صدق ام كذب؟

[Speed4ever]

يا جماعة على ما اضن ان الاغلبية وصلتله رسالة من الاتصالات ان غذا بيبدأ السباق الساعة 4.30 تماما

شو رايكم؟

(شكلي بتغدى في الحلبة باجر)

[SaLoo7]

السلام عليكم وحمه الله وبركاته ..

الغالي انا ما وصلني شي والله من الاتصالات ..

ومادري عاد اذا صدق ولا كذب ومافينا يصير نفس الاسبوع الي طاف ..

[gt s]

السلام عليكم ورحمة الله وبركااته

انا اتصلت بالنادي والسباق بيبداء الساعه 4 ونص

واخر وقت لدوخ السيارات بيكون الساعه 3 الظهر

والي يحب يتاكد بنفسه هذا هو رقم النادي 067681166

[top-secret]

انا اتاكدت من الموضوع فعلا السباق راح يبدا الساعه 4.30
والسبب علشان انهم يخلصون من وقت وعلشان الضباب نفس في الجوله الماضيه

[Bin karam]

كلام صحيح

عسب الرطوبه ما تأثر على السباق قرروا انهم يقدمون الموعد مثل ما قال اخوي GT s

يعني السباق راح يبدا تقريبا يعني 5ونص او 6 ما اظن قبل لانه حر


انا بصراحه ما اعرف محتار بين المباراه او السباق امممممممممممممممم دوخه وين اروح


يلا سلامي
بن كرم

[Speed4ever]

الصراحة اشهد ان الجماعة ما جذبو الخبر وفعلا بدأ السباق الساعة 4.30 تقريبا

[Zero]

محد عطانا اخر النتائج ياريت النتائج مع الصور وشكرا للجميع

[gt s]

السلام عليكم ورحمة الله وبركااته

بصرااحه هذي احلى جووله في الحلبه

يعني من التنظيم كان حلوو بس في بعض المشاكل البسيطه

الي ما تنطرى

وعن السباق كانت النتايج اغلبهااا جديده

يعني مثلا سلطان الزعابي ياب بالموستنج الاخضر 9.9 على ما اضن

واخوانا الكويتين ما قصروا بعد

وبدر اهلي ياب بالترانز 7.0 ويثبت بدر يوم بعد يوم انه عنده تايم يديد

وعن الفور ويل النيسان الاسود ياب على ما اضن 8.6 (( مب متاكد من الوقت))

وعن فئة الجياتي

جيتي السعودي ياب 9.5

السيلاني 9.3

والمواتر الكويتيه الي شاركة بنفس الفئه بعد ما شاء الله ارقامها حلوه

وفي موستنج ياب9.1

وموتر فريق الياسي الزد الحمراء يابت 9.6

وحصل طبعا حادث لاحد اخوانا الكويتين والحمدالله انه ما صابه شي

وبصرااحه توقيت الحلبه يوم تبداء من وقت يكون احلى والجو حلو العصر

ونتمنى انشووف ارقام حلوه في الجولات اليايه والتوفيق لجميع المتسابقين

[بو عسكور]

الصراحه ارقام حلوه ويديده


افا و الله فاتتنا هاي الجوله

ظروف يالله ما عليه خيرها بغيرها


وتسلم يا جي تي اس

[Twin Turbo2004]

بسم الله الرحمن الرحيم

مشكور اخوي GTs على آخر اخبار الحلبه .

[ثلاجه]

هـــــــــــــــــــــــــــــــــــــــــــــــــ ــاي

نعم نعم, بالنسبه لنتائج الحلبة كانت جيدة قياسا بالجولات السابقه,
استطاع بدر أهلي من تحقيق رقم جديد 7.01 وبسرعة 318 كم , اما بالسبه للمحلوي فقد استطاع تحقيق رقم جديد له وهو 9.29 , والزد الأحمر البابع لفريق الياسي 9.50, والجيتي أو موديل 69 استطالع من الحصول على 9.1 , واما بالنسبه لنيسان السويدي 8.7 .

بـــــــــــــــــــــــــــــــــــــــــــــــــ ــــاي