تجمع تاريخ (14-11-2008) الجمعه في راس الخيمه . نهائي .

[سقراط كاك]

السلام عليكم .



وعلشاان مانحط كل المواضيع في بعض . حبيت اكتب موضوع جديد علشاان الكل يستنبطه من عنوانه . حلوه هاي يستنبطه .


المهم . بناءا على الاستطلاع الاخير اللي قمنا بع ومشكورا من الاخ سوبرا على الفكره ،، وبعد الاجمااع تقرر مايلي :

* ان يتم التجمع بتاريخ المحدد 14/11/2008 .
* الموقع راس الخيمه .

..

وطبعا مش في عرس اخونا سلوم واسمحلي اخووي والاسبااب هى :

اولا: مبروك عليك العرس وبالعكس هي فكره حلوه تعتبر كانها تجمع بين المناسبات .منك المال ومنها العيال ويتربون تربيه اسلاميه تقويهم في حياتهم الدينيه والدنيويه .

ثانيا: معازيمك اولى منا نحن ، لان عزمتم قبلنا ومانبغي نخرب عليك الفرحه . ترا اذا سالفه العزيمه اللي مابيي التجمع بيي علشاان عرسك :10900: نمزح تراا .


الشبااب ماشااء الله اكيله غبر ، واخاف نجمع ربعنا . معازيمك مايحصلون مكان .

ولكن بنمر نسلم عليك اووكيك..



جدولنا ان نمر عليك بس حد لنا التوقيت قبل ماتشلك الحكومه الجديده :wink:(العرس) وله نكهه والخلطه :10900:عند المتزوجين فقط غير غير .




المهم .. موضوعنا تحدد وبعد التجمع وبعد ماكلهم يحضرون بنمر عليك ووعد نسلم عليك ..




والتعليق لكم

[SaLoo7]

السلام عليكم ورحمه الله وبركاته

عفواً أخوي سقراط إنت كتبت موضوع جديد بخصوص التجمع

ولكن لا ذكرت المكان بالبط وين ولا الوقت بالضبط متى ؟!!

[ahaat qlb]

تسلم اخويه ع الاهتمام

وصح ماعرفنا ف وين بضبط ف راس الخيمه والساعه كم .؟

[الكل ثابت]

اول واااحد بكووووون موجووود بس ويييييييييييين فراااااااااااااااااك والساعه كم ؟؟؟؟؟؟؟؟؟

[Supra_98]

الســــــــــــــــــــــــــلام عليــــــــــــــــــــــــــــــكم ..


تسسسسسسسسلم اخوي سقراط على مجهودك الطيب ..



بس ممكن نعرف وين بيكون التجمع بالضبط و الساعه كم ؟؟


و ان شاااء الله الشباب كلهم بيحضروووون التجمع ..



و السمووووحه ..



(( عشقي السوبرا )) ..

[GTR-1]

صحيح صحيح واخيرا تم تحديد مكان التجمع

يالله بالبركه لاتنسون اتصورون عماركم علشان انشوف التجمع

[سقراط كاك]

السلام عليكم ورحمه الله وبركاته

عفواً أخوي سقراط إنت كتبت موضوع جديد بخصوص التجمع

ولكن لا ذكرت المكان بالبط وين ولا الوقت بالضبط متى ؟!!


وعليكم السلام ورحمه الله .


الموقع انا ماحددت اساسا علشاان المواقع اللي انذكرت بعدها مش مناسبه علشاان الشرطة بتمر وتحصلها صيده سهله بخصوص سيارات الشباااب ..

الموقع حاليا في الدراسه علشاان نشوف موقع يناسب حتى اللي بيوون من خارج اماره راس الخيمه .

يعني يباله يومين بالكثير .

[سقراط كاك]

تسلم اخويه ع الاهتمام

وصح ماعرفنا ف وين بضبط ف راس الخيمه والساعه كم .؟



انا ماذكرت الموقع لانه ماتحدد الى الان . اما بالوقت بيكون الساعه 9 مساءا .

