وايد غايبين وغابت مواضيعهم الشيقه

[royal]

السلام عليكم ورحمه الله يا اخوان الصراحه انا من رديت للمنتدى لاحظت شي غريب وحبيت اتكلم عنه واللي هو انه وايد من الشباب لجدام في المنتدى غطوا ما لهم حس في المنتدى اختفوا واختفت وياهم مواضيعهم الحلوة

بيني وبينكم اتمنى انهم يرجعون للمنتدى وترجع ايام المواضيع الكثيرة والمناقشات اللي كان الكل يستفيد منها لانه الصراحه ها الايام ما اشوف مواضيع تجذب مثل الاول :[

واسمحولي يا جماعة اذا غلطت في شي بس هاي وجة نظر خاصه وما ابا حد يزعل منها والسموحه:D

[royal]

ما في اي خبر عنهم :[

[Speed4ever]

انا الصراحة شكلي خلاص بمسح المنتدى من موقعي نهائيا
والسبب معروف

[DUBAI_HKS]

انا اشووف جذه يا اسبيد..اذا اشوف نفسك تتعب وتشقى على مراقبة المنتدى..وهذا كله مافيه اي تتطور او نتيجه.. وهذا انا اللي اشوف وانت وكل اللي يدخلون المنتدى.. اذا اتسكره احسن..او اصبر عيلهم..يمكن الله يهديهم..ويردون شرات قبل..؟؟..واذا ماشي فايده..اللي يريحك سوه..واللي اتشوفه..يعني الصراحه..شو غير انهم يحطوووووووووووون الصور وصور وصور وصور.... وبعدين!!!!!!!!!!!!!!!!!!!!!؟؟؟

[mustang 5.8]

الصراحة صج كلامكم 100%100
انا من وجهة نطري انه المنتدى صاير باصج
والي يردون اكثر من الي يسون مواضيع
وانا اقلكم الصراحة انا من هؤلاء الاعضاء الي بس يردون
ولكن انا لو اقولانه لو يطلع قانون انه العضو لزم يسوي موضوع
جدي يمكن المنتدى يكون احسن
تحياتي
حمد$$$حمد

[بيرفورمانس]

كلامكم كله صح يا شباب بس انا ملاحظ هذا السكوت هو الهدوء الي يسبق العاصفة ترا المنتدى انا اشوفه يوم عن يوم يالس يستوي احلى واحلى وكل ما الفايدة تزيد والمواضيع تحلا والمناقشات تسخن
وانا اقول ان الصبر مفتاح الفرج وان شاء الله المنتدى بيرجع مثل ما كان و يمكن احلى بس اصبروا شوي وشوفوا

وان غداَ لناظره قريب

مع تحيات
بيرفورمانس

[ريس وبس]

يا أخوان المشكلة أن الكثير من الشباب ما عندهم خبر عن المنتدى :) يعني ما وصلهم الخبر ان المنتدى شغال وبعضم شافوا ان تعبهم في المنتدى ومواضيعم ومكانتهم في المنتدى صار صفر يعني لازم يبدأوون بالمواضيع من أول ويديد فحبوا انهم يبتعدون عن المنتدى :)

بس لو تحبون المنتدى لازم انكم تنشرونها وتسوون داعية حق المنتدى وتحاولون انكم تحصلون على ايميلات الاعضاء القدامي وارسال ايميلات حقهم علشان يردون للمنتدى :)

وعلى الاشراف والمراقبة يمكن ان صاحب المنتدى يسوي موضوع يدعوا فيها مراقبين ومشرفين للاقسام ويكون دور كل منهم انه يحرك القسم الي يشرف عليه وذلك حسب رغبة الفرد ومستواه في طرح المواضيع في الفتره السابقة :)

لأنه المنتدى يحتاج لاعضائه علشان يتطور وخاصه عن طريق المواضيع الشيقه الي يجذب الاعضاء :)

واسمحولي على الاطالة :)