[align=center]والله ياخوى ماتقدر تحكم فى كراج يظبط المواتر الامريكيه وفيه كراج يظبط المكاين اليابانيه وفيه كراج حق شغلات عاديه بس اخوى نحن عدنا بالامارات تنافس بين الكراجات وهناك كراجات والله فى بوظبى والعين وعيمان وراس الخيمه وكل مكان بس مب مشتهرين لانه يمكن امكانياتهم ماتساعد او حد الدخل محدود تدري الكراج يبغى راس مال وغيره والناس تبغى تثبت نفسها يعنى فيه تقدم فى عالم التزويد ماتقدر تحكم على حد زين ولا مب زين[/align]
بصراحة وبكل وضوح كل كراج يتميز بشي معين مثل ما ذكر اخوي قبل شوي
بس بعطيك كل كراج وشو يتميز به
مثل كراج بابر في عجمان ممتاز جدا في الكهربه وما اعتقد انه له منافس فيها
تركيب الكامات وميزانيتها عند كراج خالد البلوشي او برفورمنس في دبي و كراج الكويتي
تفصيل الهيدرز والمنفولد والداون بايب وبيبات الأنتركولر عند خط النهاية في الشارجة وعنده بالمره تركيب التوربو بس مشكلته انه يديد فاتح وبعده الشباب ما يعرفونه
السعودي حق التزويد القوي يعني خبرة ماشاء الله عليه
في كراجات تبالغ بسعر وبدون زعل في حالات نصب وفي كراجات امينين والنعم فيهم
في كراج مختص بشي مثلا الامريكي ويفلم بالياباني وفي العكس
كل واحد له خبرة في شي
من ناحية كامات احسنهم الكويتي براي الشخصي
من ناحية الامريكي فورملا والسعودي ورد لاين
من ناحية الكمبيوترات بن دلموج وخاصة الموتك
من ناحية تزويد مضمون وسليم مالك غير بن سليم
من ناحية غاز كراج الفيوشر
من ناحية االجياتي والسوبرا كراج البلوشي وكراج احمد حسين
من ناحية االاجزوزات مثل السويدي وبن عدي ماشي مثلهن ونحن جربنا منفول توربو من السويدي ومنفول من كراج بالشارجة السويدي كمل سنتين وما شرخ الثاني شهرين وشرخ في فرق في المعدن
من راي ..
احسن مكان يفصل هيدرزات و بيبات انتركولر ( سالم بن عيبده ) اسمها ورشة الخور عند كراج بن دلموج الجديم عقبه خورشيد ..
جياتي و سوبروات الصراحة الوحيد يلي شفته طلع مواتر صح برهوم السعودي يلي حاليا ويا برفورمنس و عند كراج خلود البلوشي و كراج XS في بوظبي .. و ما ننسى عروف في ام القيوين
كامات الكويتي و عند عبادي النوبي .. و لين يومك عبادي يفصل كامات حق كل المواتر ستيشنات نياسين 4,8 و حتى الجياتي يطلبلك قصات مب موجوده في البلاد ..
البرمجة تختلف على حسب الكمبيوتر الموتك اكيد عبدالرحمن , الابكسي pfc عندك بوشقره و سالم بن عبيده و انا اشوف سالم ادرى لانه يبرمج باللاب توب ..الهالتك كراج الزرعوني و كراج البلوشي عند بوشقره ..
احسن كراج يعدلك شكل الموتر يعني بدي كيت و هاي السوالف كراج احمد حسين ARP و كراج برفورمنس و احمد حسين يمكن الكراج الوحيد يلي يسولك بورتتينق حق الهيد في كراجه .. يعني ما يوديه مخرطه ..
الغاز يمدحون فيوجر .. لكن تجربتي اشوف طارق استاذ كبير في الغاز .. طبعا في تركيب عادي و في الخلطلة يلي يسونها ..
احسن كراج حق نياسين و ستيشنات اكيد عبدالرحمن بن دلموج بدون منازع يمكن السعر شوي فوق لكن شغل مزبوووط :>
و الامريكي صراحة ما يربت كراج كبير اكثر شي اسير عند الكراجات الصغير يلي عيمان .. بس من خلال الحلبة شفنا بدر السعودي و شفت كراج الزرعوني .. و حاليا بن عوقد مبطل كراج بس لين الحين ما شفنا موتر من عنده و الله يوفقه ..
و سلامتكم :)
يجماعه الخير كراج فورملا احسن كراج للامريكي في الامارات واثبت جدارته في الحلبه وايضا كراج فيوشر كراج قديم وانجازاته كثيرة في تل مرعب ومثل كراج فيوشر عند ابراهيم ماشفت في النظافه والشغل الممتاز وتحس انه امين
غير عن بعض الكراجات النصابين كل همهم بس البيزات واذا انت ربيعهم بيزودن موترك شغل عدل
واذا انت ماتعرفهم بياخرونك وينصبون عليك ليش عاد هالسوالف حرام يعني
انا اتكلم عن تجربه مع كراج فيوشر تعاملت معاه من غير ماعرفه احس انه يشتغل في السيارة بكل امانه ومثل ماتقول يشتغل في سيارته بالاصح وتعجبني فيهم السرعه والشغل العدل تحس انك في الكراج بين اخوانك حتى لو مايعرفك الله يعطيكم العافيه يابراهيم البلوشي ويخالد وياسلام على محمدوووووووه العقل المدبر
وايضا كراج احمد حسين اللي هو توب اربيم كراج فاهم التزويد وشباب طيبين فيهم الخير يبون سمعه للكراج مايبون يجمعون بيزات شرات الكراجات الثانيه والله يعطيهم العافيه وخصوصا الاخ مروان واحمد حسين ماشالله عليهم فاهمين التزويد من خلال تجربتي معاهم
ويعجبني الكراج اللي يشتغل شغل نظيف وفي وقت قصير وايضا ابراهيم السعودي فنان وهو اول شخص يدخل الجيتي ار 9 ثواني في الامارات واشهد له الصراحه مكانيكي من اروع مايمكن هو مع اخوانه
ايضا كراج الاخ سيف سيف في ابوظبي كراج فاهم التزويد ورجال والنعم فيه ومايقصر معاك سوا ربيعك او مب ربيعك الله يعطيهم العافيه انشالله
نصيحه لكل كراج يوم يجيك زبون لاتفكر في البيزات فكر كيف تكسب الزبون وتكسب رزقك بالحلال واشتغل له بكل ضمير حتى لو مايكون ربيعك لانه في الاخير بينعكس الشغل على سمعه كراجك وعمر الخير مايضيع لكن طريقه النصب والاحتيال بتظهر عليك اغلى من بيع السوق والله يكون في عون الشباب المساكين اللي يكونون ضحيه النصب والاحتيال من بعض الكراجات اللي ماتعرف غير تجميع البيزات فقط لا غير
العرض العادي
