بعض الإقتراحات بخصوص تجمعات شباب المنتدى .. اتفضلوا .. [الأرشيف]

SaLoo7

25-03-2005, 06:02 AM

:efsf7:بسم الله الرحمن الرحيم ..

السلام عليكم ورحمه الله وبركاته ..

اخواني الاعزاء طبعا بعد أول تجمع صار لنا برع المنتدى والي الحمد لله عدى على خير و انه كان من احسن ما يمكن من نظام وترتيب وغيره طبعا انا لاحظت بعض الاشياء وعندي اقتراحات بسيطه واتمنى انكم تشاركوني بعد بإقتراحاتكم ..
-اخوي (( speed4ever )) و اخوي (( TRD )) انتوا تكلفتوا بكل شي في الطلعه هذي يعني بشكل اوضح سويتوا الاستيكرات والتصوير والبارد للشباب كلهم وجزاكم الله الف خير على كل هذا .. بس انا اشوف لو كل عضوا منا يتكلف بشي يكون احسن وعشان نطلع بصوره احلى واحلى جدام العالم من حاضر وغايب للتجمع انا بعطيكم افكاري وانتوا عطوني رايكم بصراحه ..

1-واحد يتكلف بالاستيكرات (( طبعا اخوي (( speed4ever )) و اخوي (( TRD )) بتكونون بعيد عن كل شي )) ..
2-واحد يتكلف بالبارد للحضور ..
3-واحد يتكلف بكم كرتون الكيك من الصغار لنا وللحضور ..
4-واحد يتكلف بالإتصال للشباب ..

والصراحه الحق حق وكلنا اخوان ومافي شي يخلينا نستحي من بعض ولازم نساند بعض عشان نطلع بالصوره الاحسن .. ولا شو رايكم

انا هذا الي عندي اياه حاليا واتمنى انكم تزيدون على اقتراحاتي وكل واحد يعطيني رايه بكلامي ..:dddvvv:

وانا مستعد بالي تامروني فيه ..:oooww:

وتحياتي لكم : اخوكم المشاكس

SaLoo7

:vb_comean

SaLoo7

25-03-2005, 06:14 AM

السموحه نسيت السندويجات .. (( عشان بوعسكور مايزعل)) .. ههههه:efgh:

يالله اترياكم بالردود لو سمحتوا..

:efsf7:

TRD

25-03-2005, 06:27 AM

أشكر الاخ العزيز والنشيط جدا صالح على الاقتراحات الجميله هذي وأرجوا من المشرفين والاخوان أعضاء المنتدى المشاركة في الموضوع الجدا مهم لما فيه من مصلحه للجميع بخصوص التجمعات القادمة

ولكم جزيل الشكر والتقدير

أخوكم

TRD(TOYOTA RACING DEVELOPMENT) :dddvvv:

COBRA

25-03-2005, 07:43 AM

ادق صدري واقولكم انا حاظر بالي تامرومبه وفالكم طيب امره واشكرك صالح على الموضوع المهم

KING 911

25-03-2005, 08:11 AM

++ السلام عليكم ورحمة الله وبركاته ++

كلام الأخ صلووووح 100% .. وأنا عندي بعد شوية شغلات ..

أنه حتى لو واحد ما يروم مثلا يسو أستكرات .. خلهم ثلاثة ويا بعض .. يشتركون في البيزات ..

وأي شي ما يروم عليه عضو بروحه .. خلهم ثلاثة ويا بعض ..

وكل تجمع يتغيروا المسؤولين على الإستكرات و .. إلخ .

يعني شفتاااات ..

وبعد يوم تخلصون أكل وكل شي حطوا الفضلات في كرتون .. درام .. مب تحت السيارة ..

