أســوء جـــــــــــــــولـه شـفـتـــهـــــا مــــــن يـــــوم فـــتـــحــو الـحـلـبـه

[HKS]

الصرااااااحه أسوء جـــولـه شفتهاااا من يوم فتحوو الحلبه
وهذا كلــه على ما اعتقد من الشركة المنظمه وهي كاااااش كلوبcash club
يعني قايلين لناا بيبدا السباق الساعه 5 مساءاا وبينتهي الساعه 12 بالليل
والناس من الساعه 5 تنتظر . . .
ليبدا السباق الساعه 7 ونص تقريباا . .
وشووووفو النصب اللي استواا في الحلبه . .
سندويشاااات شاورما ،، اتخيلوو الواااااااحد بعشر دراهم:eek: :eek:
(( عاااادي من حقهم ،، حلبه 7 نجووووم ))
والبيبسي بخمس :confused:
((وجبة كنتااااااكي كامله))
والماااااااي بخمس
والله ايعين المدخنين ،، (( أعتقد انهم صايمين يووووم الخميس))

هههههههههههههه وقالو لي شباااااب حتى الكراتين اللي يبيعوون فيها
سجااير ومشروباات (( كراتين خمره وبيره )) وهالشي الوحيد اللي
اكتشفته الاداره

يعني كااانت صراحه ملل

واحلى مافي الحلبه نيسناااااااااان فورملا هووو الوحيد لي عجبني
وعطونا ريكم

[GTR4EVER]

خيييييييييبه
تسلم

[UaeRace]

السلام عليكم

الصراحة كلامك صح يا اخواني ...

وأنا شفت هالشيء بعيني .. بس نسيت أصور الهنود اللي يبيعون في كراتين مال الخمر مكتوب على الكرتون
هنكل ولونه أخضر ..

وبعد هاللبنانيات اللي يايينهن يبيعن .. شوه يعني ماشيء هنود ؟؟ ولا بس إغراءات ؟؟؟

والحلبة سيئة جداً .. والأسعار غالية وايد .. وراسنا عورنا من المعلق الحشره ويا عيونه هاي الحاره اللي ما خلا موتر ما حسده .. وبعدين حاطين لنا دق وحشره وإزعاج مب مخلينا نسمع المواتر ..

وأسوأ شيء في الحلبة .. (( القااااااااار )) لين متى بيخلونه جذيه ؟؟؟
يعني لازم حد يستوي عليه شيء ولا يموووووت لا سمح الله ؟؟؟

المفروض يغيرونه لأنه هذا القار حق الشوارع العادية مب قار حق الدرج

ليش ما يدورون شركة ترعاهم وتسوي دعاية عندهم وتسوي لهم القار مره وحده بدل هالخساير على الفاضي ..؟؟

وبعدين محد بيطور عمره من الشباب إذا استمروا على هذا القار .. لأن مواتر الدرج مستحيل تمشي على هالقار الكجره ..
وايد شباب شارين مواتر من أمريكا ويجهزونها .. ويوم شافوا القار اتحسروا وقالوا ياليتنا ما خسرنا بيزاتنا .. بس بيترييون حلبة دبي تفتح علشان بيكون طبعاً القار بمواصفات خاصة ..

مساكين الشباب أمس قاموا يشاوحون .. بس الله سلمهم والله ..
وبعدين راشين مادة ( VHT ) على الشارع بطريقه غبيه .. هاي المادة لازم قبل يومين يرشونها .. وهم رشوها عقب ما طاع المطر ههههه .. وبعدين كانت رطوبه أمس وراح تعبهم على الفاضي

أتمنى يوصل كلامي للمسؤولين في الحلبة ... لأنهم بيخسرون في النهاية يوم محد بييهم ..
لازم يغيرون القار علشان الشباب يطورون عمارهم ويقدرون يحطمون الأرقام القياسية ..

المهم أتمنى التوفيق لشبابنا والله يحفظهم

[ARIF GROUP]

يا ريال كنك ازاعق في سيح خلي ماسمعت المتوصف شو يقول....... لو نفخت في نار لاضاءت ولكن انت تنفخ في رماد

[Speed4ever]

والله العظيم ان كلامكم كله صحيح 100 في 100
لان في الجريدة كان مكتوب ان السباق بيبدأ من 5 الى 12
انا الصراحة كنت موجود من الساعة 4.30 والسباق بدأ بالضبط الساعة 8 هذا اول شيء
والشيء الثاني بخصوص الماكولات والمرطبات:[
شو تبوني اقول؟ والله لو اتكلم من اليوم الين باجر ما اضن اني بخلص
والله حرام عليكم يا ناس انتو جذي بدال ما تكسبون الناس اتشردونهم الصراحة يعني
عيل شورما ابــ 10 والبارد 5
بس انا الي خصصبي ان من كثر الملل ووصوت الاغاني المزعجة الي كل الناس طفرت منه ودعت عليهم حتى راسي عورني وقلت بشرب كوب شاهي
عاد قولو ابكم:]
والله قهر اخاف اكتب وعقب تضربوني

ما اقول غير حسبي الله ونعم الوكيل

[Bin karam]

100% صحيح الكلام وما عليه غبار

انا ضارب خط وواصل قبل السباق بربع ساعه اوني فرحان لحقت واخر شي يقولون السباق اساعه 8

والله مصخره في مصخره
لو اني ما كنت اتريا دعاس النيسان كنت منو يقول ايلس والله راد لبلاد احسن من هذه المصخره

حاطين الحراميه الرعاه ( حراميه كلاب ) مب كاش كلااب

:confused: :confused: :confused:

ما اقول غير الله يهديهم بس
قلنا اول ايام مصخره في التنظيم بس هذه الجوله ام المصخره

وإسمحولي

[ولد السويدي]

انا سرت الساعة خمس ورديت وسرت الساعة ثمان

[خالد الحمادي]

بسم الله الرحمن الرحيم
اخواني الكرام
انا من دبي
انا ما يت السباق لان قالوا الشباب دبي الرياضية راح تنقل ... وانا مافي حطا دبي الرياضية ما في حس يوم اتصلت قالوا من قال نحن راح ننتقل ننحن مرانا بطولات في المهرجان ...

:[

وقعدونا واتحسرنا موا شفنا شئ ... يعني نتمنى من الاخوان الاول يتأكودون من الخبر اذا بتنقل التلفزيون او لا ...

وبعدين من كلامكم نقوم الحمد لله انا ما سرنا ولا انا اودي وياي 4 اعزمهم على الدخول يعني 40 وا اشتري لكل واحد ببسي يعني 40 + 40 = 80 واشتري لكل واحد سندويتش يعني 20 +80 = 100
لا لالالا .... لو رايح السيتي شان ما خسرت هل قد

واخوي ... UaeRace
هل نت متأكد من كلامك ان راح يسون حلبة في دبي .... ووين وهل بدو فيه او لا

او فقط هي كلام

وممكن اتقول لنا مصدر كلامك


وتحياتي

[303]

زين اني ماسرت :D

بس اتنقعت عند التلفزون او يوم اتصلت على دبي الرياضيه قالولي بنحطه بعد الساعه 12 او مدت الفلم 23 دقيقه :mad:

بس الصراحه ضحكو علينا :]

[ريس وبس]

الصراحة بعد الكلام الي سمعته اقول زين اني ما سرت الحلبة :)

وعلى سالفة حلبة دبي أظن أنها بتجهز جريب وان شاء الله ايكون الوضع ممتاز فيها لأنها بتكون حلبة عالمية بيكون لسباقات السيارات والدراجات على حد سواء واتمنى يكون للدراق نصيب من الاهتمام :)

[oil_HKS_lio]

الله يعينكم على ماجاكم بس على الاقل احسن منا ماعندنا حلبه في السعوديه شي احن من شيئ وسلام:)

[FARES]

للأسف معظم الكلام اللي انقال صحيح ...

يعني صار هم النادي الحين الربح المادي فقط دون تقديم شي بالمقابل للجمهور أو للمتسابقين.
وياريت .. يكون حد من المسأولين في النادي يقرى هذا الكلام عشان ينقذ مايمكن أنقاذة من ماء الوجة..وسمعة النادي.
و انا ما اعتقد انه الشباب يطالبون بشي مستحيل كل اللي نبغية:

1- خفض صوت الميكرفونان. لانة والله صدعنا
2- تحديد أسعار الوجبات و العصائر ( ولا بييب راعي السمبوسا اللي يبيع في فريجنا يسوي سندويشات في النادي :D )
3- مراعاة النادي في اختيار الرعاة للذي يقدم خدمة افضل للجمهور وسمعة النادي ( مب اللي يدفع أكثر و يطلع اضعاف اللي دفعة من الفقرا اللي يحضرون عن طريق بيع بطايق القمار)
4-يارب تسوون صبية أو دجة اسميت ( لانة لين الحين الله ستر وماصارت حوادث تستاهل الذكر ثاني شي انتوا تفكرون تسوون بطولة خليجية ..كيف بتجابلونهم بهذا القار .. والله فضيحة بيضحكون عليكم يارب تتكنسل او يسوونها في الكويت انشالله عن الفضايح طبعا)
5- الصدق و الامانة مع الجمهور ( مب تقولون الساعة خمس و تنقعون الشباب 3 ساعات عشان ايوعون وياكلون اكلكم البايت الغالي) واللي قاهرني موت انهم قالو بينقلونه على دبي الرياضية .. والله مالوم الشباب يوم يقولون انهم بيردون على سباقات الشوارع احسن لهم.

