صح الكلام ولا اشاعه

[بن عجيل]

بدر اهلى باع موتره ؟؟؟ على السيم ؟؟

[gprso]

اي موتر ؟

........................

[ثلاجه]

هـــــــــــــــــــــــــــــــــــــــــــــــــ ــــــــــاي

نعم نعم, قام بدر ببيع الفير بيرد ( البونتياك ) على جمعه السيم, من ناحية اخرى قام أيضا ببيع محرك النيسان التوربيني.

بالنسبه للموسم القادم لبدر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بـــــــــــــــــــــــــــــــــــــــــــــــــ ـــــــــــــاي

[gprso]

بس اكيد بدر عنده موتر بدييييل لان شاري مكينه جديده

[UaeRace]

السلام عليكم

أخواني .. المفروض ما تقولون هالكلام .. لأني كنت متوقع منكم كلام غير هالكلام
يعني الموتر انباع الحين ... شو الفرق اذا كان الموتر عند جمعه السيوم ولا عند بدر أهلي تراهم في النهاية عيال البلاد
وكلنا ربع ونعرف بعض من زمان وما نبا هالحساسيات في المنتدى على موضوع ما يستاهل ...

جمعه السيم له مشجعينه وجمهوره وله زبائنه .. وبدر أهلي نفس الشيء .. وكل واحد منهم له إحترام وتقدير
وكلهم ربع في النهاية وبيمثلون الإمارات ..

بدر أهلي حقق بطولات ماشاء الله عليه .. وحتى جمعة السيم حقق بطولات وكان في بعض البطولات في مراكز متقدمه

ياليت يا جماعة الخير نكون كبار في ردودنا وما نسوي حساسيات ومشاكل نحنا في غنى عنها

تقبلوا تحياتي

UaeRace

[Speed]

ههههههههههههههههههههههههه
يا جماعة خفو على يموع وحليله ههههه
بعدين لا تنسون اللمسة السحرية مالته :) ..
الله يوفقه ان شا الله بموتره اليديد و تزيد عدد المواتر مال فئة السوبر برو ..
و الله يوفج الجميع .. و نحن بانتظار مفاجأة بن عوقد حق الموسم اليديد ..

[ثلاجه]

بس اكيد بدر عنده موتر بدييييل لان شاري مكينه جديده

هـــــــــــــــــــــــــــــــــــــــــــــــــ ـــاي

نعم نعم , بالنسبه للمحرك الجديد قام ببيعه أيضا, ونحن الأن في انتظار مفاجأة كراج السويدي, سوبر بروا فيربيرد أحمر , له باع في وسيط في الأرجاء الأمريكيه+ وقد زود بمحرك أخر , نتمنى له التوفيق, والبعد كل البعد عن اللمسات السحريه

بـــــــــــــــــــــــــــــــــــــــــــــــــ ــــــاي

[UaeRace]

هيه والله المفروض ما يقولون هالكلام يا Speed
وكلنا ربع واخوان

[UaeRace]

خلونا من هاي السوالف,, لمسه سحرية ولا غيره
المهم الريال ما ضر حد

وأتمنى انه الموضوع يكون متابع من الإدارة

[TargeT]

السلام عليكم

أخواني .. المفروض ما تقولون هالكلام .. لأني كنت متوقع منكم كلام غير هالكلام
يعني الموتر انباع الحين ... شو الفرق اذا كان الموتر عند جمعه السيوم ولا عند بدر أهلي تراهم في النهاية عيال البلاد
وكلنا ربع ونعرف بعض من زمان وما نبا هالحساسيات في المنتدى على موضوع ما يستاهل ...

جمعه السيم له مشجعينه وجمهوره وله زبائنه .. وبدر أهلي نفس الشيء .. وكل واحد منهم له إحترام وتقدير
وكلهم ربع في النهاية وبيمثلون الإمارات ..

بدر أهلي حقق بطولات ماشاء الله عليه .. وحتى جمعة السيم حقق بطولات وكان في بعض البطولات في مراكز متقدمه

ياليت يا جماعة الخير نكون كبار في ردودنا وما نسوي حساسيات ومشاكل نحنا في غنى عنها

تقبلوا تحياتي

UaeRace

إسمحلي أخوي بس أنا ما أشوف إن الشباب غلطوا بحق أحد
الريال باع موتره شو إستوى وين الغلط .....!!؟
بعدين شو يعني متابعه من الإداره

[Speed4ever]

تم ايقافالاعضاء:
Supra_Veilside
gprso
ثلاجه
لمدة 10 أيام والسبب هو عدم تقيدهم لقوانين المنتدى

فقد اعذر من انذر...؟؟


والسموحة

[Speed]

يا جماعة لا تكبرون الموضوع و تعطونه اكثر من حجمه ..
و تراكم يبتو على الريال وايد ..