والسموحة

++

سمسم

25-03-2005, 12:43 PM

وأنــا اشوف كلامك ياصلوووح عين الصواب

لانه في الاول والاخير نحن يالسين نخدم المنتدى من ضيوف واعضاء ومراقبين ومشرفين

ويد وحده ماتصفق

فكره طيبــه وانا من ناحيتي جاهز . . واللي يامر به صاحب الموقع انا حاضر

فوكسر الامارات

25-03-2005, 02:50 PM

انا اقترح انه انسوي لجنة التجمع على النحو التالي :

1- لجنة التنظيم والقرار : وهي مسؤول على كل شيء عن التجمع مثل تحديد الوقت ومكان التجمع وطريقة التجمع الى نهاية التجمع

2- لجنة الامدادات : وهي مسؤولة عن البارد والسندويشات

3- لجنة الاتصال والربط : وهي مسؤولة عن تجميع ارقام الاعضاء والاتصال بهم والتنسيق معهم وقت التجمع

4- لجنة التقيم والجودة : وهي المسولة عن تقيم التجمع من كل النواحي وهي التي توزع على الي يستاهل التوزع والشكر بعد التجمع يعني مثل تكريم احسن عضو بكأس او درع او ما شابهه

وهذا الي عندي والي عنده اقتراح يقولة :)

والشي الاول والاخير راجع لكم

SaLoo7

25-03-2005, 03:32 PM

السلام عليكم ورحمه الله وبركاته ..

اشكركم اخواني
TRD
(( اشكرك اخوي للرد .. بس ما عطيتنا شي من اقتراحاتك )) ..
.................................................. ............................
COBRA
(( جزاك الله الف خير اخوي ..والعفو اخوي )) ..
.................................................. ............................
KING 911
((مشكور اخوي للإنظمام معاي بالصوت .. وافكارك هم 100%والله )) ..
.................................................. ............................
سمسم
((اشكرك اخوي وهم افكارك حلوه ومطلوبه .. ومثل ما قلت اولا واخيرا لأجل المنتدى )) ..
.................................................. ............................
فوكسر الامارات
((مشكور الغالي والصراحه افكارك عين الصواب .. ولازم نسوي لجنات مثل ما قلت )) ..
.................................................. .......................................
وبعدنا ننتظر رد اخونا (( speed4ever )) .. :dddvvv:
..........................................
SaLoo7

:efsf7:

بو عسكور

26-03-2005, 01:43 AM

كلامكم مره عززززززل مثل ما يقول السوداني

المهم

وحبيت اضيف على كلام اخوي فوكسر و ان تكون شي لجنه لتصوير

وماشالله عليكم كفيتو ووفيتو

وييييييييييين مديرنا شكله راقد لين اليوم نبا نسمع رايه

لووووول ولجنه للاكل و انا المسول عن هالشي

وطبعا هدفنا الاول و الاخير هو رفع اسم المنتدى

Speed4ever

26-03-2005, 02:24 AM

أولا حبيت اشكر الشباب الي كانو في التجمع ومشكورين وما قصرتو
واسمحولي لاني تاخرت في الرد لاني كنت قاعد اشتغل في المنتدى مع أخوكم Rb25 يزاه الله خير ما قصر في ترقية المنتدى ورفع الصور

طبعا بخصوص الاقتراحات حاليا ما عندي اي اقتراح والي تشوفنه صح تراني وياكم وان شاءا لله ما بقصر معاكم

وحاليا الصراحة مشغول مع الافلام والصور

والسموحة

GTR34

26-03-2005, 05:52 AM

انا ما بضيف ع كلامكم ..

اقتراحاتكم .. وآرائكم .. مهمه

وان شاء الله .. التجمع مره عن مره يتطور ويتحسن .. ويرتقي الى الأفضل .. وهذا الي نشوفه ماشاء الله
والله يزيد الشباب المتواجدين ..

ولو حد ماقدر يي أو عنده ظروف صعبه .. معذور وأكيد انشالله بيشوف الصور والأخبار وطبعا كل شي موجود في هذا المنتدى الطيب ..