في حاله انكم ماغيرتو شي (وانا متأكد من هذا الشي) اللي بيصير:

1- اول ما بيلقون الشباب نادي ثاني على طول بيلبوسن ناديكم هذا ( اذا حضر الماء بطل التيميم)
2- اشوف لو تبيعون طماط وفرقوا ورويد يكون أفضل عشان يتم استغلال المساحة الخلفية للمدرجات لزرع المحاصيل عشان تتوفر للجمهور بسعر جيد
3- يكون النادي هو المقر الرسمي لسباق الكلاب .. و تتولى كاش كلاب رعايتة و تطلع ملايين عن طريق المراهنات و القمار.
4- الخ ..الخ.........الخ :]

وآخر شي أقول .. الصراحة قد تزعل شخص ما منك لفترة ,,, ولكن المجاملة قد تفقدك اياة للأبد

[supra .t88]

كلامكم صحيح 100% يالشباب:mad: :mad:

[راعي الرنج]

....الصراحه اللي استوى شي غرييييييييييييييييييب.......

يعني هذي الحلبة امسوينها للسبلقات ..يعني اللي بيسابق فيها راح ايكون مرتاح انه هو مع موترة في امان....ولاشو راح تفرق السباق في الشارع...ريال امخسر على موتره الالالالالالالالالالالالالالالالالالالالالالالالال الالاف........... لاقدر الله ينجلب شو الفايده ...هم قالو للشباب انهم راح ايرشون ماده لين متر وهذا الكلام قالوه لبن عوووقد... قبل مايطلع بالدووج...وشو استوا لاماده ولابطيخ ...
زين مانفد الريال مع موترة... امخسر علية .مخاسير... ... وعلشان هاي الحلبة التعبانة..كل مخاسيرة بتروح على الفاضي...وراح ايخلي موترة الحين لحلبة دبي..بس...واحسن والله..
وايد سيارات كانت موجودة بس مانزلت..ونصهم راحوا بعد نص ساعة من بداية السباق.. وزين مانفد المرحوم مع موترة ... .. بس نحن مايهمنا الاكل او الشرب..الاهم جوده الحلبة نفسها انك اتي تشوف سيارات روعه وتستانس...بس مع اللي شفناه يوم الخميس ماضني في حد من الشباب راح ايب موترة..ومعاهم حق ولا شو فايده الحلبه.نتسابق في الشوارع احسن ولا فايده الحلبة بس انك تدفع رسوم السيارة..وما في امان .. لو هم اجلو السباق احسن ..دام ان نازل عندهم مطر.. ولاتستوي هااااي المصخره..قلنا بنطور شوي.. حلبات وحاجات ومحتاجات..بس وين ماتهنينا..

[راعي الهارتوب]

شوفوا شباب اداره الحلبه اتهمهم اموالهم وبس
مايحاتون على سلامة الشباب والمتسابقين
وهذا اكبر غلط

ولا انتو شو رايكم:[

[Blue-Supra]

واحب اقول لاخوي خالد الحمادي انه حلبة دبي يشتغلون فيها وبتكون حلبه عالميه لانها مجمع عالم رياضه السيارات ومكانها في دبي على شارع الامارات وبتكون مش حق دراق وبس لكن على ما اعتقد انها بتكون حق درقات وفورمولا واحد واوتو كروس وسباقات سيارات التورنغ ....
وخذ لفه على شارع الامارات وبتعرف انها عالميه وبترفع الراس
وحزتها بيعرفون انه الامارات مب هينه في هالسوالف
والله انه دبي شغل عدل
والسموووووحه

[بو عسكور]

الحمد لله اني ما سرت


بس انا الي قاهرني :[ :[ :[ :[ :[ :[ :[



ليش ما نقلو السباق على التلفزيون وهم مسوين دعايه من شهر



و الله مصخره

[HKS]

يعطيكم العافيه عالردود
وأكييييييييد طبعا يوم بتجهز حلبة دبي بيطيح سوقهاا حلبة ام القيوين
;) ;) ;)

[RB25]

الصراحة كل شئ في الحلبة تعبان ..

ما عدا راعي الجيتي اللي في بالي ..

[Zero]

شو بنقول غير الله يعين

[خالد الحمادي]

اخواني الكرام

ممكن احد يحدد لنا وين موقع الحلبة في دبي

وشكراً لكم

[الهاشمي]

صدق كلامكم يا الشباب ضرب خط على فاضي وخسارت البيزات ...ابيخ يوم سرت الحلبة في حياتي تاريخ 22/1/2004 احس السباق كان بااااااااارد ....مادري وين سارت المعلقه اللبنانية كانت اتحمسنا اشويه هي مع عبدالطليف الله يعطيه العافيه مب هذا ويه البعير ذلنا مع كاش كلوب ماله وذلوا اللي ربح 500 درهم مادري شو عطوه
خلاص مب ساير االحلبة انشالله اللي في دبي بيكون احس من حلبة ام القوين
يعطيكم 1000 عافية يا الشاب

[top-secret]

ولا بعد الي قاهرني زياده الي يبيع التذاكر على البوابه مب بس يالس يبع عسب الدخول لا يالس يسوي دعايه عسب يشترون تذاكر زياده عسب السحب على المليون ولا بعد اشوفه يكلم واحد تقول يالس يجبر عسب التذاكر
السحب يعني هم يايين بس همهم الاول والاخير الفوس:]

ولله ياجماعه غير الحلبه اول وناسه قبل ولله يعني تحس صج مهتمين في الحلبه بفلوس التذاكر
تشوف كل اسبوع شي مطور في الحلبه يعني فعلا قاعدين يرتبون الحلبه حق الشباب عسب يبتعدون
عن سباق الشوارع والحينه وين .........
لازم يشوفون حل حق الحلبه ولا ترى خلاص الحلبه راح تكون في خبر كان ويرجعون الشباب حق
سباق الشوارع والمشاكل
:mad:

[راعي الرنج]

............... الحمادي..............

الحلبة اللي في دبي بتلقاها على شارع الامارات.......
راح اتكون على اليسار اذا ساير ابوظبي.....:rolleyes:

[honda team 99]

كلامكم 100%
لو الواحد يرد يسابق في الشوارع احسن له من هذه المذلة

[HKS]

اتمنى ايكوون الكلام وصل للمسؤولين
وللإداره . . .
ويعطيكم العافيه شباااااااااااااااب;) ;) ;) ;)

[DeaDspeeD]

الصراحه قالو لي اسير

بس الحمدالله ماسرت

وخبروني ان الحلبه مبشي...... يعني مثل ماقالو الشباب

والسموحه

:) :) :)

[mustang 5.8]

الصراحة الكلام كله صحيح 100%100

[royal]

السلام عليكم ورحمة الله يا الربع وسامحوني على الغيبه الطويله وابشركم انه راعي الرويل رد للمشاركة في المنتدى العجيب:p


وانا وياكم في كل اللي كتبتوه وفعلا ادارة الحلبه غلطت غلطه كبيرة بحق الجماهير وبحقها نفسها وبحق رياضة الامارت بس اللي نتمناه منهم انهم يراجعون نفسهم ويصلحون اخطائهم في البطوله اليايه:[


بس عندي شي ابغي اقوله حق ادارة النادي يا جماعه لازم تردون على الكلام اللي كتبناه كلنا ولازم تعرفونا من وين وليش كل هذي الاغلاط اللي صاروت واللي محد كان يتوقعها منكم بعد ما كان الكل يمدح فيكم لازم تبررون موقفكم من اللي صار وشكرا:[

[ابوظبي اليوم]

زين انه ما سرنا
و انا سمعت انه بينقلون الريس على دبي الرياضيه
و عن سالفة الحلبه اللي في دبي سالت عنها و طلعت حلبة فورملا
هب حلبة دراج ريس
و عن اسعار الاكل ترا الانجليز كانو في ام القيوين فاشترو غراش خمر و شربو و مثل ما تعرفون انه الفودكا و البلودي ميري وو هالسوالف كلها غاليه فاشترو و حبو يعوظون فرفعو اسعار الاكل
ههههههههههههههههههههههههههههههههههههههه
لا بس اذ1كر سرت برج العرب قالولي الشاورمه ب8
و كانت مرتبه و طعمها فنان و تستاهل لانه برج العرب جنك ماخذ ثياب من ارماني يعني انا ماخذ شاوارمه من ماركه قويه ههههههههههههههههههههههه
و الحلبه حاطين الشاواره ب10 خيبه شو مب نصب لو انا كنت موجود جان سرت عند الادارة و قلتلهم انتو ولا ما فينا نرمس
انا احيد قبل مده ياي واحد من الاخوان على ما اذكر اسمه حامد مسؤول ما ادري شو كان في الحلبه
المهم كان كاتب اذا الاسعار غاليه خبرونا ترا نحنا بنزل في الاسعار و الحينه بدال ما ينزلون سارو دبلو الاسعار
من حقهم بس صراحتا ما ادري انتو ليش متعبين عماركم احسن شي انزد على ايامنا على الخطوط خط مصفح و سويحان و الريس قوم بو 3 كيلو و الشباب كلهم و كل شي ببلاش
ههههههههههههههههههههههههه

[راعي البورش933]

:[