مقترحات الجمهور والمتسابقين حول حلبة الاستعراض

[Speed4ever]

السلام عليكم ورحمة الله وبركاته

نريد منكم من خلال هذه المشاركه ان نستمع الى مقتراحتكم وارائكم حول حلبة الاستعراض

وشكرا

[GTR34]

السلام عليكم ورحمة الله وبركاته ..

شحالك أخوي Speed4ever عساك بخير ..؟؟ :)

أول أتقدم .. بشكرك .. على هذا الموضوع .. ماقصرت الغالي ..
سلمت يدك
في البداية حبيت اقول .. الحلبة ماعليها زود .. ماشالله عليها أوكيه .. وهذا رأيي أنا الشخصي .. يمكن باجي الأعضاء رأيهم يختلف بس في النهايه كل شخص عنده رأيه .. والمفروض نحترم رأي الكل ..

ماشالله .. شغل مرتب ونضيف ماقصرو الشيوخ الله يخليهم ويزيدهم ...
والشباب .. متحمسين ومتفاعلين مع الحدث ..

بس في شيء واحد حبيت أقوله .. نقاط بالأحرى علشان تكون حلبة مثالية ..
لو يكبرون الكراسي البيض ..(( الأسمنت )) بيسوون خير .. ولو تلاحظ عزيزي Speed4ever في الزاويه عـ اليمين ماشيء كراسي أقصد ( الأسمنت ) لنه الجماهير واقفه على الرمل والي يالس على الرمل .. وجماهير كثيره .. والله يزيدهم ان شاء الله ..
فلو يسوون هذا الشيء .. الجماهير بتكثر .. والكل بيرتاح من جلسته وهم نفسهم بيطلعون ربح الكراسي الي سووها والآرباح بتزيد .. والله يزيدهم

وفي شيء ثاني انه الشباب مايطلعون يوم تخلص الدقيقتين في جولة الإستعراض الحر .. ويحاولون ياخذون وقت زياده وهذا الوقت , وقت أشخاص ثانيين مشاركين .. فلو يحطون أنارة تضوي باللون الأحمر أو لون هم يختارونه .. وقت الي تخلص الدقيقتين عسب المستعرض يشوف الإناره وقت الي تخلص الدقيقتين .. وانا ماأدري اذا موجود هذا الشيء أم لا .. بس مالاحظته (( ماشفته )) أو يعطون المستعرض وقت أكثر هم يحددونه

الشيء الثالث .. نفس الي تقدمت بالذكر أعلاه .. بس هالمره يوم يطلع عطل في السياره مثل .. أحتراق التواير أو شي من هذا القبيل .. لنه على ماأذكر مادري أظني السيلاني أحترقت توايره وهو مش ملاحظ ... أو مطنش الموضوع .. فالأحتياط لو يحطون ليت يضوي يوم يستوي شيء ..

الشيء الرابع .. لو يفتحونها في الأيام العاديه بسعر رمزي مثلا .. علشان الكل يتعلم .. لو حتى من دون معلم ( مدرس ) .. لنه مايبالها شيء .. دريفت .. ومره عن مره الشباب بيدخلون وبيتعلمون الدريفت وشوي شوي .. بتحصل الكل يعرف دريفت والكل يعطيك من فنه وبيستوي حماس كبير .. ومنافسات وبطولات جميله .. ومثيرة مثل الي يالس يصير في اليابان وامريكا .. والدول الأخرى

والسموحه اذا كانت كثيره .. بس هذه نقاط .. مهمه .. وان شاء الله ياخذون الآراء في عين الأعتبار .. وجزاهم الله خير .. ماقصرو
وان شاء الله التجار يستثمرون أموالهم في بناء حلبات غير الموجوده في أم القيوين ودبي .. علشان يستوي عندنا أكثر من حلبه مثل الي يالس يصير في الدو الغربيه ( الأجنبية ) .. والفن يكبر ويكبر ... ويلاقي أحترام الجميع في دولة الإمارات العربية المتحدة .. لنى في فئة من الأشخاص ينظرون على أنها هوايه (( هابطه )) أو طيش وتهوّر .. وهذا الكلام خطأ والمفروض ما ينظرون هذه النظره .. ويراجعون رأيهم من جديد ويشوفون طاقة الشباب وفنهم الي مب أي حد يقدر يسويه .. وبدل ما الواحد يستعرض في دبي ( الورقاء ) أو خط الجامعه ( الشارقه ) أو أماكن بعيده أو مشبوهه ( مجهوله )
يستعرضون أمام الجمهور .. ويتحمسون أكثر .. ويحس الواحد بعد ما يظهر من الحلبه أنه أمضى وقت ممتع بدون مايخاف انه موتره ينحجز أو تستويله مشاكل .. لا سمح الله .. والله يبعد المشاكل عن الجميع ان شاء الله

وفي النهايه .. حبيت أعلق على جولة الدريفت .. ماشالله الكل بدع والي شدو انتباهي .. السيلاني .. وحماده .. وفي واحد نسيته . بدعو .. وأيضا الباقي ماقصرو والي غلطو .. ان شاء الله يتعلمون أكثر من أخطائهم وتجنبها في الدريفت في المرات القادمه ..ولاحد يستحي أنه مايعرف يسوي دريفت .. شوي شوي الكل بيتعلم .. ومحد طلع من بطن أمه عالم .. أو فيلسوف .. أو مفكر .. كلهم تعلمو .. وصارو الي ماصارو عليه الآن ..

