صحيح الي سمعته

[راعي الهارتوب]

السلام عليكم


يا شباب خبروني صحيح الي سمعته

هل صحيح ان البانشي تركب عليه مكاين سيارات
والي سمعته فيه واحد مركب على البانشي ماله مكينة زد

وبغي رايكم فهذا الشي

لاني بصراحه مب مصدق الي سمعته

والسموحه

[Aero R6]

و الله أنا ما أتستبعد هذا الشيء لو تروح منطقة مصفح الصناعية في أبوظبي تشوف أشياء عجيبة لكن أظن أن هذا الشيء يأخذ وقت و شغل وايد لكن بالنسبة BAGEES شفت وايد منهم مركبيين عليه محركات سيارات و الدراجات بعد

[راعي الهارتوب]

مشكور اخوي على الرد
بس يمكن تركب ليش لا

[mustang 5.8]

ياااااااااااخوي بعدك ماشفت شي عجل
روح المنطقة الصناعية وبتشوووووووف
بنفسك

[راعي الهارتوب]

مشكور حمد على الرد
ونا لازم اروح الصناعيه وتاكد بنفسي

ــــــــــــــــــــــــــــــــــــــــــــــــــ ــــــــــ

وعندي استفسار بسيط
باي دراجه تنصحوني ابغي امشيها في القار والرمله

البانشي ام الرابتر وغيرها من المذكورات

[DiGa]

السلام عليكم...
خذلك بانشي ... لأنه يقولون أعطاله قليلة ... وقطعه متوفرة... ووايدين اللي يعرفون يصلحونه
يعني بمعنا آخر ... الناس عندها خبرة فيه أكثر من الباقيين... والله أعلـــم
وحياك الله....:cool:

[راعي الهارتوب]

البانشي يستحمل اني امشيه في القار دوم
لاني سمعت من بعض الشباب ان البانشي اذا مشيت به بالشارع وايد يحرق علي بساتن
ونتو شو ردكم ياجماعه الخير ابغي الراي منكم لان الي سمعت منهم ماعندهم الخبره الزايده
يريت اتردون عليه بسرعه
والسموحه

[mustang 5.8]

البانشي

[Supra_Veilside]

السلام عليكم...
ياخوي اسئل مجرب ولا تسال خبير
اولأ البانشي 2 ستروك و الرابتور 4 ستروك فا انصحك بالرابتور ليــــــش؟؟؟
البانشي لازم تمكس ايل ويا البترول عسب تخف الاحتكاك...والرابتور مكينتها تتحمل.
الرابتور يا طويل العمر مشينا فيها من ند العذبه بالتحديد في دبي اليـــن بداير ولا حرت الدراجه ولا شي..شو رايك ما وقفنا في اي محطه.
الرابتور عزم ومكينتها تتحمل بعير فوقها وانتو بكرامه و عن الحراره لا تحاتي الا اذا لبق ليت الحراره.
ولين يومكن ما شفت اليت يلبق

والسموحه منكم...

[راعي الهارتوب]

والله ماعرف كيف اشكرك اخوي تسلم والله بصراحه افادتني وايد معلوماتك

ولو اني كنت ابغي دراجه حق الدعاس بعد والبانشي قومته اقوى عن الرابتر

[تنديل]

مشكورين على الافاده و الشرح
شكرا
:D :D

[الظبط_المروري]

اخوي الرابتر لانها وايد قوية ما عليك من البانشي وايد حاكرة وتحر وتخبق بستن وايد الرابتر بعدين تروح عن البانشي ستاندر بستاندر ..

اما من ناحية الرابتر اللهم ركب عليها هدرز او كزوز انته والخير رباعة وحتى مب لازم صدقني الرابتر للتقطيع واللعب وكل شي ولا تقولك لا اهم شي انا عندي الدراجة ما تخترب علي في نص البر وهل الشي محد يتمناه بس البانشي ياما وهقتني

[ولد السويدي]

والله انا الصراحة اول مرة اسمع عن هاذا الشيئ ................... البانشي

[Supra_Veilside]

البانشي راحت ايامها خلاص الحين الرابتر وال450 لانهن فور ستروك وانفع واحسن وارتب جرب تحوم برابتر وجرب ببانشي والله بانشي لا اطيح على ركبك وتقول اخخخخ هههههههههههههههه لا الرابتر معروفة وشوف نسبة المبيعات في اليوسف للدراجات بتلقى الرابتر ما اتم يومين في الوكالة اما البانشي جيمتها نزلت لين ال15 الف ومحد ياخذها الحين خلاص