وفي الأخير أشكر كل شخص ساهم في هذا التجمع سواء من أفكار هادفه .. ومن التنسيق والترتيب..

وشكرا أخوي سبيد ومشكور أخوي Rb25 ع الجناح الخاص ,, جروب سبيد فور ايفر .. ماقصرتو
ونبارك لــ أخونا Trd الغالي ع الإشراف .. تستاهل يابوجاسم .. وانشالله تعذرني عاد ماييت التجمع (( سودت ويهيي )) شرات كل مره .. لؤؤؤل بس يالله خيرها بغيرها مثل مايقولون
اذا الله عطانه عمر , ان شاء الله نكون في التجمع القادم بإذن الله ..

والسموحه

GTR34

26-03-2005, 06:28 AM

نسيت أشكر صاحب الموضوع ..

شكرا لك أخوي SaLoo7
على طرحك لهذا الموضوغ ..

ماقصرت

والسموحه

بو عسكور

26-03-2005, 10:47 AM

يعطيك العافيه يا اسبيد و الله صدق ما قصرت ويزاك الف خير وعاد شد حيلك يا ار بي 25 و الله يوفقكم

Gtr34>>>>>>> وتواجدكم انتو كاعضاء تكتمل و دائره الاهميه تشملكم انتو بعد

تي ار دي >>>>>>> كلووووووووش كلوشششش كلووووووووووووش كلووووششششش بالبركه و يالله شد حيلك ونتمى لك التوفيق يا اخوي

TRD

26-03-2005, 12:43 PM

زغرط ياااااااااا بوعسكور زغرط

انا بعد بزغرط كلللللللللللللللللللووووووووووووووووووووش كححححححححححح كللللللللولش

اما بعد...

هذا كله طبعا بفضل الله ومن ثم الشباب اللي رفعوا الراس والله بحضورهم

وبعدين...

حبيت أشكر المدير العام على الثقه الكبيرة لجعلي مشرف منتدى القروب

وانشاء الله انشاء الله أكون عند حسن ظنه وأكون للجميع ذخر وعون على طوووووووووووول يا رب

(في التجمع الياي ألا ما أوزع شمعداااااان )خخخخخخخخخخخخخخ

SaLoo7

26-03-2005, 02:00 PM

السلام عليكم ورحمه الله وبركاته ..
.................................................. ..............
هلا اخوي (( بوعسكور )) ..
اولا مشكور اخوي على ردك والمرور بالموضوع ..
ثانيا اقتراحاتك بعد ضمن المطلوب .. ولجنة التصوير اقدر استلمها انا لو مديرنا يوافق بس ..
وانت البركه فيك ما شاء الله تعرف شو تستلم وحياتك ههههههه الاكل ..
وهدفنا واحد يا اخوي والله يوفقنا ..
.................................................. .............
هلا اخوي (( speed4ever )) ..
اولا تسلم اخوي على ردك الي كلنا كنا ننتظره ..
وثانيا العفو اخوي والي احن سويناه كله عشان خاطرك وعشان خاطر المنتدى ..
ثالثا جزاكم الله الف خير عالتعب ومسموووح بالحل حبوب ..
وان شاء الله راح نتفق على شي واحد بعد موافقة الكل ..
والله يوفقكم انت واخوي RB25 ..
.................................................. .............
هلا اخوي ((GTR34)) ..
مشكووووور الغالي وما قصرة بمرورك بالموضوع والرد عليه ..
وان شاء الله اذا الله اراد مثل ما قلت التجمع اكيد راح يتحسن مره عن مره ..
وان شاء الله اخوي نشوفك في التجمع الياي معانه وتستانس مثل ما قلت ..
والعفو اخوي والموضوع تزيد اهميته بوقفتكم معاي فيه ..
.................................................. .............
هلا اخوي (( TRD )) ..
احب اقولك الف الف مبرووووووووووووووك عالإشراف ..
والله يوفق اخوي بالاشراف ونشوفك ذغر لنا ..
.................................................. .............
سلامي اخوكم :

SaLoo7

SaLoo7

26-03-2005, 02:37 PM

السلام عليكم ..

