المساعد الشخصي الرقمي

مشاهدة النسخة كاملة : شباب الحلبه موظوووع مهم جدا

ARIF GROUP
14-12-2003, 03:28 AM
الكل شاف الحلبه وشاف المشاركين ولوحظ مشاركه قليله في فئة الفورويل 6 سلندر وذلك لتجاهل اعضاء لجنة التنظيم في الحلبه وهذا المظوع كتبته اكثر من مره وفي اكثرمن منتدى وكتبته في الموقع مال الحلبه وقالي واحد بنشوف اللجنه وهذا رقمي ولاحرك ساكن تي تي مثل مارحتي جيتي 8 سلندر ولا واحد منهم شاد مكينته في البلاد كله من برع وارجو من جميع الاعضاء انهم يكتبوا رايهم بكل صدق
Bin karam
14-12-2003, 05:07 AM
مرحبااااااااااا مليون اخويه

شو الاخبار عساك بخير للحين تحاول وياهم

انا اعتقد ان لو كان فيه متسابقين للفئه إلي انت تقول عنها زايده يمكن تصير هذه الفئه انا إلي اعرفه ان في وايد نياسين 6 سلندر في لبلاد بس لو تلاحظ ان في السباقات إلي مضت قليل إشوف نيسان 6 سلندر كله 8 سلندر مكاين جمس طبعاً مب معقوله مكينه 6 سلندر كام كاربيتر على إشوي تعديل تقبض مكاين الجمس مكاين اغلبها جاهزه من برع بس تعال ركب ودعس
لو يخلون فئه الفورويل 8 سلندر و فئة 6 سلندر فئه غير عن 8 هذه الصح


وسلامتك اخوي

وإسموحه على الاطال

خويك
بن كرم
uaehawk
15-12-2003, 01:06 AM
في البداية أحب أهني الجميع على عودة المنتدى.

ثم أحب أقولكم إنه إنشاء الله في البطولة الياية بتكون هناك فئة للستة سلندر وأخرى للثمانية سلندر في فئة الدفع الرباعي ... بس أرجو من الأخوة عدم الزعل لأن الجوائز بتقل في هذه الحالة ... لأنها بتتوزع على 18 متسابق بدلاً من 15 متسابق .

حامد عبيد
sharjawe
15-12-2003, 01:13 AM
مشكوووورين اخواني وانشالله نشوووف الحلبه الموسم القادم اجمل واجمل
وانشالله نشوووف عوده فريق السعودي الى الصداره وتحياتي لجميع المتسابقين :D
ARIF GROUP
15-12-2003, 02:03 AM
مشكور اخ حامد عبيد على تواصلك الدائم مع الشباب وخدمتهم بشتى الطرق واشكر بن كرم والشرجاوي على استجابتهم لي النداء وماقصرتوا شباب وطول اعماركم
الظبط_المروري
15-12-2003, 06:10 AM
ال6 راحت ايامها ياخوي بس لها محبين كثر لاكن اخوي بخصوص اكثر المكاين ميوبة من برع حتى الجياتي مكاينها ميوبة من برع بس يركبون التوربو والسامان الباقي وتجهز السيارة وال8 بعد يشتغلون عليها انا بعيني شايف سيارات كراج فورملا وهم يشتغلون عليها الكربيتر والغاز ولا تنسى الغاز مب اي حد يظبطه صح 100 بالم100 والسوبر هم مركبينه بعيني شايف هل الشغل في كراج فورملا وطبيعي المكاين من برع يعني وين بيلقون مكاين نظيفة وقوية في البلاد؟؟؟؟؟؟
R.B.G
15-12-2003, 03:17 PM
انا مع راي الاخ بن كرم بانهم يخلون الفورويل ال6 سلندر بروحهم وال8 بروحهم
لان مثل ما قالوا الشباب شي مواتر وايده 6 سلندر في الامارات بس صعبه نطلعها ويه 8 سلندر
يعني تخيلوا نيسان كام كربيتر ويا نيسان عليه مكينة امريكي بق بلوك:confused: :confused:
الفرق واضح:D :D

والسموووووووووووووحه:p :p

اخوكم R.B.G
Speed4ever
15-12-2003, 07:16 PM
المفروض تنسيق الفئات بشكل صحيح
يعني V6 على صوب و V8 على صوب

وفي الاخير اتمنى من الاخ حامد تحديد الجوائز قبل بدأ الجولة باسبوع على الاقل
وشكرا على المشاركة الطيبة
راعي الجي تي آر
17-12-2003, 01:46 AM
لو في فئة مفتوحة يكون احسن
مثلا جيتي و نيسان
سوبرا وسركس
يعني تحديات
مب بس فئات
Bin karam
29-12-2003, 06:11 AM
على ما اظن انه في فئه مفتوحه من قبل

سلاااام
GS 3000 TUORBO
29-12-2003, 10:58 AM
مشكورين شباب على هذي الاقتراحات
بس أن عندي سؤال الحلبه أدخل وايد ليش ما تزيد الجوائز
واسمحلي .............ياحامد
ابوظبي اليوم
30-12-2003, 02:38 AM
يا اخويه انا بقولك ليش محد يزود و يدش فئت الفور ويل
اول شي لو بيزودون بيزودون حق مرعب ولا عوافي ولا الفايه ولا اي مكان ثاني
و ثاني شي شي ناس يقولون شو يودينا هناك في الحلبه و يتشرطون علينا و بعيده و ما ادري شو
و انا صراحتا ويا الحق انا وياهم الحلبه بعيده عنا نحنا في بوظبي و الحلبه بعيده يقولك انا بزود موتري عسبت ريس واحد او ريسين في السنه ليش هالخساير
ثالثا يا اخويه الفور ويل هب مال 400 متر و انا سالت كم واحد اقوله ايش ما ادخل موترك الحلبه اقوله موترك قو و بيب مركز يقولي قوم البلوشي ما يخلون حد يظهر الاول حاكرين المراكز ويا كراج الفورميلا
رابعا الشباب يقولون و انا صراحتا وياهم انه الحلبه 400 متر و الفور ويل هب مال 400 حلبه الشباب متعودين على 3 كيلو 3 و نص كيلو هذا فورويل هب جي تي عسبت ينزل الريس كامل في ال400 متر
و سادس شي الشروط صراحتا محد يقدر عليها شو البس خوذه و لبس خاص و ركب الحدايد للامان و ما يكون فايبر و التواير و التزاويد و يفتشون و يسون سالفه
شي ناس يقولون انا بدال ما ارايس في الحلبه و انا متاكد اني ما بييب نتيجه احسلي اسير خط سويحان ولا المصفح ولا من هالخطوط ارايس ويا واحد بسويج بسويج
في الحلبه الشروط تقول ممنوع الرهان بين الطرفين يعني محد يقدر يراهن على شي يعني اذا انا روحت ما اقدر اطلب من هذاك يعطيني موتره ماشي سويج بسويج ولا على تزاويد ولا شي
و شي ناس تقول انا بدال ما اصرف على الاستيشن ولا النيسان هالصرف كله خلني بخذلي جي تي مزود جاهز ب40 ولا ارخص و بزوده بعد من عندي و خلصت السالفه
و هذي هي الاسباب
و انا صراحتا ويا كل كلمه قالوها الشباب