ايهما افضل الرابتر ام البانشي [الأرشيف]

مشاهدة النسخة كاملة : ايهما افضل الرابتر ام البانشي

ديزل

30-06-2005, 11:56 AM

هلا اخواني السلام عليكم
حاب اشتري دباب ومحتار بين البانشي والرابتر طبعا من حيث السمعه انا اشوف البانشي اشهر لكن مادري كيف من حيث الاستخدام والخرابات والمواصفات والقوه
ومين منهم يمسك سعره اكثر بعد الاستخدام ياريت تفيدوني شباب

Moon

01-07-2005, 12:09 PM

والله انا رأيي انه الرابتر أسرع عن البانشي بس البانشي أقوى..
واسمحلي لني ماعندي خبرة في الدراجات

المجرووح

01-07-2005, 03:31 PM

الرابتر تنفع في الصيف والبانشي تنفع في الشتا

G-T-R__U-A-Q

02-07-2005, 10:32 AM

الصراحه الرابتر احسن و يوم اتعدله يطلع شكله دلع ويكرف كراف
بعدين الرابتر 4 استروك يعني يمشي في الشارع ريس كامل عادي ما يخبق بستن اما البانشي 2 استروك يعني عادي يخبق على الشارع الا اذا بتحطله بستن استيل و اذا حد لا سمحه الله اختربت درجته في نص الدرب من بيقلص فا الربتر عشان هو 4 استروك عادي يتحمل و زياده اما البانشي عادي يخبق بستن و يا البانشي بتستاذي من شي اسمه بستن بعدين الرابتر شكله احلى من الباشي بس الناس اذواق و اخر شي الراي رايك....و موديل هاي السنه بيكون 700cc يعني اقوى من القبلي بس خذ قاعده في بالك اي شي ينزل اول مره او اول شكل لازم يكون فيه عيوب

uae performance

07-07-2005, 02:42 PM

رابتر وبس و الباقي خسسسسسسسسسسسسسس

STo0oP

11-07-2005, 06:38 AM

والله اللي اعرفه انه الرابتر اقوي عن البانشي في القار ويتحمل اكثر

بس اعرف ان البانشي قومته اقوى وفي الرمله البانشي اثبت عن الرابتر

واللي تشوفه اخوي يناسبك سوه بس الاغلبية للرابتر ..

والسموحه..

امجد

21-07-2005, 06:37 PM

بصراحه انا اشوف انه الرابتر اقوى من البانشي واجمل

ومثل ماقالو الشباب وراي من راي الجميع
وشكرا

hks97

23-07-2005, 02:55 AM

اكيييييييييد

الام شراع

ثلاجه

23-07-2005, 03:05 PM

هــــــــــــــــــــــــــــــاي

نعم نعم, ان كان ماترمون اليه هو مقياس السرعه, فالبانشي تولد عدد أحصنه أكثر ووزنها الكلي أقل من الرابتر, والتسارع في محرك البانشي أسرع بكثير منه في الرابتر, ومن بعض التجارب الكثيره يمكننى القول بأن البانشي هي الأسرع والأقوى وحتى انها أثبت على المنحنيات, لـــــــــــــــــــكن الرابتر تتميز عليها بأنها مريحه في الركوب أكثر ناهيكم عن ميزتها الإقتصاديه للوقود.
أما إذ قارنا بين الإثنين من ناحية التحمل, فإني أقولها عن تجربه بأن البانشي أقل اعطال, لـــكن لابد من إستخدامها بالشكل الصحيح وليس العكس.

بـــــــــــــــــــــــــــــــــــــــــــــــــ ـاي

بوخالد71

26-09-2009, 04:54 AM

يسلمووووووووووووووو ع الموضوع البانشي وبس

الجوكر34R

26-09-2009, 05:13 AM

انا عندي رابتر موديل 2005 يعني 660 معدل فيها شاصي امريكي وشفت وتانكي وستيرنج وفلاتر وزوايد خفيفه

لاين هذا اليوم ماشتكيت منها ابد غير الاشياء الاستهلاكيه

خذ رابتر ودربك خضر

C_B_R

26-09-2009, 05:23 AM

رابتر حق استهلااك ومكده اما الباانشي حق وناسه والي يقول الرابتر اقوى من البانشي غلطان

الباانشي حق وناسه

و الرابتر حق رحلاات

MaStEr

26-09-2009, 08:19 AM

ههههههههههههه هذي المقارنه ازليه

البانشي x الرابتر نفس الاستيشن x الفتك

باختصار شديد ومن بعد تجربه

البانشي حق الاستعراض والفوضي (تقول موتر مزود حق دراق ريس وحلبه )

الرابتر للاستخدام المريح والحواطه (تقول موتر ريس مزود حق استخدام يومي)

واهم ميزتين للرابتر واللى اظن تخلي اغلب الناس تفضلها على البانشي بشكل عام

الاولي انها 4 ستروك (يعني تصب بترول وتتوكل) اما البانشي (بترول + آيل وانته وخلطتك يا تضبط صح يا تستوي فليتيه)

والثانيه صرفية البترول احسن بوايد عن الرابتر وخصوصا للطلعات الطويله في البر (يعني من البداير للفايه للعزب)

ومثل ما قال اخونا " c_b_r "

البانشي حق الوناسه والطيش والتهور والحوادث والرابتر حق الرحلات والطلعات الهاديه الرومانسيه خخخخخ

فنصيحتي لك: عليك بالرابتر لك وللزمن على الاقل يوم بتبيعها مستعمله بسعر البيعه بتشتري لك بانشي يديده من الوكاله

.
.
.