الجياااااااااااااااااااااااااااااااااااااااااااااا ااااااااتي

[mad max]

الكل يعتبرون من احسن الجياتي في البلاد بس:
1-سيف سيف (وين السايق الي يعطي السياره حقها)
2-السيلاني(اكثر سياره تتجهز بس كل سباق مشكله والمكينه اتوللي)
3-عارف الاسطوره(اسم يستاهله الريال كفايه ان نيته صافيه وسايق ماعليه كلام والسياره احسن من سباق للاخر وليحيين عروف عنده المزيد)
4-برهوووووووم السعودي(اولا انت وين والسباقات وين لا وقت لاسياقه نفس خلق الله سباقات الشوارع وايد عليه مع ان السياره تجهيزها امكلف اكثر من سياره مايكل شوماخر #مسكييييييييييييييييييييييييين يابن حاضر الخيل يبالها خيال#مب واحد ايكسر ويعدم السياره مع ان احسن مكينه والجير امكلف اكثر من 60000درهم
نصيحه ولله يابن حاضر ان لو عبير اتسوق الجيتي بتكون احسن من برهوووووم بمليون مره وادري انك مقتنع ابكلامي
نصيحه لك يابرهوووووم خ>لك كيلو حب ودله كرك واجلس مع الجمهور احسن لك وانت عارف هالشي

[gprso]

بالعكس اخوي ابراهيم السعودي من احسن الناس اللي يسوقون في الامارات نسيت ايام الجيتي الاحمر والازرق شوكان يسوي فيهم

[silent]

اخوي mad max موضوعك بيسبب مشاكل
لان كل اللي ذكرتهم متسابقين لهم جمهورهم

وبخصوص افضل جياتي . ترى شي وايد جياتي قويه انته ما ذكرتها
جيتي المحيلوي العنابي صاحب افضل زمن في فئه الجياتي 9.1
جيتي عبود المعلا الذهبي 9.4

ومن ناحيتي انا اشوف السعودي ريال سويق ومن اقدم المتسابقين فالحلبه
واذا عن سالفه الجيتي البرتقالي مال بن حاضر شفناه في آخر سباق والسعودي
كان يسوقه سخن فالموتر وعقبها القير قام يخاشع وما طاع يمشي الموتر . يعني شي لا ارادي
اللي صار وممكن يستوي لأي متسابق سواء كان سويق ولا مب سويق.

ادري ان الواحد يوم يصرف عالموتر ويتعب عليه وعقبها يروح عليه كل اللي سواه في دعسه وحده
اتكون صعبه عليه السالفه و يتغصص . بس هذا هو السباق يوم لك ويوم عليك والمواتر حديد اتوقع منها
كل شي.

[gprso]

السعودي افضل زمن له في البرتقالي كان 9.4

ولو الموتر مبرمج في مكان غير برفورمنس كان بكون اقوى

[Speed]

انا مستغرب هاي الناس من وين تيب هاي المعلومات؟؟
من قالك انه الجي تي بن حاظر هو اللي دافع عليه؟؟؟؟؟؟؟؟؟؟؟؟؟؟؟؟؟؟؟؟؟؟؟؟
و بعدين بو خليل مب محتاج لرايك او راي غيرك في موضوع الدروله و السواقه ..
الرياله له سمعته و شهرته ..
سير تاكد من معلوماتك بدل ما تنشر اشاعات ..

[STo0oP]

انا افضل لو ينغلق الموضوع لانه مامنه غير عوار راس وشي راح خلاص وكل شي انقضى برايه..

ومشكورين..والسموحه

[ثلاجه]

هــــــــــــــــــــــــــــــــاي

نعم نعم, بالنسبه لبعض المتسابقين, فقد كان لكل أسبابه وظروفه , فقد توفرت الفرص الجيده لإبراهيم السعودي, ومع انه إستعان بإفضل المبرمجين (بن دلموك) الا ان الحظ لم يقف الى جانبه, إضافة الى انه لم يقم بتجارب كافيه على سيارته .

بالنسبه للسيلاني, لاحظنا ان سيارته قويه جدا, لـــكن لكل شئ ثمنه, فقد كان يريد تحطيم الرقم بأي طريقه, فلم تكن هناك طريقه دون التطوير , والتطوير في بادئ الأمر يكلف الكثير, فلابد من وجود الصعاب لتحقيق مايرمي اليه.

سيف سيف؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟

وبالنسبه لعارف , فهو يحب ان يأخذ خطوته بتأني وبطئ شديدين لتقليل الأخطاء وإن كان هذا على حساب النتيجه المرجوه في كل سباق.

