اللي يعرف في السوبرا يدخل .. عندي استفسار مهم

[Blue-Supra]

السلام عليكم والرحمه ...
اشكركم على مواضيعكم وجهودكم المتميزة في المنتدى .. ويعطيكم الف عافيه
الموضوع :

انا عندي (سوبرا 98 وارد اليابان ) قير اوتوماتيك وعليها كمبيوتر F-con لكن السياره اتبند على سرعه 190 .. ولو رفعت البوست تقطع السياره

: سؤالي كالتالي
هل يوجد كراج في الامارات يقدر يبرمج الكمبيوتر الياباني .. لاني انا عيزت وانا أدور

_________________________________

:سؤال ثاني
بالنسبه للقير ( الاتوماتيك ) في السوبرا .. لو حولته إلى ( قيرعادي ) خمسه غيار .. هل بيضر في مشي السياره ؟؟ أو بيكون عزمها مثل العادي ( سته غيار ) والسموحه منكم

تحياتي

[DUBAI_18]

اخوي حسب معلوماتي في قطعة يركبونها من شركة HKS اسمها SLD حتى تفتح الكتمة
بس بالنسبة لكراج محدد ما عندي فكرة لكن في كراجات وايد الصراعة مثل كراج بن دلموك
و كراج مروان حسين وطبعا في شباب وايدين ماشاء الله عليهم في التزويد ما يحتاي بعد
بدر اهلي (كراج فورميلا) والكويتي والنوبي في صناعية راس الخور دبي

[Mazinger]

أأأأخخخخخخ
ال F-Con هذا مشكله لانه محد يقدر يبرمجه غير الوكيل.......و طبعا الوكيل لشركه HKS غير موجود بالدوله ( و أتمني انه ما يكون في وكيل , النه راح يكون خرطي) و الحل الوحيد ابرمجته هو ارسال الكمبيوتر الي اليابان .
في واحد في قبرص سوا هال حركه و يقول انه البرمجه ممتازه جدا
بس لازم تكون حذر في الشحن و طريقه دفع البيزات...الخ
و أنا لو مكانك أخلي ال f-con و أحط octane boosterحق البترول علشان يزيد الاكتان ماله و يمنع الخبط knocking الي بيكون عندك
و في حل ثاني و هو كمبيوتر motec , و هو مشهور جدا في الدوله حاليا , و يمكن الا واحد انه يظبطه , وواحد من الشباب حطه علي RB26DETT مال Gt r34 ماله و يقول انه وايد اوكي , بس لازم تظبطه علي dyno مثل الي عند ليبرتي , و مع هذا ما راح يكون 10\10 النه مستوي برمجه الكمبيوترات عندنا نازل جدا

أما بالنسبه للجير فاقول لك , خلك علي الاتماتيك في السونرا و انت و الخير ربع
النه الوتوماتيك احسن (في رايي) من العادي في السوبرا , خرابه اقل و يتحمل قوه أكثر
وبعدين ال f-con مالك بيكون مبرمج حق أوتوماتيك أصلا
بس اذا مصمم علي العادي , اقدر اجيبلك صور واحد محول جير سوبرا من auto الي عادي بس ادعيلي أحصلهن
و السلام
http://www.mkiv.com/techarticles/auto_to_6spd_swap/index.html
عدل لاظافه ال الموقع

[Blue-Supra]

السلام عليكم والرحمه ....
أول شي .. مشكوورين على الردود ..
وتسلم على الموقع
لكن عندي استفسار للأخ Mazinger
انت قلت انك اتعرف واحد حول القير من الاتوماتك إلى العادي .. لكن سؤالي :-
هل هو غير القير كامل ( يعني اشترى قير عادي يديد ؟ ) ؟؟ أو حول نفس القير من الاتوماتيك إلى العادي ؟

والسموحه

[Mazinger]

blue_supra
نعم جير كامل جديد , بس انه ما بدل الدفرنشل , فالجير الاول عنده ما فيه فايده
والصراحه الشغله طويله و متعبه و ما فيها فايده
اما الجير الثاني الي تقول عنه , فهو جير أوتوماتيك مع تربتونيك
و أعتقد انه بيركب علي موترك بدون مشاكل
أما أفضل جير (في رايي) فهو الي يجي علا ال toyota soarer الياباني و هذا الجير يستحل الكثير من العزم
و السلام

[دبن بن هامز]

والله تبي نصيحتي اذا لقيت قير عادي 6 غيار والله ركبه احسن لك ... القير التماتيك بتتعب معاه مايستحمل وماتقدر ازود الموتر هو بيتزود بس مب لي ذاك التزويد بتتعب ....يستحمل في حاله وحده اذا عدلته وقلبته قير ريس اما اذا خليته وكاله الله عينك ... السوبرا الي كانت عندي قير تماتيك مرتين انكسر عندي مايستحمل لين بعتها تعبت وانا ادور قير عادي 6 غيار ماحصلت ..اما اذا موترك وكاله معليه شي ركب 5 غيار بس ماينفع اذا كان موترك مزود مب نفس عزم 6 غيار

(نصيحت واحد مجرب) سوبرا قير تماتيك ماتنفع !!!