اقول شباب انا من رايي ان التجمع مره ثانيه نخليه في باركنات حديقة الممزر شو رايكم مكان وسيع وباركنات محترمه والدرب قريب للكل ..احسن من دب التجمع الاولاني ..واذا مثلا لو حد ناسي شي ولا يبغي يرجع الشارقه دربه قريب كله خمس دقايق ..

والمكان ماله غير دخله وحده ومثلا نقدر نخلي السيارات توقف دور ما دور المكان ..

عطوني رايكم لو سمحتوا في المكان ؟؟

اخوكم : صلوح : :efsf7:

honda_900cc@hot

26-03-2005, 06:43 PM

وعلى الاقل من المفروض ان الشباب يكون ليهم دور في المنتدى لازم الكل يشترك علشان رفع المعنويات واحب ابارك للمشرف اليديد وماينسى الشمعدان الف مبروك للمشرف اليديد

GTR4EVER

26-03-2005, 09:33 PM

اخوي

صلوووح

مشاء الله عليك كفيت وفيت بقتراحاتك الحلوووه
مشاء الله عليكم
وعلى هذا التخطيط
وسمحولي لعدم حضوري للتجمع (ظروف)
واخوي
وتحياتي لكم
اخوكم
جي تي ار 4 ايفر

SaLoo7

26-03-2005, 11:03 PM

السلام عليكم ..

هلا اخوي (( honda_900cc@hotmail )) ..
اولا اشكرك على مشاركتك اخوي في الموضوع والمرور ..
وثانيا كلامك صح 100% ..
.................................................
هلا اخوي ((GTR4EVER )) ..
مشكووووووور اخوي على ردك عالموضوع ..
ومروورك بالموضوع احلى ..
وعذرك معاك اخوي لعدم الحضور انت والكثير من الشباب ..
وان شاء الله المره الثانيه تكون موجود ..
والسلام عليكم ..
.................................................

تحياتي اخوكم : صلوح

TRD

27-03-2005, 09:18 AM

مشكور يا اخوي صلوح على الاقتراحات الحلوه هذي

الله يبارك فيك راعي الهوندا وافا عليك الا ما اوزع في التجمع الياي

شباب .......

أرجو من الجميع المشاركه بخصوص التجمع القادم وانشاء الله بسوي موضوع مستقل بذاته فيه تصويت المكان والوقت لأن ما نبغي نظلم الشباب

اللي ياي من بوظبي واللي عنده دوام فا نحن نبغي نرتب بخصوص الموضوع هذا الجدا مهم

بغت كل واحد يخبرني بالأماكن اللي يصلح فيها التجمع والوقت ونحن حااااظرين بناخذ راي الاكثريه انشاء الله

أخوكم

(TRD (Toyota Racing Development :dddvvv:

النقبي_911

27-03-2005, 10:42 AM

الصراحه ها التجمعات واايد حلوه

بس انا عندي اقتراح

ليش ما نسوي تجمعات خاصه بعد يعني مثلا اسبوع حق السوبرا والثاني حق الجيتي بجميع الموديلات وجي ..

LAND CRUISER

27-03-2005, 12:39 PM

الصراحه بوالصلح كلامك عين الصح و شورك غاوي
و حبيت ابارك لاخويه تي آر دي ع الاشراف و اقوله الصراحه تستاهل كل خير و اقول للمدير سبيد 4 ايفر انك حطيت المشرف اللي يستاهل و قدها و قدود
على فكره ترى هذا كله دهان سير عشان اليمعه اليايه اتكون عقب شهر 4 يعني شهر خمسه لان الطبجه ما بيزهب قبل شهر 5 لا تتحسبوني مفرخجي قصدي استيشني ادري اني ذليتكم من كثر ما اقولكم عنه بس اشكي لكم الحال

كيفي اقول اللي اباه لاني عاشق استيشنات Land Cruiser 4 Ever

SaLoo7

27-03-2005, 02:25 PM

السلام عليكم ورحمه الله وبركاته ..

