سمعت ان ام القوين رجعت اتسجل السيارات المحوله ؟؟ صدق؟؟

[potarion]

سمعت ان ام القوين رجعت اتسجل السيارات المحوله ؟؟ صدق؟؟

اللي عنده اي معلومات جديده او سامع شي عن التسجيل يخبرنا ... و جزاه الله خير

[بيرفورمانس]

الصراحة انا الي سمعته ان الموتر لو مكينته توربو ما يتسجل اما لو كانت انجكتر عادي



اما اذا كانت المواتر الي مكاينها توربو بتتسجل فهذا شي الصراحة يسر الخاطر

:hhftj:



اكيد الاخوان في المنتدى ما بيقصرون وبيعطون الموضوع حقه وزيادة

:mon8gh:

[Zero]

وانا سمعت فى راس الخيمه بعد بيفتحون التسجيل لمده اسبوع او 10 ايام بس ولين الحين محد سوى شى بس يالله يفتحون التسجيل ويفكونا مواترنا طايحه فى جبودنا الله يعين

[potarion]

امس واحد من الربع اتصل فيني و قالي انه راس الخيمه رجعت اتسجل !! بس انا مب امصدق و هو يحلفلي ....
حد يتأكد.... بعد لاني تعبت انقل السياره بالركفري بدون فايده :hhjkl: :dddpp4:

[بيرفورمانس]

ابا اعرف يعني لو كانوا الشرطة مخلين السالفة مثل ما كانت شو كان بيستوي وشو الفايدة من عدم التسجيل والا السالفة فيها عناد



اقولكم شباب الي عنده موتر ما تسجل فام القيوين ولا فراس الخيمة خله يسجله فعمان ويفك عمره



:^19: :^19: :^19:

[Mazinger]

المشكله ان السالفه فيها مصالح و بلاوي, و الشباب الي عندهم مواتر وارد هم الخسرانين في النهايه.

و علي طاري عمان, محد يعرف الاجرائات لتسجيل المواتر المحوله مالهم. مثل مواصفات التحويل و هل التيربو و الاسبورت يتسجل ولا لا. و بعد شو التامين عندهم نار شرات الي عندنا؟ و أخيرا وين أماكن التسجيل عندهم, شي شباب يقولون في البريمي و شي يقولون في مسقط بس!

و السلام

[TRD]

شباب اللي يبغي ايسجل موتره اترا بالواسطة

وانا اعرف واحد يسجل الموتر ب 4000 درهم

بدون تحويل بدون ما تدفع التامين بدون رسوم التسجيل وبدون رسوم الجمارك كله على الريال يعني بيصفاله 2000 درهم

لا وارقام أبوظبي أحمر بعد

[بيرفورمانس]

شباب الكلام فهالموضوع وااايد بس تبون الصراحة والخبر اليقين؟؟؟؟؟؟؟؟؟؟؟

:^9: :^9: :^9:

امس اتصلت بمرور ام القيوين وسألت عن التسجيل قالي الشرطي :الموتر محول ولا سكان يمين؟
قلتله :لا سكان يمين.
قالي: لا سكان يمين ما يتحول.
قلتله :عيل كيف الترتيب؟
قالي:لو تبانا انسجلك الموتر لازم يكون محول ويكون شغل الوكالة.
قلتله:والمكينة؟
قالي: شو فيها؟
قلتله لو توربو بتتسجل ولا لازم انجكتر؟
قالي:المكينة لازم تكون مطابه للمواصفات...



يعني سكان يمين او سكان محول بس مب شغل الوكالة :hhjkl: عقه بحر :hhjkl:




والي يبا معلومات زيادة يتصل على المرور:
067666666


والله يعين.................