بـــــــــــــــــــــــــــــــــــــــــــــــــ ــــــــــــــــــــــاي

[The Game]

السلام عليكم.. أخي العزيز Mad Max كلامك يوحي انك ترتبط بعلاقه قويه مع ابراهيم وغيره لدرجة انك تعرف عنهم كل شي. بس احب اوضحلك ان اللي الكل يعرفه ان ابراهيم من احسن السائقين في البلاد. ويمكن انت كنت ماتحظر يوم كان يسوق الاحمر وغيره. وعلى طاري سباقات الشوارع ازيد من معلوماتك انه روح بجيتي بدون 4 ويل عن جيتي 4ويل يمشي ويسوقه دريول معروف (ان كنت ناسي اذكرك!!). وعن اللي يتعذر بالبرمجه اقوله تراه محد ياخذ زمانه وزمان غيره. ومهما كان بن دلموج مبرمج خطير بشهادة الجميع. عالعموم السنه بيردون الغاز عالجياتي وبنشوف المشي عند منوه!!!

[ALMoOoOoDMER]

الـــــــي مــــــيــــــطــــــول الــــــــــعـــــــــنــــــب حـــــــــــامـــــــــضـــــن عــــــــنـــــه يــــــقــــــــــول
بوخليل معرف من احسن السواقين في الامارات وهل الموسم بنشوف ايام السعودي ما ابا اتكلم وايد
بس بنشوف الجيتي مال بو خليل والموستنق وردو العاااز راااااااحوووووو الجماااااااااااااااعه



ببااااااااااااي

[R32-700HP]

السيلاني هو الزعيم لأنه صاحب مستوى ثابت

واحسن السويقه هم السيلاني و السعودي

[ثلاجه]

هـــــــــــــــــــــــــــــــــــــــــــــــــ ـاي

نعم نعم, بالنسبه للسيلاني , إنشاءالله سينافس بسيارته الجديده الفورد موستينج, أما بالنسبه للجيتى , فقد بيع على أحد الأخوة البحرينين.

بـــــــــــــــــــــــــــــــــــــــــــــــــ ـــاي

[الياباني]

السلام عليكم

والله يا شباب الي بالجدر يطلعه الملاس

والبطولات قربت والي يستاهل 000000 يفوز

[silent]

افااااااااااااااا
كيف انباع الجيتي الاصفر
الصراحه كان من اقوى جياتي الامارات . وله شعبيه كبيره عند الجمهور
واشوف الشباب كلهم طايحين عالموستنق . خلاص راح زمان الجياتي ولا شو ...
اخوي ثلاجه لو تقدر تقولنا كم موستنق تقريبا بيشارك الموسم هذا في فئه الاوت لو ؟؟؟
وشكلهم ما بيرحمون الجياتي ؟

[Supra_Veilside]

الاخ ماكس
ابراهيم يوم كان يحط يده على المكاين من زمان

انته بعدك مب مولود

ويوم بدى يسابق في بداية التسعينات يمكن بعدك كنت تلعب مونوبولي وورقة حجرة مقص

ياخي عيب استح كلامك كله غلط

السعودي ريال فنان وسويق

السيلاني من اخطر المتسابقين

عارف ريال مشهود له ويمشي بخطوات متزنة للامام والنتايج تشهدله

والله يوفقهم الجميع

بس لي معور قلبي الجي تي الاصفر انباع

[The Game]

يا شباب أعتقد ان زمان الجياتي راح..!! واللي يبغي يعرف ليش يسأل عن سباق النيسان Sars ويا الجيتي مال المحلوي اللي صار أمس. وبصراحه أهني عبدالرحمن بن دلموج و محمد الحاي على الإنجاز الرائع، واعتبره رد صريح على اللي يتكلمون و يشككون في برمجة بن دلموج وان في حد استوى أحسن (أونه!!). وبكل صراحه يوم بعد يوم يثبت عبدالرحمن أنه الأفضل...وبالتوفيق

[ثلاجه]

هـــــــــــــــــــــــــــــــــــــــــــــــــ ـــــــاي

نعم نعم, قد انقلبت الأمور , وأصبح الجيتي ار صاحب أكبر شعبيه في الإمارات , من معلقات الماضي, والسبب صريح وواضح, أولا الجيتي ار من حيث المعايره والتزويد أصعب بكثير عن الموستينج الذي لايحتاج لأي برمجه أو غيرها في حال إستخدام الكربريتر. ثانيا التكلفه في الجيتى باهظه مقارنه بالموستينج, ومن الأسباب المذكوره أعلاه نرى ان الأعطال ستكون أقل.
ومن نظرى اخرى, نرى الكثير من سيارات الموستينج تعانق السبع ثواني في حال, لانرى الى عدد محصور وقليل جدا من الجياتي الحائزه على السبع ثواني مثل ال Hks , فهذا سبب أخر لايشجع المتسابقين للمشاركه بالجيتى ار.

