شو اخبار الحلبة امس

[دم الغزال SS]

بسم الله الرحمن الرحيم




شباب شز اخبار الحلبة امس ؟؟؟؟؟؟؟؟؟

وشو النتايج ؟؟؟؟؟؟؟؟؟؟؟؟؟؟؟؟

[reddevil]

هلا اخوي

الاول في الجياتي هو السيلاني بزمن 9.8
والثاني اظن السعودي
والثالث عارف


بالنسبة للفوروبل
ما ادري منو الاول ولا موتر مشى عدل
الجيس دعم دعمة خفيفة
الذهبي مال فورملا مشاي ماشاءالله بس شاح علية

موتر السويدي ( نيسان اسود) بند علية في نص الدرب

في فئة الدراج
الاول بدر اهلي بزمن 8.5

الثاني فهد الخشرم

موتر البلوشي مشاي بس يبالة شوية تدريب عسب يقبظة

موتر بن عوقد ( الفورد) اظن كان خرباان


بشكل عام الحلبة مللللللللللل

ريس دقيقة
و 10 ساعات استراحة

ومنصة ال VIP شلوها

ومشكور على الموضوع

[دم الغزال SS]

افا

لا ها شي عادي قار يديد يباله شوي تتعود عليه

تسلم اخوي

[nightmare car]

الصراحه اولا

القوانين خره ومصخره

ثانيـــا

الحلبــه ممله وطفــره

وثالــثا

لو اتييب دراجة هنود يمكن تفوز

السمـــــوحه

ويا مرحبــــا بك

[41199]

وانا عن نفسي شكلي ما بسير هاي الحلبه لين ما ايغيروون القوانيين مالهم والصراحه الحلبه امس كانت قمه في الملل

[GTR34]

السلام عليكم ورحمة الله وبركاته ..

الحمدلله اني ماسرتها ... لؤؤؤل

ستوت لي ضروف .. وبغيييت أسير وتحسفت اني ما سرت ..
بس دام انها ملل ..
زين ماسرت ..

شو بنفوووول عن الحلبه ..



الله كريـــــم

والسموحه

[Bin karam]

اي حلبه اي خرابيط والله قهر وسباق ملل لدرجه ما تصورها

ساعه ونحن نتريا لين يبدون من سباق لين سباق والمذيع حاط اغاني كجره وعوار راس

الاشياء إلي نحن توقعنا انها تكون اوكيه للاسف مثل قبل
شو يعني القار اونهم معدلينه والله ولا اشوف شي نفس ما هو كل المواتر إتشاوح الله سلمهم الشباب
الباركات مال السيارات إلي يدخلون داخل في المدرجات رمله ومكان ضيج
عزكم الله الحمام عن بووه اول يوم ولا فيه ماااااي من خلص خلاص راحت عليه إلي ما لحق لوووول
الشاشه مال التلفزون إلي كانت جريب الساعه في آخر السباق وين راحت باعوها شو
مرجعين المدرجات إلي على اليسار وره بس هاي مب مشكله سماح
اكثر من نص السيارات إلي كانت تدخل الحلبه مب موجوده وطبعاً السبب معروف القوانين اليديده الخره
ووو
وو
وو
وو
وايد نحن شو بنقول الله كريم شي احسن عن لا شي

والله ما يسوى علي ضارب خط على الفاضي

إسمحولي على الازعاج بس إلي ياي السباق بيعرف ان ها مب سباق هذا ؟؟؟؟؟؟

سلملم

[تربل اكس XXX]

ههههههههههههههههههههههههههههههههههههه والله الحلبه كانت ملل نتريا سباق كل نص ساعه انا كنت موجود وهذا المذيع الغبي يحط اغاني يو م السيارات تحرق ليش حمدلله والشكر مذيع ولا مهرج ويالس يغني الحبيب يفكر انه سوبر ستار يعني المفروض انه يشغل اغاني في استراحه السباق ويوم يدخلون المواتر يقصر الصوت علشان الجمهور يتفاعل مع صوت الحراق لا يشغل لنا اغاني غريبه ومالت مسابقات اطفال ههههههههه
كل الشكر للشباب الللي تواجدو في الحلبه والمتسابقين وبس واقوى موتر شفته

هو الجيتي ار 32 البنفسجي مادري مال من جاب 9,7 من غير غاز طبعا وقت ممتاز وبعده موتر السيلاني9.8 فنان وقوي وبعده الجيتي الازرق ماشالله على الجياتي من دون غاز جابو اكثرهم 9 و10 ثواني

[veilside]

السلام عليكم شباب شو اخباركم انشاء الله مرتاحين مشكله المواتر يوم تشوح مب القار من التسخين الغلط الي سار الحلبه اكيد شاف موتر بن عوقد الريال سخن عدل وطلع الحمد الله ماشاح عليه الموتر ولا شي هاي المواتر يبغيلها تسخين صح مب شوي ويبغي يطلع مواتر درق هاي مب عاديه والسموحه اذا طولت عليكم

[PACKARD]

السلام,

قبل كل شئ, أفتقر السباق الى المتسابقين اللي سياراتهم ماجهزت الى الأن,

قوانين السباق الجديدة مقارنه مع القديمه تعتبر أفضل بكثير, فالقوانين الجديده تنص على التصفيات وهذا الشئ متبع في جميع انحاء العالم , وهو الأكثر إثاره, يعني عندنا قبل الواحد له تجربتين اذا توفق في الأولى ومحد كسر وقته مايدخل, واذا يت جولة محد كسر فيها الوقت تكون الحلبة ملل, انزين لين متى الشباب بيكسرون الأزمان, بيهم وقت بيحتاجون لسنين عسب ينزلون جزء من الثانيه, وهذا الشي اللي حاصل في الخارج, لـــكن طريقة التصفيات فيها اثاره تعتمد على التظبيط الصح (مب ضربت حظ) والسواقه فوق كل شئ, وهذا الشئ شفناه ايام سباقات الفيوشر والسعودي, في هذاك الوقت يوم يصفون الأثنين عند بعض كان المهم من يكون جدام.