[anvette]

عذرا يا شباب كل واحد منهم له شغلته .....وترا في درجات مظلومه ما حد يعرفها زي الهوندا 400 انا مجربه والى الحين وانا افجر فيه ولا مره اخترب ولا قال اه ....والرابتر في القار احسن من البانشي بس عيبه انه ينقلب بسرعه وعلى فكره ما في شي يوقف في وجه البانشي في البر........ بعدين ترا البانشي يطلع على الرابتر في القومه والرابتر في الخط اذا اثنينهم استاندر بس البانشي ظالمته كفرات الوكاله الي تبوش واجد ......و الله اعلم

[Stroker]

نصيحتي لا بانشي ولا رابتر .. اخذ الyfz450 اليديدز


البانشي :-
1- ميزات البانشي :-
ا- سريع و خفيف
ب- لغماته او تزويداااته بالهبل
ج- قطع غيار رخيصه وابكل مكان

2- عيوب البانشي :-
ا- نفس ما قالوا الشباب لازم ما تمشي فيه بالقار واايد علشان ما يظل الزيت فوق البانزين ويحترق البستن.
ب- خرباته وايد اذا ما عرفوا يعيرونه صح
ج- ثباااته مو شي

الرابتر :-
ميزات الرابتر :-
ا- مثل ما قالوا الشباب .. حط بانزين وبس لأنه 4 ستروك
ب- خطه قوي

عيوب الرابتر :-
ا- وزنه ثقيل
ب- قومته عاديه
ج- مو ثابت

ال وا اف زد 450 اليديد يجمع ميزات الأثنين يعني .. سريع وقوي وخفيف وثابت بس الرابتر اسرع بالخط شوي

[ALMoOoOoDMER]

والله اول مره اسمع بهل الشي الله اعلم


تحياااااااااااااتي



almo0o0o0odmer

[team kyoshi]

اخوي عندك

الــyfz450

شو رايك انه عندنا بانشي

عليها

هيدرز دي ام سي الينز
وعليها فلتر ريس

وفي فورس استيج تو

وتايمينج بليت

وكلجات ريس
وبلكات ريس
ومعرضة 2 انج


والyfz450
اشتريناها وكانت بعدها في التمرين وعليها هيدرز ترينتي بس

شورايك انه 1 و2 و3 و4 الyfz جداام بس عقب الباانشي لحقنا لانه الفي فوورس فتح عنده


بس والله الدرااجة ما عليها كلام

صح شوي غاليه بين 22000وال 24000

بس والله تستاهل واذا تبغي احسن هيدرز عندك يوشي مورا مافي شي احسن عنه
مووووووول هو احسن هيدرز في العالم

بس سعره حوالي 2000 درهم


هذي نصيحتي وانته كيفك

مع تحيات
أخوك

team kyoshi

[GTR34]

السلام عليكم ورحمة الله وبركاته , , ,

انا مايخصني بالدراجات .. ولا أعرف عنهن شيء

بس ياشباب خرشتوبي تراكم لؤؤؤؤل


يعني الحين .. yfz450 أحسن عن البانشي والرابتر ؟؟

ماشالله عليها .. الصراحه رهيبه مبين عليها ..

انزين انا لي تعليق .. صغير ..

انا سمعت من شباب أصحاب دراجات البر ((( سمــعــت ))) .. وعندهم خبره في تزويدها ..
المهم أفادوني بمعلومه انا كنت ماأعرف لها .. وكنت قبل اتحرا ان الرابتر قوي ..
بس شو فايدة القوة اذا ماشيء كونترول .. قالولي تنقلب بسرعه ومش ثابته .. بس من ناحية قويه فهي قويه ..
والله أعلم بس هذا الي عرفته
والبانشي مثل ماقالو .. اذا زودته وظبط شغلك عليه ... يعني رتبت أموره .. خلاص بترتاح منه وخراباته قليله ..
والمشهور عموما والي عنده شعبيه .. هو البانشي .. بغض النظر اذا تجاهلوه الحين .. لنه معلوماتي شويه جديمه لؤؤل
مادري الحين يمكن جلبو ع الرابتر .. بس المهم انا مايخصني بالدراجات.. لا دراجات بر ولا شارع ولا بحر لؤؤل

بس الصراحه يوم قلتو عن الـــ yfz450
شوي ظربتني هفه ... بس لي سؤال ... هل هي ثابته ...؟؟ وأهم شي الكونترول .. ؟؟
ماتخترب اذا مشيتها في القار ؟؟؟
كيف شكها ؟؟ شرات الرابتر ؟؟ ولا غير
هل فيه أحسن عنها بغض النظر عن السعر .. بس هل يوجد أحسن عنها ؟؟

وانا الصراحه ماأفظل قوه اذا ماشي سيطره .. أو في مشاكل تنتج عنها ..


