( 02-05-2005)بخصوص يوم التجمع الياي (تصويت)

[TRD]

الكل لازم يشارك وبناخذ راي الاكثريه بخصوص يوم التجمع الياي بيكون في اي شهر

[LAND CRUISER]

بصراحه نبى اليمعه شهر سبعه عشان نشوف اخونا زيرو و انشوف الشباب عقب ما ايخلصون امتحانات الثنويه العامه و ابى اشوف الحب كنج الطبجه هذا متى بترد من السفر ان شا الله كنج

[SaLoo7]

السللام عليكم ورحمه الله وبركاته ..

الصراحه انا اشوف شهر 7 الشهر الانسب للتجمع الياي ..

ومحد بيقدر يتحجج المره هاي وما يحظر التجمع ..

وان شاء الله نشوف في التجمع الياي ..

[corvette_drag]

وانا بعد اقول لو ايكون في شهر سبعه بيكون احسن

[دم الغزال SS]

شهر سبعة بنكون ان شاء الله مخلصين الامتحانات وراح نفضى للتجمعات

[DiGa]

شهر ستة شبـــــــــــــــــــاب أفضل ..... لأنه أقرب والجو أرحم، ولو حاطين في الخيارات شهر خمسة كان صوتت لشهر خمســـة....
وبعدين وش خسرانين،،، سوو اجتماع في ستة وآخر في سبعة .....

[corvette_drag]

انا ما اقدر ايي أي تجمع في شهر سته ... لان وراي امتحانات
ثانويه عامه ......

[الراية 7511]

أن أفضل يكون في شهر سبعة
بس أن عندي أقتراح يعني يكون التجمع في مكان واحد يكون أفضل مب نتيمع عقب نحرك نروك مكان ثاني .
و سلامتكم.
أخوكم الراية:^7:

[نيسان من بنياس]

السلام عليكم
اشحااالكم شباب

انا طبعا اول مشاركه لي تكون فالموضوع

ليش ما اتسوون تجممع في بوظبي عدال مارينا اي يوم خميس بتشوفون مواتر بوظبي السننعه مناك ((مجرد اقتراح))

[TRD]

يا ليت يا اخوي تكون اليمعه في بوظبي بس المشكله انه اكثريه شباب الموقع مال الشارجة ودبي عيمان

الخط بعيد علينا ولاتنسى درب الردة بعد يا اخوي

لا تنسى انه كروب كبير لازم نكون مع بعض


على العموم مشكور على الاقتراح

[Zero]

انا من رايى يكون شهر 7 عشان الكل يكون فاظى وماوراه التزامات


وعنى انا بكون اول الحاظرين ان شاء الله

[بو عسكور]

شهر سبعه >>> و الله كل واحد يلبس له شورت و فانيله كت وهاي النظاره الشمسيه
اوه نسيت تجمعنا بيكون في الليل

و الله الي اشوفه ان شهر سبعه مناسب لان الاكثريه مشغولين و بيفضون في هالوقت

و نتمى التوفيق لكل

[خالد الحمادي]

رأي يكون في شهر سبعة لاني بكون خلصت امتحانات الثانويةا لعامة وواحد مرتاح
وثانياً ان توني مستلم السيارة وبعده ما فضينا من الدراسة عشان نظبطه للتجمع

وشكراً لكم

[بو أحمد]

لاسلام عليكم و رحمة الله وبركاته

والله انا افضل شهر ثمانيه لأني راح اتوجه للشارجة للدراسه((جامعة الشارجة)) هناك وبعد راح يظهر الليسن شهر 8 فانا افضل شهر 8

[vxr_4700]

شهر سبعة احسن انشاء الله بكون في البلاد و بكون شاري موتر يديد
بس عندي سؤال بسيط لازم اعضاء المنتدي بس و لا ممكن انيب ربعنا و ارووووم احضر ها التجمع ادري انه سؤال سخيف بس يا شباب نفس ما تعرفون اني عضو يديد بينكم و ما اباه ارز ويهي بينكم انتو تعرفون بعض بس انا لا.........يا ريت ما حد فيكم يفهمني غلط الصراحة اباه احضر التجمع بس متردد و السموحة منكم