[ahaat qlb]

انا ماذكرت الموقع لانه ماتحدد الى الان . اما بالوقت بيكون الساعه 9 مساءا .



ايوا حلو الساعه 9


بس تتدري عندي مكان اذا عيبكم باركنات وزراه التربيه والتعليم الشارع فاضي هاك الصووب


ونادر ماتمر دوريه او شي

وعندي سؤال لان محيرني


الدوريه شو يخصها. ؟ شو مسوين نحن قاعدين بس يعني لو انا زقرت اكثر عن ربيع


قول تقريبا 15 سياره وقفنا حذال بعض بتي الدوريه وبتقولنا شي؟


ياخويه شو هاي القوانين الفاشله :11100:

[S U P R A]

ماشا الله عليك حارب .. وماشا الله على الشباب .. الحماس في مخهم هههههه

مشكور يا حارب على هذا المجهود إللي تبذله ..

يلا عاد أحينه عاد ما بقى غير إنه نختار المكان ..

وإن شا الله يكون مكان حلوو وغاوي ..

تحياتي ..

^^

[•عًـ§ـطٍشانً دمٍ•]

وانا ان شاء الله بكون موجود

[سلوم]

كنت ابااكم تيوون العرس ^_^


بس بنتضركم حتي لو سلااام

[hiii999]

هلا هلا:10900:

اول شي حبيت ابارك حق اخوي سلوووووووووم
مبرووووووووووووووووووك اخوي سالم
:em4400:

وثاني شي مبروكين ع التجمع وان شاء الله يكون تجمع ناجح وانصح الجميع انهم مايفوتون التجمع
لان الصارحه فرصه ما تتعوض خاصه تجمعات اسبيد فور افر
وانا حضرت تجمع واحد والصراحه كان التجمع فن فن فن فن:em3100:

وثالث شي اسمحولي لاني ماروم احضر التجمع بسبب السفره عسب الدراسه وانا حاليا برع البلاد وان شاء الله نتلاقى فتجمع ثاني:em18:

والسموحه :10200:

[Supra_98]

[quote=vtc_hks;446726]ايوا حلو الساعه 9


بس تتدري عندي مكان اذا عيبكم باركنات وزراه التربيه والتعليم الشارع فاضي هاك الصووب


ونادر ماتمر دوريه او شي



الصراااحه .. مكان وايد حلو .. و اسع .. و كل حد ان شااء الله بيدل المكان ..


انا وياك اخوي فتك ..



و السمووووحه ..

[بو شنب4774]

السلام عليكم
اخوي حارب انا والربع الي عندي مال شارجه و ما ندل اي شي براس الخيمه يعني لو تعطونه المكان كيف ندخله من شارع الامارات بيكون اوكي
السموحه

[Supra_98]

السلام عليكم
اخوي حارب انا والربع الي عندي مال شارجه و ما ندل اي شي براس الخيمه يعني لو تعطونه المكان كيف ندخله من شارع الامارات بيكون اوكي
السموحه


الســــلام عليــــــكم اخوي ..



من يحددون الجماعه مكان التجمع .. ان شااء الله بندليييييييكم ..


و راس الخيمة ما بتضيعوون فيها .. كل الأماكن قريبه من بعضها ..


و اذا ضيعتوا بتووصلون خصب ههههههههههههههههههههه



و السمووووحه ..



(( عشقي السوبرا )) ..

[لعيون العذال]

عندي فكره ... شورايكم الاعضاء الي ف الشارجه نتيمع ف الشيشه الي ع شارع الامارات ونسير راس الخيمه مره وحده ^^

[لعيون العذال]

عندي فكره ... شورايكم الاعضاء الي ف الشارجه نتيمع ف الشيشه الي ع شارع الامارات ونسير راس الخيمه مره وحده ^^
:em4300:
الي اقصده انا يالربع أنا عندي إقتررااااح غاوي ..
شو رايكم إللي ف دبي إييون عند إللي ف الشارجة ويواعدونهم في مكان ونطلع كلنا نفس القرووب لين التجمع في راك ..؟؟
حلوو الإقتراح يالربع ولا لا ..؟؟ :em3100:

[S U P R A]

:em4300:
الي اقصده انا يالربع أنا عندي إقتررااااح غاوي ..
شو رايكم إللي ف دبي إييون عند إللي ف الشارجة ويواعدونهم في مكان ونطلع كلنا نفس القرووب لين التجمع في راك ..؟؟
حلوو الإقتراح يالربع ولا لا ..؟؟ :em3100:

إقتراح غاوي وفكرة حلووة والله .. من وين ها الإبداع ..؟؟

ههههههههه

ع العموم أنا أشوف إنه الإقتراح حلوو ولو نتفق نحن إللي من دبي ويا الشباب إللي من الشارجة عسب نسير التجمع ضربة وحدة لين راك يكون وايد أوكيه .. !!

وجيي وايدين من الشباب بتستوي سيرة التجمع بالنسبة لهم سهلة وايد ..

تسلم تسلم ع الإقتراح الحلوو ..

ف حفظ الرحمن ..

^^

[لعيون العذال]

إقتراح غاوي وفكرة حلووة والله .. من وين ها الإبداع ..؟؟

ههههههههه

ع العموم أنا أشوف إنه الإقتراح حلوو ولو نتفق نحن إللي من دبي ويا الشباب إللي من الشارجة عسب نسير التجمع ضربة وحدة لين راك يكون وايد أوكيه .. !!

وجيي وايدين من الشباب بتستوي سيرة التجمع بالنسبة لهم سهلة وايد ..

تسلم تسلم ع الإقتراح الحلوو ..

ف حفظ الرحمن ..

^^

تسلم الغالي ع مرورك السريع :em3000:
نتريا باقي الاعضاء يبدون رايهم ف السالفه وبنجوف لين يوم التجمع ^^

[Supra_98]

تسلم الغالي ع مرورك السريع :em3000:
نتريا باقي الاعضاء يبدون رايهم ف السالفه وبنجوف لين يوم التجمع ^^

فكره وايد حلوووه الصراااحه الغااالي ..


لنه بعض الشباب ما يندلووون في راك ..


و ثاني شي .. القروووب شكله بيكون حلوووو و انتوا ياييين راس الخيمة ..


و ان شااء الله الشباب يوافقووون على هاي الفكره ..



و السمووووحه ..

[لعيون العذال]

فكره وايد حلوووه الصراااحه الغااالي ..


لنه بعض الشباب ما يندلووون في راك ..


و ثاني شي .. القروووب شكله بيكون حلوووو و انتوا ياييين راس الخيمة ..


و ان شااء الله الشباب يوافقووون على هاي الفكره ..



و السمووووحه ..

مشكوور الغالي على مرورك وان شاء الله باقي الاعضاء يشاركونا برايهم

[KING 911]

++ السلام عليكم ورحمة الله وبركاته ++

.. الله يبارك لك أخوي سلوم , ويجمع بينكما على خير ..

.. ويرزقك الذرية الصالحة ..

.. أود أن اشكر جميع الشباب ع تفاعلهم مع التجمع و إن شاء الله بيكونوا مستعدين أتم الإستعداد ..

.. لكن ليش دائماً الوقت يكون ف الليل ..

.. التصوير مب شي فـ الليل ..

.. والمواتر ما تبان عدل ..

.. لو وقت الغروب ع المغرب جي , بيكون شي حلوو الصرااحة ..
<<<<<< أقتراح


.. وإن شاء الله يكون تجمع طيب و فيه خير ..

.. ولا تنسون سالفة السوق مال التجمع , إللي عنده شي يبغي يبيعه يخله ف الدبة ^^ ..

.. وفقكم الله ..

++

[راعي cls]

خساره ما بكون ف البلاد


يالله ان شاء الله


المره اليايه


ولا ودي التقي بكم

واقعد معاكم

واضيفكم

بس الله كريم

[banda]

حراااااااااااااااااااااااااااااام والله حراااااااااااااااااااااااام

انا ودي ايي التجمع بس المشكله بسافر البحرين لان شي سباق دراق ريس في البحرين الخميس والجمعه

بس على العموم الله ايوفقكم

وان شاء الله التجمع ايكون حلو بس الله ايخليكم لاتنسون صور التجمع

والسموحه

[Supra_98]

اليوم وصلني مسج من ادارة المنتدى بخصوص مهرجان دبي اوتودروم تاريخ 14 و 15 ..