[Evo VII]

والله ما عندي فكره



بس في عمان يسجلوا السيارات في مسقط وبدون مشاكل.. بس ما عندي فكرة اذا يصير في البريمي ولا لا ... والشباب لحد اليوم يجيبوا سيارات من الامارات ويسجلوها

[HKS]

هلا شبااااب

وبخصوص تسجيل الموتر في عمان

اربيعي مسجل الجيتي ماله في عمان . . والريال قبل لا يروح مسقط راح البريمي

وما سجلو له الموتر . . وقالو المواتر المحوله لازم تتسجل في مسقط :oooww:

واريال راح عمان وسجل الموتر


والسمووحه منكم

أخوكم HKS

[Speed4ever]

يا جماعة الخير انا امس واصل من عمان وسجلت موتري وبقولكم شو الاجرائات

اول شيء لا تنسى تختم ورقة الجمارك من ورا ختم مجلس التعاون واذا ما ختمة الورقة بتدفع على الحدود الجمارك من اول ويديد

والشيء الثاني نصيحة انكم اتسوون تامين عمان + الامارات مرة وحدة وصدقني ارخص تقريبا 700 درهم

طبعا رسوم التسجيل حوالي 380 درهم

والشيء الاخير اهم شيء ان لازم عماني يكون كفيلك عسب تسجله باسمك او تسجل الموتر باسم واحد عماني

لاي استفسار اخر انا حاضر

[بيرفورمانس]

مشكور على المرور




بس شو ها فدول الخليج وكفيل ههههههههههههههههههههه


والله ان شر البلية ما يضحك





بس ليش شو الفايدة يعني البيمة جي ولا جي دافعينها دافعينها








انا اقول انسوا الجياتي والماركات وخذولكم رنجات واكس فايفات وفكوا اعماركم منها كشخة ومنها قوة








الله يعينا على ها الشرطة :tttyy: :tttyy:

[Mazinger]

راحت أيام التحويل و السكان يمين و بنتم علي المواصفات الخليجيه الكجره . كلها سالفه وقت و بيوقفون التحويل في عمان بعد (بس هناك عندهم وايد مواتر جديمه, يعني بتاخذ السالفه وقت أكثر) .

مشكله يوم "ينظرون" للسياره علي انها وسيله مواصلات, مب طريقه يستمتع فيها الواحد بوقته . كله في البيزات و الصلحه.

و انا شكلي بستوي "زلمه" و باخذلي بي ام 320 وارد و بافتك (بس اخاف ما يسجلونه السنه اليايه خخخخ) :^5:

Skyline 4 ever :ttthh5:

علي فكره الاسكايلاين (مو الgtr ) و المارك يعتبرونهم سيارات عائليه في بلادهم...... :^21:

[zadjali 4 ever]

السلام عليكم ورحمه الله و بركاته

أخواني حبيت أخبركم أنه في خبر من أداره المرور في مسقط أنهم بيمنعوا السيارات المحوله من بدايه راس السنه الجديده
و الله أعلم
لكن لو أي واحد عنده موتر محول جاهر ما يتردد عشان يسجله في عمان
عندنا التسجيل سهل كنه ماي
حتى السيارت المزوده على الأخر ما يقولولهم شئ حتى ما يعرفوا هل هي مزوده أو لا
بس لو السياره نازله ياريت لو ترفعونها مسافه ثلاث أصابع من التاير و المدجار
و لو كان عليها صوت ياريت لو تركبوا دبات في الوسط عشان ما تطلع السياره صوت قدامهم
لو ما سويتوا كذي ما بيسجلوا السياره
أهم شئ التنزيل و الصوت

وشكرا ً
:efsf7:

[stroker man]

السلام قبل الجلام :ppnn:
عندي مداخلة في ورقة اتسويها في دايرة الاقتصاد على ما اظن ((مب متأكد)) اونه حق التحويل للمواصفات الخليجية
هل يبونها هناك في عمان؟؟؟؟؟
و سلامتكم

[Mazinger]

شباب شفت اليوم شي غريب!!! شفت مارك 2 موديل قديم (قبل 96) محول و عليه رقم دبي الفئه E يعني ما اتسجل من زمان. و المعروف ان المارك ما يتحول الا بقص و لحام. هل مرور دبي يسمح بهذا الشي, ولا في طريقه لتحويل المارك بدون قص و لحام؟؟؟

[Speed4ever]