[Nasser_T]

شهر سبعه بيكون افظل

[mc-sal3awy]

انا من رايي شهر 8
لان عندي دوام صيفي و يمكن الحق ايلكم بالامارات

[TRD]

يعني بصراحه زعلتني حييييل بكلامك يا راعي ال Vxr ما حبيت هذي الكلمه منك بصراحه (أرز بويهي)



عزيز وغالي يا راعي ال Vxr افا عليك يا ريال وعن ربعك مب لازم يكونون ويانا مشاركين في المنتدى

ييب اللي تقدر عليه بس بشرط ما نبغي فوضى لأنه في ترتيب من صوب مدير الموقع ومن صوبي حلو وااايد

وبالتوفيق انشاء الله للجميع

تحياتي ...

[بو عسكور]

اشم ريحة ترتيب عيل اكيد السالفه فيها اكل

يالله شدو حيلكم و نحن حاضرين بالي تامرون عليه

و ان شالله نشوف وجوه يديده

[LAND CRUISER]

افا في اكس آر شو هالرمسه اللي ما تسر كيف ترز ويهك انت واحد منا و فينا و نحن اكثرنا اتعرفنا ع بعض من المنتدى حياك الله و ربعك خلهم يتفضلون كلنا اخوان

ما ابى قصور و لا مباني Land Cruiser
و عندي لهذا الشي فدواه Land Cruiser
ف القلب عواقا ما يباني Land Cruiser
لا يابه الدختر ولا دواه Land Cruiser

[vxr_4700]

مشكوووور يا راعي الاستيشن و تي ار دي علي ردودكم الطيبة و انشاء الله بنشوفكم بالتجمع شهر سبعة

والسموحة

[volcano]

°ˆ~*¤®§(*§*)§®¤*~ˆ°انا اشووف شهر سبعه احسن شي

بس عندي استفسار بسيييييط ...

انا ما عندي موتر سبوورت عاادي ايي التجمع بس بخطف اسلم عليكم ومروح

مااانبي انخرب عليكم الجمعه ... ^_^°ˆ~*¤®§(*§*)§®¤*~ˆ°

[LAND CRUISER]

بركان اخويه حتى لو ما عندك سبورت حياك لا تخطف و تروح تعال و ايلس ويانا خلنا نسولف ونتعرف ع بعض هناك مب شرط اتكون ياي بسبورت انا بيي باستيشن جني شيبه هههه عادي يعني


ما ابى قصور ولا مباني Land Cruiser
و عندي لهذا الشي فدواه Land Cruiser
ف القلب عوقا ما يباني Land Cruiser
لا يابه الدختر ولا دواه Land Cruiser

[STo0oP]

ووووووعــودة من جديد لمنتدانا واخوانا الطيبين .. وربي اشتقت لكم والله .. :tttyy:

يعلني لا خليت منكم يارب .. وبالنسبة لي اي شي تقولونه عادي .. بس اهم شي يكون بعد شهر 5

موتري محجوز ..:^23:

ويالله نبا نشوف باقي الشباب وردوودهم..

وووووو جاان اشتقالكم ههههه:78uyh6:

[LAND CRUISER]

ستوووب حبيبي والله اشتاقت لك العافيه الغالي اقرب فرصه بتكون ف سته و اكثر تصويت ف سبعه حبوب و عندنا بعد ف 8 ف يعني بنشوفك ان شا الله و بيظهر موترك و تعال شو مسوي اكيد مسود ويهك ههههه مسوي عمري واحد مهم انا ارد عليهم بدال المشرف والمدير ههههه آخر شي بنراغ من المنتدى يالله الامور طيبه


ما ابى قصور ولا مباني Land Cruiser
و عندي لهذا الشي فدواه Land Cruiser
ف القلب عوقا ما يباني Land Cruiser
لا يابه الدختر ولا دواه Land Cruiser

[TRD]

الا ما تنراغ من المنتدى خلني بس اشوفك في التجمع ههههههههه (بترايس وياك) جهز موترك


وعن الشباب لا تتعذرون بأنكم ايداد في المنتدى ...