والسموحه منكم شباب

[team kyoshi]

http://www.motorsports-network.com/yamaha/atv04/yzf34wht2.jpgهلا اخوي

صح كلام ربعك
الرابتر بس خط بس يعني راحة ولا انك تلعب فيها انسى

مول تعباانه لانه موول مب شي حق النقزاات ولا حق اللعب

والبانشي نفس الشي حق العراقيب بس

بس حق الخط انسى لانه بتخبق البستن لانها 2 ستروك يعني ما يتحمل الخط

اما الواي اف زي فهي احسن شي مجموعه بين الاثنين

قومة البانشي وخط الرابتر ويا ساسبينشين عجيب حق اللعب والنقزاات

وهذي مواصفات الدراجه

المكينة:-
4ستروك
5فالفيو تيتانيوم
البور والاستروك95mm x 62mm
الكربيتر:-
Keihin 39mm FCR w/Throttle Position Sensor

وهذي المواصفاات كلهاا




2004 Yamaha YFZ450 Specifications
ENGINE
Type 439cc 4-Stroke Single, Liquid-Cooled w/Fan, Titanium 5-Valve DOHC
Bore x Stroke 95mm x 62mm
Compression Ratio 11.9:1
Carburetion Keihin 39mm FCR w/Throttle Position Sensor
Ignition DC-CDI w/3D Mapping
Starting System Electric
Transmission 5-Speed Manual Clutch
Drive Train 2WD; Sealed O-Ring Chain
CHASSIS
Suspension/Front Independent Double Wishbone, 9.1” of Travel w/Rebound, Compression and Threaded Preload Adjustment
Suspension/Rear Cast Aluminum Swingarm, 10.1” of Travel w/Rebound, Compression and Threaded Preload Adjustment
Brakes/Front Dual, Twin Piston Hydraulic Discs
Brakes/Rear Hydraulic Disc
Tires/Front AT21x7-10 Radial
Tires/Rear AT20x10-9 Radial
DIMENSIONS
L x W x H 72.4” x 46.1” x 42.9”
Seat Height 31.5”
Wheelbase 50.4”
Ground Clearance 4.4”
Fuel Capacity 2.6 Gallons
Dry Weight 350 Lbs.


وهذي الصورة طبعا

http://www.motorsports-network.com/yamaha/atv04/yzf34wht2.jpg

اخوك
تيم كيوشي

واي شي انا حاااضر

باركوولي اشتريت زي 400

[بو عسكور]

الفي فوورس فتحه عنده


شو تقصد بهالشي وشو ها

[Supra_Veilside]

مع احترامي لهل الدراجة 450 وقوتها

بس سواقتها ابدا مب مريحة وخاصة سيتها متعب وايد للتقطيع والمسافات الطويلة من ناحية القوة ما عليها كلام. بس مب كل شي القوة

الرابتر لها تزويد تخليها صاروخ

انا جربت ال3 دراجات وما ارتحت الا للرابرتر سواقتها مريحة مافيها خراب وحق تقطيع شي عدل وحق الشل شغل عدل وحق التنقيز والقفز ترتوب مادري منو قال ان الرابتر حق التنقيز مب شي !!!! معن اكثر السويقة يعرفون ان الرابتر حق التنقيز والشل .