السلام قبل الجلام :ppnn:
عندي مداخلة في ورقة اتسويها في دايرة الاقتصاد على ما اظن ((مب متأكد)) اونه حق التحويل للمواصفات الخليجية
هل يبونها هناك في عمان؟؟؟؟؟
و سلامتكم
الغالي المطلوب فقط ورقة الجمارك وعليها ختم من ورا مال مجلس التعاون فقط
يعني ما يحتاي انك تسوي ورقة في دائرة الاقتصاد

[Speed4ever]

شباب شفت اليوم شي غريب!!! شفت مارك 2 موديل قديم (قبل 96) محول و عليه رقم دبي الفئه E يعني ما اتسجل من زمان. و المعروف ان المارك ما يتحول الا بقص و لحام. هل مرور دبي يسمح بهذا الشي, ولا في طريقه لتحويل المارك بدون قص و لحام؟؟؟
اخوي مازنجر انا اعرف واحد ساكن في دبي عنده مارك سوده وعليه ارقام دبي موديل 92
والموتر اذكر كان محول في الوكالة في سنة 99 (الداش بورد مال تويوتا كرسيدا موديل 92)
على ما اعتقد قبل 3 شهور مجدد الملكية في دبي من غير اي مشاكل

[Mazinger]

تجديد الملكيه ما يحتاج اتروح لوزاره الماليه , هناك يفحصون اذا الموتر "قص و لحام" . بس هذا شكله محول من فتره قريبه وايد, و الدليل الرقم فئه E .

الا اذا فيها واو........................

[بيرفورمانس]

أخوي مازنجر اذا عن الرقم عادي يكون ماخذ رقم يديد

يعني مثلا كان عليه كود b بعدين حصل رقم احلى من الي عنده وكان كود الرقم اليديد e


وهاي هي السالفة



بس انا شام ريحة واوووو
:^19: :^19: :^19:

لا و واووو قووو

[Mazinger]

صح يستوي اتغير الرقم, بس شو الفايده من تغيير رقم من فئه A الي E و الناس تشوفه أنزل.

و شفت بعد مارك ثاني عليه رقم دبي, بس مع لوحات برج العرب و هذا موديل 91 أو 92 (الشكل القديم) يعني هذا بنقول خذله كرسيدا و حول المارك ماله وكاله. بس الي اتكلمت عنه أول كيف؟؟؟

شي يضحك اني ما كنت أشوف هذي المواتر من قبل, كله UAQ و بس.... :rrreer:

[بيرفورمانس]

يمكن عنده موتر ثاني افخم ولا احلى





كل شي يجوز بس شو دخل سالفة راعي المارك فالموضوع

:^19: :^19:

[GT-R400]

[QUOTE=stroker man]السلام قبل الجلام :ppnn:
عندي مداخلة في ورقة اتسويها في دايرة الاقتصاد على ما اظن ((مب متأكد)) اونه حق التحويل للمواصفات الخليجية
هل يبونها هناك في عمان؟؟؟؟؟
وأزيد عل كلام أخي وين تختم ورقة الجمارك في العوير أو المرور وشرح تفصيلي كيفية تخليص
معاملات تسفير الموتر الى عمان .....................وشكراّ

[Speed4ever]

[QUOTE=stroker man]السلام قبل الجلام :ppnn:
عندي مداخلة في ورقة اتسويها في دايرة الاقتصاد على ما اظن ((مب متأكد)) اونه حق التحويل للمواصفات الخليجية
هل يبونها هناك في عمان؟؟؟؟؟
وأزيد عل كلام أخي وين تختم ورقة الجمارك في العوير أو المرور وشرح تفصيلي كيفية تخليص
معاملات تسفير الموتر الى عمان .....................وشكراّ
مرحبا اخوي
انا الصراحة يوم سجلت موتري لا سرت الدائرة الاقتصادية ولا غيره
ما عليك غير انك اتخلص اوراق التامين طبعا للتصدير لمدة 15 يوم وفي نفس المكان بعد اطلع الشهادة مال التصدير وتختم ورقة الجمارك من ورا ختم مجلس التعاون
وفي اهم شيء لازم تكون وياك فاتورة الشراء ومكتوب فيها سعر السيارة ورقم المحرك والشاصي