لا وواحد يقول استحي

بقولكم اترانا كلنا رياييل بلاها هذي الرمسه (خلكم جااااااااااامديين)

[corvette_drag]

انا خلاص ... قررت اني ايي التجمع بموتري او بموتر ربيعي ....
بس المهم اني اوصل .... لان سوالفكم بالمنتدى حلوووه .. اكيد
بالتجمع بتكون احلى ...... لاني انا ما احب اروح مكان ممل ....

[SaLoo7]

ان شاء الله الحماس هذا يتم لين يوم التجمع

[volcano]

:: LAND CRUISER ::

ثااااااانكس ع الرد اخويه ..... وان شاء الله نتلاقا يوم التجمع ...

[LAND CRUISER]

ان شا الله بركان بنتشاوف على خير و نباك تيلس مب اتخطف اتسلم و تروح
كورفت ايشرفنا حضورك اخويه
بوالصلح ما عليك متحمسين انا عن نفسي متحمس جني داخل مباراة نهائيه
تي آر دي الله يهديك وين اداعسني استيشني حتى فلتر ما عليه لا و شهرين ونص ف الجاراج محد دقه سلف المكينه منزله ههههه احس 160 ما بييب لكن ما عليه بدوس وياك الريس وناسه هههه


ما ابى قصور ولا مباني Land Cruiser
و عندي لهذا الشي فدواه Land Cruiser
ف القلب عوقا ما يباني Land Cruiser
لا يابه الدختر ولا دواه Land Cruiser

[SaLoo7]

اخوي LAND CRUISER ان شاء الله الشباب كلهم متحمسين نفسك ..
واذا بتترايس من TRD ادي انتوا اترايسوا وانا بتصل على 999 ههههههه ..(لا تصدقه)

[STo0oP]

الله يعافيك حبيب البي ~+|+~ LAND CRUISER ~+|+~

ههههه

وان شاءالله نكون متواجدين يارب ونشوف هالناس الطيبة ان شاءالله

وماعليك الامور طيبة هههههه

وان شاءالله الكل يكون وبيكون متحمس يا الغالي ~+|+~ SaLoo7 ~+|+~

[TRD]

والله تعجبني يا راعي الكروزر هيه جي ابغيك جاااااااااااااااااااااااامد

[LAND CRUISER]

ههههه افا عليك يا تي آر دي انت عمرك شايف واحد عنده استيشن صافيه ايدوس ويا فتك تيربو هههه ولا لومينا اس اس الكوبي ولا ويا جيتي آر هههههههه هذا و الموتر وكاله و جي عيل لو ركبت هدرز بدور لمبرجيني ههههههه
و ما عليكم يا بوالصلح و ستوووب كلهم متحمسين



ما ابى قصور ولا مباني Land Cruiser
و عندي لهذا الشي فدواه Land Cruiser
ف القلب عوقا ما يباني Land Cruiser
لا يابه الدختر ولا دواه Land Cruiser

[راعي الرنج]

والله ايكون ي شهر 7 اوكيه.........

بس نبا الهمه عااااد...مب مساله تصويت..ورد على الموضوع..
والحضووووووووووووور اقل من اللي ردو على الموضوع..
لانه حرام ناس ايرتبون على التجمع ..ويتعبون .

وفي الاخير نصهم مايووووووون

[خالد الحمادي]

الحين انا ابي احضر شو علي اسوي

[SaLoo7]

السلام عليكم ..

هلا اخوي خالد الحمادي ..
حبوب ما تسوي شي بس المهم يكون عندك موتر اسبورت وتنتظر الشهر الي راح يصير فيه التجمع وبعدين بيكون في موضوع خاص للتجمع كل واحد يحط فيه رقمه عشان قبل التجمع بيوم نتصل فيكم واحد واحد ونخبركم ..والمسؤولين طبعا عن الاتصال انا واخونا بو عسكور ..