ممكن نعرف شو سالفه هالمهرجان ؟؟

[svictim]

بصراحه انا أنتظر لكن المكان ياجماعة الخير

[hmd223]

عندي فكره ... شورايكم الاعضاء الي ف الشارجه نتيمع ف الشيشه الي ع شارع الامارات ونسير راس الخيمه مره وحده ^^

فكره حلوه وانا وياكم لاني مادل راس الخيمه وايد

[حلم فقير UAE]

جماعه ممكن انعرف شووو سالفة المسج الى وصلنا من الاداره عن حلبة دبي

لانه على ماعتقد هالشي بيخرب التجمع وانا اتمنا من جميع الاعضاء يطنشوون سالفة حلبة دبي لانها يومين والتجمع مره كل كم شهر انا اقوول تاريخ 14 التجمع وتاريخ 15 حلبة دبي وضرب عصفورين بحجر واحد

[DR.Z]

راس الخيمه؟؟؟
مب جنه بعيد عن هل بوظبي والعين
لو قريه التسجيل وايد حلو
زين شباب الي بيضهرو من الشارقه ودبي
وين بيكون التجمع ؟
عشان نلحقكم ونطلع كلنا هل بوظبي والدبي والشارقه
واذا حد بيظهر من بوظبي يخبرني عشان نلتقي فمكان
ونظهر كلنا..
اذا انشاء الله رحت التجمع

[S U P R A]

يالرررربع .. إللي ما فهم شو سالفة المسج إللي وصل من الإدارة ..

ها المسج يقولكم إنه فيييه مهرجان في حلبة الأوتودرووم يوم الجمعة والسبت ..

وإللي يبا يعرف أكثر عن الموضوع أو عن المسج إللي وصله يدخل ها الرااابط ..

http://www.speed4ever.com/vb/showthread.php?t=43793

وإن شا الله قدرت أفيييدكم أو فهمتوا أكثر عن المسج إللي وصل ..

والسموحة ..

^^

[HKSTEAM]

اخوي لعيون العذال ترتيب التجمع في الشيشه عندك ولازم تحدد وقت نكون في الشيشه و وقت الانطلاق

[S U P R A]

اخوي لعيون العذال ترتيب التجمع في الشيشه عندك ولازم تحدد وقت نكون في الشيشه و وقت الانطلاق

توهق ..

:em0100:

[99319]

اخوي لعيون العذال ترتيب التجمع في الشيشه عندك ولازم تحدد وقت نكون في الشيشه و وقت الانطلاق

انا وياكم بنجمع من الشيشة الامارات وبنطلع يعني التجمع براك على 9 بنخلي التجمع اللي في الشيشة على 8 اوكي وبنعطي وقت اضافي من ال8 بس 20 دقيقة ونتحرك ها شو قلتوا ..

[لعيون العذال]

انا وياكم بنجمع من الشيشة الامارات وبنطلع يعني التجمع براك على 9 بنخلي التجمع اللي في الشيشة على 8 اوكي وبنعطي وقت اضافي من ال8 بس 20 دقيقة ونتحرك ها شو قلتوا ..

صح كلامك اخوي .. الي ف الشارجه بيوصلون بسرعه ودبي بعد .. بس بنتريا شباب بوظبي والعين
والموقع بيكون قرية التسجيل ... لان الشيشه بتكون زحمه لان اجازة ...

والي ما يدل هذا رقمي وانا بدليه ... 0502003339
اخوكم حميد ^^

[لعيون العذال]

توهق ..

