وين احصل كراج يغير السكان

[ابوظبي اليوم]

السلام عليكم
يا جماعه اريد حد يقولي وين اسير علشان اغير السكان من اليمين لليسار
و شو اسم الكراج و في اي اماره و كم السعر
و اتريا الرد

[تربل اكس XXX]

مرحبا الغالي احسن واحد يغير سكان كراج جوي في منطقه الذيد سير وتخبر عنه بيدلونك والله يوفقك:)

[سمسم]

حبوووب يعتمد شو من المواتر تبى اتحول . . .
بس اذا كنت تبى اتحول جيتي ولا ايفو ما انصحك بجوي لانه معظم السامان مب اصلي ويعتد وايد على لحام القطع . . يعني مثلا اذا كان ايفو ولا جيتي يركب استيرنج راك مال لانسر عادي للايفو او مال مكسيما للجيتي . . . وهذا خطر . . .اذا كان عندك جيتي او ايفو خبرني وانا بقولك احسن مكان . . .

[][Monster][]

أنا أبا المحل .. السياره GT-S
Model: 1992
اخوي بغيته تشطيب الوكاله عشان يمشي في المرور
وياريت تحطلي كم بيكلف ..مع السلامه
:(

[][Monster][]

سوري نسيت اسألك ..
هل هو مع الضمان ولا بدون .. ياريت يكون مع الضمان لأني هب بايع عمري ..:D

[][Monster][]

وينك ياخوي سمسم والله ترى مستعيل
ابي اودي السياره وافتك حرام اتم واقفه..بليز:(

[Zero]

السلام عليك اخوي فيه وايد كراجات اتبدل السكان
بس الجيتي GTs مالك 32 ولا 33 واذي 32 تقدر اتقص الطبلون في العوير ومايكلفك 2500 لى 3000 بلكثير واذا 33 لازم اتبدل الطبلون ويركبولك طبلون بلبيرد وفيه كراج في عيمان اسمه كراج اكرم في الصناعيه
اول دوار سير سيده شوي بيكون على ايدك اليمين وبيكلفك 5000 & 5500 ويعطيك اسبوعين ضمان وشوف انته وعندك كراج جوي بس غالي
ان شاء الله اكون ساعدتك.....

[Mazinger]

واله التحويل غالي والاسعار نار ز مع انه ما يكلف الكراج شي يذكر :(

[][Monster][]

مشكورين ماتقصرون انا وديته محل في الشارجه إسمه التوكل يعني واحد دلني عليه ويوم دخلت الكراج شفت عنده جياتي وايد يغيرلهن السكان .. والله يستر يوم بتطلع السياره والسعر معقول 2700
ويخلص في 15 يوم او أقل على حسب الزحمه .. وتحياتي لكم

[إبن الصحــــراء]

بصراحه وبدون مجامل انا بدلت سكان موتري في كارج الطوارق في الشارجه شغله نضيف وحلو ويجهز الموتر خلال 10 ايام وانت مرتاح
والقص عنده حلو ورهيب وماعليه كلام وتقدر تسير وتشوف المواتر الي عنده وبالاخص تلبيس الطبلوم ماعليه كلام وعلى كيف كيفك
واذا حبيت رقم راعي الكاراج بدورلك اياه
شغل مضمون مررررررررررررررررررررررررررررررررررره
والسعر من 2800 الى 3000
ومايقصر يسويلك خصم

:D

وفي كاراج ثاني اسمه الزاد بعد في الشارجه واحد من الربع مبدل عنده وترتيب وماعليه كلام بعد

والسموحه

[بن دبي]

اخوي انا انصحك اتسير عند واحد الافغانيه فالعوير ورا المعارض على طووول


شغلهم فنان وعلى 3000 و 3500
بس شغلهم مرتب وعليه ضمان

والسموحه

[][Monster][]

.

[Mazinger]

يا شباب ما تعرفون حد تويوتا كراون موديل 1991 بس 8 سلندر
ليش انا شفنا واحد و عجبنا وايد و حصلنا ريال يعرف يحوله اسمه كراج السعودي في العوير
و قالنا بيحوله ب7000 درهم!!!!
اذا في حد يعرف من يحوله باقل و و يكون تحويل اوكي و يمشي في المرور قولولنا و لاتقصرون معانا
و السموحه :)

[Speed4ever]

<p dir="rtl" align="right"><span dir="rtl">كاتب الرسالة الأصلية : ][Monster][
أنا أبا المحل .. السياره GT-S
Model: 1992
اخوي بغيته تشطيب الوكاله عشان يمشي في المرور
وياريت تحطلي كم بيكلف ..مع السلامه
:( </span></p>
<p align="right">&nbsp;</p>

الغالي اذا ناوي اتسجله في ابوظبي ترى انسى
لان الاستيرينج بوكس الي بيركبولك ياه يا مال مكسيما او بيكب
ومرور ابوظبي عارفين هالشيء وانا مجرب اسبوع الي طاف

[mustang 5.8]

السيارة خلاص ما منهه فايدة حتى لو بدلت السكان
تنعرف

[خطاف]

بصراحه وبدون مجامل انا بدلت سكان موتري في كارج الطوارق في الشارجه شغله نضيف وحلو ويجهز الموتر خلال 10 ايام وانت مرتاح


الغالي وين مكان هالكراج او كم رقم تلفونه اذا تروم

[خطاف]

.........:( عطونا ويه

[خطاف]

عطونا بس مكا ن كراج الطوارق قسم بالله مابا بيت شعبي
:[

[RB25]

انا بقولك وين بالضبط ...

بجليك الدرب ... في الشارجة وانته رايح على ردب القرقاش .. وخل القرقاش على يمينك ..

أول دوار تمشي سيده لين ما توصل لكلية هناك .. وبعد الكلية بتحصل لفة اطلع يمين وبعدين يسار على طول ... وروح دغري ... وبتشوف مكتوب الطوارق .. وسملت .

غن شاء الله وصلت المعلومة .

[الظبط_المروري]

ستين الف كراج يحول وانا ما انصح بالقص ونصيحة اذا بتحول حول بسعر غالي بدون قص لان القص بيسرب هوا والحرارة بتحس فيها داخل السيارة ..

يعني ادفع زيادة ولا هل المشاكل زيد الفين شو المشكلة ولا هل الصدعة ياخويه

[Mazinger]

اذا بتحط غطا للطبلون (قماش) بيشل وايد من الحراره بعد
بس أهم شي الاستيرنج يكون أصلي و البريك راكب عدل و الكهربا مضبوطه 100%
يعني اذا بتحول قولهم مواصفات مرور أبوظبي تراها أحسن شي.
في كراجات الفرق عندهم بين مواصفات أبوظبي و أم قيوين في حدود 2000 درهم :eek:
وكل واحد يشوف الي يصلحله