وحياك اخوي في المنتدى ويانه ..

[LAND CRUISER]

خالد المطلوب منك انك ادق موترك سلف و اتي بس بوالصلح شو بعد لازم سبورت طالع لنا بقانون يديد يعني انا ما بقدر ايي تتمصخر حضرتك بووليد تعال و ما عليك من صلوح ترى الامتحانات فاره مخه و قام ايخربط ما يعرف شو يقول ( بوالصلح سوالف لا تزعل )

[SaLoo7]

هههههههههههههه ..
اي نعم حتى انته ما كنت بخليك تحظر بس التيربو نجاك هههه والحين مسموح لك تحظر <<(مصدق نفسه)
واذا اخوي خالد وده يحظر حياه بس التجمع بالاخص لمواتر الاسبور وعشان شباب المنتدى يتعرفون على بعض اكثر .. وحياك اخوي بين اخوانك..

[LAND CRUISER]

بوالصلح انا ما حطيت تيربو ولا بحطي خلاص يعني بتروغني ايهون عليك اتروغ حبيبك ههههههه كسرت خاطرك صح

[بو عسكور]

انا عندي سيكل بتالني اسبورت لوووول


يالله عاد بنشوف حماسكم كيف بيظهر بيوم التجمع

راعي الرنج لا تنسى الموستنج >>>> ورمس راعي الجيتي اظني عرفته

[TRD]

الدعوه عااااااااااامه للجميع بس يفضل انه يكون اسبورت

راعي الاستيشن مسموح هذي المرة لأنك بتجرب وياي خخخخخخ

صلوح هالله هالله بالارقام بتفاهم وياك بعدين بخصوص التصنيع والجمعيه اوكي

بوعسكور كلك تواضع سيكل بتاني (أيه العظمه دي)

راعي الرنج ما نبغي تأخير شد حيلك ابوي اذا كان التجمع الساعه 7 تعال الساعه 5 هههههههه

وعن الشباب الباقيين شدو الهمه خبروا كثر ما تبغون



بيكون في التجمع الياي تصويت لأحلى سياره وبيحصل راعيها جائزه وبتتحطى صورها في المنتدى انشاء الله

يالله نبغي تصويت اكثر شباب

تحياتي...

[بو عسكور]

وليش ما تسون جائزه لامتن واحد لووول

و الله فكره حلوه


بنسوي حق اقوى موتر بعد شو رايكم

بس وين المكان ؟؟؟

[SaLoo7]

تامر امر اخوي TRD ..
والصراحه مافي وايدين ماخذين ارقام لسياراتهم ليش مادري .. ؟؟
يالله نصبر ونشوف شو يصير ..

[TRD]

والله فكره حلوه يا بعسكور أقوى موتر بكلم المدير بخصوص الموضوع

[volcano]

هلاا باخوي TRD .....

" يفضل انه يكون اسبورت "

انااا ماعندي موتر اسبورت وقلت لكم بالاول .... امم يعني نحن ما نيي صح ) - :


.. ماعليه ان شاء الله المره اليايه .. اقصد التجمع الياي .. ليش ما تسوون تجمع عام لكل اعضاء المنتدى

يعني اللي عنده اسبورت واللي ما عنده .. مجرد اقترااح بس ..