بالنسبه للفئه المفتوحه, المفروض كان ياخذون معدل الزمن يوم الأربعاء عسب مايكون في اي لبس في الموضوع. بس هذا اول سباق وانشاءالله بتكون الجولات اليايه اكثر تنظيم.يمكن الواحد يقول ليش انا أزود للفئه المفتوحه بدخل بموتر استاندر, هذا الكلام صح في الوقت الحالي, بس في المستقبل تكون هناك تصفيات واللي يتأهلون أصحاب الأزمان الأفضل أو السيارات مثلا اللي تحت ال 13 ثانيه, فبينجبر الواحد ان يجهز سيارته صح.

باقي الفئات قانونهم على حسب التصفيات والإنطلاقه تكون في نفس الوقت.

فئة الجياتي كانت قويه شفنا فيها سيارات قويه مثل موتر السيلاني والمحلوي وموتر عارف ووليد شعباني وغيرهم وفي سيارات في هذه الفئه ماجهزت الى الأن .

فئة الفورويل, نيسان فورملا الذهبي لم يجرب بجديه الا يوم السباق وماكان جاهز في اول ضربه, اما الضربه الثانيه كان أفضل بس المشكله في الليك فما خلوه يكمل, النيسان الأسود لكراج السويدي, هذا الموتر الأن بيك بلوك وانشاءالله بتشوفون الثمان ثواني منه بس الموتر ماجهز الا يوم الثلاثاء قبل السباق بيومين واللي كان يسوق السيارة ماله أي خلفيه في سوقت سيارات الدراج او الفورويل فالريال محتاج وقت, النيسان الأبيض التيربوا لأحمد حسين تعودنا انشوف من المواسم السابقه يدخل يسخن وعقب يخترب. وفي سيارت ماجهزت أيضا في هذه الفئة الى الأن.

فئة الدراج, الفير بيرد قام يحرق على الصبيه وكان هناك التماس في نظام الغاز, اما على الصبيه الجديده وعلى ماأعتقد ان الصبيه محتاجه شوية وقت بس الصبيه بشكل عام جيدة لان اللي سخن صح الموتر ماشاح عليه.
موتر بن عوقد كسر قير, وموتر عبدالعزيز الزرعون كان بيدخل بس الظاهر حصل عطل. موتر فهد الخشرم كان جيد وهذا مشيه, اما بالنسبه لموتر خالد البلوشي, فالموتر ماكان جاهز وخالد ياب الموتر يوم الأربعاء قبل السباق بيوم لتجربته بس المشكه ان الموتر ماأشتغل الى الساعه 12 , ويوم السباق كان الموتر يعاني من نفس المشكله واشتغاله ماكان صافي لأن العطل ماتصلح, واللي حصل في السباق ان الموتر نش سيده بس من قطع عليه الموتر خفت سرعته عقب الإنطلاقه القويه جدا مما حول الوزن امام السياره فقامت تشوح.
والسلام عليكم,

[PACKARD]

السلام,

بالنسبه للتنظيم والمنظمين, مثل ماشفنا ان القوانين جديده فمن الطبيعي تكون في شويت مشاكل في البدايه لان القوانين غير واضحه بس انشاءالله في المستقبل مابتكون هذه المشاكل ومابيكون في تأخير, ومثل ماشفنا ان معظم التأخير كان من المتسابقين نفسهم, نحن سمعنا كم مره ينادون على المتسابقين لدخول الحلبه,

في المواسم السابقه تعودنا نشوف اسطول من اللجنه داخل منظقه التسخين لحفظ النظام وترتيب السيارات, لـــــكن اللي شفناه الأسبوع الماضي ان داخل منطقة التسخين ماكان هناك سوى ثلاثه ومنهم الأخ مصطفى المسؤول الجديد عن حلبة الدراج ريس للسيارات, هذا الشخص كان يتابع السياره من تدخل ويصفها ويخليها تسخن مره وحده مب مثل السنوات الماضيه ناس وناس كانوا يخلونهم يسخنون بالخمس دقائق وناس مايخلونهم يكملون دقيقه. غير هذا الشئ كان مصطفى يفحص السيارات في منطقة التسخين للتأكد من عدم وجود اي تسرب للزيت حتى ماتخيس السيارة منطقة السباق كاملة.
فوق كل هذا مصطفى كان يقوم بنفسه بتنظيف بقع الزيت مع الناس المخصصين لهذا الغرض وكان يتأكد من رش مادة ال Vht بعد تنظيف المكان المحدد, والإنتظار فتره معينه ليتأكد من تماسك المادة.
بصراحه الريال عن عشر والحق ينقال. طبعا انا تطرقت الى هذا الموضوع لأن في انتقادات كثير على الأخ مصطفى , بس انتوا الجمهور وكنت تشوفون شو اللي كان يستوي في منطقة التسخين وكيف كان تعاملهم ضعيف امام اي مشكله جديده في ارضية الحلبة.وكفايه أخلاق الريال وطريقة تعامله اللطيفه مع المتسابقين,

السلام