كيف أكشف التلاعب في عداد اللكسز

[alain]

شباب: رحت مع واحد يدور لكسز في دبي و حصلنا موديل 95 ماشية 100000 وارد امريكي ( يعني ماشية فوق 160000 كيلو) بس قال لنا أن معظم المعارض تلعب في العداد. هل الوكالة تقدر تكشف التلاعب هذا ؟ و شو رايكم لكسز 95-97 احسن ولا 98؟ و الامريكي احسن ولا الالماني؟ و الشارجة احسن ولا دبي ؟ سووووري طولت عليكم لكن المشكلة الفلوس جاهذات والخيارات وايد ( وبيني و بينكم أهل المعارض يخوفون)

[Mazinger]

شوف أنا بقولك سو سالفتهم هذيلا. أول شي مثل ما قالولك تغيير العداد شي وايد سهل علي الكزس لانهم بكل بساطه يغيرون العداد كامل من موتر ثاني و الكمبوتر ما ياغير الرقم الي في العداد الجديد شي مواتر اذا اتسوي هال حركه اما يعطيك كود انه مغير أو يسويه 99999999 . بس اللكزس قبل 98 ما أعتقد يسوي هال حركه.

طبعا ما أعتقد يغيرون الكمبوتر الي في السياره. و ما أنصحك تتعامل مع الوكاله الا قبل ما تشتري السياره (مب تشتري السياره و اتروح عند الوكاله و اتقولهم شوفولي العداد, تري اذا طلع الموتر مسروق بيودونك في داهيه)

الصراحه أشوف الامريكي دايما يكون ماشي وايد و حالته تعبانه ما عدا الموديلات الجديده (في حدود 98- 2000) , و الاوروبي مع انه نادر بالنسبه للامريكي بس دايما اتشوف حالته أحسن. عندك بعد الي يقولون عنه وارد اليابان (غالبا ما يكون مواصفات أمريكيه ) و هذا أغلب الي يستعملونه في اليابان مال عصابات و هال سوالف (صدقني مب يالس اتمصخر :^21: , تري الموتر سكان يسار في اليابان شي عندهم*) و اشوفه نظيف و ما يغيرون العداد ماله وايد

[alain]

شكرا أخوي مازنجر. المفروض الشرطة تسويلها حل مع هالمعارض و توقف اللعب هذا. كل ما أسال معرض هل العداد ملعوب فيه يقولون ما أدري ؟؟ بس تحس أنهم خاشين شي

[Mazinger]

هذي مب شغله الشرطه, لازم تكون في هيئه مخصصه لهذي االاشياء.

[بيرفورمانس]

الصراحة هاي مشكلة يبالها حل سريع وفعال

لازم الجمارك تشيك على السيايير الي يايه وارد عشان لو كانت مسروقة والا شي ثاني يشوفون له حل


بس انا متأكد ان كل ولحد بيحط المسؤولية على الثاني




مثل ما قلت الله يعينا

:^16: :^16: :^16: