تسجيل موتر سكان يمين؟

[Mazinger]

السلام
شباب انا بديت اشوف وايد مواتر سكان يمين عليها أرقام أبوظبي والعين و أم قيون
بغيت أعرف متي بدت السالفه هذي و شجايل يسون هالحركه
و اخيرا وين تحصل حد يامنلك علي لموتر لأني اكيد انه لأغليه ما راح يرضون
و الشكر :)

[mustang 5.8]

تسلم اخوووووي على المعلومة

[303]

انا سمعت انه تقدر اتخليها سنه او انه لين ما اتحول السكان بس موب اكيده معلوماتي

[Mazinger]

سنه وحده .........زين
بس هل هو تسجيل عادي ولا فيه حركات , خصوصا في التامين
أتمني من الاخوه القيوانيه و الي سجلو موترهم (سكان يمين)
و الشكر

[إبن الصحــــراء]

اخويه الامر بسيط
اذا موترك سكان يمين
تسوي تامين للموتر وتاخذ الاوراق وياك طبعا
وبعدين تسير مديرية ام القيوين وتاخذ ورقه من هناك بعدم الممانعه هم يعطونك اياها خمس دقايق بس
وتاخذ الورقه من المديريه وتسير المرور طبعا اتكلم عن مرور ام القيوين
وتدخل داخل عند الحريم بيطبعون لك ورقه وتسير تدخل الموتر الفحص
وبعد الفحص تسير التسجيل وتسجل السياره وتدفع تقريبا 500 وشويه للتسجيل
وخلالالاص

هذا اذا السكان كان يمين تسير المديريه
اما اذا كنت محول السكان تسير المرور على طول بدون ماتسير المديريه


الاوراق المطلوبه :

صورة الليسن
صوره شخصيه
صورة الجواز
اوراق السياره قصدي الجمارك
واوراق التامين

وبس


:)

[overboost_30]

اناسمعت اذا موترك عليه دبه ولا منزل يردونك حركات بعد عليهم لو عليه زوايد عادي بس اهم شي يصعد على صعدت الفحص يعني اذا عليه بمبر اجلعه وسير سجل ومادري بعدشوبسون الحين :confused:
يعني ها الموتر مايسجل لازم ترده وكاله :( :confused:

[Mazinger]

الياقوت:
مشكور يا اخوي علي هذي المعلومات ,الظاهر الحينه ما احتاج ءالا اشتري الموتر (سكايلان gts او تويوتا crown ) و اروح اسجله
بس بغيت اعرف شي واحد , في شركه معينه للتامين تنصحني اروحلها؟
و للاخ overboost_30:
أعتقد اذا موترك منزل لدرجه انه ما يصعد علي الفحص , فهذا معناته انك بحاجه الي تواير 900 :D
والشكر لكل المشاركين

[بن دبي]

اخوي لا حركات ولا شي

انته تأمن موترك

وتسجله سكان يمين عادي

حتى لو منزل وعليه دبه صوت يسجلووون

بس بوظبي
يسجلون لك سنه وحده بس

يعطونك مهله لين اتحول سكانك

والسموحه
اخوكم
بن دبي

[Mazinger]

مشكور يا بن دبي :cool:

[RB25]

نفس الشئ انا سجلت الموتر ...

وأصلا ما يسوون لك حركات ولا بركات ..

وإذا عليه دبة ولا غيرها ...

[Mazinger]

RB25:
اظاهر من اسمك انك راعي جيتي عليه مكينه rb25 :)
قولي بس شو رايك في سواقه السكان يمين علي شوارعنا , يعني سهله ولا لا ؟
حسب ْلي أعرفه انه في بريطانيا مواتر السكان يمين و اليسار تمشي عادي عندهم مع انه بلدهم سكان يمين اصلا , و نفس الشي في اليابان
لو تشوف مواصفات اللكزس سكان يمين Celsior بتتخبل واله من كثر ال option الي فيه.
بتقول انا عايشين في العصر الحجري مقارنه مع الناس هاذيل :D
والشكر

[restem_racing]

صح كلامكم عن ام قيوين اتروم اتسجل لو منزل الموتر وسكان يمين وعليه دبة صوت

وبوظبي اتروم اتسجل سنه سكان يمين واذا حولت الموتر قبل ما اتخلص السنه اتسير عندهم وخلاص يكون تسجيلك عادي مب يعطونك ورقه لين اتحول الموتر
واذا فسنة ما حولت او شي بيقولون لك اجلب ويهك :]

وعن ام قيوين اظني الشباب ما قصرو وضحو لك

السموحة

رستم ريسنق :)

[Mazinger]

thank you restem_racing