بخصوص مهام الأعضاء الكرام والمشرفين في التجمع

[TRD]

السلام عليكم

1. طبعا أول شي حبيت صلوح يكون متابع مع بو عسكور للأتصالات عسب يمعه الشباب لأنهم ما شاء الله عليهم عندهم أسلوب في الرمسه والاقناع (لا تنسون البارد والسندويشات)

3.لجنه التنظيم والقرار : طبعا تكون للمدير وانا بخصوص التجمعات المكان والزمان على حسب رأي الاكثريه

4.لجنه التقييم والجودة وتكون من صوب المشرفين كلهم كنج 911 و آربي 25 وبن عاقول وغيرهم

5.التصوير : بنخلي أي حد يصور بس اللي يجمع الصور بخلي واااحد مسؤول عن الشغله يجمعها ويرتبها انا أختار أخونا آربي 25 او سمسم لأنه مشرف منتدى الصور.

6.في خاطري أخلي حد يكون مثل معلق على التجمعات ياخذ آراء الشباب وأنطباعهم عن التجمع وعن المشاكل اللي تواجهم وبعد بالمرة يسوي جو وأرشح أخونا بو عسكور
والحلول لأن فيه كثير من الشباب ما كانوا من أعضاء المنتدى




واذا كان عندكم اقتراحات على الموضوع انا حاااااااااظر

brother4ever


(TRD (Toyota Racing Development :dddvvv:

[SaLoo7]

السلام عليكم ورحمه الله وبركاته ..

هلا اخوي (( TRD )) ..
اولا احب اشكرك لسرعة توزيع اللجنات..وتوزيعهم بشكل ممتاز جدا جدا .. :hhhrr5:
وثانيا انا راضي بالي سلمتني اياه ولو في شي زياده بعد حاظرين اخوي ..
وسلامتك اخوي .. :dddvvv:

SaLoo7

:efsf7:

[Speed4ever]

ترتيب حلو الصراحة

وانا من راي لو يكون هناك شخص مثلا شغلته بس يصور السيارات وشخص ثاني يصور الشباب

وبنفس الطريقة بنقسم اثنين ولكن بيكون التصوير بالفيديو

وطبعا بخصوص التجمع المفروض نتجمع في النهار على اساس التصوير يضبط ويانا يعني بيكون التجمع في المرات الياية حدود الساعة 4.30 الى 5.30 بالكثير وبعد هذا ما اعتقد نكمل التصوير لان حلاة التصوير في النهار


واحسن مكان اشوفه للتجمع الممزر وكل حد يدله

وشكرا

[SaLoo7]

السلام عليكم ..

هلا اخوي ((speed4ever)) ..
الصراحه رايك حلو بعد .. وانا اقدر استلم اكثر من شي لو تحبون .. لأني لو استلمت الاتصالات بس مب شي يعني بالكثير ساعه ولا نص ساعه بتصل في الشباب وبعدها انا فاضي فلو تسلموني التصوير ما عندي مانع لأني احب التصوير الصراحه ..والحمد لله تصويري مضبوط ..
وطبعا احلى وقت للتصوير مثل ما قلت 4 الى 5.30

وبخصوص مكان التجمع انا بعد اقول نفس المكان (( الممــــــــــــــــزر )) ولا احلى والله ..

وننتظر رد البقيه ..

سلامي : صلووح

[COBRA]

لك الشكر الغالي تي ار دي على هالمجهود الطيب والشكر متواصل لباجي الشباب واقتراحك ولا احلى صراحه
ماعليه رمسه موليه ,,, وعندي نقطتين انشالله اتكون بالاهتمام للمصلحه العامه

التصوير يكون مثلا محدد لشخص معين والكاميرا اتكون عالية الجوده والتصوير يكون 100% امره عشان
سمعة المنتدى وتدرون الوضوح وجودة الصوره الها دور كبير << وهذا ان شاء الله اذا استوى بيرفع المنتدى
اكثر من اللي عليه الحين وبتكون له سمعة طيبه مب بس فالامارات , وباجي دول الخليج والدول العربيه

نقطه ثانيه ,, طبعا انتو امسوين التجمع بين فتره وفتره صح ,, يعني مثلا التجمع الياي اتركزون على موتر معين
يعني موتر افلان بن افلان اي عضو او شخص موجود فالتجمع وتصورون موتره كامل امره صور فنيه وحته المكينه
ويخبركم الريال شو من السامان على الموتر اذا هو حب هذا وكم هورس باور ,, واذا حب ينعرض موتره فالمنتدى
وتكتبون تحت الصور كل السامان اللي عليه .
يعني بالاختصار افكل تجمع يكون شخص واحد اتركزون على موتره اذا حب وتحطون موضوعه فالمنتدى