[البنتلي]

يا المشرف العام ... العضو Supra_Veilside ماشارك في الموضوع ... ليش وقفته ....
يمكن حصل لبس في الموضوع ...

[Speed4ever]

يا المشرف العام ... العضو Supra_Veilside ماشارك في الموضوع ... ليش وقفته ....
يمكن حصل لبس في الموضوع ...
اخوي البنتلي انا ما بوقف اي عضو مني ودرب الا اذا كان في شيء
وانا بطرشلك على الخاص الكلام الي انكتب في هذا الموضوع

وانا الحمد الله عمري ما كرهت اي عضو في هذا المنتدى بل قاعد احاول قد ما اقدر اني اشجعه لاني اعتبرهم كلهم مثل اخواني
وانا ما ودي تستوي اي حساسية اتجاه الاخرين

وانا الي سويته طبعا حفاظا على سمعتكم وسمعت الموقع لان ماودي في يوم من الايام ايني شخص ويشتكي على اي عضو

وطبعا الغلط غلط والكل يتحمل غلطته واولهم انا
واذا انتو تعتبروني غلطان لاني وقفت بعض الاعضاء عن المشاركة خبروني وصدقوني انا بنفسي بطلع من المنتدى

[البنتلي]

عزيزي سبيد فور افر ..... انا ما قريت الكلام الي كتبه فيل سايد .. لأني مالقيته مشارك في الموضوع ... عشان جيه قلت يمكن بالغلط وقفته بدال عضو .. لكن الظاهر انك حذفت موضوعه قبل ما اقراه ... و حقك عليه :) نحنا نطلع من المنتدى و انته اتم مكانك .... الكبير كبير على قولتهم

[SaLoo7]

وين وين .. اذا انت طلعت احنا وين نهيت بعدين ههههههههه ..
افا عليك يااخوي speed4ever ليش زعلان المنتدى منتداك وانت ادرى بالي قاعد يصير فيه ..
والصراحه حتى انا بعد استغربت لم شفتك موقف سوبرا فيلسايد قلت يمكن بالغلط بس بعدين عرفت اني متاخر وما لحقت اقرى الكلام المكتوب..
بس ممكن ترسلي الي كان مكتوب بالموضوع بلييز <<(( هههههه فضولي لازم يعرف شو كان مستوي )) ؟؟

[UaeRace]

السلام عليكم ..

أقف إحتراماً لشخصك الكريم (( Speed4Ever )) .. شكراً على الإهتمام
نحن نخاف على الموقع أكثر من أي شخص كان .. لأن قلوبنا متعلقه فيه
ونحن نعتبره الموقع الوحيد اللي نقدر نستفيد من في مجال السيارات
وخاصة لا توجد مواقع مهتمه في سباق السيارات في الامارات إلا القليل
أما موقعنا هذا يتميز بأنه اول وأحلى وأحسن موقع اماراتي

الحمد لله انك تداركت الموضوع حتى لا تكبر السالفه

تقبل تحياتي

UaeRace

[silent]

غريب امره بدر

[top-secret]

بهي الحاله الحلبه مالها مزه موليه

[TargeT]

إعتدار مني للأخ uaerace وإسمحلي لأني ماقريت الكلام إلي إنحدف والسموحه شباب

[UaeRace]

silent
هلا الغالي ,,, لا ما عليك بدر أكيد يفكر لجدام وهو انه يبغي اييب موتر يديد
ومو معقول يتم على موتر واحد .. وكل واحد يتطور

================

top-secret

الغالي مرحبا بك .. بالعكس الحلبة بتزيد إثارة . ونحن مع التجديد .. والجماعه بدل ما يروحون يدورون موتر من برع صاحب بطولات شافوا ان الموتر يناسبهم بدل التعب وكثرة البحث ..
وبعدين مب هذا الموتر اللي اشتروه .. عندهم مفاجآت إن شاء الله يايه في الدرب ..
ونحنا نتمنى الخير للجميع ..