والسموووحه .. اخوكم :: الـــبـــركـــان ::

[BuRnOuT MoNsTeR]

السلام عليكم
أنا وياكم شهر سبعة أحسن لأن الكل راح يكونون متواجدين انشاء الله و ما نريد أي أحد يفوت التجمع ..........بس ليش أهالي مناطق (الفجيرة و دبا و خورفكان و كلباء و في البعض من عمان ) مظلومين على لاأقل تكون منطقة التجمع تكون في الوسط......يعني يبن هالمناطق و المناطق الباقية عشان محد يكون مظلوم (لأن الصراحة مثل ما قال أخوي Trd بكون الدرب طويل عليهم )
والسمـــــــــــــــــــــــــــــــوحة

[SaLoo7]

السلام عليكم ..
اخوي volcano التجمع عام حبوب .. واحنا نتغشمر مع بعض بخصوص السيارات الاسبورت ..
الكل يحظر عادي ولاكن التحدي بين سيارات الاسبورت بس ..
وحياكم اخواني ولاحد يقول التجمع اسبورت ولا عام ؟؟ احنا قلنا عام وخلاص ..

[TRD]

التجمع عااااااااااااااااااام لجميع السيارات

بس التحدي والجوائز للسيارات الاسبورت بس


والسموحه

[volcano]

السلام عليكم

هلاا اخوي :: SaLoo7 :: تسلم ع التوضيح وتوجيه الدعوه العاامه

الصرااحه كنت اسوولف وياااكم ^_^

وان شاء الله اكون موجود يوم التجمع وكل الاعضااء بعد

[السويدي]

السلام عليكم ...
وأنا بعد أقوووول شهر 7 ..
الخلق كلها انشالله في إجازه سعيده ..
وانشالله بيكون تجمع حلو ..
بس وين بيكون التجمع بالتحديد ؟؟؟!!

أخوكم السويدي ..,

[TRD]

أخوي السويدي بخصوص التجمع الين الحينه ما في مكان محدد

يمكن اسوي تصويت على المكان بعد فترة

تحياتي

[راعي الرنج]

.بوعسكوووووووور...حاضرين الموستنج انشاء الله بيكون موجود....

وانشاء الله الجي تي.34....بس وينك مايتنا من ذاك اليوم ...ولا عشان Xxx ماشفته هاك اليوم

لاند كروزر...الاستيشن الذهبي موترك ...طلع من الكاراج....

نتمنى للجميع التوفيج

[LAND CRUISER]

مرحبا اخويه راعي الرنج لا اخويه هذا الاستيشن قطري استيشني ابيض 2003 و هذا 2004 و ان شا الله استيشني يوم الخميس بيخلص 3 شهور ما سقته ياخي الفورويل له وحشه ههههههه لكن الصراحه هذا الاستيشن الذهبي الصراحه يمكن احلى استيشن انا شايفنه ما شا الله عليه الله يعطي راعيه خيره و يكفيه شره ان شا الله
اسكت يوم الاحد اول مره اندقه سلف من يوم الحادث والله الغالي كلنا واقفين عند المكينه دقوه سلف المكينه اهتزت و ظهرت غبار كلنا تشاردنا و كانوا ما مركبين الجزوز بس انا تحسبت مركبينه لانهم موصلينه من ورا بس باجي من المكينه ف ظهر الصوت اتروعت قلت ما ادري شو استوى ف موتري ههههههه
انشوفك ان شا الله ف اليمعه حبوب و تسلم ع السؤال

[LAND CRUISER]

تي آر دي انا ما ادوس الا سويج بسويج هههههه خوفتك صح يا ريال اي سويج بسويج لو جي جان من زمان انا بدون موتر هههههه ان شا الله متحمس بخبرك اذا موترك ما عليه تيربو ولا كامات ولا سوبر رجاء لا اتي اتقول بدوس وياك لاني ما انزل مستواي هههههه خقاق صح مب جنه موتري حتى فلتر ما عليه

[LAND CRUISER]

تي آر دي ياريت لو تسوي تصويت ع المكان من الحين عشان يكون عندنا وقت كافي على راحتنا وبركان اخويه تعال حبوب ما عليك من صلوح قلت لك الامتحانات مأثره عليه قام ايقول اشيا روحه ما يعرف معناها (بوالصلح سوالف لا تزعل ادري اني بنضرب ف اليمعه ههههههه ) و اذا هم مسوين يمعه للسبورت نحن بنسير بنرز ويهنا بنخرب عليهم ههههههه

[TRD]

هههههههههه بغيتك وسويج بسويج ههههههههههه ماخذ احتياطاتي عندي اسبير

وعن موضوع التصويت على مكان انا بفتح موضوع انشاء الله بس اتريا علي اشويه خلني ارتب صح مع بوعسكور ويا صلوح

تعال يا اخي ويانا نبغي نتشاوف نحن بنكون موجودين على الفليل اليوم انا وبوعسكور ويا صلوح ويمكن المدير

4999589 محمد

لا تستحي تعال

[LAND CRUISER]

والله بوجسوم انا ودي كنت ايي وياكم و اشوفكم و ارتب وياكم بس انا ف الدوام و برجع يوم السبت ان شا الله

[LAND CRUISER]

بوجسوم يوم بتتلاقون و بترتبون خبرني عشان ارز ويهي وياكم

[TRD]

عندك رقمي وحياك في أي وقت اتريده

تحياتي

مشكله اللي يداومون ....

[LAND CRUISER]

ههههه شو انسوي كبرنا لازم انداوم ولا لو بيدي جان راقد ف البيت و ابويه يصرف علي هههههه
و تعال شو بعد عندك سبير ههههه يعني ف الليل شال الموتر حضرتك ههههه
و بعدين هذا رقمي 6115056
و هذا 7876866
يوم انتو بتتيمعون و بترتبون اتصل بي انا كيف اعرف انتو متى بتيلسون صدق انك مب صاحي ههههههه ولا الصراحه كان خاطري اكون وياكم البارحه و ارتب بس الله مب رايد

[TRD]

أسمك انزين على الاقل يا راعي الكروزر

ما ابغي الرقمين ابغي الاسم

وعن الاسبير ما عليك يا ريال باخذ الموتر الفليل وبغير المفتاح ماله هههههههه موتري والاستيشن بعد باخذه

[LAND CRUISER]

هههه اسمي خلود و بعد مب بس موترك موتري بعد صدق انك حرامي ههههه

[b4k]

السلام عليكم مرحبا شباب اشرايكم اتسون التجمع الاسبوع الالجاي الو الي بعده
لاني من قطر
وصراحه من كثر ماسمعت عن التجمع اشتقت اجي مره
بس انا تاريخ 25-26
باكون في الامارات وباخذلي موتر عاد لو تسون التجمع وقت قريب احسن علشات
اخوكم من قطر يجي ويصوركم ويفتخر بين شباب الدوحه باخواني في speed4ever
يله اذا في امكانيه انكم اتقربون التجمع علشاني تسون خير واذا ما تقدرون على راحتكم
بس كنت ابي اشوف اخواني
واكشخ في موتري الجديد الي باخذه
واحط عليه ستيكر الموقع
speed4ever
ياله شباب
اذا في امكانيه اخلونه من تاريخ 26-31 /5/2005
,وتسلمون اخواني الله لايهينكم
اخوكم b4k

[LAND CRUISER]

والله يا اخويه نحن ودنا نشوف اخوانا القطريين ايكونون بس مثل ما اتعرف الحين اكثر الشباب امتحانات آخر السنه و محد بيقدر يحضر و انا عن نفسي اذا وافق المدير و المشرف تي آر دي بكون موجود عادي

[TRD]

نفس ما قال اخونا راعي الكروز خلود

الامتحانات واللي امسافر واللي يجهز موتره صعبه وخاصه ان المدير ما بيكون موجود بيكون امسافر انشاء الله حزتها

صعبه وايد يا اخويه والسموحه منك

[b4k]

مب مشكله
قلنا بس نشوف التجمع
علي العموم انشاله انا راح اكون متواجد في التجمع الجاي
اذا الله راد انشاله بس انا اقول لو بدايه سته زين بيكونون الشباب توهم مخلصين امتحانات و يبيلهم فتره لين ما يسافرون وجي
سبعه اتلاقي العالم سافرت
ثمانيه اتلاقي الناس ارجعو
بس يبيله وقت
وانا اقول بدايه سته زين
اخوكمb4k

[LAND CRUISER]

تسلم حبوب ع الراي بس شفت الظروف الغالي

[TRD]

تسلم حبوب ع الراي بس شفت الظروف الغالي

صدق انه الظروف اتخلي القمله خروف والكرولا استيشن ههههههههه

أتغشمر وياك بس مب ما اتييبه في التجمع الياي خاطري والله اشوفه

السموحه

[LAND CRUISER]

ان شا الله انشوفك اخويه بي 4 كي و مرحبا بك بين اخوانك الاماراتيين
بتشوفه تي آر دي ان شا الله هههههه اللي يسمع يقول روز رايز مب استيشن بيكون بهدرز ان شا الله ههههه شكلي برقد ف الشارع ابويه بيروغني من الهدرز

[SUPRA Single]

هلااااااااااااااااا شباااااااب


انا اقترح يوم انه الدنيا اجاااازه

بدال التيمع الواااحد


لو اترتبووووون مرتييين نتيمع فيه نالصيييف اتسووون خير
لانه الدنيا اجااازه



مادري اذا توااافقوووني

وجربو صوتو انا متأكد اكثرهم بيوافقوون
بس شرط انه ما تعلن عن التيمع الياي الا يوم يستوي التيمع الاول عسب ماحد يبطي ويقول بحضر الثاااني ما بحضر الاول


:)وشهر 7 منااسب للأغلبيه

[بيرفورمانس]

بسم الله الرحمن الرحيم

بالنسبة ان اشوف ان شهر 7 احسن شهر عسب الشباب الأعضاء الي عندهم امتحانات ما يتحججون بها (الله يوفقهم).

وبس يمكن انا ما بقدر ايي عسب في احتمال ان اسافر بس ان شا الله بيطوفني الاجتماع....

مشكووووووووووووورين على طرح الموضوع وانا اليوم والله دشيت وانا ابا اتخبر عن الاجتماع متى بيكون....



بس بغيت اعرف بعد وين بيكون..؟؟؟؟


وان شا الله بيييييييييييييييييييييييييييييي

[بيرفورمانس]

وبس يمكن انا ما بقدر ايي عسب في احتمال ان اسافر بس ان شا الله بيطوفني الاجتماع....

ههههههههههههه كنت ابا اقول........... بس يمكن انا ما بقدر اي عسب في احتمال ان اسافر بس ان شا الله ما بيطوفني الاجتماع...

[LAND CRUISER]

والله يا بي 4 كي ان شا الله هاي فكره غاويه بس بتكون عند تي آر دي و المدير ولا انا والله ف خاطري نتيمع اكثر من مره
برفورمانس ان شا الله بتلحق ع اليمعه و المكان بيسوي اخويه تي آر دي تصويت عليه و بنشوف ان شا الله خير
ههههههه انا نصبت عمري مراقب خلاص قمت ارد ع الشباب بدال المراقب و المدير
وايدين الحين بيضربوني بوالصلح و تي آر دي الله يعين ما يندرى باجر منو بعد

[راعي الرنج]

هااااا Trd..

شو الترتيب...متا التجمع....
عندك رقم تلفوني..ولا...

[الراية 7511]

السلام عليكم
عندي لكم إقتراح عن مكان التجمع إذا بتوافقون عليه إنشاء الله أنأ أشوف ممزر الشارقة أحسن مكان للتجمع أول شي مافي ناس يجمعون على الكرنيش ومافي دوريات وايد تمر من هذا المكان و الإضائه ممتازه وفي باركنات وايد حق سيارات الأعضاء .
وسلامتكم

[SaLoo7]

السلام عليكم ..

اخوي الراية7511 والله فكرتك وايد اوكي ..
بس الشارقه ياخوي مشكله صح ان ممزر الشارقه مب زحمه لذاك الزود بس بعد في دوريات مرات تخطف عاد احنا وحظنا في هاي ..
واتمنى ان المدير وتي ار دي يتصروفن اشوي بشكل اسرع ..
لأني اشوف الشباب مره عاد على اعصابهم والله ..