[zadjali 4 ever]

السلام ورحمه الله وبركاته
أهم شئ تكون عندك روقه رسم بيان جمركي مختومه
لأن في الحدود بياخذوا قيمه واجد غاليه
و تعال مسقط على طول لأن سمعت أن منعوا تسجيل السيارات المحوله في صحار
التسجيل سهل ما يحتاج وقت
لو السياره نازله أرفعها
لو السياره عليها صوت أكزوس خليها بدون الصوت
و يسجلوها بدون مشاكل و لا يعطلوك كنه العيد
و شكرا ًَ

[Y2K]

والله حاله ...

ليش كل شي ممنوع ؟؟؟

احس ان اللي يصدرون القرارت حسودين من قلب ‍‍‍!!!

واحس ان الوكيل يشتكي للمرور والى وزارة الاقتصاد الخ ...؟؟

علشان يمشي سوقه ...

اصلن السيارات السكان يمين احسن من اليسار ... ومواصفاتها احلى من الخليج ...

واقول مالت على مواصفات الخليج الكجره ... ما يعرفون شي ولا يعرفون الذوق ...

بس همهم البيزات والربح بس ..

ومايفكرون بمصالحنا كلش ... ولا يعطون حق المواطن حسبي الله عليهم ...

[خطاف]

مواصفات السكان اليمين صح انها احسن واقوى من ناحية المشي

لكن حران انه ما يسوى بيزه عيل موتر امشيبه 80 يتبطل علي الرود ويركض التاير جدام عيني تخيل التاير سابق الموتر وانا امشي على بوز الموتر والله حاله

شي ثاني تبند المكيف يدشلك هوا حار من المكينه جيه شو ملزق بسوبر جلو الموتر

وشي ثالث وهو الاهم كم واحد من ربعكم فنقش في هالمواتر ؟؟


وسلامتكم

[R34VSPECII BLUE]

تدرون ليش اقول جذيه اهم الى عطو العذر او الذريعه لوزارة الداخليه بسبب الحوادث الى صارت واستوت وعطو الحجه حق وكلاء السيارات لانه فى بعض الشباب مايفكر صح المهم عنده انه يحول الموتر ومثل انتو عارفين فى تحويل بالفين درهم وفى تحويل ب15000 الى 20 او حتى 10 الاف درهم فا الى عمو على الناس هذول الى يحولون اى تحويل يعنى اى كلام بس المهم انها تتحول وما يحسب حسا ب لروحه ويسترخصها فى سبيل انه التحويل رخيص واكثر المشاكل والحوادث بسبب التحويل ابو بيزتين ما يفكل بالسيفتى والامان ويحسب حساب لروحه لانها اغلى من الفلوس وخصوصا السيارات السريعه والقويه وانتو يا ناس او بعض الناس انا ما ابى اشمل الكل مشى على هالدرب يعنى التحويل الى اى كلام ورخيص وما فكر بحياته انها اهى اغلى ما يملك فلهالاسباب ناس تعم على ناس ما عندك فلوس الكلام موجه للبعض مو للكل يا اخى اصبر ويمعلك بيزتين وحول مو ترك تحويل سنع على اساس ما تعطون الحجه لا للداخليه ولا للوكلاء اصحاب السيارات انهم يتحججون عند الداخلية
ويتشكون ويعذربون السيارات الوارده لانهم بيقولون الناس قام تحول تحويل اى كلام وسببت لنا حوادث ومشاكل يا ناس انتو السبب او بالاخص البعض حول تحويل سنع لو يكون غالى شوى بس تضمن حلا لك ورووحك وسلامتكم والسمووحه

[بيرفورمانس]

والله شوفوا الجياتي والماركات سوولها ديليت من راسكم

وبعد احلموا اتشوفونها الا في الحلبة






لقيت لكم حل........................




خذولكم سوبرا والا إكليبس ولا شي منهم




ولا خوفي بعد كم يوم يوقفون تسجيل ها المواتر......