================

TargeT

هلا الغالي ... افا عليك حصل خير وما يحتاي تعتذر من أخوك الصغير :)
ويا مرحبا بك


تقبلوا تحياتي

UaeRace

[بيرفورمانس]

اول شي احب ابارك ليمعة السيم عل الموتر اليديد والله يعطيه خيره ويكفيه شره

اما عن بدر فانا اقول انه ما باع الفير بيرد والمكينة التوربينيه الا لشي هو حاطه فباله .... وشو درانا؟؟ يمكن شاف موتر احسن من النيسان عسب مثل ما انتو تعرفون ان بدر واجهته مشاكل مع النيسان الذهبي - والله انه ذهبي صدق-..

وانا اتوقع ان بدر باع المكينة عسب يظبط موتر ثاني.. المهم الله يوفق الكل وكلنا عيال الامارات وكلنا اخوان وربع..

وبليييييييييييييز شباب ... ما ابا اشوف حساسية بين الاعضاء ...


اما انت يا speed4ever فشو بنقول عنك.. انت الصراحة برفكت... ولو انت ظهرت من المنتدى منو بيشله وتخيل كيف بيكون شكله... اذا انت ظهرت من المنتدى عهد علي ان ما اشارك فيه واظهر منه..

[بو عسكور]

جي حلاوه هي تعال و اظهر لووووووووول عن يوقفني انا بعد


افا

المهم ان شالله نشوف شي ممتع و يديد

[PACKARD]

السلامم,

بغيت أوضح الصوره للشباب, اللي اشترى موتر بدر أهلي هو بن صفوان وهو واحد من زبائن جمعه السيم, وبدر بيسوق الفيربير في السباق الأخير, اما بالنسبه للوقت, فهذا يعتمد على صاحب السيارة , فلو كان يريد رقم أفضل بدر قادر يحقق هذا الرقم لـكن بيحتاج الأمر للقليل من المخاطره بالمحرك, وهذا الكلام كان قبل السباق الأخير, بدر كان يقدر يحقق رقم أفضل لكن مابغى يخاطر بالسيارة, بس بعد ماباع السيارة , كل شئ متعلق بصاحب السيارة الجديد, لو كان يريد وقت أفضل عن 6.83 فبدر قادر على هذا , وبالفعل على حسب معلوماتي السيارة ردوها عند بدر لإضافة بعض التعديلات في حال قرروا ان يحققون زمن أفضل.

[silent]

مشكور اخوي على الخبر
بس بغيت اتخبرك بودي النيسان الذهبي بعد انباع ولا بس مكينته انباعت

[UaeRace]

السلام عليكم ....

الأخ PACKARD ... بعض المعلومات اللي قلتها خطأ

اللي اشترى الموتر جمعه السيم وانا كنت موجود يوم جمعه يدفع من جيبه أما (( بن صفوان )) هو الداعم الرسمي لكراج السيم
يعني السبونسر ... وانشرى الموتر بحضور بن صفوان .. ولكن مب من بيزاته للعلم بس .. لأني أنا متابع للكراجات وأعرف أخبارهم ..

وصح بدر اللي بيسوق الموتر لأنه هالبطوله نظام نقاط . وكانت اتفاقيه بينهم علشان بدر يفوز بالبطولة إن شاء الله ,, ويجمع نقاط أكثر

والموتر صح ودوه عند بدر بس لمجرد بعض التعديلات والترتيبات قبل السباق .>

هذا للعلم ,, :) والسموحه يا أخوي

================================

واليوم الثلاثاء فيه تجارب في النادي
موتر خالد البلوشي الدراج .. الجراندوم
والموتر الدراج الفيبر بيرد ( اليديد ) التابع لكراج السويدي

ويمكن نشوف مواتر ثانيه

تقبلوا تحياتي

UaeRace

[PACKARD]

السلام,

شكرا اخويه على التوضيح, بالنسبه للنيسان الذهبي , على حسب معلوماتي ان السيارة ماأنباعت الى الأن وجمعه السيم يمكن يشتريه,

بالنسبه للفيربيرد, أجروا عليه بعض التعديلات في كراج بدر , ومثل ماقلت بدر قادر يحصل على وقت أفضل لـكن كل شئ يتعلق بالسيم صاحب السيارة, لأن السيارة محتاجه الى غاز أكثر ولعبة دفريشنات, وبدر كان ناوي يخاطر لكن يوم انباع الموتر قرر ان يخلي هذا القرار في يد صاحب الموتر.