

Supra_Veilside
15-08-2007, 08:07 PM
اخويه ماي البطارية فيه اكسدة شديدة التفاعل كيف تخلطها ويا ماي راديتر مبرد؟؟؟

بس ماشالله ما قصرت معلومات قوية

King of power
15-08-2007, 08:13 PM
اخوي سوبرا اخونا ما يقصد التيزااب المستخدم في البطاريه انما المااء المقطر او ما يسمى ( دستر ووتر ) على ما اعتقد ...

Supra_Veilside
15-08-2007, 08:17 PM
شكرا على التوضيح حبوب وشكرا له ماقصر معلومات حلوة ومفيدة بتفيدنا جميع

King of power
15-08-2007, 08:20 PM
وانصحك الافضل انك تغيره بغطاء يديد مع الجازكيت ولازم الى يركبه يكون فنان

اخوي عندنا في الشارجه شركات متخصصه بهذا النوع من الراديتر يعني يبطله ويرده لا يكسره ولا شي ولو في تلييك رااح يكوون من السيل الموجود داخل ...

allawi_2003
15-08-2007, 08:58 PM
وين هل شركات .. ممكن ادليني وين .. وشكرا .

SUPRA-00
19-08-2007, 10:57 AM
مرحباااااااااااا اخوانى , شرفتونى بردودكم الطيبة وانا ماسويت شى هذا واجبنا مع بعضنا البعض وان شالله نستفيد جميعا , بالنسبة للماء انا اقصد الماء المقطر , على فكرة ترى حتى غطاء الراديتر من الممكن انه يتسبب فى مشاكل كثيرة ويخليك فى دوامه اول ماتكون عندك مشكلة تهريب الماء افحص الغطاء ربما يكون السيل تبعه مقطوع واحيانا النابض يكون ضعيف الخخخ وانصح باستخدام اغطية اصلية لان التجارية ماتمشى وتعطى مشاكل ودمتم بخير جميعا .

King of power
19-08-2007, 01:22 PM
وين هل شركات .. ممكن ادليني وين .. وشكرا .


ما ادري يا اخي شو اسم الشارع بس مجابل شركة مرسيدي قرقاش وحذال شركة بي ام والمحل اسمه سيرك ...

allawi_2003
22-08-2007, 09:25 PM
مشكوري أخوي .. انا سرتله وقالي انه ينظف الراديتر بس.. انا ابا ينظفلي كل شي الماي الي فالمكينه و الراديتر .. ابا ابدل قبل كنت احط ماي العادي والحين يوم ابطل غطا الراديتر اشوفه وصخ .. ابا واكيد الماي الي فالمكينه وصخ وها شي مب زين للمكينه .. عسب جي ابا أغير الماي في المكينه .. فما تعرفون مكان ثاني ..؟؟؟؟؟؟؟؟؟؟؟؟؟؟؟؟

والسموحه

King of power
22-08-2007, 09:48 PM
اخوووي المحلات بيخربطوون الراديتر علييييك

سير عند اي واحد يشتغل في الراديترات وقوله بطلي الراديتر ووده المكان الى خبرتك عنه

وخله يبطل الثرموستات ويركب مكينة الغسيل وينظفلك المكيينه وخلاص ...