وانا اسف جدا على الاطاله حبايبي وان شاء الله اتمنى من كل قلبي اشوف هالمنتدى اسمه واصل على كل السان

واقول Speed4ever شد حيلك واحنا وياك

[بو عسكور]

بصراحه اشكرك كل الشكر يا تي ار دي على الكلام الطيب و هاي شهاده انا اعتز بها و ان شالله اكون عن حسن ظنكم

واذا على البارد ما عليك اريج بونص وجبس عمان علشان الشباب يتذكرون ايام اليلسه جدام الدكان

و انا فرحان لانكم اخترتوني لهاي الشغله و انا حاضر على الي تامرون عليه



وشكرا

[TRD]

السلام عليكم

مديرنا بخصوص التجمعات القادمة الممزر ( الشارقة ودبي ) مكانين واااايد حلوين للتجمع في حزة النهار

وبعد اترا نحن صورنا قبل هذي المرة بس كان التصوير في موقع ثاني ورا الجامعه الامريكيه في نفس هذا التوقيت وانا عرضت الموضوع على شباب المنتدى بس محد حضر والصور سارت لموقع على النت ما ادري شو اسمه



أخوي صالح وأخوي كوبرا نحن خلينا التصوير مفتوح للجميع بس أهم شي واحد أيمع الأحلى من الصور بالنهايه ويحطي عليها شعار الموقع ويرتبها

وبخصوص فكرة انه يكون فيه موتر واحد بس ونطلع كل ال performance ماله فكرة واااااايد حلوة أشكرك عليها

بعسكور أشكرك لقبولك المهام اللي ولكتك اياها



BROTHER4EVER



(TRD (Toyota Racing Development :dddvvv:

[KING 911]

++ السلام عليكم ورحمة الله وبركاته ++

نشكر الأخ TRD على طرحه للموضوع .. وتوزيعه الترتووب ..

أيمع الأحلى من الصور بالنهايه ويحطي عليها شعار الموقع ويرتبها

بخصوص الصور .. لو إنه واحد إيمعها ويطرشها لي .. وأنا بحط عليها شعار الموقع .. وبرتبها ..

>>>>>>>>>>>>>>>> مسافر برع ..

ولو تبون بعد بسوها فلاش (( ألبوم صور )) ..

وبخصوص مكان التجمع .. مناسب جدا .. والوقت أنسب بعد ..

وفي إنتظار آراء الأخرين ..

++

[MUSTANGHP]

تسلمون شباب والله فيكم الخير هاي السوالف الصح



والسمحولي على رزة الويه هههههههههههه

[SaLoo7]

السلام عليكم ورحمه الله وبركاته ..

هلا اخوي (( KING911 )) ..

اخوي انا بعد قلت انسوي نفس ما انت اقترحت (( ان نجمع الصور من الكل ونعرضها في موضوع واحد )) وهذا طبعا احسن شي نسويه ..

والصراحه لو نعطيك اياها وتسويها بالفلاش تطلع احلى واحلى ..

والمكان ولا احلى منه طبعا وهذا راي الاكثريه طبعا للحين ..

وتسلم اخوي على اقتراحك والمسانده ..

اخوكم : صلووح

[بو عسكور]

جني قريت بين الردود الساعه 4 ونص او 5


مح احترامي لرايكم


جي تتحرون اعمارك بيطاليا ولا المانيا
عنبو بجونا الساعه 4 ولا 5 الديايه تنطبخ

وفكروا ان بهاي الايام دش علينا الحرررررررر و اللغط

ما نروم نحن اجسامنا رقيقه ما تستحمل

وشكرا مجرد راي يعني

[Speed4ever]

طبعا يا شباب بخصوص الصور اتمنى لو انكم تجمعولي الصور وان شاء الله برتبهن مع الشعار
مثال: http://www.speed4ever.com/vb/showthread.php?p=32933#post32933

لان ممنوع عرض الصور في هذا القسم لان هذا القسم للمناقشات فقط

واعذروني لاني ابغي اوصل لاحسن ترتيب ولهذا السبب سويتلكم قسمين 1-قسم الصور 2- قسم الافلام


أخوي بو عسكور احمد ربك بنخل في حمام بخار ببلاش:^22:

[بو عسكور]

تسلم يا اخوي اسبيد فور ايفير وعساك على القوه و الصوره طلعن بيرفكت الصراحه

وعندي تعليق بسيط وهو ان الملاحظات و الاقتراحات تكون في مكانها ومب هنا في هالموضوع علشان الافكار ما تتشتت


وبخصوص حمام البخار مب لي انا هذا حق الامتان زين

فديتني انا كلي رشاقه وخفه

[SaLoo7]

السلام عليكم ..