هلا اخوي((TRD)) ..
العفو اخوي وهذا من ذوقك الحلو ..
اخوي توكل على الله واحنا معاك حط الموضوع وان شاء الله خير .. :oooww:
........................................
هلا اخوي ((النقبي_911)) ..
اشكرك اخوي للمشاركه باقتراحك .. والصراحه الي انت تبيه اشوي صعب .. لأن مب وايدين من الي يحضرون عندهم سوبرهات وجياتي فنخليها مكاسي يكون احسن .. :dddvvv:

وسلامي لك ..
........................................
هلا اخوي ((LAND CRUISER)) ..
اشكرك اخوي عالتواصل والرد علي اقتراحاتي ..
والصراحه لو ما حظرت التجمع الياي بزعل منك ومب لازم تكون موجود بموترك .. :^16:
ياخي بلا حجج مالها داعي اونه موتري ما بيخلص .. تعال مع اي واحد من شباب المنتدى ولا انت تستحي تروح مع شباب المنتدى ..؟؟ :vb_comean
يالله عاد خل موترك على صوب ولازم تكون موجود في التجمع الياي..:oooww:
........................................
تحياتي : اخوكم صلوح ..:efsf7:

بو عسكور

28-03-2005, 12:59 AM

SaLoo7

28-03-2005, 01:13 AM

السلام عليكم ورحمه الله وبركاته ..

هلا اخوي (( بو عسكور )) ..

الصراحه فكرتك هاي حلوه بس وين اصحاب الدراجات ؟؟ :^23:

وانت تعرف اصحاب الدراجات ما يقدرون بدون فوضه والصراحه شي حلو منهم لو يتجمعون معانه في القروب بس اهم شي ما يكونوا فوضويه .. :efsf7:

ومشكور عالفكره ..:hhhrr5:

SaLoo7

29-03-2005, 03:06 AM

السلام عليكم ..

هلا اخوي (( بوعسكور )) ..

اخوي الي يسمعك تقول (( حر وطبخ )) يقول هذيل عايشين في الربع الخالي ..

اخوي الحمد لله الجو حلو اخوي وينفع حق التجمع ..

وخل عنك الرشاقه وسوالف الدلع .. هذا انت رشيق وفي كل صوره طالع ماشاء الله وين عيل لو انت متين ؟؟!!

...................................

S a L o o 7

TRD

29-03-2005, 08:34 AM

انا اقترح قبل يوم التجمع بيوم للي بيستلمون الاتصالات (أخوي صلوح وأخوي بو عسكور) شو يسون

أطرشون مسجات للأخوان الاعضاء يكون مسج موحد بينكم الاثنين عن طريق الموبايل يوم قبل التجمع لأن العادة المدة طويله بين تاريخ الخبر وتاريخ التجمع وأنا لاحظت انه كثير من الشباب اللي أتصلت بهم نااااااااااسين الموضوع بالمرة ؟؟؟؟؟؟؟؟؟؟؟

وبخصوص المشرفين

يكونون أول ناس يستقبلون الاخوان الاعضاء في مكان التجمع وأولهم المدير وانا (بصراحة قصرنا في التجمع اللي طاف)

نخلي واااحد ترشحونه لترتيب السيارات حزة التجمع في البركنات وفي المسيرة حزة يوم بنحرك يكون الدليل في البدايه وبعدين ترتيب المواتر في المسيرة السيايير النادرة وبعدها المتكررة وبعدها الفورويل

نغي آرئكم شبااااااااااب أكثر وأكثر

Speed4ever

29-03-2005, 08:42 PM

في البدايه السلام عليكم و رحمه الله و بركاته

بس عندي تعليق بسيط و لا مب تعليق الا وهي فكره

بدش بالموضوع علطول ليش نحن ما ندخل ويانا جروب الدراجات الناريه احس انهم منعزلين عنا

و الله بوجودهم الجو بيكون و لا اروع

و لا شو رايكم

الصراحة اخوي فكرت حلوة ولكن من الصعب انك تقدر تسيطر عليهم
فما اعتقد ان فكرة جروب الدراجات الناريه تنجح معانا

SaLoo7

30-03-2005, 08:06 PM

السلام عليكم ..

