الرجاء من جميع الاعضاء الدخول للتعليق على الموضوع الهام

[ARIF GROUP]

اخواني اعضاء المنتدى برمس بصراحه واول شي ارجوا من جميع الاعضاء عدم الزعل اخواني عدد الزوار وعدد الاعضاء المشاركين في المواضيع الهام قليل جدا والاسباب هي :
1- كل الشباب يشاركوا في الصور
2- اكثرية المواضيع متشابه
3- عدم الجده والتحديث الدائم للموقع يعني موقع كامل الدشه بس علشان تشوف صور مافي آراء مطروحه مافي مناقشات اللهم تشوف الشباب يتنافسوا على شي واحد الي يكون اسمه في القائمه من الاوائل وانطلبت شي مافي حد يرد عليك شوف المواقع الثانيه كيف

[Zero]

والله اخوي انا وياك.......
قبل يوم كان الموقع امسكر العالم كلها تقول افتحه افتحه...????
ومسكين spee4ever ماقصر سوى الى عليه وزياده عشان شاف ناس محتشره ليش???
تبغى اتشارك واللحين في اليوم موظوعين او ثلاثه ايداد .
يعني انا بتكلم عن عمري انا ادرس برع الامارات واللحمد لله اسوى لبلاد واتخبر شو اليديد مستوي ولو شي صاير عن الحلبه او عن الريسات اكتب وماقصر ولاكن انا احط اللوم على الاعضاء الى فى لبلاد
يعني واحد قال انا ابغى GT او سوبرا والريال برع لبلاد
الى طالب السياره.
فلو واحد من اعضاء المنتدي
ساكن في الشارجه ولا دبي مستحيل مايسير الصناعيه ولا العوير ويصور الموتر المطلوب والسعر ورقم تلفون راعي المعرض ويعرض الموظوع والله تسووون خير لعماركم ولصاحب الموقع بعد
والسموحه على الاطاله ومشكور اخوي ARIF GROUP على الموظوع

[GTR4EVER]

كلامك صح ARIF GROUP
المنتدى مستوي ممل مافي مواضيع
جديه مافيه حماس
وفي اعضاء اختفوا ماشوفهم
في المنتدى
والسموحه على الاطاله

[mustang 5.8]

الصراحة صج الي يشارك
بس اثنين او ثلاثة

[Speed4ever]

كلامك مافيه اي اعتراض وكلمة الحق تراها تنقال
انا بقولكم شيء المنتدى تراه منتداكم ومثل ما رفعتوه قبل بامكانكم انكم ترفعونه مرة ثانية
واذا في اي تقصير مني انا ومن غير اي مجاملة خبروني وانا حاضر ومستعد اسوي اي شيء
وبخصوص قائمة عشر الاوائل ترى هذا قريب وبينشل

وصدقوني ياجماعة ترى مب عيب انك تنقل موضوع من موقع اخر اذا فيه فايدة لك ولغيرك
بس المطلوب انك تكتب كلمة منقول في اخر الموضوع على اساس محد يعاتبنا
وعلى ما اعتقد ان كلامي واضح واذا اي واحد عنده اي شكوى او اقتراح يرجى الكتابة في منتدى الشكاوي

والسموحة

[سمسم]

اخوي ARIF GROUP انته مثل ما اتشوف انه المنتدى فيه وايد اقسام وكل قسم له خاصيته ومواضيعه . . فما تقدر اتخلي المنتدى كله صور ولا كله مناقشات .. والمنتدى اذا شفت اكثر مواضيعه كله صور بسبب انه العضو يمكن ميوله للسيارات والصور مثلي انا وماتكون عنده خلفيه عن التزويد او عنده موضوووع يبغي يناقش باقي الاعضاء . . يعني انا مثلا بحط موضوووع عن الحلبه وبناقش فيه الاعضاء وانا اساسا ماسرت الحلبه . .
يعني هذا كله يعتمد على الاجتهاد الشخصي وخبرة الواحد . .
واذا المنتدى ممل بمواضيعه شدوا حيلكم وحطولنا الجديد تراه هذا بعد يعتمد عليكم لانكم اعضاء فيه . .
والسموحه منك اذا كلامي فيه غلط . . .