نعم نعم , بالنسبه للموستينجات المشاركه في فئة ال Outlaw
موستينج خالد البلوشي (الرالي الصحراوي)
موستينج ابراهيم السعودي (بيرفورمنس)
موستينج من راس الخيمه (صاحب الموستينج الأبيض الذي بيع على السعودي)
موستينج سالم سويدان (كراج بن دلموك)
موستينج راشد (كراج فورملا)
موستينج السيم (كراج السيم)
موستينج السيلاني (كراج الرالي الصحراوي)

أما بالنسبه للزعابي ؟

بــــــــــــــــــــــــــــــــــــــــــــــــا ي

[silent]

تسلم تسلم يا دكتور ثلاجه عالتوضيح
والامريكي بشكل عام له الافضليه بحلبات الدراق نظرا لسعات المحرك الكبيره
وسهوله تزويدها . والموسم هذا اذا الجيتي كان في افضل حالاته زمنه مع الغاز يمكن يوصل
8.5 اما الموستنج بيقدر يحرز هذا الزمن في اسوأ حالاته .

اخوي The Game لو تتقدرتخبرنا عن نتيجه السباق اللي استوى بين سارس والمحيلوي
لان النيسان هذا شفته فالساد وخبلني ما شاء الله عليه . واذا النيسان فعلا روح عن اقوى جيتي
فالحلبه ( جيتي المحيلوي) كفو على بن دلموج والله ويستاهل لقب كنج الموتك؟

النيسان شو من المكاين عليه فتك ولا استيشن؟

[Speed]

هي نعم استطاع محمد الحاي القبيسي التفوق على جي تي المحلوي صاحب افضل زمن في الحلبه ..
تقريبا المسافه بين النيسان و الجي تي فرق موتر
المحلوي استغنى عن اهم امرين و قلل من امر النيسان .. أول شي داس من الماشي و بعدين ما استخدم الغاز ( على كلام شباب الكراج ) ..
وبالتوفيج لبن دلموج كل ماله يثبت انه هو الافضل في مجال النياسين

[Supra_Veilside]

هي نعم استطاع محمد الحاي القبيسي التفوق على جي تي المحلوي صاحب افضل زمن في الحلبه ..
تقريبا المسافه بين النيسان و الجي تي فرق موتر
المحلوي استغنى عن اهم امرين و قلل من امر النيسان .. أول شي داس من الماشي و بعدين ما استخدم الغاز ( على كلام شباب الكراج ) ..
وبالتوفيج لبن دلموج كل ماله يثبت انه هو الافضل في مجال النياسين


والله يا اخويه سبيد

بالعقل من متى الخسران ما قام يتعلث ؟؟!!

من استوينا ونحن لما نخسر نتعلث وهاذا طبع العرب جميعا بصراحة محد يعترف بالخسارة

روح رياضية معدومة في الامارات وخاصة مبين الكراجات بصراحة انا درت كراج كراج واعرفهم كلهم وكل واحد طايح حش بالكراج الثاني ومصخرة.

على العموم

نقول مبروك للقبيسي وسواها وطاف اقوى جي تي بالحلبة للمحلوي .

انا لا متحيز لاي كراج لا فلان ولا علان بس الكراج لي يستاهل اصفقله يستاهل بصراحة والطرف الخسران احيه بصراحة اذا كانت روحه رياضية المفروض يتقبل الخسارة وهاذا الامر الواقع.
والدنيا يوم لك ويوم عليك مافي حد يتم فوق الا ربنا سبحانه وتعالى

[R34VSPECII BLUE]

انا ابصم للكل ولكل الردود من غير استثناء وكلام الكل عدل ميه فى الميه لانه للحين ماحد وصل وعرف سر ولعبة الجيتى فى التزويد 2- لانه غالى وهذا اهم شى 3- على شان تعرفون انه احنا للحين ما عرفنا للجيتى عدل مع فارق عدد السلندرات مع الامريكى وسعة المحرك 4- لا تنسون انه جيتى ارblitz الاول فى اووربا عام 99 بالمانيا بالتحديد وانا رايى الخاص انه الجيتى عطوه لامريكا او لاوروبا او لاهله اليابان اهم يعرفون يشلون يضبطونه وفى دليل ثانى انا اى مو سم يدش فى جياتى بام القوين من يخلص الموسم او حتى قبل ما يخلص مروعلى اى كراج من الكراجات الى داقه مكينته والى مكسور جيره هذا دليل على شنو على نقص الخبره والاخطاء الى ما لها حد فى التزويد وهذا هم سبب من اسباب كثرة اسئلتى فى التزويدعن الجيتى ار لانى للحين ما لقيت احد يقنعنى برده وانا اسئل وعارف انه فى اخطاء الدنيابالنسبه للتزويد لكن للاسف واعترف ما اعرف شنو الحل ولا عندى فلوس اروح اليابان او اوروربا او امريكا؟؟؟؟ والذكى يفهم وانا متاكد انه كل واحد راح يفهم على طريقته وهذا من ابسط حقوقه؟؟؟؟؟ استعملنا الموستنج وعرفنا عدل على قولة المصرى شجاب لجاب وهالسالفه قديمه بالنسبه للموستنج وغير الموستنج اسئلو الامريكيين نفسهم؟؟؟ قولولهم جيتى ار اوسوبرا والا موستنج وهالكلمه اوجهها حق نفسى على شان لاحد يزعل يضحك على؟؟؟؟؟