هلا اخوي (( TRD ))..

اخوي كلامك عين الصواب نوحد المسج انا واخوي بوعسكور ونطرشه للاعضاء قبل التجمع بيوم ..

وعشان نتاكد من حضورهم 100% ارجع واتصل فيهم في يوم التجمع او نرجع ونطرش المسجات مره ثانيه قبل التجمع بساعه ..
.................................................. ..................................
هلا اخوي (( speed4ever )) ..

كلامك صح الصح 100% وقروب الدراجات الله يعين الي بيعزمهم للتجمع ..

.................................................. ..............

وسلامتكم

S a L o o 7

NOS

31-03-2005, 06:53 PM

السلام عليكم و رحمة الله و بركاته

اولا بخصوص البوفيه مالكم ... الصراحه من رايي انه ماله داعي الاكل والسيفود ...
ياجماعة الخير كل واحد اييب الديو ماله من اي محطة بترول وخلاص لانه نحن يايين نتجمع و نسولف عن المواتر السبورت ...مب يايين ضرب كيك و شاي ....شرات الشياب. واعتقد مالها داعي .

وثانيا بخصوص التجمع
الصراحه مافينا نتجمع فممزر دبي و مذلة دبي و شرطتها ...لاتقولون حاليا مايسوون شي ... لانهم تصنيفات مابتشوفون الا و مسكرين الشوارع ... ليش ؟؟ بيقولون والله في واحد فشارع الشيخ زايد منجلب و مات و كان مسرع عنده موتر سبورت (يدورون اي حجه).

تحياتي

SaLoo7

01-04-2005, 01:49 AM

السلام عليكم ورحمه الله وبركاته ..

هلا اخوي (( NOS )) ..

اسمحلي الغالي انا بوقف ضد كلامك ..

اولا احنا مب ناويين نسوي بوفيه مثل ماتقول والسيفود .. احنا بنسوي شي خفيف عشان نكرم الشباب الي كرمونا بحضورهم ونطلع بافضل صوره جدام الكل ..
:dddvvv:
وعن كلامك بخصوص شرطة دبي لا تحاتي شرطة دبي من اكثر شرطة في البلاد يتفهمون للشباب ..
واذا فكروا يلعبون علينا عادي نقص عليهم ونعطيهم كيك .. ههههههه :efgh:
او اثنين ولا ثلاث من المشرفين يروحون المرور وياخذون اذن منهم وبدون ما يخبرونهم بالمكان ..واذا رفضوا موضوع ثاني وارض الله واسعه ياخوي .. :efsf7:

والسموحه اخوي ..

تحياتي لك : صلوح

NOS

01-04-2005, 03:48 PM

شكرا على الرد ...
حاليا التجمع هذا في المرحلة الاوليه يعني بعدنا فالبدايه ( التمهيدية)
مب بروفشنال ... انشالله بنتم على الاكرام و الكرم الحاتمي ... ومع الايام انشالله في المستقبل كل شي بيترتب بانه المهام مب على مجموعه وحده و النفقات على مجموعه و حده ... مابنستبق الكلام والاحداث.. لكن مع الايام بنتعلم ....