[DR_WOLF]

انا عندي yfz واشوفها انجح من الرابتر والبانشي خصوصا في الثبات وعن القوة حدث ولا حرج

الصراحه توب

والسموحه

[rasho0od]

هههه الله يعينكم أنا عندي 80أم أربع و البلاستر ما يشووفني بس طبعن مب مكينه 80 سيسي مكينه 250أر هوندا

[team kyoshi]

هذااك ايام اول الحين الواي اف زي مسكت كل الدرااجات

وبعدين للعلم تراها من احسن الدراجات في العالم

وبصرااحة انا اعطيها احسن دراجات ياماها

وللعلم تراها ما شي في السووق
وهذا دليل على انها مرغووبه

[ياماها]

بس أنا أشوف شكل البانشي الـ350 أحلى من البانشي واي اف زد 450 بس أنا أقول

بالشكل مو بالمواصفات

[dos]

اخوي خذ شوري وتوكل علي الله
وما ابيك تلف وتدور مثلي
خذلك yfz450 وتوكل علي الله
وراح تدعي لنا

[الاحمر]

السلام عليكم

انا شفت الموضوع ولو ردي متاخر بس اقولك خذ الرابتر وخاصة 700 مجرينا من 2006 وبدون اعطال اللهم تغير الفلتر والبلك والايل ..... وتكد وسامانها متوفرة في الوكالة وحتى التزويد متوفر بكثرة واللي تباه وحق الشل والمسافات الطويلة تعجبك وحتى لما تحطي عليها الهدرز اسمع الصوت انه بس وتعبأ بترول بس بدون مكس ايل

اما عن البانشي قويه وايد وبدون منافس لكن ... البستن هو المشكلة دايم يكسر دايما وماتصلح للشارع وتخلط الايل ويا البترول وبعد لاتنسى البلك يحترق بسرعة يعني حط وياك احطيطا في كل طلعة :) لانها اصلا مصممه حق الريس

واقولك شلك في عوار الراس خذ 700 وانته مرتاح حتى ان ولع ليت البترول الدراجة بتمشي لك نص ساعة ؟؟؟؟

وعلى فكرة عدنا محل تصليح عشان جيه اييب لك المعلومات هاي :)

[TargeT]

أنا عندي بانشي و 3 مرات خابقه بستن ليش لأني مب متفيج آخذ (جلن) و أمكس ويا آيل (يامالوب) و أريح الدراجه

وأمسات دافع 2500 على البساتن والكرنك والكلج .

راسه مخبوق إلي ياخله بانشي ألحين

ما في أحسن من الرابتر 700 آر

و في شباب يمدحون الهوندا ال 400 التي ركس

بس الواي إف زد آخر مره سمعت عنا كان سنه 2005 وبعدين إنقرضت

[TargeT]

و بعدين تعال شو مكينه زد شي وين إحنا

لا يكون هاي نفس الدراجه إلي عليها مكينه الفايبر مال شركه دوج

[K19]

كل شي جايز

[99319]

السلام عليكم

انا شفت الموضوع ولو ردي متاخر بس اقولك خذ الرابتر وخاصة 700 مجرينا من 2006 وبدون اعطال اللهم تغير الفلتر والبلك والايل ..... وتكد وسامانها متوفرة في الوكالة وحتى التزويد متوفر بكثرة واللي تباه وحق الشل والمسافات الطويلة تعجبك وحتى لما تحطي عليها الهدرز اسمع الصوت انه بس وتعبأ بترول بس بدون مكس ايل

اما عن البانشي قويه وايد وبدون منافس لكن ... البستن هو المشكلة دايم يكسر دايما وماتصلح للشارع وتخلط الايل ويا البترول وبعد لاتنسى البلك يحترق بسرعة يعني حط وياك احطيطا في كل طلعة :) لانها اصلا مصممه حق الريس

واقولك شلك في عوار الراس خذ 700 وانته مرتاح حتى ان ولع ليت البترول الدراجة بتمشي لك نص ساعة ؟؟؟؟

وعلى فكرة عدنا محل تصليح عشان جيه اييب لك المعلومات هاي :)

بس الغالي كم جيمتها الرابتر 700

[raptor700r]

شباب اللي بيروح البر بدراجة ساير يلعب وأهم شي راحة البال مب كل شوي تخترب عليك الدراجة واتوقف وخاصة بالتقطيع أتوهق الشباب اللي وياك أشتر راحة البال يا خوي وهذي أتيي بس بالرابتر 700 و yfz 450

[محـتـرف]

اخوووي اذا اتمكس عدل و ما تقبض خطووط بالبانشي ما بتخبق عليك انا عندي بانشي الحين من ابع سنوات و الحين بكمل خمس ابستن الوكالة و البانشي لازم ما تزود وايد لان كل ما تزودها اكثر كثرت اعطالها