:em0100:

انا ابا اجوفك اول واحد واصل مفهووووم :em3100:



ياشباب مانبا تاخير ... بس هالله هالله بعماركم ف الدرب مانبا سرعه وطيش :11100:

[لعيون العذال]

راس الخيمه؟؟؟
مب جنه بعيد عن هل بوظبي والعين
لو قريه التسجيل وايد حلو
زين شباب الي بيضهرو من الشارقه ودبي
وين بيكون التجمع ؟
عشان نلحقكم ونطلع كلنا هل بوظبي والدبي والشارقه
واذا حد بيظهر من بوظبي يخبرني عشان نلتقي فمكان
ونظهر كلنا..
اذا انشاء الله رحت التجمع

مثل ماقلت قبل .. بنتيمع ف قرية التسجيل لانها بتكون على طريقنا ... وبيكون التجمع ان شاء الله
الساعه 8 بالضبط ...

[Supra_98]

شبااااااااااااااااااااب عاده ما يستوي ياااين راس الخيمة و ما نعشييييييكم ..




شو رااااايكم عشاااكم علي .. .. و لا اخبركم .. اتعشوا في كافتريا الدوري الي في عيمان و عقب تعالو هههههههههههههههههههههه


ها شو قلتواا الحين ..



و السمووووحه ..

[GTR-1]

احس و الاحساس نعمه

انه في شباب اتخبلوا من عرفوا انه التجمع في راس الخيمه

معا اني اشوف انه هذا التجمع لو يستوي في الاوتو دروم احسن

[Red Nose]

شباب شو عن الشرطة في راك او عن المواتر المزودة

[فتــ48914ــك]

اخويه انا اقترح عليكم مكان بحكم اني عارف كل تخشيشات راك واماكن الدوريات الي مطفره فينا..تصدق امس مسوين مسيره عشان منتحب الشباب فاز على استراليا ..وليش مانحصلك 4 دوريات محبسيلنا...

المهم بصراحه في وايد اماكن:

- مجابل المركز الثقافي..من ورى..(بس يبالكم اضاءه وفي مساحه كبيره عشان الباركنات)
-وفي مكان حلو عند بحر دهان..صوب ملك الكرك..يكون عيسارك..وكمل سيده لين اكاديمية تعليم القياده ..عقب دائرة الاراضي...مكان واسع وفي باركنات جاهزه..وحتى السيارات مرورها قليل هناك..
-باركنات مركز الواحه..مب الي حذال المركز..الي مجابلتنها..باركنات مفتوحه وبدون ارصفه ودوم الشباب يوقفون هناك..
-باركنات مسيد الشيخ زايد عالكرنيش..صحيح المرور متواجدين لكن دوم مانشوف مواتر واقفه..ومحد يقدر يقولكم شي مدام الشباب ملتزمين والمواتر واقفه..
وفي اماكن كثيره..بس حبيت الافاده وشكرا

[Supra_98]

اخويه انا اقترح عليكم مكان بحكم اني عارف كل تخشيشات راك واماكن الدوريات الي مطفره فينا..تصدق امس مسوين مسيره عشان منتحب الشباب فاز على استراليا ..وليش مانحصلك 4 دوريات محبسيلنا...

المهم بصراحه في وايد اماكن:

- مجابل المركز الثقافي..من ورى..(بس يبالكم اضاءه وفي مساحه كبيره عشان الباركنات)
-وفي مكان حلو عند بحر دهان..صوب ملك الكرك..يكون عيسارك..وكمل سيده لين اكاديمية تعليم القياده ..عقب دائرة الاراضي...مكان واسع وفي باركنات جاهزه..وحتى السيارات مرورها قليل هناك..
-باركنات مركز الواحه..مب الي حذال المركز..الي مجابلتنها..باركنات مفتوحه وبدون ارصفه ودوم الشباب يوقفون هناك..
-باركنات مسيد الشيخ زايد عالكرنيش..صحيح المرور متواجدين لكن دوم مانشوف مواتر واقفه..ومحد يقدر يقولكم شي مدام الشباب ملتزمين والمواتر واقفه..
وفي اماكن كثيره..بس حبيت الافاده وشكرا

هييييييييييييه و الله صدقك اخوي ..