هلا اخوي (( speed4ever )) ..

يعطيك الف الف عافيه اخوي وعساك عالقوه والصراحه ماقصرت يالغالي..

وان شاء الله اخوي بنوصل للمستوى الي تبيه وبنقدر نحقق احسن مستوى للمنتدى ..

اللــــــــــــــــــــــه يوفقنا اجمعين ...:dddvvv:

@@@@@@@@@@@@@@

اخوكم : صلووح

[LAND CRUISER]

الصراحه شباب الله يعطيكم العافيه و عساكم ع القوه ما خليتو لنا اقتراح والله كل ما اتي فكره ف بالي ابى اقولها اشوف الشباب ما شا الله كتبوها و عن التصوير انا اقول انخليه فريه يعني مب تتفصخون و انصور لا قصدي كل واحد ايصور و يطرش للمدير اللي نشكره على التواصل ويانا و انطرش للبطالي العود كنج 911 ههههه ايقول بسويهن فلاش جان تبون صدق انك بطالي ههههه بس وين حبيبنا مزنجر ماله شوفه هني
بس اهم شي اليمعه اليايه اتكون ف شهر 5 مب هالشهر
Land Cruiser 4 Ever
و اسمحوا لنا اذا غلطنا ف حق حد بس كيفي تراني عاشق استيشنات

[KING 911]

++ السلام عليكم ورحمة الله وبركاته ++

ألحين أنا البطالي العود .:efgh:. هههههههههه .:efgh:.

اقول أركب طبجتك .. وتعال .:oooww:. لا تفهموني غلط اقصد إستيشنه .:efgh:. تراه عاشق استيشنات .:efgh:.

++

[LAND CRUISER]

الغالي كنج 911 اذا اليمعه ف شهر 4 اسمحوا لكن شهر 5 ان شا الله من العين لكن انت كيف ترتيبك متى بترد من السفر بالسلامه ان شا الله

[TRD]

نغزات أخوي كنج هههههههههههههه

[SaLoo7]

السلام عليكم ورحمه الله وبركاته ..

اشوف الموضوع انجلب لجات (( شو السالفه )) ..؟؟

ولا مب ناوين توزعون المهام عالشباب .. ؟؟

[corvette_drag]

الصراحه كلها آراء حلووه .. وتوزيع حلو للمهام
مع اني ما اعرف الاعضاء زيين ... بس حاس
ان التوزيع فنان ....

وللأسف ... ماعندي أي اقتراح في الوقت الحالي

[Zero]

الله يعطيكم العافيه على جمودكم

بس ادعولى انجح وخلص عشان نتلاقى بأذن الله تعالى

اشكر الجميع ونتشاوف على خير

[SaLoo7]

السلام عليكم ..

ان شاء الله يا اخوي نتوفق اجمعين في افتحاناتنا والله يكتب لنا اللقى وياكم ..

[DiGa]

أي خدمـــــــــــــــــــات في التجمعات الياية شباب ترانا حاضرين
مراسلكم من العيـــن عبدالرحمن هههههههههههههههه
3353656 DiGa

[بيرفورمانس]

ما شا الله عليك تي ار دي ... على طوووول وزعت المهمات... انا اقول ان التصوير لو يكون فري احسن .. يعني كل واحد يبا يصور عادي يصور.. بس اهم شي ان أخر شي يطرشها للشخص الي اخترناه عسب يظبطها... وعلى فكرة انا ارشح اخواني كنج 911 و سمسم لهالمهمة والشغلة عسب صورهم وباجماع الاعضاء فناااااااااااااااااااااااااااااااااااااااااانة والكنج يعرف للفوتوشوب يعني يقدر يضبطها عدلللللللللللللللللللللللللللللللللللللللللللللللل ل

اما عن اقتراحاتي فما عندي شي اظيفه