وفي جولة الأستعراض الحر .. الكل مبدّع .. ماشالله عليهم

وفي باقي الجولات ( الشل عـ تايرين والبقية مالحقنه نشوفها .. وصلنا الحلبة في نهاية جولة الشل .. وكانت بداية جولة الدريفت .. وعقبها الويلات .. وبعدين ظهرنه كانت الساعه 11 اظني على ما أذكر .. ماأنتبهت للساعه عدل ..

بس السالفه الي شويه يعني .. مب لهاك الزود لؤؤؤل الدخان .. ياخويه يحرق العين .. لنه نحن مشكلتنه يالسين مكان ما الهوا يظربنه .. فالدخان كله كان صوبنا
(( بس الي يبا الحلو .. لازم يذوق مره )) ,,
لؤؤؤل في واحد الله يذكره بالخير قال كلام فنان .. لو يعطون الجماعه الي يالسين كمامات شرا مال الدكاتره ..الي يحطونه على ويوهم ( خشومهم ) يوم يسون العمليه .. عسب لحد يشم الدخان .. لؤؤؤل ..

والمذيع كان فنان الصراحه .. وانا أشجع أنه يستمر .. وااايد متفاعل وكلامه جميل وحبوب فديت خشمه
وفي شيء ثاني عن الي مايلبس الخوذه وقت الأستعراض أو وقت الدريفت .. هذا الشيء ضروري والمفروض الشخص ماياخذ الأمر بحساسيه أو عيب .. هذا شيء طبيعي وعادي .. والكبار الي بدو . في اليابان كلهم كانو جذه متقيدين بالنظام ويوم نشوفهم وننزل الأفلام في الأنترنت نستغرب وهذا لسلامة الشخص أولا و أخيرا .. وهذا رأيي الشخصي وماعرف اذا رأيي الأغلبية يتوافق مع رأيي انا .. بس في النهايه كل انسان عنده ذوق مختلف .. ( الناس أذواق ) والمفروض الكل يحترم رأي الآخر ..

شاكر لك جزيل الشكر أخوي وعزيزي Speed4ever .. لطرحك هذا الموضوع ..
وان شاء الله نشوف آراء الباقي ..

وفي النهاية أقول .. الله يحفظ الجميع من شر الحوادث .. ويطول بعمر الجميع .. ونكون حبايب وأخوه ..

تحيــ لك ــاتــ Speed4ever ـــي
والسموحة عــ الإطالة

[HKS]

:ddre6:شكرا اخويه سبيد عالموضووووع الأروع

والصراحه كلام الاخ GTR34 صح في صح

واناا معاك اخويه . المره اليايه بشتري كمامات:ddre6: لوووووول

بس اخويه سبيد بخصوووص التصوير . .

ليش ممنووع التصوير ؟؟؟؟

وانا داخل عالبوابه وقفنا هالمشرف وفتح محاظره اونه الكاميرا ممنوووع وجي

جي نحن داخلين معسكر:kljfg:

المهم رجعت السياره افر الكاميرا ويوم دخلت حصلت الشباااب عندهم كاميرات

جان أتف تف والآربيم عندي تحت 10:ggggpp7::ggggpp7::^4::^4::mad::^4:

ويوووم سألتهم قالو حتى نحن قالوووولنا لا تصورووو :^3:

عيل الواحد يوم ما بيصور شو الفايده

بس هذي النقطه اللي حبيت أعلق عليها

والا كل شي الصراحه 10 على 10

لو انه ما في غير 15 متسابق تقريبااا

بس بما انها اول مسابقه من هالنوووع يمشي الحال . وانشالله الجولات القادمه يزيد عدد المتسابقين


وكل الشكر للشيخ مروان على هذا التنظيم الأكثر من رائع ويعطيه ألف عافيه

تحياااااااااتي
HKS

[Speed4ever]

بخصوص التصوير اخوي ما اعتقد انه ممنوع لان المعلق بنفسه قام يزاعج الي عنده كيمرا يصور والي عنده تليفونات بو كيمرا يصور ومادري شو

على العموم اشكركم على هذه الاقتراحات الطيبة

ونتريا المزيد..

[دمع القلم]

السلام عليكم ورحمة الله وبركاته..
مرحبا اخوي speed4everانشاالله بخير.. با البد ايه حبيت اشكرك على هذا الموضوع الحلو ...وحبيت اقول ان الحلبه ما عليها زود وانشا الله تتحسن يوم ورا يوم وشكرا ....

[uaerap]

يعني ماشاءالله الحلبة ولا ااروع لاكن اوائل الايام قبل ما يحطون الشبك اللي يباعد بيننا والسياران كان اجمل هو صح اكثر امان لاكن احلى والحيت ممنوع توقف عند الشبك
وثاني شى حبيت اقول بس لو يزيدو الاضواء في الحلبة لسببين اول شى ملاحظة نزل شى من السيارة ثاني شى يوم نحن نصور ما يبان شى
هو صح انه يكلف لاكن حد يحاول يطور المكان
وشكراااااااااا