بدال ما يرتبوون وياانااا عسبت نفرح مسوين تفتيشات .. يعني ما نفرح .. يعني ما نشوف دخان خخخخخخخخخخخخخخخخخخخخخخخ

[الكل ثابت]

اخواناا ما بجاا الا يوميين وليييييييييييين احيين ما حددو المكااااان شو السااااااااااالفه ؟؟؟؟؟؟

[NOS]

السموحه ياشباب لكن التجمعات من شروطها انها تكون بدون ريس بدون تصييح ويلات حتى اللي يحضر مايحرم الحضور مره ثانيه يوم بتطب علينا الشرطه وبتزخ اللي يخصه والي مايخصه

[سقراط كاك]

السلام عليكم .




لحد باجر الصبح اذا ماعطوني اجازه . بحط موضوع اني ماقدر نهائي احضر التجمع ..

حاولت من اسبوع ولكن بدون جدوى علشان ان ترتيبات القريه العالميه ..


السمووحه ..

[Supra_98]

تبوووووووووووووووووووووووون نصيحتي ..



غيروووا مكان التجمع .. لنه مب حلوووه الصراحه اذا حجزوا سيارة حد .. لني اشووف الدوريات واايد مشددييييين في راااك .. انا خبرتكم و انتواا براااايكم ..


و شي حل ثااني .. اذا رتبتوا ويا شرطة راس الخيمة انهم ينظمووون التجمع .. هذا هو الحل الوحيد ..



و السمووووحه ..

[فتــ48914ــك]

اخوي اذا بترتبون ويا الشرطه..انصحكم تكلمون حد فوق...يعني ظباط...لانه الافراد والاوكلاء بعضهم انذال بكل معنى الكلمه واسأل مجرب...اعرف ضباط فالمروور متفهمين لاقصى الحدووود..منهم..

حسن الجيدا..من الرمس اذا حد يعرفه..وتكلمونه على انه بس يعطي الافراد معلومات..انه بيكون تجمع فالمكان الفلاني وبيكون تجمع عادي بدون اي ويلات وخرابيط..ورتبته اظن عقيد او مقدم..وهو وايد متفهم

بس تسون تجمع وفي هالقت الي المرور مشدده وايد..بتتحملون الخساير وبتكون مخاطره...

تحياتي ^^

[||mark]

مرحبآآ يميــع ...






أنآ اليؤؤم يمكن بآخذ مآرك 2 و ان شآءالله اذا قدرت اسجلهآآ اليؤؤم بيي فيهآآ للتجمع لأني محتآج خبرت الشبآآب ..





مآبغي ايي باللكزس ... لآآزم سبؤؤؤر على قد الحدث ...

[TWISTER]

يلا شباب ترى التجمع جرب بس بدون مكان محدد
باقي اقل من يوم
و السموحة

[ahaat qlb]

قلت لكم بـاركنات وزاره التربيه والتعليم والله مكان حلو ومافي دوريات يمرن هناك ولو مرن نحن واقفين مانسوى شي^_^

[Supra_98]

شبااااااااااااااااااااااااااااااااااااااب لا تنسوووووووووووووووووووون امبااااراااة منتخب الشبااااب يوم الجمعه على نهائي كاس آسيا للشباااب ..



يمكن في ناس بيشووووفووون المباااراااه و ما بيحضرووووون ..


و الصراااحه .. قي شباااب خاايفيين ع مواترهم ..



يعني لازم انرتب ويا رطة راس الخيمة مثل ما قال اخوووي فتك 48914 .. كلامك عدل اخوي ..



مب حلوووه بيون عندنا شبااب من برع راس الخيمة و يحجزوون مواترهم عقب ..



و السموووووووحه ..

[دوباوي]

يافرحه ماتمت . . .
تحياتي , , ,

[فتــ48914ــك]

اخوي الوقت يداهمكم...اذا بينغلي التجمع خبرونا..واذا فكرتوا فالاقتراحات ومعزمين..خبرونا..

[DR.Z]

هااه شو صار شي تجمع ولا ماشي
ووين بيكون