[Supra_Veilside]

الغالي حتى باليابان وامريكا مكاينهم ادق وجيورهم تتكسر للعلم من احسن شركة بالعالم مثل تيتان تدري كم صرفو وشو مهندسين عندهم كم مرة دقت مكينة السيليكا كذا مرة .

الغالي هاذا تزويد والتزويد risk يعني تخاطر لاجل رقم احسن صح الجميع يحاول يكون دايما بالسيف سايد لاكن مرات تحصل امور خارجة عن السيطرة وفي ثانية المكينة دقت معن كل شي كان سليم هاذا شي يحصل في كل مكان وزمان.

صح ما نقدر نقارن اليابان وامريكا بالامارات

بس لي سويناه بالجياتي محد سواه بالخليج بصراحة وبواقعية
80 بالمية من الجياتي لي بالامارات وخاصة الحلبة شغالين عليها بيدهم من الاستروكر وحتى التوربو بيدهم مشتغلين ويابو ماشالله 9 ثواني. ولو في دعم قوي مثل اليابان وامريكا من الشركات بتشوف ارقام احسن.

على العموم الغالي نحن بالامارات وعموما بالخليج تونا مشتغلين على الجي تي ار شغل تزويد جامد ما كملو الشباب حتى 10 سنين

واليابان من 50 قرن شغالين بالجياتي .

فلو تقيسها بتشوف ان التطور لي حصل بالحلبة والكراجات شي فضيع .

على العموم جي تي ار او نيسان او ستيشن كله حديد ومنو يشتغل احسن يستاهل نحيه .

بصراحة بن دلموج كل سنة يتحفنا باشياء ما تتصدق بالعقل
اول سنة بالحلبة دخل نيسان مكينة ستيشن وياب ازمنة احسن من البق بلوك
والحين ياب نيسان لعن صير الجي تي صاحب زمن ال9 ثواني بالحلبة .

اما كلام الشباب انه يقطع

بصراحة كل يوم رمسة

مرة يقطع
وواحد من كراجهم يقولي كان يتمصخر

والثالث يقول ما داس بغاز

والرابع يقول سارق قومة النيسان الثاني.

على العموم الخسران دايما يتحجج وهارد لاك للمحلوي ويستاهل تحية بصراحة ومبروك للقبيسي

مافرقت منو فايز وخسران كلنا يد وحدة وهل الشي يخليهم يطورون من انفسهم اكثر والله يوفقهم

[R34VSPECII BLUE]

احترم رايك اخوى العزيز وهذا حقك ومافى جدال على هالنقطه تحياتى

[Speed]

:) اخوي سوبر كلامك صح دوم الخسران لازم يتعلث ..
لكن ما قصدت انا اني اقلل من جيمة الفوز يلي حققه النيسان أو غيره .. بس حبيت اوضح نقطه انه المفروض الواحد ما يقلل من قوة الخصم لو تكون كرولا ... يعني قالهم بدوس من عالماشي و بليه غاز من باب الاستهتار بالنيسان ..
و على فكرة انا كنت متوقع انه النيسان جدام قبل الدوس ..

[Supra_Veilside]

سبيد سلمت على المرور الكريم والله

وصح كلامك مليون بالمية

والله استهتر او ما استهتر قطع او افتر الموتر ولا بلك انكسر او بيب فصخ

الفايز فايز والخسران خسران محد بيغير شي .

تذكرت سباق السعودي بالحلبة لما كان يتمصخر على كورولا موديل حطبة في حلبة ام قيوين وخف وخطف راعي الكورولا وفاز.

وصدقت يا سبيد هاذا الاستهتار شفت شو سوا الحين خلاص ما ينفع الكلام الكل شاف السباق وعرفو ان النيسان سبقهم

[NOS]

اعتقد انه من الافضل اغلاق الموضوع حتى لاتزيد الشوشره ....

وان دل الموضوع فيدل على انسان حقود كتب الموضوع بغرض انشاء الفتنه بين الاعضاء والمتسابقين الاخوان...

تحياتي