[TRD]

شبااااااااااااااااااااااااااااب بخصوص موضوع المكان تراني والله متوهق بعد سالفه شارع حلوان


ما ابغي باجر الشباب يقولون والله كان Trd

المكان غلط ... وغيره من الرمسات

بفتح موضوع يديد بخصوص مكان التجمع الياي وانتوا عطوني الاماكن اللي تكون مناسبه لكم وانا من صوبي حاضر وممنون


تحياتي...

[الراية 7511]

السلام عليكم
عشان موضوع المكان أنا الحين من سبوعين أشوف شارع ممزر الشارقة ماتمر في إلى دورية وحدة وعلى الساعة 9:20
فليلوعلى العصر والمغرب ماشي دوريات بس بقولكم مادامن محترمين و ماسوين شي الشرطه تخسي تسوي شي.

[SOARER]

يا جماعه شهر سبعه احسن شي و افضل انه يكون اخر سبعه بس نبغي مكان مب مشبوه يعني مب نتجمع واخر شي مواتر في الشبك

[خالد الحمادي]

انا رأي لو نتفق على ماكن ني ونصف بالسيارات فقط بدون فوضه وبعدين نطلع نمشي ورائ بعض الصك الشارع
محد بيقول لنا شئ
وشكراً لكم

[MINES]

والله اشوف شهر سبعه مناسب بس اهم شي عدم تواجد الشرطه ولو حد يقدر اييب تصريح او اي شي اهم شي ما نبا مواترنا في الشبك

[jal2s_488]

والله ياشباب انا رايي من رايكم شهر 7 وهذا افضل شهرر

[بيرفورمانس]

اخوي تي ار دي....... شو استوا فشارع حلوان؟؟؟ ما خبرتنا عن السالفة؟؟

اخوي خالد... اخوي الراية رد عليك... لو نحن ما مسوين حشرة الشرطة تخسي تسوي شي.....

بغيت اقولكم شي اخواني.. بعد الاجتماع نبا يكون شي موضوع ما فيه كلام واااااايد... يعني الهدف الرئيسي من الموضوع صور التجمع.. ما نبا حد يكتب فيه مشكوور وبس .. او والله يا ريتني كنت اقدر ايي.. ولا اي شي جي.. لا.. بس صور وردود بسييييييييييطة

[بيرفورمانس]

اقول شباب بغيت اطلب منكم طلب.. بس مستحي انكم تردوني..

بغيت استيكر الموقع .. ما عندي ياه.... وما اندل عيمان.. )( انا الشارجة ما اندلها بندل عيمان )(

[M5 Turbo]

زين أخوي

أنت ممكن تسوي كبي للإستيكر بعدين تطبعوا

وتلزقى على سيارتك من داخل

انا كذي سويت

ما أعرف يمكن أنت تبي شيئ ثاني

[بو عسكور]

انت عاوز ايه بالضبط يا بني

[بيرفورمانس]

M5 Turbo مشكوور على المساعدة .. بس انا ما بقص على عمري .. لا لو بحط الستيكر بحطه وهو ستيكر .. مب وهو ورقة وانا اسير احط عليه لزقة عسب يلزق..

بو عسكور.. انا ابا الستيكر فلو حد من الشباب يقدر يمر على خطاط الفن وييب الستيكر ... جزاه الله خير ومشكوور..

اما عن الموضوع الي خبرتكم عنه...

بيكون موضوع عادي ما فيه اي شي زايد.. بس انه الردود الي بتكون فيه بتكون بالصور.. يعني ما نبا فيه كلام وايد وتفلسف زيادة.. كل الي نباه ان تكون فيه صور للتجمع..يعني اهم شي في الرد ان يكون فيه صور اكثر من الكلام .. يعني بالمختصر المفيد.. خل الصور تتكلم .. )()( كميرا خفية )()( ههههههه

فهمتو ولا اعيد
؟؟؟؟؟؟؟؟