تحياتي

TRD

01-04-2005, 06:57 PM

مرحبا أخوي نوز بخصوص التجمعات انشاء الله اللي بتكون في الممزر نحن ما بنسوي أي فوضى وهم مثل ما قال أخوي صلوح اترا بتفهمون

لأنها صارت ويانا كذا مرة يوم تكون دوريه وحده (شرطيين) و30 إللى 40 نفر على راسه والله انه يقفط ولا يقول شي

وبعدين احن بالكلام الحلو بنلين راسهم واذا ما بغونا نتواجد مرة ثانيه نحن بنقطع وما بنسير مرة ثانيه

أهم شي يا اخوي نوز يمعه الشباب والله كم تسوا شوفتهم وقعدتهم (لا تخرب سوقنايا يا اخي أفهمها ):efgh:

واذا كان فيه حد عند واسطة قويه من صوب المرور اترا خله يخبرنا

SaLoo7

02-04-2005, 04:35 AM

السلام عليكم ورحمه الله وبركاته..

هلا اخوي (( NOS )) ..

ان شاء الله اخوي كل شي بيترتب وبنكون في المستوى التوب ..

......

هلا اخوي (( TRD )) ..

مشكوووووووور اخوي للرد

وكلامك 100% صح وشرطة دبي تراهم متفهمين ويتفهمون الوضع ..

وانشاء الله السوق ما بيخترب حبوب ..

.....

صلووووح

Twin Turbo2004

03-04-2005, 09:55 PM

بسم الله الرحمن الرحيم

انا اقترح لو تسون تصويت حق الوقت والتاريخ يكون احسن ؟
علشان اتراعون الواحد منا اذا فاضي ولا مشغول ، واتكون التجمع اكبر من قبل .:efsf7:

SaLoo7

03-04-2005, 11:19 PM

السلام عليكم ..

هلا اخوي (( TwinTurbo2004 )) ..

اشكرك اخوي عالمروور والاقتراح في محله وان شاء الله راح يكون له موضوع خاص بروحه ..

STo0oP

04-04-2005, 02:11 AM

~-~ السلام عليكم ورحمة من الله وبركاته~-~

بصراحه اقتراحات الاخوان اكثرها في محلها بس اهم شي عدم التسرع بأتخاذ قرار يعني كل شي يكون متفق عليه

وبالتالي كل شي بيكون سهل ومرتب

~*~ والله الموفق ~*~

~+~ تحياتي ~+~

SaLoo7

05-04-2005, 04:26 AM

السلام عليكم ..

هلا اخوي (( SToOoP )) ..

اولا احب اشكرك اخوي لإنضمامك ويانه في الموضوع ..

وان شاء الله كل شي راح يكون بالراحه ..

TRD

05-04-2005, 09:46 AM

من عيوني يا شباب بنسوي تصويت بخصوص الموضوع مال الوقت والتاريخ انشاء الله

بس تريوا علينا نرتب عسب التجمع الياي

والسموحة

LAND CRUISER

10-04-2005, 08:12 AM

شو السالفه شباب اشوف هالقسم الغاوي برد يالله خلونا انحره انا من الحين موافق على اي يمعه تكون ف شهر خمسه

Repairman-GT-R

13-02-2006, 07:44 AM

انزيــــــــــــــــــــــــــــــــــــــــــــــ ــــــــــن ياخـــــــــــواني ما ناويـــــن تســـون تجمع قريب

SaLoo7

13-02-2006, 06:01 PM

السلام عليكم ورحمه الله وبركاته ..

اخوي (( Repairman-GT-R )) احنا والله ودنا كل اسبوع بتجمع حلو لكل الأعضاء ..
بس ياخوي نبي نطلع بشي متميز واحنا ما نبي باجر الشباب يلومون الموقع ولا المدير ولا يلوموني انا كمشرف للقسم ولا اي حد .. لا سمح الله اذا توهقوا في التجمع وحجزوا سياراتهم شو بيصير ؟؟؟ طبعا الدوريات على طول ماعندها غير الحجز وبيقولون اكيد في ريس ولا فوضى ..

واصبروا اشوي ومع الصبر ان شاء الله الفرج ..