[DUBAI_18]

ياخوي الغير العادي اكيد احسن بس اذا ركبت غير ريس تماتيك ممكن بعد يستحمل لين 600 حصان على ما اعتقد وسعره ب18000 الف اعتقد بعد

[Mazinger]

دبن بن هامز
تقدر تقولي الكود مال الجير و الدفرنتل و المكينه الي كانوا عندك في السوبرا , الني بغيت أتاكاد من شي
و الشكر

[Blue-Supra]

ألسلام عليكم شباب .....
مشكورين على النصايح لكن المشكله القير العادي محصل سته غيار لكنه غالي ب6000 او 5000 اما بالنسبه للكود يا خوي MAZINGAR ما اعرفه
والف شكر للجمييييييع

[دبن بن هامز]

والله اخوي مازنجر مب مذكر بضبط وناسي وسمحلي يالغالي ...
بنسبه لخوي بلو سوبرا دام انك حصلته بهسعر زين اخذه ولا تردد ترى نادر متصيد 6 غيار وصعبه ركبه وقولي رايك في موترك ...وشوف الفرق!!

[Mazinger]

Blue-Supra
ابكود موجود في رقم الشاسي و يكون A340E في حالتك , الي اذا كان موترك من 99 و فوق
و انصحك انك تركب دفرنتال مواصفات أمريكيه (غير عن الياباني) النك راح تستفيد من الغيار الاول و المكينه بتحر أقل و علي الخط بترووووووح
هذا الفرنتال نوعه نفس الي في الصوره و قياسه 4.083:1 مقارنع بال 3.xxx:1 الي عندك
و احذر من جير ال W58 خمس غيارات , النه مو اقوي من الوتوماتيك الي عندك
:)

[Blue-Supra]

بس الحينه يعني لو غيرت القير لسته غيار عادي لازم اغير الدفريشن ؟
واسمحولي على المغثه لاني ناوي اغير القير وما اريد مشاكل ولا ابهدل السياره ويايه

السموحه:confused:

[Mazinger]

مب لازم تغير الدفرنتال
بس اذا ما غيرته الغيار الاول راح يكون نازل وايد (يعني بتحرق فيه التواير و انته طالع من الاشاره)
و في هذي الحاله راح تستعمل الغيار الثاني بدل الاول في السواقه ,
الموتر بتكون قومته ok وايد في هذي الحاله (يعني ok حق الحلبه بعد) بس مع زياده في استهلاك البترول وزياده في حراره المكينه و السرعه النهايه راح تقل بعد
اما اذا بدلت الدفرنتال , تنعكس الايه و تقدر تستعمل الغيار الاول و السرعه النهايه راح اتزيد
و في شي ثاني بعد . ال drive shaft مال السوبرا الاوتوماتيك أقصر من العادي
فيه احتمال ضييل انه يركب
أنا اقولك ال تستعجل الين ما ترتب أفكارك زين و تعرف انته شو تبغي بالضبط , موتر للحراق و العب و لا موتر حق استعمال يومي
والسلام....حان وقت النوم

[Blue-Supra]

اخوي Mazinger انا مب عارف كيف اشكرك على هذي المعلومات الطيبه

وانا نوين ابدله ..........ولو شي حولك قير خبرني لاني شراب ولو الاسبوع الياي انا حاظر

ومشكور مشكور مشكور ...............

وسمحلي لاني اذيتك

[Mazinger]

أبدا مب مشكله :)
للاسف الجير الوحيد الي عندي 3 سرعات أوتوماتيك , ما راح يعجبك , موديل 1980 :D
و الله يوفقك و تحصل الي تبغيه
بس أقول انته جربت تسال الوكيل , الفطيم يعني , هم صح انهم حراميه , بس انا ما أدري اذا السوبرا الخليجي كان عليه جير V106 ولا لا
peace

[Blue-Supra]

الوكيل مثل ما قلت حرامي وماياب السته غيار اللي كانت تنزل انجكتر وتماتيك
واليديد في ظني 12 الف قيمته
ومشكوووووور اخوي MAZINGER

[TargeT]

:o :o :o :o :o